पीएम्इंडिया

आशियाई पायाभूत गुंतवणूक बँकेचे नियोजित अध्यक्ष जीन लिकन यांनी आज पंतप्रधान नरेंद्र मोदी यांची भेट घेतली. एशियन इन्फ्रास्ट्रक्चर इनव्हेस्टमेंट बँक अर्थात एआयआयबी चे पहिले अध्यक्ष म्हणून लिकन यांची निवड झाल्याबद्दल पंतप्रधानांनी त्यांचे अभिनंदन केले.

ब्रिक्सच्या नव्या विकासबँकेच्या बरोबरीने एआयआयबी, आशिया विभागात पायाभूत सुविधांच्या विकासात भरीव भूमिका बजावेल असा विश्वास पंतप्रधानांनी व्यक्त केला. त्यादृष्टीने प्रादेशिक दळणवळण सुविधा वाढविण्याच्या दृष्टीने रस्ते, रेल्वे आणि बंदर सुविधा विकसित करण्याची गरज पंतप्रधानांनी अधोरेखित केली. शाश्वत विकासासाठी वातावरणाशी मिळता-जुळत्या पायाभूत सुविधा, स्वच्छ उर्जा-निर्मिती ज्याद्वारे लाखो लोकांचे जीवनमान उंचावून आर्थिक प्रगतीही साधेल, असे पंतप्रधानांनी सांगितले.

एआयआयबीच्या संस्थापक सदस्य आणि या बँकेतला दुसरा सर्वात मोठा भागधारक या नात्याने, भारत या बँकेच्या यशस्वितेसाठी पाठिंबा देईल असे आश्वासन पंतप्रधानांनी दिले.

N.Chitle/S. Tupe/M. Desai