स्टालवर्ट | भारताचे पंतप्रधान

बिल गेट्स, मानवतावादी आणि मायक्रोसॉफ्टचे माजी सीईओ

( Mar 20, 2025 )

माझ्या मते हा एक अतिशय सुखद काळ आहे...यापूर्वी 1997 मध्ये जेव्हा मी पहिल्यांदा येथे (भारतात) आलो होतो तेव्हा मी मायक्रोसॉफ्टचा पूर्णवेळ सीईओ होतो. मला आधीच लक्षात आले होते की आम्ही भारतातून ज्या लोकांची नेमणूक केली होती ते सर्वजण कमालीचे हुशार होते आणि जेव्हा मी येथे आलो तेव्हा मी पाहिले की हा पायाभूत सुविधा आणि शिक्षणात गुंतवणूक करणारा देश आहे. हा देश एक दिवस महासत्ता होईल असे मला वाटले होते... पण इतक्या लवकर ते साध्य होईल असे मात्र वाटले नव्हते.

बिल गेट्स, मानवतावादी आणि मायक्रोसॉफ्टचे माजी सीईओ

( Mar 20, 2025 )

माझी नरेंद्र मोदींसोबत भारताच्या विकासाबद्दल, विकसित भारत @ 2047 च्या दिशेने वाटचाल आणि आरोग्य, कृषी, एआय आणि सध्या प्रभाव पाडत असलेल्या इतर क्षेत्रांमधील रोमांचक प्रगतीबद्दल अतिशय समाधानकारक चर्चा झाली. भारतातील नवोन्मेष स्थानिक पातळीवर आणि जागतिक पातळीवर कशी प्रगती करत आहे हे पाहून प्रभावित व्हायला होते.

तुलसी गबार्ड, अमेरिकेच्या नॅशनल इंटेलिजन्सच्या संचालक

( Mar 20, 2025 )

आपल्या देशांमधील (भारत आणि यूएसए) भागीदारी अनेक दशकांपासून आणि अध्यक्ष ट्रम्प आणि पंतप्रधान मोदी यांच्यासारख्या दोन महान नेत्यांच्या आणि दोन महान मित्रांच्या नेतृत्वाखाली मजबूत राहिली असून तिचे मूळ शांतता आणि स्वातंत्र्य, सुरक्षा आणि समृद्धी या आपल्या देशांच्या सामायिक मूल्यांमध्ये आहे. मला खात्री आहे की, दोन्ही देशांमधील ही भागीदारी आणि आपल्या नेत्यांमधील मैत्री वाढतच जाईल आणि ती आणखी दृढ होईल.

बिल गेट्स, मानवतावादी आणि मायक्रोसॉफ्टचे माजी सीईओ

( Mar 20, 2025 )

भारत केवळ स्वत:चीच उभारणी करत नसून तो जागतिक आरोग्य आणि विकासात बदल घडवून आणण्याची क्षमता असलेले उपाय देखील शोधत आहे.

क्रिस्तोफर लक्सन, न्यूझीलंडचे पंतप्रधान

( Mar 17, 2025 )

पंतप्रधान म्हणून तुमच्या असामान्य कामगिरीचा मी खूप मोठा प्रशंसक आहे. तुम्हाला माहिती आहेच की, जवळपास 11 वर्षे पंतप्रधानपदाची सूत्रे तुमच्या हाती आहेत, तुम्ही कोविडच्या वादळाचा सामना केला आणि तरीही तुम्ही भारताची अर्थव्यवस्था 50% नी वाढवली. तुम्ही तुमच्या देशातील 250 दशलक्ष नागरिकांना गरिबीतून बाहेर काढले असून अत्यंत गरिबी दूर केली आहे. आणि आज, भारत मोठ्या प्रमाणावर नवोन्मेषाच्या क्षमतेसह तंत्रज्ञानात आघाडीवर आहे. तुमचा देश- चंद्राच्या दक्षिण ध्रुवावर उतरणारा पहिला देश होता आणि या प्रक्रियेत भारताच्या विलक्षण तांत्रिक कर्तृत्वाने जगाचे लक्ष वेधून घेतले.

शेरिंग तोबगे, भूतानचे पंतप्रधान

( Mar 03, 2025 )

मी जागतिक नेते आपला देश प्रथम असल्याची घोषणा करताना ऐकले आहे. एवढ्या मोठ्या देशाच्या नेत्याने इतिहासात कधीही जगात कुठेही 'शेजारी प्रथम' असे म्हटलेले मी ऐकले नाही. ही एक उत्तम संधी आहे. मी इतर शेजारी देशांबद्दल बोलू शकत नाही, परंतु भूतानसाठी, 'नेबरहुड फर्स्ट' मुळे दोन देशांमधील मैत्री आणखी दृढ झाली असून भारताकडून अधिक समर्थन आणि मदत झाली आहे. यामुळे आम्हाला आमची अर्थव्यवस्था वाढवता येण्याबरोबरच आमची विकासाची उद्दिष्टेही गाठता आली.

शेरिंग तोबगे, भूतानचे पंतप्रधान

( Mar 03, 2025 )

मला पंतप्रधान मोदींच्या नेतृत्वाबद्दल नितांत आदर असून ते वैयक्तिकरीत्या माझ्याबद्दल निस्सीम आपुलकी दाखवत कौतुकही करतात. त्यांनी मला खरोखरच लहान भाऊ म्हणून स्वीकारले. मी त्यांना माझे गुरू आणि माझे 'मार्गदर्शक' मानतो.

त्शेरिंग तोबगे, भूतानचे पंतप्रधान

( Feb 21, 2025 )

जगातील सर्वाधिक लोकसंख्या असलेला भारतासारख्या महाकाय देशाचे नेतृत्व करणे हे सर्वात कठीण काम आहे. परंतु महामहिम, तुमच्या नेतृत्वामुळे आणि 140 कोटी जनतेच्या निःस्वार्थ सेवेमुळे तुम्ही केवळ भारतातीलच नव्हे तर भूतान आणि संपूर्ण जगातील लोकांचे प्रेम, आपुलकी आणि आदर मिळवला आहे.

त्शेरिंग तोबगे, भूतानचे पंतप्रधान

( Feb 21, 2025 )

तुमच्यामध्ये (पंतप्रधान नरेंद्र मोदी) मला बोधिसत्वांची मंजुश्री, वज्रपाणी, अवलोकितेश्वर ही तीन रुपे दिसतात. तुमच्यामध्ये त्यांचे - शहाणपण, धैर्य आणि करुणा हे गुण अभिव्यक्त होताना दिसतात. भारताची क्षमता पूर्णत्वाने उजेडात आणण्याची कल्पना प्रत्यक्षात आणण्यासाठी तुम्ही प्रगल्भ विद्वत्तेसह नेतृत्व करत आहे. तुम्ही धाडसी निर्णय घेऊन आणि आव्हानांना तोंड देत धैर्याने नेतृत्व करत आहात. सर्वात महत्त्वाचे म्हणजे, आपण नेहमी आपल्या कारभारात आपल्या लोकांचे हित हा मुद्दा केंद्रस्थानी ठेवून सहानुभूतीने नेतृत्व करत आहात.

त्शेरिंग तोबगे, भूतानचे पंतप्रधान

( Feb 21, 2025 )

तुमचे (पंतप्रधान नरेंद्र मोदी) नेतृत्व परिवर्तन आणि अभूतपूर्व प्रगती याचे आदर्श उदाहरण ठरले आहे. मेक इन इंडिया, आत्मनिर्भर भारत, डिजिटल इंडिया, स्किल इंडिया, स्टार्टअप इंडिया, स्वच्छ भारत, जलशक्ती अभियान, पीएम आवास योजना, गति शक्ती, किसान सन्मान निधी... यासारखे तुमचे काही उपक्रम म्हणजे तुम्ही देशाला दिलेली भेट असून या उपक्रमांनी 30 कोटींहून अधिक गरीब अर्थव्यवस्थेचे रक्षण केले असून भारतीय अर्थव्यवस्थेला नवीन उंचीवर नेले आहे. तुमच्या नेतृत्वाखाली, भारताची विकसित भारत बनण्याच्या दिशेने वाटचाल सुरू आहे. आणि विकसित भारत - शक्तिशाली आणि समृद्ध भारत -हा तुमचा वारसा असेल, सर.

त्शेरिंग तोबगे, भूतानचे पंतप्रधान

( Feb 21, 2025 )

माझ्या थोरल्या बंधूंसमान असलेले पंतप्रधान (नरेंद्र मोदी), जेवेहा कधी मला तुम्हाला भेटण्याची संधी मिळते, तेव्हा मी आनंदाने भारावून जातो. आदरणीय, माननीय पंतप्रधान - माझे मार्गदर्शक गुर— दर वेळी जेव्हा मी तुम्हाला भेटतो तेव्हा मला एखाद्या सरकारी कर्मचारी पोक्षागी अधिक पंतप्रधान (नरेंद्र मोदी), माझे मोठे बंधू, ज्या वेळी मला तुम्हाला भेटण्याची संधी मिळते, तेव्हा मी आनंदाने भारावून जातो. आदरणीय, पंतप्रधान-माझे गुरू, प्रत्येक वेळी जेव्हा मी तुम्हाला भेटतो तेव्हा मला एक सरकारी कर्मचारी म्हणून आणखी कठोर परिश्रम करण्याची प्रेरणा मिळते. कठोर परिश्रम करण्याची प्रेरणा मिळते.

शेख तमीम बिन हमद अल थानी, कतार राज्याचे अमीर

( Feb 19, 2025 )

आम्ही सर्वच क्षेत्रात भारताने उल्लेखनीय प्रगती केल्याचे पाहिले असल्याने भारतीय अर्थव्यवस्था येत्या काही दशकांतही आणखी वाढेल याची आम्हाला खात्री आहे.

सायमन स्टिएल, कार्यकारी सचिव, यूएन फ्रेमवर्क कन्व्हेन्शन ऑन क्लायमेट चेंज

( Feb 16, 2025 )

भारत ही सौर ऊर्जा क्षेत्रातील महासत्ता आहे असून तिने अगदी अल्पावधीत 100 गिगावॅटची क्षमता गाठली असून पंतप्रधान मोदींचे 500 गिगावॅट स्वच्छ ऊर्जा निर्मितीचे महत्त्वाकांक्षी लक्ष्य साध्य करण्यासाठी देशाला त्या मार्गावरून नेत आहे.

पी वर्ल्ड ग्रुपचे अध्यक्ष आणि सीईओ एच.ई. सुलतान अहमद बिन सुलेम

( Feb 15, 2025 )

जेव्हा ग्राहक बाजारपेठेसाठी उत्पादनाचा विचार केला जातो, तेव्हा जवळची बाजारपेठ म्हणून भारताहून अधिक चांगली जागा नाही. माननीय पंतप्रधान मोदींचा "मेक इन इंडिया" फॉर दि वर्ल्ड हा उपक्रम खरोखरच लाभदायक ठरत आहे. देशातील रस्ते आणि रेल्वेचा विस्तार होत असून क्षमता आणि कार्यक्षमतेत वाढ होत आहे. पुढे पाहताना, औद्योगिक उद्याने आणि बंदरांजवळील मुक्त व्यापार क्षेत्रे नवीन बाजारपेठांचा शोध घेत असल्याने ती भारताच्या व्यापाराची गती टिकवून ठेवण्यासाठी महत्त्वाची ठरतील.

अल्वारो एस परेरा, OECD चे मुख्य अर्थशास्त्रज्ञ

( Feb 15, 2025 )

जगाचे भविष्य भारतात आहे. यात मला शंका नाही. भारत ही एक वाढती आर्थिक शक्ती आणि एक मोठी जागतिक महासत्ता आहे. जोपर्यंत तो शिक्षण आणि पायाभूत क्षेत्रात सुधारणा आणि गुंतवणूक सुरू राहील तशी भारत ही पुढची महासत्ता असेल, असे मला प्रामाणिकपणे वाटते. याची परिणती देशात चैतन्य, नवकल्पना आणि उद्योजकता उभारणीमध्ये होत आहे.

बोर्जे एकहोल्म, एरिक्सनचे सीईओ

( Feb 15, 2025 )

जागतिक स्तरावर भारत ही आमच्यासाठी सर्वात महत्त्वाची बाजारपेठ आहे. आम्ही 120 वर्षांपासून येथे असून 2G पासून 5G पर्यंत झालेल्या स्थित्यंतराचा आम्ही भाग राहिलो आहोत. आज या देशात आमचे 20,000 सहकारी आहेत... जर तुम्ही डिजिटल इंडिया कार्यक्रम बघितला तर त्याची बांधणी कनेक्टिव्हिटीभोवतीच केलेली आहे. 4G ने त्यामध्ये मोठी भूमिका बजावली आणि आता ते 5G मध्ये संक्रमित होत आहे. भारत झपाट्याने डिजिटायझेशन करण्यात सक्षम झाला असूव आम्हाला येथे खूप रोमांचक भविष्य दिसत आहे.

डोनाल्ड ट्रम्प, राष्ट्राध्यक्ष, युनायटेड स्टेट्स ऑफ अमेरिका

( Feb 13, 2025 )

पंतप्रधान मोदींचे व्हाईट हाऊसमध्ये स्वागत करताना मला आनंद होत आहे. आम्ही इथे आणि भारतातही बराच वेळ घालवला. आम्ही तुमच्या सुंदर देशाला 5 वर्षांपूर्वी भेट दिली होती... तो एक विलक्षण काळ होता. एक जगातील सर्वात जुनी आणि एक सर्वात मोठी लोकशाही - अमेरिका आणि भारत यांच्यात एक विशेष बंध आहे.

डोनाल्ड ट्रम्प, राष्ट्राध्यक्ष, युनायटेड स्टेट्स ऑफ अमेरिका

( Feb 13, 2025 )

ते (पंतप्रधान नरेंद्र मोदी) माझ्यापेक्षा खूप ठामपणे वाटाघाटी करणारे आहेत आणि ते माझ्यापेक्षा खूप चांगले निगोशिएटर आहेत. त्याबाबतीत त्यांच्याशी स्पर्धाच नाही.

डोनाल्ड ट्रम्प, राष्ट्राध्यक्ष, युनायटेड स्टेट्स ऑफ अमेरिका

( Feb 13, 2025 )

भारताचे पंतप्रधान मोदींनी येथे उपस्थित राहणे हा मोठा सन्मान आहे. ते माझे बऱ्याच काळापासूनचे चांगले मित्र आहेत. आमच्यात अत्यंत उत्तम संबंध आम्ही आमच्या 4 वर्षांच्या कालावधीत ते नाते टिकवून ठेवले...आम्ही आता पुन्हा सुरुवात करत आहोत.

सी आर पाटील – केंद्रीय जलशक्ती मंत्री

( Feb 03, 2025 )

माननीय पंतप्रधान श्री @narendramodi जी यांच्या नेतृत्वाखाली सादर करण्यात आलेले #ViksitBharatBudget2025 हे लोकांच्या आकांक्षा पूर्ण करण्याच्या आणि भारताला जागतिक महासत्ता बनवण्याच्या दिशेने एक महत्त्वाचे पाऊल आहे. हा अर्थसंकल्प समाजातील प्रत्येक घटकाला सक्षम करण्यासाठी, नवीन संधी निर्माण करण्यासाठी आणि समृद्धीचा मार्ग प्रशस्त करण्यासाठी वचनबद्ध आहे. आर्थिक सुधारणांपासून पायाभूत सुविधांच्या विस्तारापर्यंत, शेतकऱ्यांच्या समृद्धीपासून तरुणांच्या भवितव्यापर्यंत, महिलांच्या उन्नतीपासून ते औद्योगिक विकासापर्यंत- हा अर्थसंकल्प सर्वसमावेशक, सक्षम आणि दूरदर्शी आहे. मला विश्वास आहे की हा अर्थसंकल्प आत्मनिर्भर भारताची संकल्पना साकार करण्यासाठी आणि अमृत काळाच्या गतीला आणखी वेग देण्यासाठी मजबूत पाया घालेल. या प्रभावी आणि विकासाभिमुख अर्थसंकल्पाबद्दल माननीय पंतप्रधान श्री @narendramodi जी आणि वित्त मंत्री श्रीमती @nsitharaman जी यांचे मी मनापासून अभिनंदन करतो. #AmritKaalBudget #ViksitBharat #Budget2025 #ViksitBharatBudget2025

पीएम्इंडिया

भारताचे राष्ट्रपती

राज्यसभा

लोकसभा

मंत्रिमंडळ सचिवालय

माझे सरकार

भारत सरकार वेब शब्दकोश

पत्र सूचना कार्यालय

भारतीय राष्ट्रीय पोर्टल