पीएम्इंडिया

इरफान अली, गयानाचे अध्यक्ष

( Nov 20, 2024 )

तुम्ही (पंतप्रधान मोदी) येथे (गयानामध्ये) येणे ही आमच्यादृष्टीने सर्वात बहुमानाची गोष्ट आहे. तुमही सर्वात यशस्वी नेते आहात. तुम्ही अतिशय उत्कृष्टरीत्या नेतृत्व केले आहे. तुम्ही विकसनशील जगाला प्रकाश दाखवला असून तुम्ही विकासाचा वस्तुपाठ आणि फ्रेमवर्क तयार केले ज्याचा अनेकजण आपल्या देशांमध्ये अवलंब करत आहेत.

प्राध्यापक पॉल मायकेल रोमर, अमेरिकन अर्थतज्ज्ञ

( Oct 20, 2024 )

"बरं, भारतातील डिजिटल क्रांती इतकी उद्बोधक ठरण्याचे खरे कारण म्हणजे सरकारने खरोखरच समाजातील सर्व वर्गांना लाभ देण्यासाठी तिचा वापर केला आहे. यामुळे केवळ मूठभर नशीबवान लोकांनाच त्याचे फायदे मिळालेले नाहीत आणि मला वाटते की ही जगातील इतर देशांपेक्षा खूप वेगळी गोष्ट आहे. त्यामुळे मला वाटते की भारताचे हे यश अद्वितीय असून इतर देशही त्यापासून धडे घेऊ शकतात.

स्वप्नील कुसाळे, नेमबाज आणि ऑलिम्पिक पदक विजेता

( Aug 29, 2024 )

“जेव्हा मी पदक जिंकलं, तेव्हा पंतप्रधान मोदींनी मला फोन केला आणि सुरुवातीचे त्यांचे शब्द माझ्या मातृभाषेतले मराठीतले होते. अशा गोष्टींमुळे खेळाडूचा आत्मविश्वास खूप वाढतो. असं वाटतं की जणू काही आपला संपूर्ण देशच आम्हाला पाठिंबा देतो आहे." “ऑलिम्पिकसाठी रवाना होण्याआधी, आम्ही पंतप्रधानांना जेव्हा त्यांच्या घरी भेटलो, तेव्हा मी मागच्या रांगेत बसलो होतो. पण तरीही त्यांनी माझ्याकडे लक्षपूर्वक पाहिलं होतं, हे मला माहितही नव्हतं. पॅरिसमध्ये मला पदक मिळाल्यानंतर आमचं जेव्हा फोनवरून बोलणं झालं तेव्हा मी शेवटच्या रांगेत बसलो होतो हे त्यांना आठवत होतं. असं आहे त्यांचं निरीक्षण कौशल्य."

अनुष अग्रवाला, घोडेस्वारी

( Aug 29, 2024 )

"पॅरिस ऑलिम्पिकच्या काही महिने अगोदर पंतप्रधान मोदींनी ॲथलीट्सना पत्रे पाठवली होती, आम्हाला कोणत्याही मदतीची गरज भासल्यास आपल्याकडे यावं असं त्यामध्ये म्हटलं होतं , त्यामुळे आमचं मनोबल वाढलं." "खेळाडूंना त्यांच्या विशिष्ट कोशातून बाहेर काढण्याची पंतप्रधानांनी एक अनोखी पद्धत आहे. पंतप्रधानांनी असे प्रश्न विचारले: 'तुमच्यापैकी सर्वात वयाने लहान कोण आहे? तुमच्यापैकी किती जण प्रथमच ऑलिंपिकमध्ये खेळत आहेत? इथे कोणाला 2 किंवा 3 ऑलिम्पिक स्पर्धांमध्ये खेळण्याचा अनुभव आहे?' "अनुभवी खेळाडूंनी आपले अनुभव आणि सल्ले ज्युनियर्ससोबत शेअर करावेत अशी त्यांची इच्छा होती. त्यावेळी तिथलं वातावरण एका नव्या उत्साहाने भरलेलं होतं."

लक्ष्य सेन, बॅडमिंटनपटू

( Aug 28, 2024 )

“मला खरोखर पंतप्रधान मोदींशी बोलायला खूप आवडतं. मला सांगायचं आहे की जेव्हा मी पॅरिसहून परत आलो तेव्हा मी जी रॅकेट घेऊन खेळलो होतो,ती पंतप्रधान मोदींना देण्यासाठी सोबत नेली होती. माझ्याकडून रॅकेट घेतल्यावर त्यांनी केलेली पहिली गोष्ट म्हणजे त्यांनी माझा सिग्नेचर बॅकहँड नो-लूक शॉट खेळायला सुरुवात केली. आणि त्यांनी मला विचारलं की तू असाच शॉट खेळतोस ना. त्यांचं एवढ्या बारकाईनं लक्ष असतं हे पाहून मी थक्क झालो. पंतप्रधान तुमच्या पाठीशी आहेत या जाणीवेनंच खूप छान वाटतं.”

डेनिस फ्रान्सिस, UNGA च्या 78 व्या सत्राचे अध्यक्ष

( Aug 01, 2024 )

“गेल्या पाच-सहा वर्षांत, निव्वळ स्मार्टफोनचा वापर करूनन भारताने 800 दशलक्ष लोकांना गरिबीतून बाहेर काढले आहे. ज्यांचा पूर्वी कधीही बँकिंग व्यवस्थेशी संबंध आला नव्हता असे भारतातील ग्रामीण शेतकरी, आता त्यांची सर्व कामे त्यांच्या स्मार्टफोनवरून करू शकतात. ते त्यांची बिले भरतात आणि त्यांना मागणीनुसार पेमेंट मिळते. भारतात इंटरनेटचा प्रसार मोठ्या प्रमाणात झाला असून आता देशात जवळपास प्रत्येकाकडे मोबाईल फोन आहे.”

फाम मिन्ह चिन्ह, व्हिएतनामचे पंतप्रधान

( Aug 01, 2024 )

18व्या लोकसभा निवडणुकीत झालेल्या ऐतिहासिक विजयाबद्दल आम्ही पंतप्रधान मोदी, भाजप आणि NDA यांचे मनःपूर्वक अभिनंदन करू इच्छिेतो. पंतप्रधान मोदींच्या नेतृत्वाखाली सलग तिसऱ्या कार्यकाळात मोदी भारतीय जनतेला अधिकाधिक लाभ मिळवून देण्याचे काम करतील, भविष्यात आणखी दैदिप्यमान यश मिळवतील आणि 2047 पर्यंत विकसित भारताचे ध्येय साध्य करतील, याचा आम्हाला विश्वास आहे.

जोंग-ही हान, CEO आणि Samsung Electronics चे उपाध्यक्ष, 30 जुलै 2024

( Jul 30, 2024 )

भारत ही जगातील सर्वात वेगाने वाढणारी बाजारपेठ असून सॅमसंगसाठी ही मोठी संधी आहे. आम्ही भारतात गुंतवणूक करणाऱ्या पहिल्या काही कंपन्यांपैकी आहोत आणि मला याचा देखील आनंद आहे की नोएडा येथील कारखाना आमच्या सर्वात मोठ्या कारखान्यांपैकी एक बनला आहे, तिथे केवळ भारतासाठीच नाही तर जगासाठी उत्पादने तयार केली जात आहेत.

रणबीर कपूर, भारतीय अभिनेता

( Jul 27, 2024 )

आम्ही सर्व - अभिनेते आणि दिग्दर्शक - 4 ते 5 वर्षांपूर्वी पंतप्रधान नरेंद्र मोदींना भेटायला गेलो होतो. तुम्ही त्यांना टेलिव्हिजनवर पाहता, तुम्ही ते कसे बोलतात ते पाहता - ते एक उत्तम वक्ता आहेत. आम्ही बसलो होतो तेव्हाचा क्षण मला अजूनही नीट आठवतो. ते आत गेले. त्यांच्याकडे स्वतःचा असा मॅग्नेटिक चार्म आहे... पंतप्रधान मोदींनी प्रत्येकाशी काही ना काही वैयक्तिक बोलले. माझ्या वडिलांवर त्यावेळी उपचार सुरू होते, म्हणून त्यांनी माझ्याकडे उपचार कसे चालले आहेत, त्यांच्या तब्येतीत कशी सुधारणा होत आहे वगैरे विचारपूस केली. ते आलियाशी आणखी काही, विकी कौशलशी इतर काही, करण जोहरशी काहीतरी बोलले. सर्व काही अगदी वैयक्तिक होते. अशा प्रकारची वागणूक तुम्हाला थोर पुरुषांमध्येच पाहायला मिळते

कुमार मंगलम बिर्ला, आदित्य बिर्ला समूहाचे अध्यक्ष

( Jul 24, 2024 )

“अर्थसंकल्प 2024 हे सातत्य आणि स्थिरतेचे जोरदार निवेदन आहे. आर्थिक शिस्त राखण्याचा सरकारचा निर्धार, अधिकाधिक सुधारणा लागू करण्याची त्याची इच्छाे आणि सर्व वर्गांसाठी शाश्वत वाढ सुनिश्चित करण्यासाठी समानतेची भावना त्यातून दिसते. 2047 पर्यंत भारत विकसित राष्ट्र होण्याचा पाया रचतील अशा नऊ प्रमुख प्राधान्यक्रमांची रूपरेषा यात मांडली आहे.”