पीएम्इंडिया

नवी दिल्‍ली, 16 ऑगस्ट 2023

अमेरिकेच्या प्रतिनिधीगृहातील आठ सदस्यांच्या  शिष्टमंडळाने आज पंतप्रधान नरेंद्र मोदी यांची भेट घेतली.

शिष्टमंडळात इंडिया कॉकसचे डेमोक्रॅटिक सह-अध्यक्ष रोहित खन्ना, इंडिया कॉकसचे रिपब्लिकन सह-अध्यक्ष माइक वॉल्ट्ज, प्रतिनिधी एड केस, कॅट कॅमॅक,  डेबोरा रॉस, जास्मिन क्रॉकेट, रिच मॅककॉर्मिक आणि श्री  ठाणेदार यांचा समावेश होता.

भारतात शिष्टमंडळाचे स्वागत करताना, पंतप्रधानांनी भारत-अमेरिका संबंधांना अमेरिकन काँग्रेसकडून दिल्या जात असलेल्या सातत्यपूर्ण आणि द्विपक्षीय समर्थनाची प्रशंसा केली.

अध्यक्ष बायडेन यांच्या निमंत्रणावरून जूनमध्ये केलेल्या अमेरिकेच्या ऐतिहासिक दौऱ्याची  पंतप्रधानांनी आठवण काढली. या दौऱ्यात त्यांना अमेरिकन काँग्रेसच्या संयुक्त अधिवेशनाला दुसऱ्यांदा संबोधित करण्याची संधी मिळाली होती . 

भारत-अमेरिका व्यापक जागतिक धोरणात्मक भागीदारी सामायिक लोकशाही मूल्ये, कायद्याप्रति आदर आणि जनतेमधील मजबूत संबंधांवर आधारित असल्याचे पंतप्रधान आणि अमेरिकन  शिष्टमंडळाने अधोरेखित केले .

Glad to receive a Congressional delegation from US, including co-chairs of India Caucus in the House of Representatives, Rep. @RoKhanna and Rep. @michaelgwaltz.

Strong bipartisan support from the US Congress is instrumental in further elevating India-US Comprehensive Global… pic.twitter.com/2BHbLS5OHK

— Narendra Modi (@narendramodi) August 16, 2023

* * *

S.Kakade/S.Kane/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai@gmail.com  /PIBMumbai    /pibmumbai