ভারতকী প্রধানমন্ত্রী

য়োর এক্সেলেন্সিস প্রসিদেন্ত পুতিন, প্রসিদেন্ত শি, প্রসিদেন্ত রামাফোসা, প্রসিদেন্ত বোলসোনারো, খুরুমজরি,

ঐহাক্না অদোম পুম্নমকপু ব্রিক্স সমিত অসিদা তরাম্না ওকচরি। ব্রিক্সকী ১৫শুবা এনিবর্সরী থৌরম অসিগী সমিত্তা চেয়র লৌবা অসি ঐহাক্কী অমসুং ভারতকী ওইনা নুঙাইজবা অমনি। ঙসি অদোমগা লোয়ননা উনরিবা সমিত অসিগী মরীক চুম্বা এজেন্দা ঐখোয়দা লৈজরে। অদোম পুম্নমক্না করিগুম্বা য়াবিরবদি ঐখোয়না মসিগী এজেন্দা অসি লৌজবা য়ারে। অদোমবু থাগৎচরি, এজেন্দা অসি হৌজিক অয়াবা লৌজরে।  
 

এক্সেলেন্সিস!

এজেন্দা অসিবু হেক অয়াবা লৌখিবগা ঐখোয়না য়াম্না থুনা ঐখোয়গী হৌদোকপগী ৱারোল পীজবা য়ারে। হৌদোকপা ৱারোল পীবগী অহানবা ৱা ঙাংবগী অয়াবা ঐহাক্না লৌজগে। মদুগী মতুংদা য়োর এক্সেলেন্সিস পুম্নমকপু হৌদোকপা ৱারোল পীনবগী কৌখৎচগে।  

ব্রিক্সকী পার্তনর পুম্বা অমসুং চেয়রমেনশীপ অসিগী মীপুম খুদিংমক্তগী ভারতনা মপুং ফানা মতেং ফংই অমসুং মসিগীদমক ঐহাক্না য়াম্না নুঙাইবা ফাওজৈ। ব্রিক্স প্লেতফোর্মনা দিকেত অমগা তঙ্খায়দা মায় পাকপা কয়া অমা উবা ফংলি। ঙসিদি মালেমগী ইকোনোমী ফগৎলকপগী য়াম্না লিংবা ভোইস অমা ওইরি। প্লেতফোর্ম অসিনা লৈবাক্কী চাউখৎ থৌরাংদা মরুওইবা পীবগী কান্নবশু ফংলি।  

ব্রিক্সনা য়াম্না লিংবা ইন্সতিত্যুৎ হায়বদি নৌনা চাউখৎলবা বেঙ্ক, কন্তিজেন্সী রিজার্ব এরেঞ্জমেন্ত অমসুং ইনর্জী রিসর্স কোওপরেসন প্লেতফোর্ম পুথোক্লি। ঐখোয়না চাওথোকচনিঙাই কয়া অমা লৈরি হায়বদা চিংননিঙাই লৈতে। অদুম ওইনমক, ঐখোয় ইশানা পেন্থোকপা য়াদবা অমদি মরু ওইরি অমসুং ব্রিক্স অসি চহি ১৫ অমা লৈহনবা মথৌ তারি। 
 

চেয়রমেনশীপকী ওইবা  থবক অসিগী ভারতনা খনগৎলবা থীম অসি চপ চানা মরুওইবা উৎলি – “BRICS@15: ইন্ত্রা ব্রিক্স কোওপরেসন ফোর কন্তিন্যুতী, কোন্সোলিদেসন এন্দ কন্সেনসস”। মসিগী সি. মরি অসি ঐখোয়গী ব্রিক্স পার্তনরশীপকী ফন্দামেন্তেল প্রিন্সিপলসনি।  

হন্দক্কী চহি অসিদা, কোবিদনা থেংনহল্লিবা অৱাবা অসিগী মথক্তা, ব্রিক্সকী মিতিং অমসুং প্রোগ্রাম ১৫০গী মথক্তা শিনখ্রে, মসিগী মনুংদা ২০গী মথক অমদি মিনিস্তরিয়েলগী থাক্তা ওইখি। ত্রেদিসনেল ওইবা মফমশিংদা কোওপরেসন হেনগৎপগী মথক্তা ঐখোয়না ব্রিক্স এজেন্দা মখা তানা শন্দোক্নবা হোৎনরি। হিরম অসিদা, ব্রিক্সনা অহানবা ওইনা থবক কয়া অমা পাংথোক্তুনা ‘অহানবা’ হায়বা অসিগী চপ চাবা ৱাহন্থোক কয়া অমা ফংবা ঙম্লি। হন্দক্তা অহানবা ওইনা ব্রিক্সকী দিজিতেল সমিত পাংথোকখ্রে। হায়রিবা অসি তেক্নোলোজীগী মতেংনা হকশেলগী মরমদা খুমাং চাউশিনবগী অনৌবা খোংথাং অমনি। নবেম্বরদা, ঐখোয়গী ৱাতর রিসোর্স মন্ত্রীশিংগা ব্রিক্স ফোর্মেতকী মখাদা অহানবা ওইবা মীফম ফমগনি। হায়রিবা অসি ব্রিক্সনা লৌখৎপা ‘স্ত্রেংথনিং এন্দ রিফোর্মিং মল্তিলেতরেল সিস্তেম্স’দা অহানবা ওইনা লৌখৎপা অপুনবা খুদোংচাবা অমনি।    

ঐখোয়না ব্রিক্স কাউন্তর তেরোরিজম এক্সন প্লানশু লৌখৎচরে। ঐখোয়গী স্পেস এজেন্সীগা রিমোৎ সেন্সিং সেতিলাইত কন্সতেলেসনগী মরক্তা য়ানদুনা কোওপরেসনগী অনৌবা পন্দুপ অমা হাংদোক্লে। ঐখোয়গী কস্তম দিপার্তমেন্তগা মরী থমদুনা, ইন্ত্রা- ব্রিক্স ত্রেদ হেন্না লায়থোক্লগনি। ভর্চুএল ব্রিক্স ভেক্সিনেসন রিসর্স অমসুং দিবলপমেন্ত সেন্তর অমা হৌদোক্নবগী অয়াবশু লৈরে।  গ্রীন তুরিজমদা ব্রিক্স এলাইয়েন্সকী অনৌবা অতোপ্পা অনৌবা খোঙথাংশু লৈরে।

এক্সেলেন্সিস!

লৌখৎলিবা অনৌবা খোঙথাং পুম্বা অসিনা ঐখোয়গী নাগরীকশিংদ খক্তদা কান্নহনবা নত্তনা ব্রিক্সনা লাক্কদৌরিবা চহিশিং অসিদা মরী লৈনবা ইন্সতিত্যুৎ ওইবা ঙমগনি। ঐহাক্না থাজৈ মদুদি ঙসিগী মিতিং অসিনা ব্রিক্স অসিবু হেন্না কান্নবা অমা ওইহনবদা অচুম্বা মাইকৈ অমা লমজিংগনি।

ঐখোয়না মালেমগী অমসুং মফমশিংগী মতাংদা মরুওইবশিং অমসু খন্নগনি। হৌজিক ঐহাক্না অদোম পুম্নমকপু হৌদোকপা ৱারোল পীনবা কৌখৎচরি।

***