ভারতকী প্রধানমন্ত্রী

“মসিনা ভারতপু প্রজাগী পুন্সিগী শম্নহন্দুনা মতিকচাবা স্কিমশিংগী খুত্থাংদা খুৎকন পাঙ্গনবা লৈবাক অমা শেমগৎনবগী মায়কৈদা অচেৎপা খোংথাং অমনি।

বজেৎ অসিদা মিদল ক্লাসতগী হৌরগা লেবরশিং ফাওবা, লৌমী চাওখৎহনবদগী হৌরগা বিজিনেসশিংগী প্রোগ্রেস ফাওবা, ইনকম তেক্স রিলিফতগী হৌরগা ইনফ্রাস্ত্রকচর ফাওবা, মেন্যুফেকচরিংদগী হৌরগা এম.এস.এম.ই. সেক্তর ফাওবা, হাউজিংদগী হৌরগা হেল্থকেয়র ফাওবা, ইকোনোমীগী অনৌবা খোংজেলদগী হৌরগা ন্যু ইন্দিয়া শেমগৎপা ফাওবা, বজেৎ অসিনা পুম্নমক্তা মীৎয়েং থম্লি।

মরূপশিং, ঐখোয়গী সরকারগী স্কিমশিংনা লৈবাক অসিগী মীপুম খুদিংমক্কী পুন্সিদা পোজিতিব ওইবা ইম্পেক্ত পীরি। আয়ুশ্মান ভারত য়োজনাগী কানবা লায়রবা কোতি ৫০দা শোয়দনা ফংলনি। প্রধান মন্ত্রী জিবন জ্যোতি য়োজনা অমসুং সুরক্ষা বিমা য়োজনাগী কানবা লায়রবা কোতি ২১না ফংলি। ইমুং কোতি ৯ হেনবনা স্বচ্ছ ভারত মিসনগী কানবা ফংলে। উজ্জ্বলা য়োজনাগী মখাদা ইমুং কোতি তরুক হেনবনা লেম্না গ্যাস কনেক্সন ফংলে। প্রধান মন্ত্রী অৱাস য়োজনানা মরম ওইদুনা ইমুং কোতি ১.৫না মখোয়গী ওইবা চেক্কী য়ুম ফংলে।

বজেৎ অসিনা লৌমী কোতি ১২ হেনবদা, তেক্স থিরিবা মিদল ক্লাসকী ইমুং কোতি ৩ হেনবদা অমদি লেবর কোতি ৩০–৪০দা দাইরেক্ত ওইনা কানবা ফংহল্লগনি।

মরূপশিং সরকারনা হোৎনবদগী ঙসিদি লৈবাক অসিদা লাইরবগী মশিং রেকোর্দ ওইবা খোংজেলদা হন্থরে, মীওই লাখ কোতি কয়া লায়রববু নমথদুনা অনৌবা মিদল ক্লাস, মিদল ক্লাসতা চংলক্লে। অসিগুম্বা তঞ্জা অসিদা ঐহাক্না লৈবাক অসিগী মিদল ক্লাস, সেলরিদ মিদল ক্লাসপু ইনকম তেক্সকী রেৎশিংদা ফংলিবা কোমথোকপা অদুগীদমক হন্না–হন্না য়াইফ পাওজেল পীজরি।

অসিগুম্বা মিদল ক্লাস অমদি হাই মিদল ক্লাসকী পুকচেল চাওবা অদুনা মখোয়গী পুকচেল শেংবা অদুনা আইন ঙাক্না চৎপা মখোয়গী কমিৎমেন্ত অদুনা লৈবাক অসিনা তেক্স ফংদুনা লৈবাক অসিগী স্কিমশিং শেমগৎলি, লায়রবশিংদা কান্নহল্লি। চহী কয়াগী মমাংদগী চহীদা লুপা লাখ মঙা ফাওবগী ইনকম লৈবশিং ইনকম তেক্সতগী কোমথোক্নবা তক্নদুনা লাক্লি। চহী কয়াদগী তক্নদুনা লাক্লবা অসি পাংথোকপগী থবক ঐখোয়গী সরকারনা তৌরি।

মরূপশিং লৌমীশিংগীদমক্তা মতম মতমগী ওইনা তোঙান তোঙানবা স্কিমশিং তোঙান তোঙানবা সরকারশিংনা শেমলি অদুবু অৱাংবা থাক্তা লৈবা লৌমী কোতি অনি অহুমদগী হেন্না লৌমী অমত্তা স্কিমশিং অসিগী মনুংদা লাকখিদ্রি। হৌজিক্তি প্রধান মন্ত্রী কিশান সম্মান নিধি হায়বদি প্রধান মন্ত্রী কিশান য়োজনা হায়নবা অদুগী কানবা একর মঙাদগী তানা লৌ লৈবা অদুগুম্লবা লৌমী কোতি ১২ হেনবনা ফংলগনি। অমরোমদা হায়রুরবদি মসিনা নিং তম্লবা মতুংদা লৈবাক অসিগী পুৱারিদা লৌমীশিংগীদমক শেম্বা খ্বাইদগী চাওবা স্কিমনি। ঐখোয়গী সরকারনা লৌমীশিংগীদমক অচেৎপা খোংথাং অমগী মথংদা অমা পায়খৎলি। শা–শন লোয়বা, ঙা য়োকপা অসিনচিংবা খুঙ্গংগী পুন্সি অমসুং লৌমীগী পুন্সিগা মরী লৈনবা মরুওইবা হিরমশিংগীশু বজেৎ অসিদা অখন্নবা মীৎয়েং থম্লি। রাস্ত্রীয়া কামধেনু আয়োগ, অমদি ঙা য়োকপগী তোঙানবা দিপার্তমেন্তনা লৌমী কোতি কয়াবু মখোয়গী হিংনবা পাম্বৈ হেঙ্গৎহনবদা মতেং ওইরগনি। ঙামীশিংগী মতেং পাংলগনি। লৌমীশিংনা মখোয়গী শেন্থোক শরুক অনি ওইহনবা ঙমজনবা ঐখোয়না মপুং ফানা হোৎনরি। ঙসিগী ৱরেপশিং অসিনা মিসন অসি খোংজেল য়াংহল্লগনি।

মরূপশিং ঙসি ভারত্তা তোঙান তোঙানবা লমদমশিংদা দিবেলপ তোরি অনৌ অনৌবা মখলগী লমশিংদা অনৌ অনৌবা এক্সপানসনশিংদা অনৌ অনৌবা মওংগী স্কিমশিংদা প্রোগ্রেস লৈরি অমদি লমশিং অসি থবক তৌবা মীওইশিংগী মশিংসু লেপ্পা লৈতনা হেঙ্গৎলক্লি। অদুবু ওর্গনাইজ ওইদবা এরিয়াগী লেবরশিং, শিন্মীশিং, মখোয় অদুনা য়ুমদা থবক শুবা ওইগেরা নত্রগা লৌবুক্তা থবক শুবা শিন্মী ওইগেরা নত্রগা থেলা ইনবা ওইগেরা মখোয়গী করিসু খল্লমদে। মখোয়বু মখোয়গী মরাইবক্তা থাদোক্লম্মি। ঐখোয়গী লৈবাক্তা মখোয়গী মশিং ওর্গনাইজ ওইদবা লেবরগী মশিং চাওরাক্না কোতি ৪০,৪২ লৈরি, মখোয়গীদমক প্রধান মন্ত্রী শ্রম যোগী মানধন য়োজনা মখোয়গী পুন্সিগী চহী ৬০গী মতুংগী পুন্সিগীদমক য়াম্না চাওনা কানগনি, মখোয়না আয়ুশ্মান ভারত য়োজনা, প্রধান মন্ত্রী জীবন জ্যোতি য়োজনা, প্রধান মন্ত্রী সুরক্ষা বিমা য়োজনা, প্রধান মন্ত্রী অৱাস য়োজনা অসিগুম্বা মশিং য়াম্লবা স্কিমশিংগী কানবদি শোয়দনা ফংগনি। অহল ওইরকপা মতমদা পুন্সি মহিং হিংনবা পেন্সনসু ফংগনি।

ইচিল–ইনাও অমশুং ইচল–ইচেশিং, ঐখোয়গী সরকার অসিনা করিগুম্বা খরনা মরম ওইদুনা হৌজিকসু দিবেলপমেন্তকী কানবা মপুং ফানা লৌবা ঙমদ্রিবা লৈবাক অসিগী নাগরিক খুদিংমকপু দিবেলপমেন্তকী মরুওইবা ইচেলগা শম্নহন্নবা হোৎনরি। সমাজকী অরোইবা চেনাদা লেপ্লিবা মীওই অদু ফাওবা য়ৌহন্নবা হোৎনবা অসিদা কোয়চৎ চৎপা কমুনিতী শম্না হায়রবদা মদারিগুম্বা, সপেরাগুম্বা, বঞ্জারাগুম্বা, গারিয়া লোহরশিং অসিনচিংবশিংগীদমক ৱেলফেয়র বোর্দ শেম্নবসু ৱারেপ লৌরে। ঐহাক্না থাজবা থম্লি মদুদি অচুম্বা মশক খংদোক্লবা মতুংদা সরকারগী চাওখৎ থৌরাংগী থবকশিং কমুনিতীশিং অসিদা খোংজেল য়াংনা ফংলগনি।

মরূপশিং, ললোন ইতিক তৌবা কাংলুপকীদমক, ত্রেদর্সকীদমক মন্ত্রালয় অমা থম্নবা ৱাখল্লোনদা অনৌবা সিস্তেম অমা শেমগৎনবগী মায়কৈদা ঐখোয় মাংলোমদা চংশিল্লি। লৈবাক অসিগী ললোন ইতিক তৌবা কাংলুপ, ত্রেদর্স অমসুং মশিং য়াম্লবা এমপ্লোয়শিংগী দরকার ওইবা অদু খংলদুনা মখোয়গী মথৌতাবশিং অদু মপুং ফাহন্নবা দি.আই.পি.পি.বু রিস্ত্রকচর তৌদুনা অখন্নবা থৌদাং পীরি। হৌজিক্তি মসি দিপার্তমেন্ত ফোর প্রমোসন ওফ ইন্দস্ত্রীজ এন্দ ইন্তরনল ত্রেদ হায়না খংনরগনি।

ঐহাক্না নুঙাইবা ফাওই মদুদি মথংগী চহী তরাগী খুজিংগী লোইরকপা ফাওবগী মথৌ তৌবশিং অমসুং পান্দমশিং অদু ৱাখলদা থমদুনসু বজেৎ অসিদা স্কিমশিং য়াওহল্লে। বজেৎ অসিনা লাইরবদা শক্তি পীগনি, লৌমীশিংবু চেৎশিলহল্লগনি, শিন্মীশিংবু ইকায় খুম্নবা ফংলগনি, মিদল ক্লাসকী মংলানশিং মংফাওনহল্লগনি, পুকচেল শেংনা তেক্স থিরিবশিংবু পুক্নিং থৌগৎলগনি, ত্রেদর্সপু মপাঙ্গল কনখৎহল্লগনি, ইনফ্রাস্ত্রকচর শেমগৎপদা খোংজেল য়াংশিল্লগনি, শেল থুমগী ফিভমদা অনৌবা থৌনা ফংলগনি। লৈবাক অসিগী থাজবা হেঙ্গৎহল্লগনি। বজেৎ অসিনা ন্যু ইন্দিয়াগী পান্দমশিং ফংবদা লৈবাক অসিগী মীয়াম কোতি ১৩০দা অনৌবা ইনর্জী পীরগনি। বজেৎ অসি লোয়না শিন থুংবা, পুম্নমক্কী পুন্সিগা শম্নবা অমসুং পুম্নমক ইনক্লুসিব ওইবা বজেৎনি। মসিনা পুম্নমক্কী দিবেলপমেন্ততকীদমক কৎথোক্লি।

ঐহাক্না অমুক হন্না ঐখোয়গী মরূপ অরুন জীবু অমদি পিয়ুশ জীবু অমদি মখোয়গী তিম্বু মসিগী অথোইবা বজেৎকীদমক হন্না হন্না থাগৎচরি।”