ভারতকী প্রধানমন্ত্রী
এক্সেলেন্সী,
7শুবা ভারত-জর্মনী ইন্তর-গবর্নমেন্তেল কন্সলতেসন থৌরম অসিগীদমক্তা অদোম অমসুং অদোমগী দেলিগেতশিংবু তরাম্না ওকচরি।
এক্সেলেন্সী,
মসি অদোমগী ভারতকী অহুম্লকশুবা খোঙচৎনি। লাইবক ফবদি, মসিনা ঐহাক্কী অহুমশুবা তর্মগী অহানবা আই.জি.সি. মীফমশু ওইরি। অদুনা, মসিদি ঐখোয়গী মরুপ-মপাংগী মরীগী অহুম্লক শুবা ওইনা নুংঙাইবা ফোংদোকপনি।
এক্সেলেন্সী,
বর্লিন্দা ইং 2022দা পাংথোকখিবা মমাংগী ইন্তর-গবর্নমেন্তেল কন্সলতেসন্দা ঐখোয়না বাইলেতরেল কোওপরেসনগী হীরমদা মরু ওইবা ৱারেপ কয়া লৌখি।
হৌখিবা চহি অনিদা, ঐখোয়গী স্ত্রেতজিক পার্ত্নরশিপকী হীরম কয়াদা পুক্নিং থৌগৎনীংঙাই ওইবা মতৌদা খুমাঙ য়াম্না চাউশিনখি। দিফেন্স, তেক্নোলোজী, ইনর্জী অমসুং গ্রীন অমদি সস্তেনেবল দিভেলপমেন্তকুম্বা লমশিংদা তেংবাংনবা হেনগৎলকখিবনা অমনা অমগী মফমদা থাজবা থম্বগী খুদম ওইখি।
এক্সেলেন্সী,
মালেম্না হৌজিক তংদু লৈতাদবা, নীঙাই শংদানবা অমদি মুক্নবগী মতম অমা ফাওদুনা চৎলি। ইন্দো পেসিফিক্কী মফমগী আইনগী কাঙলোন অমসুং নীংতম্বগী মতাংদা চাউরবা শিংনবা কয়া অমা লৈরি। মসিগুম্বা মতমসিদা, ভারত অমসুং জর্মনীগী স্ত্রেতজিক পার্ত্নরশিপ অসিনা মপাঙ্গল লৈবা এঙ্কর অমা ওইরক্লি।
মসিদি ওইজবা তানবগী মরী নত্তে, মসিদি মতিক লৈবা অমসুং মপাঙ্গল লৈবা গনতন্ত্র অনিগী মরক্তা অওনবা পুরকপা ঙম্বা পার্ত্নরশিপ অমনি। পার্ত্নরশিপ অসিনা মালেম অমসুং মীওইবা খুন্নাইগী তংদু লৈতাবা, তেক্ত-কায়দবা অমসুং সস্তেনেবল ওইবা তুংগী মতম অমা শেম্বদা তেংবাংবা মরী অমনি।
হীরম অসিগা মরী লৈননা, অদোম্না মমাংগী চয়োলদা ফোঙখিবা “ভারত্তা মিৎয়েং থম্বা” স্ত্রেতজীবু তরাম্না ওক্লিবনি।
এক্সেলেন্সী,
ঐখোয়গী পার্ত্নরশিপ অসিবু অৱাংবা থাক্তা পুখৎনবা ঐখোয়না অনৌবা অমসুং মরু ওইবা খোঙথাং কয়া পায়খৎলিবসিদা ঐহাক য়াম্না নুংঙাই। ঐখোয়না অপুনবা সরকার হায়বা থৌওংদগী অপুনবা লৈবাক্কী থৌওংদা খোঙদারি।
লৈবাক অনিমক্কী ইন্দস্ত্রীশিংনা ইন্নোভেতর অমসুং নহা ওইরিবা তেলেন্ত কয়া মরী লৈনহল্লি। তেক্নোলোজীবু মীয়াম খুদিংদা ফংহনবা হায়বসিদা ঐখোয়গী ৱাখল্লোন মান্নরি। ঙসি, ইন্নোভেসন অমসুং তেক্নোলোজীগী রোদমেপ অমা ফোঙলি, মসিনা আর্তিফিসিএল ইন্তেল্লিজেন্স, সেমিকন্দক্তর অমসুং ক্লীন ইনর্জীগুম্বা মরু ওইবা হীরম কয়াদা ঐখোয়না তেংবাংনবগী মতৌবু হেন্না মপাঙ্গল লৈহনগনি।
ঐখোয়না এসিয়া পেসিফিক কনফরেন্স ওফ জর্মন ব্যুজিনেস্তা ইকুই কুইদবগী মমাংদা শরুক য়াখ্রে, অতেনবা মতমদা, ঐখোয়না সি.ই.ও.শিংগী ফোরমদা অমুক্কা শরুক য়াগনি। মসিনা ঐখোয়গী তেংবাংনবগী মতৌবু মখা তানা পাঙ্গল হাপকনি। ঐখোয়গী শেন্মিৎলোন দাইভর্সিফাই অমদি দি-রিস্ক তৌনবা হোৎনরিবা অসিশু খুমাঙ চাউশিল্লগনি। মসিনা তেক্ত-কায়দবা, থাজবা য়াবাসপ্লাই ভেল্যু চেন শেম্বদা তেংবাংগনি।
ঐখোয়না ক্লাইমেত এক্সনগীদমক্তা খোঙফম চেৎলিবা অসিগা মরী লৈননা, ঐখোয়না রিন্যুএবল ইনর্জীগী গ্লোবেল ইনভেস্তমেন্তকী ফম্বাক অমা শেম্লে। গ্রীন হাইদ্রোজেন রোদমেপ অসিশু ঙসি ফোঙলে।
এজুকেসন, স্কিল লৈহনবা অমসুং মোবিলিতীদা ভারত অমসুং জর্মনীনা খুমাঙ চাউশিল্লিবা অসিদা ঐখোয়না নুংঙাইবা ফাওরি। জর্মনীনা ফোঙবা স্কিল্দ লেবর মোবিলিতী স্ত্রেতজীবু ঐখোয়না তরাম্না ওক্লি। ঙসিগী মীফম্না ঐখোয়গী পার্ত্নরশিপ্পু অনৌবা অৱাংবা থাক্তা পুখৎকনি হায়না ঐহাক্না থাজৈ।
ঐহাক্না হৌজিক অদোমগী ৱাখল্লোন খঙবা পাম্লি।
মদুগী মতুংদা, তোঙান-তোঙানবা হীরমদা ঐখোয়গী তেংবাংনবগী থৌওংবু মপাঙ্গল লৈহন্নবা খোঙ্কাপ কয়া ঐখোয়গী মরুপশিংনা তাকপীগনি।
ঐহাক্না অদোম অমসুং অদোমগী দেলিগেৎশিংবু ভারত্তা অমুক হন্না তরাম্না ওকচরি।
***
Speaking during meeting with Chancellor Scholz. @Bundeskanzler https://t.co/Fzm87UWMYH
— Narendra Modi (@narendramodi) October 25, 2024
