ভারতকী প্রধানমন্ত্রী

২০১৯গী নবেম্বর ১৩দা ব্রাসিলিয়াদা ১১শুবা ব্রিক্স মীফমগী নাকলদা প্রধান মন্ত্রী নরেন্দ্র মোদীনা ব্রাজিলগী প্রসিদেন্ত জাইয়র মেসিয়াস বোলসোনারোগা উনখ্রে।

২০২০গী গনতন্ত্র দিৱস থৌরমদা চীফ গেস্ত ওইনা প্রধান মন্ত্রী মোদীনা ব্রাজিলগী প্রসিদেন্তা চেবাউ পীখি। হরাওবগা লোয়ন্না চেবাউ অদু ব্রাজিলগী প্রসিদেন্তনা লৌখি।

থৌরম অসিনা লৈবাক অনিগী মরক্ত লৈনরিবা মরী ফগৎহনগনি হায়না লুচিংবা অনিনা য়ানখি। পি এম মোদীনা হায়খি ললোন-ইতিক্কা মরি লৈনবা ৱাফমশিং খন্নগনি হায়না মহাক্না থাজবা থম্লি। লৌউ-শিংউগী খুৎলাই, শা-শন লোইবা, মহৈ-মরোং লোক্লবা মতুংগী তেক্নোলোজী অমসুং বাইওফুয়েলগী মতাংদা ব্রাজিলনা শেন থাদবা য়াবা হিরম কয়া লৈরি।

মহাক্না শেম-শারিবা অমসুং ভারত্তা লাকপদা মহাক্কা লোয়ননা মশিং য়াম্লবা ললোন-ইতিক্কী মীহুৎ কাংবু অমা য়াওরক্কনি হায়না ব্রাজিলগী প্রসিদেন্তনা প্রধান মন্ত্রীদা ফোংদোকখি। স্পেস অমসুং দিফেন্স সেক্তরদা মতেং পীন্নবা মখোয়না খন্নখি। ভারতকী মীওইশিং লাকপদা ভিসা লৌদনবা প্রসিদেন্তকী ৱারেপ অদু প্রধান মন্ত্রীনা তরাম্না ওকখি।