ভারতকী প্রধানমন্ত্রী

মরূপ পুম্নমকপু মফম অসিদা তরাম্না ওকচরি।

হংচিৎ অসি অদোম ময়ামগী য়াম্না চাউবা চাংয়েংনি অমদি অদোম মদুদা মশিং য়াম্না ফংদুনা পাস তৌগনি, মায় পাক্কনি হায়বা ঐহাক খঙই।

ঐহাক্না রিপব্লিক দেগীদমক অমসুং রিপব্লিক দে পেরেদকীদমক অদোম ময়াম্বু হন্না-হন্না য়াইফ পাউজেল পীজরি।

মরূপশিং,

মরূপ ময়াম্না মফম অসিদা পুল্লরিবা অসি, অদোম অমরোমদা মিনি ইন্দিয়াবু উৎকদৌরিবা মীওইশিংনি। ভারত অসি তশেংনা করিনো, মসি ঐখোয়গী লৈবাক্নি অমদি মালেম পুম্বনা অদোমগী খুত্থাংদা খঙলিবনি।

এন.সি.সি. অমসুং এন.এস.এস.কী থোংদা দিসিপ্লিন অমসুং সর্বিসকী ইনাক খুল্লবা ত্রেদিসন অমা রাজপথতা উবা মতমদা লৈবাক অসিগী নহা কোতি কয়া মোতিবেত তৌরি অমসুং পুক্নিং থৌগৎলি। লৈবাক অসিগী ইনাক খুল্লবা কালা অমসুং সংস্কৃতিনা ভারতকী হেরিতেজপু উৎলিবা তেব্লোক্সশিং পুরদুনা রাজপথতা থোরকপদা মালেম পুম্বনা শুমহৎপগা লোয়ননা য়েংলি। অখন্ননা ঐখোয়গী ত্রাইবেল মরূপশিংদি মশাগী পর্ফোমেন্সনা অঙকপা অমসুং য়ুনিক ওইবা হেরিতেজপু লৈবাক অসিগী অমসুং মালেম অসিগী মাংদা পুরক্লি।

অসুক য়াম্না ইংলবা ফাওবা অদোম্না হোৎনরিবা, লেপ্পা লৈতনা চংশিল্লিবা অসি য়াম্না পুক্নিং থৌগৎনিঙাইনি।

মরূপশিং,

অদোম ময়াম্না লৈবাক অসিগী ভেরিয়েসনশিং দিল্লী ফাউবদি পুদুনা লাক্লি, দিল্লীদা রিপব্লিক দেদা উবা ফংলিবা ভেরিয়েসন অদুগী পাউজেলসু ইশা-ইশাগী লমদমশিংদা পুদুনা চৎলি। অদোম্না এক ভারত, শ্রেস্থ ভারতকী ৱাখল্লোনবু অচুম্বনি তাক্লি।
ঐখোয়না এক ভারত, শ্রেস্থ ভারতকী ৱারী তৌবা মতমদা ঐখোয়না মসিমসু নিংশিংগদবনি মদুদি ভারত অসি তশেংনা করিনো। ভারত অসি ঙমখৈ মনুংদা লৈবা মীওই কোতি ১৩০গী য়ুম অদু খক্তরা? নত্তে, ভারত লৈবাক অমা ওইবগা লোয়ননা থোইদোক হেন্দোকপা ত্রেদিসন অমনি, ৱাখল্লোন অমনি, সংস্কার অমনি, এক্সতেন্সন অমনি।

ভারতকী অর্থদি – বসুধৈব কুতুম্বকম

ভারতকী অর্থদি – সর্ব পন্থ সমভাব

ভারতকী অর্থদি – সত্যমেব জয়তে

ভারতকী অর্থদি – অহিংসা পরমো ধর্ম:

ভারতকী অর্থদি – একম সদ বিপ্রা: বহুধা: ৱদন্তি সত্য, হায়বদি অচুম্বদি অমা খক্তনি, মসিবু য়েংবগী মীৎয়েংদি তোঙাল তোঙাল্লি।

ভারতকী অর্থদি – বৈশ্নব জন তো তেনে কহিয়ে জে পীদ পরায়ী জানে রে

ভারতকী অর্থদি – উপাল-ৱাপালদা ইশ্বরগী মফম

ভারতকী অর্থদি – অপ্প দীপো ভব: হায়বদি অতোপ্পদা থাজবা থম্বগী মহুৎ সেল্ফ-মোতিবেসনগী মায়কৈদা চংশিল্লু

ভারতকী অর্থদি – তেন ত্যক্তেন ভুঞ্জিথা হায়বদি কত্থোকপা মীওই খক্তনা নুংঙাইবা ফংই

ভারতকী অর্থদি – সর্বে ভবন্তূ সুখিন: সর্বে সন্তূ নিরাময়া:

ভারতকী অর্থদি – মীওইবগী সেবা তৌবা অদুমক প্রভুগী সেবা তৌবনি

ভারতকী অর্থদি – নর করনী করে তো নারায়ন হো জায়ে

ভারতকী অর্থদি – নারী তু নারায়নী

ভারতকী অর্থদি – জননী জন্মভুমিশ্চ স্বার্গাদপি গরীয়সী হায়বদি ইমা অমসুং পোক্নফম লমদমগী মফম অসি সর্গদগীসু হেন্না অথোইবনি।

ভারত অসিগুম্লবা ফিদম্নিঙাই অমসুং ৱাখল্লোন কয়ানা থল্লবা হিংনিঙাই পাঙ্গল অমনি, ইনর্জীগী ইচেলনি।

মরম অদুনা ভারতকী য়ুনিতীগী ৱারী তৌবা খুদিংদা মশাগী জিওগ্রাফিকেল অমসুং ইকোনোমীগা লোয়ননা ফিদম্নফম অমসুং ভেল্যুসু মদুদা য়াওরি।

মরূপশিং,

রাজপথতা অদোমগী পর্ফোমেন্সনা মালেম পুম্বদা ভারতকী অসিগুম্লবা শক্তি অসিসু উৎলি। ভারতকী তুরিজম সেক্তরসু মসিনা চেৎশিলহল্লি। ৱাখল্লোন অসিবু ঐখোয়গী য়ুথ একচেঞ্জ প্রোগ্রাম্না হেন্না চেৎশিলহল্লি।

মরূপশিং,

ইফমদা খঙহনবিরে মদুদি চহী অসিদা এন.সি.সি. অমসুং এন.এস.এস.কী নহা ওইরিবা মরূপশিংনা শান্ন-খোৎনবদগী হৌরগা দিজাস্তরদা মী কনবা অমসুং তেংবাং পীবগী থবক্তা মখোয়গী থৌদাং লৌখি। এন.এস.এস. অসি লৈবাক অসিগী খ্বাইদগী চাউবা ব্লদ দোনেসন ওর্গনাইজেসন ওইবতা নত্তনা ফিত ইন্দিয়া কেম্পেনগীদমক পাংথোকখিবা সাইক্লাথোনদসু নহা লাখ ৮না শরুক য়াখি।

মতৌ অসুম্না এন.সি.সি.গী কেদেত্সনা গান্ধী জীগী ১৫০শুবা জয়েন্তিদা লৈবাক পুম্বদা কিলোমীতর লিশিং ৮গী স্বচ্ছতা য়াত্রা পাংথোক্তুনা থাগৎনিঙাই ওইরবা থবক তৌখি। মসিদসু নত্তনা বিহার, কেরলা, কর্নাতকা, ওরিশা অমসুং মহারাস্ত্রদা লাকখিবা ইচাউ অমসুং অতোপ্পা দিজাস্তরশিংদা এন.সি.সি. কেদেত লাখ ১ হেনবনা মী কনবা অমসুং তেংবাং পীবগী থবক্তা মতেং পাংখি।

মরূপশিং,

মসি ঐখোয়গী ৭১শুবা রিপব্লিক থৌরমনি। হৌখিবা চহী ৭০দগী ঐখোয়না রিপব্লিক অমগী মতৌদা, মালেম পুম্বগী মাংদা খ্বাইদগী ফবা খুদম অমা খম্লি।

অসিগুম্বা অসিদা হৌখিবা চহী তরাগী খুজিং ৭ অসিদা নিংথিজনা খন্ন-নৈনবা ঙমখিদবা লৈবাক অসিগী সংবিধানগী অদুগুম্লবা এস্পেক্ত অমদা পুক্নিং চংবা দরকার ওইরি। ঐখোয়না নাগরিক অমা ওইনা ইশাগী থৌদাংশিংবু থোইদোক হেন্দোকপা অমসুং প্রায়োরিতী পীবা তাই। করিগুম্বা ইশাগী ইথৌশিংবু নিংথিজনা পাংথোকপা ঙম্লগদি ঐখোয়না ইশাগী অধিকারগীদমক থেংনবগী মথৌ তারোই।

মফম অসিদা লাক্লিবা নহা মরূপ পুম্নমক্কী মফমদা ঐহাক্না হায়জরি মদুদি লৈবাক্কীদমক্তা ইশাগী থৌগাংশিং অদু য়ারিবা মখৈ খন্ন-নৈনবিয়ু। খন্ন-নৈনবদা নত্তনা ইশামক পাংথোক্তুনা খুদম পীবিয়ু। ঐখোয়না অসুম্না হোৎনবনা অনৌবা ভারত শেমগৎকনি।

মরূপশিং,

জাতিগী মপা মহাত্মা গান্ধীনা ঐহাক্কী মংলানগী ভারত কৌবা আর্তিকল অমা ইবীরম্মি। মদুদা মহাক্না ইরম্মি মদুদি, খ্বাইদগী ৱাংবা এস্পিরেসন থম্বা মীওই অমনা মহাক্কী দিবেলপমেন্তকীদমক অপাম্বা খুদিংমক অদু ভারত্তা ফংবা ঙমগনি।

অদোম মরুপ পুম্নমক গান্ধী জীগী মংলান অসিগী, ৱাখল্লোন অসিগী শরুকনি। ঐখোয়না মাংলোমদা চংশিল্লিবা অনৌবা ভারত অদুদা এস্পিরেসন অসিমক, মংলান অসিমক ঐখোয়না মপুং ফাহনগদবনি। ভারতকী মীওই অমা হেক্তা, লমদম অমত্তা তুংদা লৈহৌদনবা ঐখোয়না হোৎনগদবনি। রিপব্লিক নুমীৎকী পেরেদকী তুংদসু মিসন অসিমক্নি।

মরূপশিং,

ঐখোয় পুম্নমক্না লৈবাক্কী কলেক্তিব রিজোলুসনগা লোয়ননা ইশামক শম্নহনবা তাই। লৈবাক অসিগী মরূপ অমমমগী পুন্সীবু লাইথোকহন্নবগীদমক পুন্না হোৎনবা তাই। অদোমগী মরক্তদগী মরূপ কয়া অমদি মতম খরগী মতুংদা পরিক্ষাশিংদা ফমগদৌরিবনি। মসি অদোমগীদমক য়াম্না মরুওইবা মতমনি।

ঐহাক্না লাক্কদৌরিবা পরিক্ষাশিংগীদমক অদোম্বু য়াইফ পাউজেল পীজরি। মসিগা লোয়ননা রিপব্লিক দেগী পেরদতা অদোমগী খ্বাইদগী ফবা পর্ফোমেন্স অদুগীসু অমুক হন্না য়াইফ পাউজেল পীজরি।

অদোম্না মফম অসিদা ঐহাকপু উনবা লাকপীরি, মসিগীদমকসু হন্না-হন্না তৌবীমল খঙবা উৎচরি।

থাগৎচরি!!!