ভারতকী প্রধানমন্ত্রী

মালদ্বীপকী য়ুনাইতেৎ নেসন্স জেনেরেল এসেমব্লী (য়ু.এন.জি.এ.) অমসুং ফোরেইন মন্ত্রীগী ৭৬শুবা সেসনগী প্রসিদেন্ত-ইলেক্ত ঐচ.ই. অব্দুলাহ শাহিদকা প্রধান মন্ত্রী, শ্রী নরেন্দ্র মোদীগা ঙসি উনখ্রে।  

ঐচ.ই. অব্দুলাহ শাহিদনা ২০২১গী জুলাই ৭তা ন্যু য়োর্ক্তা পাংথোকখিবা মীখলগী মতুংদা য়ু.এন.জি.এ.গী ৭৬শুবা সেসনগী প্রসিদেন্ত-ইলেক্ত ওইনা ভারত্তা মহাক্কী কেপাসিতীদা লাক্কনি।    

প্রধান মন্ত্রীনা ঐচ.ই. অব্দুলাহ শাহিদপু মহাক্না মীখলদা অমুক হন্না মায় পাক্লকপা অসিনা মালদ্বীপ্তা অমুক হন্না ফিদম তারি হায়না পল্লদুনা নুঙাইবা ফোংদোকখি। 

প্রধান মন্ত্রীনা প্রসিদেন্ত-ইলেক্তপু মহাক্কী মিয়েং ওইরিবা ‘প্রসিদেন্সী ওফ হোপ’তা থাগৎপা ফোংদোকখি অমসুং মহাক্না প্রসিদেন্ত ওইরিঙৈ মতমদা ভারতনা মপুং ফানা মতেং পীগনি হায়না থাজবা পীখি।

প্রধান মন্ত্রীনা মল্তিলেতরেল ওইবা সিস্তেম অমগী মরুওইবা, য়ুনাইতেৎ নেসন ওর্গান য়াওনা, হৌজিক ওইরিবা মালেমগী ফিভম অমসুং মালেমগী ওইবা মীশিংদা আসা অমা পীনবগী মরুওইবা পীখি।

প্রধান মন্ত্রী অমসুং ঐচ.ই. অব্দুলাহ শাহিদনা হৌখিবা চহি খর অসিদা ভারত- মালদ্বীপ নাকন অনিগী মরীদা য়াম্না থুনা চাওখৎনবা খন্নখি। প্রধান মন্ত্রীনা নাকন অনিগী ওইবা প্রোজেক্তশিং অসি কোবিদ-১৯গী লায়চৎ মনুং ফাওবা চাওখৎপা পুরকপদা অপেনবা ফোংদোকখি। মহাক্না মালদ্বীপ অসি ভারতকী য়ুমলোন্নবা অহানবা পোলিসী অমসুং এস.এ.জি.এ.আর.গী মিয়েংদা মরুওইবা য়ুম্বী ওইনা য়াম্না কন্না মরুওইবা পীখি।   

***