ভারতকী প্রধানমন্ত্রী

রাজ্য অদুদা ওইরিবা হৌজিক্কী ফিবম অমসুং জম্মু অমসুং কশ্মীরগী রাজ্যপালনা পীরকপা পাউদা য়ুম্ফম ওইরগা, ভারত সংবিধানগী আর্তিকল ৩৫৬ (৪)গী মখাদা ২০১৯, জুলাই ৩দগী জম্মু অমসুং কশ্মীরদা প্রসিদেন্ত রুল মখা তানা থা তরুক শাংদোকপদা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

মরুওইবশিং:

ৱারেপ অদুগী মতুংইন্না ইং ২০১৯, জুলাই ৩দগী জম্মু অমসুং কশ্মীরদা প্রসিদেন্ত রুল মখা তানা থা তরুক শাংদোক্লগনি।
হৌজিক চৎনরিবা প্রসিদেন্ত রুল অসি ইং ২০১৯গী জুলাই ২দা মতম লোইগদবনি অমসুং রাজ্য অদুদা ইং ২০১৯গী জুলাই ৩দগী মখা তানা থা তরুক প্রসিদেন্ত রুল শাংদোক্নবা রাজ্যপালনা খঙহল্লকখি।

থবক ওইনা পাংথোকপা:

থবক অসিগীদমক সংসদকী অয়াবা লৌনবা ৱারেপ অমা লাক্লিবা মীফমদা সংসদকী হাউস অনিমক্তা পুথোক্কনি।

নুংগী ৱারোল:

ভারতকী রাস্ত্রপতিগী অয়াবগা লোয়ননা জম্মু অমসুং কশ্মীরগী সংবিধানগী সেক্সন ৯গী মখাদা ২০.৬.২০১৮দা জম্মু অমসুং কশ্মীরগী রাজ্যপালনা প্রোক্লেমেসন অমা ইসু তৌখি, মদুদা মহাক মশামক্না রাজ্য অদুগী সরকারগী অমসুং লেজিসলেচরগী থবকশিং পায়খি অমসুং মখা তারকপদা প্রোবিজন খর শেমখি। রাজ্যগী বিধান সভা অদু রাজ্যপালনা ২১.১১.২০১৮দা সস্পেন্দেদ এনিমেসন থমদুনা মুৎথৎখি।

রাজ্যপালনা ২০.৬.২০১৮দা ইসু তৌখিবা প্রোক্লেমেসন অদু থা তরুক্কী মতুংদা ১৯.১২.২০১৮দা চৎনখিদে। জম্মু অমসুং কশ্মীরগী সংবিধানগী সেক্সন ৯২গী মখাদা অসিগুম্বা প্রোক্লেমেসন অসি থা তরুক্কী মতুংদা মখা তানা চৎনগনি হায়বগী প্রোবিজন অমত্তা লৈতে। মরম অদুনা রাজ্য অদুদা ভারতকী সংবিধানগী আর্তিকল ৩৫৬গী মখাদা, রাজ্য অদুগী হৌজিক ওইরিবা ফিবম অমসুং রাজ্যপালগী পাওতাক মতুংইন্না প্রসিদেন্ত রুল থম্নবা প্রোক্লেমেসন অমা রাস্ত্রপতিনা ইসু তৌখিবনি। মখা তারকপা ওইনা, রাস্ত্রপতিগী প্রোক্লেমেসন অদু অয়াবা পীবগী ৱারেপ অমা ২৮.১২.২০১৮দা লোক সভাদা অমসুং ৩.১.২০১৯দা রাজ্য সভাদা রাস্ত্রপতিনা পাস তৌখি।

হৌজিক চৎনরিবা প্রসিদেন্ত রুল অসি ইং ২০১৯গী জুলাই ২দা মতম লোইগদবনি অমসুং রাজ্য অদুদা ইং ২০১৯গী জুলাই ৩দগী মখা তানা থা তরুক প্রসিদেন্ত রুল শাংদোক্নবা রাজ্যপালনা খঙহল্লকখি।