ভারতকী প্রধানমন্ত্রী

লৈবাক মীয়াম পুম্নমকপু খুরুমজরি, মালেম পুম্বনা থা মরি হেনবদগী কোরোনা ভাইরসকী মায়োক্তা লান্থেংনদুনা লাক্লি। মতম অসিগী মনুংদা মালেম পুম্বগী মীওই লাখ ২ হেন্না কোরোনানা ইনফেক্ত তৌরি। মীওই লাখ ২.৭৫ হেন্না অশিবগী খয়াত্তা তাখ্রে। ভারত্তসু মীয়ামনা মখোয়গী নুংশিজরবা কয়া কায়নখ্রে। ঐহাক্না পুম্নমক্কী মফমদা থোয় শোক্না অৱাবা ফোংদোকচরি।

মরূপশিং,

ভাইরস অমনা মালেম অসিবু মাংহন-তাকহল্লি। মালেম পুম্বদা মীওই কোতি কয়ানা ক্রাইসিস অমা মায়োক্নরি। মালেম পুম্বা পুন্সি কন্নবা লান অমদা শরুক য়ারি। ঐখোয়না অসিগুম্লবা ক্রাইসিস অমা উখিদ্রি নত্রগা তাখিদ্রি। ক্রাইসিস অসি মীওইবা জাতিগীদমক খনবা ঙমদবা অমদি মমাংদা অমুক্তা ওইখিদ্রিবা অমনি।

অদুম ওইনমক চোকথবা, মায়থিবা, মচেৎ-মচেৎ কায়বা অসি মীওইবা জাতিনা য়াবা ঙম্লোয়। ঐখোয়না মিৎশিং-নাশিংনা লৈদুনা, অসিগুম্লবা লান অসিগী চৎন-কাংলোন ইন্দুনা হৌজিক ঐখোয় ইশানা ইশাবু ঙাকথোকচবা তাই অমদি মাংলোমদা চংশিনবা তাই। ঙসি মালেম অসিনা ক্রাইসিসতা লৈরিবা অসিদা ঐখোয়না ঐখোয়গী রিজোল্ব হেন্না চেৎশিলহনবা তাই। ঐখোয়গী অচৌবা রিজোল্বনা ক্রাইসিস অসি লাকশিনবদা মতেং ওইগনি।

মরূপশিং,

ঐখোয়না হৌখিবা চহিচাদগী তাদুনা লাক্লে মদুদি ২১শুবা চহিচা অসি ভারতকী চহিচানি। ঐখোয়না কোরোনাগী মমাংগী মালেম অমসুং গ্লোবেল সিস্তেমশিং মচা খায়না উবা ফংখ্রে। কোরোনা ক্রাইসিসকী ইনফেক্সনগী মতুংদসু মালেমদা ওইরিবা ফিভম অসিসু ঐখোয়না লেপতনা য়েংলি। ঐখোয়না মসিগী মতম অনি অসি ভারতকী মিৎয়েংদগী য়েংবা মতমদা ২১শুবা চহিচা অসি ভারতকী চহিচানি হায়বদু উবা ফংলি। মসি ঐখোয়গী মঙলান নত্তে, মসি ঐখোয় পুম্নমক্কী থৌদাংনি। অদুবু মসিগী চৎফম লম্বীনা করি ওইগনি? মালেমগী ওইরিবা ঙসিগী ফিভম অসিনা ঐখোয়দা তম্বীরি মদুদি মসিগী লম্বীদি অমত্তনি- আত্মানিভর ভারত। ঐখোয়গী শাস্ত্রশিংদা হায়রি- এশপান্থা হায়বদি সেল্ফ-সফিসিয়েন্ত ইন্দিয়া।

মরূপশিং,

জাতি অমগী মতৌগুম ঙসি য়াম্না মরুওইবা তানফম অমদা লেপ্লি। অসিগুম্লবা অচৌবা দিজাস্তর অমনা ভারতকীদমক সিগ্নেল অমা পীরি, পাউজেল অমা পুরক্লি অমসুং তাঞ্জা অমা পুরক্লি। ঐহাক্না খুদম অমগা লোয়ননা ঐহাক্কী ৱাফমশিং শেয়ার তৌজগে। কোরোনা ক্রাইসিস হৌরকপা মতমদুদা, ভারত্তা পি.পি.ই. কিৎ অমা ফাওবা শারমদে। ভারত্তা এন-৯৫ মাস্কশিং খরা খক্তমক পুথোক্লম্মি। ঙসিদি ঐখোয় নুমিৎ খুদিংগী পি.পি.ই. লাখ ২ অমসুং এন-৯৫ লাখ ২ পুথোকপা ঙম্বগী ফিভম অমদা লৈরে। ঐখোয়না মসি তৌবা ঙম্লিবা অসিগী মরমদি ভারতনা ক্রাইসিসপু তাঞ্জা অমদা ওন্থোকপদগীনি। ক্রাইসিসপু তাঞ্জা অমদা ওন্থোকপগী ভারতকী মিৎয়েং অসিনা মরোমদোম লেপচবা ভারতকী ওইবা ঐখোয়গী রিজোল্বকীদমক খুদম পীরগনি।    

মরূপশিং,

ঙসিদি সেল্ফ-রেলাইন্স ৱাহৈগী আর্থ অসি গ্লোবেল সেনেরিও হায়না অহোংবা লাক্লে। হ্যুমেন সেন্ত্রিক গ্লোবেলাইজেসন বর্সেস ইকোনোমী সেন্ত্রেলাইজ গ্লোবেলাইজেসন্দা খন্ন-নৈনবৈ চত্থরি। ঙারতকী ফন্দামেন্তেল থিঙ্কিংনা মালেমদা আশাগী মৈরা অমা পীরি। ভারতকী কলচর অমসুং ত্রেদিসন্না মরোমদোম লেপচবগী ৱাফম ফোংদোক্লি মদুগী থৱায়না বসুধৈবকুতুম্বকম্নি।

ভারতকী পান্দমশিং অমসুং এক্সনশিংনা মালেমগী য়াইফ থৌরাংদা মমি তারি। ভারতনা ওপন দিফেকেসনদগী ফ্রী ওইখিবা মতম অদুদা মালেমগী মমিদা অহোংবা লাকখি। তি.বি. ওইগেরা, মালন্যুত্রিসন ওইগেরা, পোলিও ওইগেরা, ভারতকী কেম্পেনশিং অসি মালেমদা ইথিন পীরি।

ইন্তরনেস্নেল সোলর এলাইন্স অসি গ্লোবেল ৱার্মিংগী মায়োক্তা ভারতকী খুদোলনি। ইন্তরনেস্নেল যোগ নুমিৎকী অনৌবা খোংথাং অসি স্ত্রেস লৈহন্দনবা ভারতকী খুদোলনি। মালেমগী তোঙান-তোঙানবা শরুকশিংদা লৈরিবা মীয়ামদা ভারতকী হিদাক-লাংথকশিংনা পুন্সিগী অনৌবা আশা অমা পীরি।

খোংথাংশিং অসিনা ভারতকীদমক মিংচৎ পুরক্লি অমদি মসিনা ভারত মচা পুম্নমকপু চাওথোকহল্লি। মালেং অসিনা থাজবা হৌরক্লে মদুদি ভারতনা য়াম্না নিংথিজনা তৌবা ঙমই, মীওইবা জাতিগী য়াইফনবগীদমক অফবা কয়া অমা পীবা ঙমই।

ৱাহংদি কমদৌনা?

ৱাহং অসিগী পাউখুমদি- মরোমদোম লেপচবা ভারত অমগীদমক ভারতকী মীওই কোতি ১৩০গী অপুনবা রিজোল্ব অমনি।

মরূপশিং,

চহিচা কয়াগী চাউথোকচনিঙাই ওইরবা পুৱারী অমা ঐখোয়গী লৈজরি। ভারতনা চাউখৎলিঙাই মতমদা মসিবু শনাগী উচেক হায়না কৌনরম্মি, চাউখৎলম্মি, মতম অদুদা মালেমগী য়াইফনবগী লম্বী খক্তদা চৎলম্মি।

মতমদা অহোংবা লাকখি, লাবাক অসি মীনাই য়োৎহিং থাংখি, ঐখোয় দিবেলপমেন্তকীদমক ইখৌ-লাংখি। ঙসি ভারত মসিগী প্রোগ্রেসতা মায় পাক্না মাংলোমদা চংশিল্লে, হৌজিকসু মালেমগী য়াইফনবা পান্দমদা লেমদনা লৈরি। চহিচা অসিগী হৌরকপদা থোকখিবা Y2K ক্রাইসিস অদু নিংশিংবীয়ু। ভারত্তগী তেক্নোলোজী এক্সপার্তশিংনা মালেম অসিবু ক্রাইসিস অসিদগী চিংথোরকখি। ঙসিদি ঐখোয়গী রিসোর্স লৈরে, ঐখোয়গী পাৱর লৈরে, অমসুং মালেনদা খ্বাইদগী ফবা তেলেন্ত অদু ঐখোয়গী লৈরে। 

ঐখোয়না খ্বাইদগী ফবা প্রদক্তশিং শেমগনি, ঐখোয়গী ক্বালিতী ফগৎনগনি, সপ্লাই চেনবু হেন্না মোদর্ন ওইহনগনি, মসি ঐখোয়না তৌবা ঙমই অমদি ঐখোয়না শোইদনা তৌগনি।

মরূপশিং,

ঐহাক্না ইশাগী ইমিৎমক্না কচ্ছকী য়ুহা হাখিবা উহৌই। মফম খুদিং অকায়-অতোয় ঙাক্তা তারম্মি। পুম্নমক মাংহন-তাকহল্লমি। কচ্ছ অসি অশিবগী ফি অমা শেৎলদুনা তুম্বগা পাঙখক ওইরম্মি। ফিভম অদুদা অহোংবা লাক্কনি হায়বা কনানসু থাজবা ঙমলোয়। অদুমওইনমক কচ্ছ অমুক হন্না হৌগৎলকখি, কচ্ছ লেং-খোৎপা হৌরকখি, কচ্ছ চৎপা হৌরকখি। মসি ঐখোয় ভারতমচাশিংগী গ্রিৎ অমসুং দিতরমিনেসন্নি।

করিগুম্বা ঐখোয়না তৌগে খনখ্রবদি ঐখোয়না ঐখোয়গী পান্দম অদু য়ৌবা ঙমই অমদি অরুবা লম্বী অমত্তা লৈরোই। অদুগা ঙসিদি অপাম্বসু লৈরে, লম্বীসু লৈরে। মসিনি ভারতপু মরোমদোম লেপচহনগদৌরিবা। ঐখোয়গী অপুনবা রিজোল্ব অসি অদুক্কী মতিক কল্লি মদুদি ভারতপু মরোমদোম লেপচবা ঙমহনগনি। 

মরূপশিং,

মরোমদোম লেপচবা ভারতকী চিংলেম্বা বিলদিং অসি য়ুম্বী মঙাদা লেপতুনা লৈগনি।

অহানবা য়ুম্বী অসি ইকোনোমীনি, অদুগুম্লবা ইকোনোমী অমা মদুনা ইনক্রিমেন্তেল চেঞ্জ নত্তনা ক্বান্তম জম্প পুরক্কদবা।

অনিসুবা য়ুম্বী অসি ইনফ্রাস্ত্রকচরনি, মোদর্ন ইন্দিয়াগী শক্তম ওইরক্কদবা ইনফ্রাস্ত্রকচর অমা।

অহুমসুবা য়ুম্বী অসি ঐখোয়গী সিস্তেমনি। ২১শুবা চহিচাগী মঙলানবু মংফাওনহনবা ঙম্বা সিস্তেম অমা।

মরিসুবা য়ুম্বী অসি ঐখোয়গী দেমোগ্রাফীনি। মালেমগী খ্বাইদগী চাউবা দেমোগ্রাফীদা ঐখোয়গী বাইব্রেন্ত দেমোগ্রাফী অসি ঐখোয়গী শক্তিনি, মরোমদোম লেপচবা ভারতকীদমক ঐখোয়গী সোর্স ওফ ইনর্জীনি।

মঙাসুবা য়ুম্বী অদি দিমান্দনি। ঐখোয়গী ইকোনোমীদা দিমান্দ অমসুং সপ্লাই চেনগী সাইকল অসি, শক্তি অসি মপুংফাবা পোতেন্সিয়েলদা শিজিন্নবা মথৌ তাই।

মরূপশিং,

কোরোনা ক্রাইসিস থেংনবগা লোয়ননা, অনৌবা রিজোলুসন অমগা লোয়ননা ঙসি ঐহাক্না অখন্নবা ইকোনোমি পেকেজ অমা লাউথোকচরি। মসিগী ইকোনোমিক পেকেজ অসিনা ‘আত্মানিভর ভারত অভিয়ান’ (মরোমদোম লেপচবা ভারত কেম্পেন)দা মরুওইবা লিঙ্ক অমগুম মথৌ তৌরগনি।

মরূপশিং,

হন্দক্তা সরকারনা কোরোনা ক্রাইসিসকা মরী লৈননা ইকোনোমীগী ওইবা লাউথোকখিবা অদু রিজার্ব বেঙ্ককী ৱারেপনি। ঙসি লাউথোক্লিবা ইকোনোমিক পেকেজ অসি তিনশিল্লগদি চাউরাক্না লুপা কোতি লাখ ২০গীনি। পেকেজ অসি ভারতকী জি.দি.পি.গী চাদা ১০গা মানরি। মসিগা লোয়ননা লৈবাক অসিগী তোঙান-তোঙানবা সেক্সনশিং অমসুং ইকোনোমিক সিস্তেমদা লিঙ্ক তৌরিবা মখোয়শিং অদুনা লুপা কোতি লাখ ২০গী মতেং ফংলগনি। পেকেজ অসিনা ২০২০দা লৈবাক অসিগী চাউখৎ খোংচৎতা অনৌবা লেংহন্নবা পাঙ্গল অমা পীরগনি অমদি মরোমদোম লেপচবা ভারত কেম্পেনদা অনৌবা মায়কৈ অমা পীরগনি। মরোমদোম লেপচবা ভারত অমগী রিজোল্বকী সাক্ষি ওইনবা পেকেজ অসিদা লৈবাক, শিন্মী, শেল-থুম মরাং কায়না লৈবা অমসুং আইন – হায়রিবশিংসিদা অকনবা ৱাফম থম্লি।

মসিগী ইকোনোমিক পেকেজ অসি মীওই মিলিয়ল কয়াগীদমক হিংনবগী সোর্স অমা ওইরিবা, মরোমদোম লেপচবা ভারত অমগীদমক ঐখোয়গী রিজো্বশিংগী অচেৎপা ফাউন্দেসন অমা ওইরিবা ঐখোয়গী কোতেজ ইন্দস্ত্রী, হোম ইন্দস্ত্রী, ঐখোয়গী স্মোল-স্কেল ইন্দস্ত্রী, ঐখোয়গী এম.এস.এম.ই.গীনি। মসিগী ইকোনোমিক পেকেজ অসি ফিভম খুদিংমক্তা, সিজন খুদিংক্তা লৈবাক মীয়ামগীদমক অয়ুক অমসুং নুমিদাং থবক তৌরিবা অদুগুম্লবা লৈবাক অসিগী শিন্মীগীদমক্তনি, লৈবাক অসিগী ফার্মরশিংগীদমক্তনি। মসিগী ইকোনোমিক পেকেজ অসি পুকচেল শেংনা তেক্স থিরিবা অমদি লৈবাক্কী দিবেলপমেন্তদা থৌদাং লৌরিবা লৈবাক অসিগী মিদল ক্লাসকীদমক্তনি। মসিগী ইকোনোমিক পেকেজ অসি ভারতকী ইকোনোমিক পোতেন্সিয়েলদা ইনোৎ অমা পীনবা হোৎনরিবা ইন্দিয়ান ইন্দস্ত্রীশিংগীদমক্তনি। হয়েংদগী হৌরগা লাক্কদৌরিবা নুমিৎ খরা অসিদা ফাইনান্স মিনিস্তরনা মরোমদোম লেপচবা ভারত কেম্পেন্না ইন্সপায়র ওইরবা মসিগী ইকোনোমিক পেকেজ অসিগী মতাংদা মচা খায়বা ইনফোর্মেসন পীরগনি।

মরূপশিং,

মরোমদোম লেপচবা ভারত অমা শেমনবগীদমক বোল্দ রিফোর্মগী কমিতমেন্তকা লোয়ননা হৌজিক লৈবাক অসি মাংলোমদা চংশিনবা তাই। অদোম্নসু এক্সপরিয়েন্স লৈবিরম্লগনি মদুদি হৌখিবা চহি ৬ হেনবদা তৌখিবা রিফোর্মশিংগী মহৈ ওইনা ঙসি ক্রাইসিসকী মতম অসিদা ভারতকী সিস্তেমশিং হেন্না ইফিসিয়েন্ত ওইবা উবা ফংলি। মদু নত্রগদি কনানা খনবা ঙম্বগে মদুদি ভারত সরকারনা থাখিবা পৈশাশিং লাইরবা লৌমীশিংগী ফুরিৎখাওদা দাইরেক্ত চংবা ঙমগনি। অদুবু মসি ওইথোকখি। মদুসু সরকারগী ওফিস পুম্নমক থোং লোনবা মতমদা ওইথোকখি, ত্রান্সপোর্তকী উপায় থিংখিবা মতমদা ওইথোকখি। মসি জনধন-আধার-মোবাইল- জামগী ত্রিশক্তিগা মরী লৈনবা রিফোর্ম অমনি। হৌজিক রিফোর্মগী স্কোপ অসি হেন্না পাকথোকনবা তাই, অনৌবা অৱাংবা থাক্তা পুখৎপা তাই।  

মরূপশিং,

মসিগী ক্রাইসিস অসি অদুক্কী মতিক চাউখ্রে মদুদি খ্বাইদগী চাউরবা সিস্তেম ফাওবা নিক্লি। অদুম ওইনমক, সর্কমস্তেন্স অসিগী মখাদা লৈবাক অসিনা ঐখোয়গী লায়রবা ইচিল-ইনাও অমসুং ইচল-ইচেশিংগী রিজোল্ব অমসুং রেস্ত্রেন্ত অদুসু উবা ফংখি। অখন্ননা ঐখোয়গী স্ত্রীৎ বেন্দরশিং, হোকরশিং, লেবরশিং, য়ুমদা থবক শুরিবা মখোয়শিং অদুনা মতম অসিদা তপস্য য়াম্না তৌখি, চাউনা কত্থোকখি। হৌজিক মখোয়বু মপাঙ্গল কলহনবা, মখোয়গী ফাইনান্সিয়েলগী মথৌ তাবশিংগীদমক অচৌবা খোংথাং লৌখৎপা অসি অসি ঐখোয়গী ইথৌনি।

মসি ৱাখলদা থমদুনা, লাইরবা ওইগেরা, লেবরশিং ওইগেরা, মাইগ্রেন্ত লেবরশিং ওইগেরা, শা-শন লোইবা ওইগেরা, ঐখোয়গী ঙামীশিং ওইগেরা ওর্গনাইজ সেক্তর নত্রগা অনওর্গনাইজ সেক্তর ওইগেরা, ইকোনোমিক পেকেজ অসিদা সেক্সন খুদিংমক্কীদমক মরুওইবা ৱারেপ খরা লাউথোক্লগনি।

মরূপশিং,

কোরোনা ক্রাইসিসনা ঐখোয়দা লোকেল মেনুফেকচরিং, লোকেল মার্কেৎ অমসুং লোকেল সপ্লাই চেনগী মরুওইবা অদুসু শন্দোক্না তাক্লি। ক্রাইসিসকী মতম অসিদা লোকেলনা ঐখোয়গী দিমান্দশিং মপুং ফাহল্লি, লোকেলনা ঐখোয়বু কনবীরি। লোকেল অসি দরকার ওইবা অদু খক্তা নত্তে, মসি ঐখোয়গী থৌদাংসুনি। মতমনা ঐখোয়দা তম্বীরি মদুদি ঐখোনা লোকেলবু ঐখোয়গী পুন্সিগী মন্ত্র অমা ওইহনগদবনি। মরম অদুনা ঙসিদগী ভারত মচা পুম্নমক্না মখোয়গী লোকেলগীদমক খোংজেল ওইগদবনি, লোকেল প্রদক্তশিং লৈবা খক্তা নত্তনা চাউথোকপগা লোয়ননা মখোয়বু প্রমোৎ তৌগদবনি। ঐখোয়গী লৈবাক অসিনা মসি তৌবা ঙমগনি হায়না ঐহাক্না থাজবা থম্লি।

মরূপশিং,

এক্সপার্তশিং অমসুং সাইন্তিস্তশিংনা কোরোনা অসি মতম কুইনা ঐখোয়গী পুন্সিগী শরুক অমা ওইগনি হায়না ফোংদোক্লি। অদুবু ঐখোয়গী পুন্সি অসি কোরোনাগী অকোয়বা খক্তদা ফাজিন্দুনা লৈহনবসু য়াদে। ঐখোয়না মাস্কশিং উপকনি, খুদুপ অনিগী অরাপ্পা ঙাক্না চৎকনি অমদি ঐখোয়গী পান্দমবু ফংনবা তান্নগনি।

মরম অদুনা লোকদাউনগী মরিসুবা ফেজ, লোকদাউন ৪ অসি অনৌবা রুলশিংগা লোয়ননা মপুংফানা নৌনা দিজাইন তৌগনি। রাজ্যশিংদগী ঐখোয়না ফংলিবা সজেসনশিংদা য়ুমফম ওইরগা, লোকদাউন ৪গা মরী লৈনবা ইনফোর্মেশনসু অদোমগী মফমদা মে ১৮গী মমাংদা ফংহল্লগনি। ঐহাক্না থাজবা থম্লি মদুদি রুলশিং অদু ইন্দুনা ঐখোয়না কোরোনা থেংনগনি অমদি মাংলোমদা চংশিনগনি।     

মরূপশিং,

ঐখোয়গী কলচরদা হায়রি, ‘সর্বম আত্ম বংশ সুখম’, হায়বদি ঐখোয়গী কন্ত্রোলদা লৈরিবসি নুংঙাইবনি। ইরোমদোম লেপচবনা ঐখোয়দা নুংঙাইবা, অপেনবা অমসুং এম্পৱারমেন্ত পারি। ২১শুবা চহিচাবু ভারতকী চহিচা ওইহন্নবা ঐখোয়গী থৌদাং অদু মরোমদোম লেপচবা ভারতকী ৱাশক্না মপুং ফাহনগনি। মসিগী থৌদাং অসি ভারত মচা কোতি ১৩০গী লাইফ ফোর্স খক্তদগী ইনর্জী ফংগনি। মরোমদোম লেপচবা ভারতকী য়ুগ অসি ভারত মচা খুদিংমক্কীদমক অনৌবা ৱাশক্কা লোয়ননা অনৌবা কুমহৈ অমসুং ওইরগনি। হৌজিক অনৌবা রিজোল্ব অমসুং দিতরমিনেসন অমগা লোয়ননা ঐখোয় মাংলোমদা চংশিনবা তাই। ঐখোয়না ভারতপু মরোমদোম লেপচবা জাতি অমা ওইহনবা ঙমগনি। ঐখোয়না ভারতপু মরোমদোম লেপচবা ঙমহনগনি। রিজোল্ব অসিগা লোয়ননা, থাজবা অসিগা লোয়ননা, ঐহাক্না অদোমবু য়াইফ-পাউজে লপীজরি।