ভারতকী প্রধানমন্ত্রী

ইন্দিয়ন ফোরেন সর্ভিসকী (IFS) 2022 বেচকী ওফিসর ত্রেনীশিংনা ঙসি অঙনবা পুং ৭ তা লোক কল্যান মার্গতা প্রধান মন্ত্রী শ্রী নরেন্দ্র মোদীগা উনখ্রে। 

প্রাধান মন্ত্রীনা ওফিসর ত্রেনীশিং অদুগা হিরম কয়ামরুমদা ৱারী শাখ্রে অমসুং মখোয়না সরকারগী থবক চংলবা মতুংদা থেংনবা অৱা নুংঙাইগী মতাংদা হংখ্রে। ওফিসর ত্রেনীশিং অদুনা মখোয়না খুঙ্গংশিংদা চৎপা, ভারত দর্শন অমসুং আর্ম ফোর্স এতেচমেন্তশিংগা য়াওনা মখোয়গী ত্রেনিং মনুংদা মখোয়না তমখিবশিংগী মতাংদা শিয়র তৌখি। মখোয়না মমিৎমক্না উরকপা জল জীবন মিসন অমসুং PM অৱাস য়োজনাগুম্বা সরকারগী চাউখৎ থৌরাং স্কিমশিংনা পীরিবা কান্নবশিংগী মতাংদা প্রধান মন্ত্রীদা পাউদমখি।

প্রধান মন্ত্রীনা চাউখৎ থৌরাংগী স্কিমশিং অসি মতৌ করম্না দিস্ক্রিমিনেসন তৌদনা লাইরবা মীওইশিংদা য়ৌহনগদবগে হায়বনা সরকারনা মীৎয়েং চংলিবা অদুগী মতাংদা ফোঙদোকখি। এস্পিরেস্নেল দিস্ত্রিক্ত প্রোগ্রামগী ইম্প্লিমেন্তেসন তৌবা অমসুং মসিগী মাই পাকপগী মতাংদা নৈননবা ওফিসর ত্রেনীশংদা মহাক্না ফোঙদোকখি মরমদি মসিনা গ্লোবল সাউথকী লৈবাকশিংগী চাউখৎ থৌরাংগী লমজেলদা মতেং ওইবা য়াবগী ওইথোকপা লৈ।

ভারতকী G20 প্রসিদেন্সীগী মতাংদা খন্নখ্রে অমসুং ওফিসর ত্রেনীশিংদা G20 মীফম য়াওবদা থেংনরকপশিংগী মতাংদা হংখ্রে। অকোইবগী ফীভমগী মতাংদা পল্লদুনা প্রধান মন্ত্রীনা মিসন LiFE (লাইফস্তাইল ফোর ইনভাইরনমেন্ত) গী মতাংদা ফোঙদোকখি অমসুং মীপুম খুদিংমক্না মখোয়গী পুন্সি মহিংদা অওনবা পুরকপা মতমদা অইং অশাদা অওনবা লাকপগী চৈথেং অসি নীংথিনা লাকশিনবা ঙমগনি হায়না মহাক্না ফোঙদোকখি।

********