पीएम्इंडिया

नवी दिल्ली, 13 जून 2023

अमेरिकेचे  राष्ट्रीय सुरक्षा सल्लागार जेक सुलीवान यांनी आज पंतप्रधान नरेंद्र मोदी यांची आज भेट घेतली.

एन एस ए सुलिवान यांनी पंतप्रधान मोदी यांना दोन्ही देशातील विविध क्षेत्रातल्या द्विपक्षीय सहकार्य विषयक प्रगतीची माहिती दिली. अमेरिकेचे अध्यक्ष जो बायडेन पंतप्रधान मोदी यांचे स्वागत करण्यास उत्सुक आहेत, असेही सुलीवान यांनी सांगितले.

दोन्ही देशातील सर्वसमावेशक जागतिक राजनैतिक भागीदारी दिवसेंदिवस अधिक वृध्दींगत आणि दृढ होत असल्याबद्दल पंतप्रधानांनी समाधान व्यक्त केले.

राष्ट्राध्यक्ष जो बायडेन यांच्यासोबत परस्पर हिताच्या विविध द्विपक्षीय,प्रादेशिक आणि जागतिक मुद्द्यांवर सखोल चर्चा करण्यास आणि अमेरिकेचा दौरा अधिकाधिक फलदायी करण्यास आपण उत्सुक आहोत, असेही पंतप्रधान मोदी म्हणाले.

 S.Patil/R.Aghor/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai