ভারতকী প্রধানমন্ত্রী

২০১৯, নবেম্বর ১৩দা ১১শুবা ব্রিক্স মীফমগী নাকলদা প্রধান মন্ত্রী নরেন্দ্র মোদীনা চাইনাগী প্রসিদেন্ত সি জিনপিংগা উনখ্রে।

চেন্নাইদা ২শুবা ইনফোরমেল মীফম পাংথোকপগীদমক প্রসিদেন্ত জিনপিংনা প্রধান মন্ত্রীবু থাগৎখি অমসুং হায়খি মদুদি ভারতকী প্রধান মন্ত্রী মোদী অমসুং ভারতকী মীয়াম্না তরাম্না ওকখিবা অদু মহাক্না কাউবা ঙম্লোই। ২০২০দা চাইনাদা পাংথোক্কদৌরিবা ৩শুবা ইনফোর্মেল সমিৎকীদমক মহাক্না প্রধান মন্ত্রীদা চেবাউ পীখি। মতম অমসুং মফম দিপ্লোমেতিক চেন্নেলশিংগী খুৎথাংদা লেপকনি।

ললোন-ইতিক অমসুং ইনভেস্তমেন্তগী মতাংদা কুপ্না ৱারী শানবগী মরুওইবা অদু মখোয়না য়ানখি। হন্দক সংহাইদা পাংথোকখিবা চাইনা ইম্পোর্ত এক্সপোর্ত এক্সপোদা ভারতনা থৱায় য়াওনা শরুক য়াবগীদমক প্রসিদেন্ত সিনা প্রধান মন্ত্রী থাগৎখি। ললোন-ইতিক অমসুং শেন-থুমগী মতাংদা অথুবদা অৱাংবা থাক্কী থবক পায়খৎপা হায়না লুচিংবা অনিনা য়ানখি।

মথং চহিদা পাংথোক্কদৌরিবা লৈবাক অনিগী মরক্ত দিপ্লোমেতিক মরি লৈনরকপগী চহি ৭০শুবা থৌরমগী শেম-শারিবশিং লুচিংবা অনিনা অমুক হন্না খন্নখি। মসিনা মীগা-মীগা লৈনবা মরীশিং ফগৎহনগনি হায়না মখোয়না য়ানখি।

ঙমখৈগী মতাংদা অখন্নবা মীহুৎশিংগী অতোপ্পা মীফম অমা পাংথোক্নবা লুচিংবা অনিনা য়ানখি অমসুং ঙমখৈগী শরুকশিংদা শান্তি অমসুং ঙাকশেনগী থবক লৈহনবগী মরুওইবা অদু অমুক থমখি।

লুচিংবা অনিনা দব্লিউ তি ও, ব্রিক্স অমসুং আর সি ই পি য়াওনা মালেমগী ওইবা ৱাফমশিংগী মতাংদা ৱা খন্নখি।