ভারতকী প্রধানমন্ত্রী

খুরুমজরি,

এক্সিলেন্সী, প্রধান মন্ত্রী নুয়েন সুৱন ফুক,

এক্সিলেন্সীশিং,

চহি খুদিংগী মতৌগুম্না ঐখোয় অমনা অমগী খুৎ পায়নদুনা ঐখোয়গী ত্রেদিস্নেল ফেমিলী ফোতো নম্বা ঙমদ্রে! অদুবু ভর্চুএলগী থোংদা ঐখোয় উন্নবা অসিদা ঐহাক নুংঙাইবা পোকচরি।

অহানবা ওইনা ঐহাক্না আসিয়ানগী হৌজিক্কী ত্য়র ভিয়েৎনাম, অমসুং আসিয়ানদা ভারতকী হৌজিক্কী কন্ত্রী কোওর্দিনেতর থাইলেন্দবু থাগৎচবা পামজৈ। কোবিদকী অৱাবা মতম ওইজরবসু মাগী মাগী থৌদাং নীংথিজনা পাংথোক্নরি।

এক্সিলেন্সীশিং,

ভারত অমসুং আসিয়ানগী স্ত্রেতেতেজিক পার্তনরশিপ অসি ঐখোয়গী শরুক য়ামিন্নরিবা পুৱারীগী, লমদমগী অমসুং নাৎকী লন-থুম অদুগী মখা পোল্লি। আসিয়ান অপুনবা অসি ঐখোয়গী এক্স ইস্ত পোলিসীগী মরু ওইবা মফম ওইরি।

ভারতকী “ইন্দো পেসিফিক ওসিন্স ইনিসিএতিব” অমসুং আসিয়ানগী “আউৎলুক ওন ইন্দো পেসিফিক”কী মরক্তা মান্নবা কয়া লৈরি। ঐখোয়না য়ানরি মদুদি “সেক্যুরিতী এন্দ গ্রোথ ফোর ওল ইন দ রিজন”গীদমক্তা “কোহেসিব অমসুং রেস্পোন্সিব আসিয়ান” অমা মথৌ তাই।

ভারত অমসুং আসিয়ানগী মরক্তা মখল খুদিংমক্কী কনেক্তিবিতী হেনগৎহন্নবা – ফিজিকেল, শেন্মিৎলোন, খুন্নাইলোন, দিজিতেল, ফাইনান্সিএল, মেরীতাইম – ঐখোয়গীদমক্তা মরুওইবা অমা ওইরি।

হৌখিবা চহি খরা অসিদা ঐখোয় লম পুম্নমক অসিদা অসুম নকশিল্লক্লি। ঐনা থাজৈ মদুদি ঙসিগী ঐখোয়গী ৱারী-ৱাতাই, ভর্চুএলগী থোংদা পাংথোকচবা ওইরবসু, ঐখোয়গী মরক্তা লৈরিবা অরাপ্পা অসি অমুক্কা হেন্না হন্থহন্নবগীদমক কান্নবা ওইরগনি।

ঐনা অমুক্কা হন্না অদোম পুম্নকপু ঙসিগী ৱারী-ৱাতাই অসিগীদমক থাগৎপা ফোংদোকচরি।

*****

তাইনবা য়াদবা (দিসক্লেমর): মসি পি.এম.না পীখিবা ৱারোলগী শম্লপ্পা শরুক্নি। অশেংবা ৱারোল অদু হিন্দীদা পীখি।