ভারতকী প্রধানমন্ত্রী

নই দিল্লীদা পাঙথোকপা নীংতম নুমিৎকী পালন থৌরমগী শরুক ওইনা লাল কিলাগী লানবনদগী থৌরম অসি মীৎয়েং তানবা অমসুং শরুক য়ানবগীদমক অখন্নবা মীথুংলেনশিং ওইনা লৈবাক শিনবা থুংবদগী নর্স 50 অমসুং মখোয়গী ইমুংগী মীওইশিংবু বর্তন তৌখি। অখন্নবা মীথুংলেনশিং অসি সর্পঞ্চ, ওজা, লৌমী অমসুং ঙামীশিং য়াওনা পুন্সিগী লম কয়ামরুমদগী লাকপা অখন্নবা মীথুংলেন 1800 বর্তন তৌখিবা অদুগী শরুক অমা ওইরি।

প্রধান মন্ত্রী, শ্রী নরেন্দ্র মোদীনা লৈবাক্কী তুংলমচৎতা অওনবা পুরক্নবগীদমক নর্স, দোক্তর অমসুং অতোপ্পশিংনা পাইখৎখিবা খোঙথাংশিংগীদমক মখোয়বু থাগৎপা ফোঙদোকখ্রে। মহাক্না হায়খি মদুদি কোবিদনা ঐখোয়দা মালেমবু চাউখৎহনবা হায়বা অসি হ্যুমেন সেন্ত্রিক এপ্রোচ য়াওদনা ওইথোক্তে হায়না তাকপীখি।

Addressing the nation on Independence Day. https://t.co/DGrFjG70pA

— Narendra Modi (@narendramodi) August 15, 2023

লৈবাক্কী য়ুনিভর্সেল হেল্থ কবরেজ মপাঙ্গল কনখৎহন্নবা সরকারনা পাইখৎপা খোঙথাংশিংগী মতাংদা ফোঙদোক্লদুনা মহাক্না হায়খি মদুদি সরকারনা আয়ুশ্মান ভারত্তা লুপা করোর 70,000 ইনভেস্ত তৌখি, মসিনা BPL ইমুংশিংদা চহিগী ওইনা লুপা লাখ 5গী হেল্থ গরেন্তী পীখি।

200 करोड़ वैक्सिनेशन का काम हमारी आंगनवाड़ी वर्कर, आशा वर्कर, हेल्थ वर्कर ने करके दिखाया है।#IndependenceDayIndia pic.twitter.com/3uzC6LPL3a

— Dr Mansukh Mandaviya (@mansukhmandviya) August 15, 2023

থৌরম অসিদা জাতিদা ৱা ঙাংলদুনা মহাক্না হেল্থ ৱার্করশিং মরু ওইনা অঙ্গনৱাদী ৱার্করশিং অমসুং ASHA ৱার্করশিংনা  কোবিদ ভেক্সিনেসন করোর 200 হেন্না য়ৌবা ঙম্নবা মখোয়না শীংথানীংঙাই ওইনা কত্থোকখিবা অমসুং লেপ্পা লৈতনা হোৎনখিবা অদুগীদমক থাগৎপা ফোঙদোকখি। “COVID মনুং অমসুং মতুংদা মালেমবু মতেং পাংবনা ভারত অসি মালেমগী মরুপ অমা ওইনা মশক তাকখি” হায়না মহাক্না মখা তাখি।

ৱান আর্থ, ৱান হেল্থ অমসুং ৱান ফ্যুচরগী বিজন অদু থম্লদুনা মহাক্না হায়খি, “জন ঔশাধি কেন্দ্রশিংনা লুপা করোর 20,000 তুংশিনবা ঙমহন্দুনা লৈবাক্কী মিদ্দল ক্লাসশিংদা অনৌবা শক্তি পীখি”। মহাক্না হায়খি লৈবাক অসিনা জন ঔশাধি কেন্দ্রগী মশিং অসি হৌজিক লৈরিবা কেন্দ্র 10000দগী 25,000দা হেনগৎহন্নবা পান্দম থম্বগা লোয়ননা তুংদা লাক্কদবা মতমশিংদা থবক পাইখৎকনি।

****