ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ঙসি নই দিল্লীদা কেন্দ্রগী হিন্দী কমিতীগী ৩১ শুবা মীফম পাংথোকখ্রে।

মহাক্কী ৱারোল পীবদা প্রধান মন্ত্রীনা কমিতীগী মেম্বরশিংদা মখোয়গী ক্রিয়েতিব অমসুং প্রাক্তিকেল ওইরবা ৱাফমশিং ফোংদোকপীরকপগীদমক নুংঙাইবা ফোংদোকখি।

মহাক্না শাফু পীরদুনা হায়খি মদুদি হিন্দী লোন অসি নুংতিগী ঙাংনরিবা লোন ওইনা শন্দোক্কদবনি অমসুং কমপ্লেক্স ওইবা তেক্নিকেল তর্মশিং অদু লৌথোক্কদবনি ওফিসিএলগী ওইবা পান্দমগীদমক নাতৈ চাদববা মওংদা শিজিন্নবা তোক্কদবনি। সরকার অমসুং খুন্নাইগী মরক্তা হিন্দী শিজিন্নবদা লৈরিবা অহাংবা অদু মেনশিন্নবগী মাইকৈদা থবক তৌনবা অকনবা ৱাফম ফোংদোক্লদুনা, প্রধান মন্ত্রীনা হায়খি মদুদি অসিগুম্বা খোংজং অসি চংশিনবদা মহৈ-মশিংগী লোইশঙশিংনা মতেং ওইনবা য়াই।

মালেম অপুনবদগী মহাক্না খঙলক-উরকখিবশিং অদু পল্লদুনা প্রধান মন্ত্রীনা মীহুৎশিং অদুদা থাজবা পীখি মদুদি হিন্দী য়াওনা ঐখোয়না ভারতকী লোন পুম্নমক্কী মতেংগা লোইননা মালেম পুম্নমক্কা শম্নবা ঙমগনি।

অসুম্না প্রধান মন্ত্রীনা হায়খি মদুদি তমিলগুম্বা মালেমগী খ্বাইদগী লিরবা লোনশিংগদমক্তা ভারতনা চাউথোকপা পোকচৈ। মহাক্না মসিসু হায়খি মদুদি লৈবাক অসিগী লোন অপুনবনা হিন্দীবু মপুং ফাহনবা ঙমগনি। মসিগী মতাংদা প্রধান মন্ত্রীনা সরকারগী খোংথাং ‘এক ভারত শ্রেস্থ ভারত’কী মতাংদসু পনখি।

গৃহ মন্ত্রী শ্রী রাজনাথ সিংহ, সেক্রেতরী (রাভাষা)না তরাম্না ওকপগী ৱারোল পীরবা মতুংদা এজেন্দাগী মতুং ইন্না তোঙান তোঙানবা হিরমশিংদা পাইখৎখিবশিংগী একাউন্ত অমা পুথোকখি। তোঙান তোঙানবা মীহুৎশিংনা হিন্দী শন্দোক্নবগী মাইকৈদা মখোয়গী ৱাখল্লোনশিং ফোংদোক্নখি।

থৌরম অদুদা প্রধান মন্ত্রী নরেন্দ্র মোদীনা সেন্ত্রেল হিন্দী দাইরেক্তোরেৎনা পুথোকপা গুজরাত-হিন্দী দিকস্নারীসু ফোংখি।
অরুনাচল প্রদেশ, হিমাচল প্রদেশ অমসুং গুজরাতকী মুখ্য মন্ত্রীশিং অমসুং কমিতীগী অতৈ মীহুৎ কয়াসু পুং অনিরোম চৎথখিবা মীফম অদুদা শরুক য়াখি।

***