ভারতকী প্রধানমন্ত্রী

এক্সিলেন্সীশিং,
ইন্দস্ত্রীগী লুচিংবশিং,

মশক নাইরবা মীথুংলেনশিং,

ময়াম্বু ঐহাক্না খুমরুমজরি!

ঐখোয় পুম্নমক মান্নবা ফিরেপ – গ্লোবেল নেৎ জিরোনা অমত্তা ওইনা পুনশিল্লি। নেৎ জিরোগী পান্দমশিং ফংনবগীদমক সরকার অমসুং ইন্দস্ত্রীগী মরক্তা লৈরিবা পার্তনরশিপ অসি তঙাই ফদে। অমসুং ইন্দস্ত্রিএল ইন্নোবেসন অসি য়াম্না মরু ওইবা কেতলিস্ত অমা ওইরি। মালেমগী শাফবা তুংলমচৎ অমগীদমক লীদরশিপ গ্রুপ ফোর ইন্দস্ত্রী ত্রাঞ্জিসন হায়বদা Lead-IT অসি সরকার অমসুং ইন্দস্ত্রীগী মরক্তা লৈরিবা পার্তনরশিপকী মাইপাক্লবা খুদম অমনি।

ইন্দস্ত্রী ত্রাঞ্জিসন মপাঙ্গল কনখৎহন্নবা ঐখোয়গী অপুনবা খোঙথাং ওইনা Lead-IT অসি 2019দা হৌদোকখি। লো কার্বোন তেক্নোলোজী অমসুং ইন্নোবেসন খুমাং চাউশিনহনখি। অমসুং অথুবদা গ্লোবেল সাউথতা মসিবু ফংহন্নবা অহানবা তাঙ্কক্তা Lead-ITনা ত্রাঞ্জিসন রোদমেপশিংদা অমসুং স্তীল, সিমেন্ত, এলুমিনিয়ম, ত্রান্সপোর্ত অসিগুম্বা সেক্তরশিংদা নোলেজ শিয়রিং তৌবদা মীৎয়েং চংখি। ঙসি লৈবাক 18 অমসুং কম্পনী 20না গ্রুপ অসিগী মেম্বর ওইরি।

মরুপশিং,

ভারতনা মাগী G-20 প্রসিদেন্সী মনুংদা সর্ক্যুলেরিতী স্ত্রেতেজীশিংদা গ্লোবেল কোওপরেসন পীননবা মীৎয়েং চীংশিনখি। মসি মাংদা পুখৎলদুনা ঙসি ঐখোয়না Lead-ITদা অনৌবা পন্দুপ অমা হাপচিল্লি। ঙসি ঐখোয়না Lead-IT 2.0 লোঞ্চ তৌরি।

ফেসঅসিদা মরু ওইবা ফোকস অহুম লৈ। অহানবদা ইনক্লুসিব অমসুং জস্ত ইন্দস্ত্রী ত্রাঞ্জিসন। অনিশুবদা লো কার্বোন তেক্নোলোজীগী কো-দিবেলপমেন্ত অমসুং ত্রান্সফর। অমসুং অহুমশুবদা ইমর্জিং ইকনোমীশিংদা ইন্দস্ত্রী ত্রাঞ্জিসন তৌনবগী ফাইনান্সিএল সপ্পোর্ত।

পুম্নমক ওইথোকপা ঙম্নবা ইন্দিয়া-স্বিদেন ইন্দস্ত্রী ত্রাঞ্জিসন প্লেৎফোর্মসু লোঞ্চ তৌরি। মসিনা লৈবাক অনিমক্কী সরকারশিং, ইন্দস্ত্রীশিং, তেক্নোলোজী প্রোভাইদরশিং, রিসর্চরশিং অমসুং থিঙ্ক তেঙ্কশিং কন্নেক্ত তৌগনি। ঐহাক্না থাজৈ মদুদি ঐখোয়না ঐখোয়গী তুংগী মীরোলশিংগীদমক তুংলমচৎ শেম্বা ঙমগনি। অনৌবা গ্রীন গ্রোথ স্তোরী অমা মাইপাক্না ইবা ঙমগনি।

অমসুক হন্না ঐহাক্না ঐগী মরুপ অমসুং কো-হোস্ত হিস এক্সিলেন্সী উল্ফ কৃস্তের-শোন অমসুং  স্বিদেনগী প্রধান মন্ত্রীদা অমসুং ঙসিগী থৌরম অসিদা শরুক য়ারিবা পুম্নমক্তা তৌবীমল খঙবা উৎচরি।

হন্না-হন্না থাগৎচরি!

***