ভারতকী প্রধানমন্ত্রী

খুরুমজরি মরুপশিং,

হিজ এক্সিলেন্সী অব্দুল্লা সহিদ জি

অদোম্না প্রসিদেন্তগী ফম পুরকখিবগীদমক থমোই শেংনা থাগৎপা ফোংদোকচরি৷ চাওখৎলক্লিবা লৈবাকশিং অমদি রাজ্যশিং ওইরক্লিবা অপিকপা ইথৎ পুম্নমক্কী ওইনা অদোমগুম্বনা প্রসিদেন্ত ওইরকপা অসি য়াম্না চাওথোকচনিংঙাইনি৷

শ্রী প্রসিদেন্ত,

হৌখিবা চহি অমগা মখায় অসিদা, মালেম পুম্বনা চহি চাম্মদা খ্বাইদগী চাওবা লাইনা-লাইচৎ অসি থেংন্দুনা লাক্লি৷ অসিগুম্বা কিনিংঙাই ওইরবা লাইনা-লাইচৎ অসিদা থৱাই মাংখ্রবা মীওই পুম্নমক্তা ঐনা ইকাই খুম্নবা উৎচরি অমদি ইমুং-মানুংগী অৱাবদসু শরুক য়াজরি৷

শ্রী প্রসিদেন্ত,

ঐহাক ‘দেমোক্রেসীগী মমা’ হায়না খঙনরিবা লৈবাক অমগী মীহুৎ ওইরি৷ চহি লিশিং কয়াদগী ঐখোয়গী ফজরবা দেমোক্রেসীগী চৎনবা অমা লৈরম্লে৷ ওগস্ত ১৫দা, ভারতনা মনিং-মখা তম্লকপা চহি ৭৫ মপুং ফাখি৷ ঐখোয়গী দাইবর্সিতী অসিনা ঐখোয়গী মপাঙ্গল লৈরিবা দেমোক্রেসী অসিগী হোলমার্ক ওই৷

লোন মখল কয়া অমা, দাইলেক্ত চা কয়া, তোঙান তোঙানবা লাইফস্তাইল, চিঞ্জাক মখল কয়া লৈরিবা লৈবাক অমনি৷ মসিনা ‘বাইব্রেন্ত দেমোক্রেসী’গী খ্বাইদগী মতিক চারবা খুদম্নি৷

মতম অমগী রেলৱে স্তেসন অমদা হাংলম্বা ‘চাগী দুকান’ অমদা মপাগী মতেং পাংলমখিবা অপিকপা অঙাং অমনা ঙসিদি ভারতকী প্রধান মন্ত্রী ওইনা মরিরকশুবা ওইনা য়ু.এন.জি.এ.দা ৱা ঙাংলিবা অসি ভারতকী দেমোক্রেসীগী মপাঙ্গলনি৷

মতম কুইনা গুজরাতকী মুখ্য মন্ত্রীনা ওইনা পুরমদুনা, ভারতকী প্রধান মন্ত্রী ওইরকখিবা চহি ৭ শুরে, ঐনা হেদ ওফ গভর্মেন্তগী থৌদাং লৌদুনা লৈবাক অসিগী থবক তৌরকপা চহি ২০ শুরে৷

অদুগা মসি ঐগী এক্সপরিয়েন্সতগী ফোংদোক্লিবনি-

চুম্মী, দেমোক্রেসীনা পীবা ঙম্মী৷ চুম্মী, দেমোক্রেসীনা পীবা ঙম্মী৷

শ্রী প্রসিদেন্ত,

ঙসি অসি ‘ইকতম মানবদর্শন’গী মপা পন্দিৎ দীন দয়াল উপদ্য জিগী মপোক-কুমওন নুমিৎনি৷ মসি ইতোম্তদী ময়াম পুন্দুনা দিবেলপমেন্ত পুরকপা অমদি এক্সপান্সন তৌরকপগী কো-জর্নীনি৷

ইশাবু চাওথোহল্লকপা, ইন্দিবিজ্যুল ওইনা লৈরম্বদগী সমাজ, লৈবাক অমসুং মীওইবা জাতি পুম্বদা লাকপা অমদি মসিগী কন্তেমপ্লেসন অসি অন্ত্যোদয়াদা দেদিকেৎ তৌই৷ ঙসিগী মরোলদা, মীওই অমতবু লেমহৌদনা থম্বা অসিবু অন্ত্যোদয়া কৌই৷

স্পিরিত অসিগা লোইননা, ঙসিগী ভারতনা ইন্তিগ্রেতেদ, ইক্বুইতেবল দিবেলপমেন্তগী লম্বীদা চংশিল্লক্লি৷ হৌখিবা চহি তরেৎ অসিদা, ভারত্তা লৈরিবা মীওই মিলিয়ন ৪৩০ হেনবনা বেঙ্কিং সিস্তেমদা কন্নেক্ত তৌখ্রে৷ ঙসিদি, মমাংগী মতমদা ইন্সুরেন্সকী মতাংদা খল্লুদ্রবা মীওই মিলিয়ন ৩৬০ হেনবনা ইন্সুরেন্স কভরেজ ফংলে৷

মীওই কোতি ৫০ হেনবদা লেম্না ত্রিতমেন্ত পীদুনা, ক্বালিতী লৈবা হেল্থ সর্ভিসকা লোইননা ভারতনা মখোয়গা কন্নেক্ত তৌখ্রে৷ ভারতনা পক্কা হাউস মিলিয়ন ৩০ শাখ্রে, ময়ুম লৈতবা ইমুংশিংদা মশাগী ময়ুম লৈহনখ্রে৷

শ্রী প্রসিদেন্ত,

ইশিং মোৎশিনহনবা হায়বসি ভারত খক্তগী নত্তনা মালেম পুম্বগী অমদি লাইরবা অমসুং চাওখৎলক্লিবা লৈবাকশিংগী ওইনা অচৌবা প্রোব্লেম অমনি৷ ভারত্তা মসিগী চেলেঞ্জ অসি থেংননবগীদমক, য়ুমথোং মিলিয়ন ১৭০ হেনবদা অফবা পাইপকী ইশিং পীননবা ঐখোয়না অচৌবা কেম্পেন্দ অমা চত্থরি৷

লৈবাক অমা চাওখৎননবগীদমক, লৈবাক অদুদা লৈরিবা প্রজাশিং অসিদা লম অমদি য়ুমগী মতিক চাবা হক লৈহনবা, হায়বদি মপু ওইবগী রেকোর্দ লৈহনবা য়াম্না মরু ওই হায়বসি মালেমগী অচৌবা ওর্গনাইদজেসনশিংনা খঙখ্রে৷ মালেমগী অচৌবা লৈবাকশিংদা, লম অমদি য়ুমগী মতিক চাবা হক নিংথিনা লৈজদবা মীওই কয়া অমা লৈ৷

ঙসিদি, ভারতকী খুঙ্গং ৬০০০০০ হেনবদা দ্রোনশিং শিজিন্নদুনা লম অমদি য়ুমশিং অসি মেপ্পিং তৌদুনা মীওই মিলিয়ন কয়াদা মখোয় মশা মশাগী ময়ুমশিং অমদি লমশিংগী দিজিতেল রেকোর্দ ফংহন্নবা ঐখোয়না হোৎনরি৷

মসিগী দিজিতেল রেকোর্দ অসিনা প্রোপর্তী দিস্প্যুতশিং হন্থহন্দুনা মীয়াম্না ক্রেদিৎ-বেঙ্ক লোনশিং লৌবদা লাইথোকহল্লি৷

শ্রী প্রসিদেন্ত,

ঙসিদি, মালেম অসিদা লৈরিবা তরুকশুবা মীওই খুদিংমক ভারত মচানি৷ ভারতনা চাওখৎলকপা মতমদা, মালেম অসিসু চাওখৎলক্কনি৷

ভারতকী ফিভম ফগৎলকপা মতমদা, মালেমগী ফিভম ফগৎলক্কনি৷ ভারতনা শেমদোরকপা মতমদা, মালেম অসিসু অহোংবা লাক্কনি৷

ভারত্তা সাইন্স অমসুং তেক্নোলোজীদা বেজ তৌরিবা ইন্নোবেসনশিং অসিনা মালেম অসিদা চাওনা মতেং পাংগনি৷ ঐখোয়গী তেক-সোলুসনশিং অমদি মখোয়গী লো কোস্ত অনিমক অসি মান্নদে৷

ঐখোয়গী য়ুনিফাইদ ইন্তরফেজ য়ু.পি.আই.গা লোইননা, ঙসিদি ভারত্তা থা খুদিংগী ত্রান্সেক্সন বিলিয়ন ৩.৫ হেন্না তৌরি৷ ভারতকী ভেক্সিন দেলিভরী প্লেতফোর্ম কো-ৱিননা নোংম খক্তদা ভেক্সিন দোজ মিলিয়ন কয়াগী দিজিতেল সপোর্ত পীরি৷

শ্রী প্রসিদেন্ত,

सेवापरमोधर्म: (সেৱা পর্মো ধর্ম)

‘সেৱ পর্মো ধর্ম’গী প্রিন্সিপলদা হিংলিবা ভারতনা লিমিতেদ রিসোর্সশিং লৈজরগসু ভেক্সিন দিবেলপমেন্ত অমদি মেনুফেকচরিংদা দেদিকেৎ তৌরি৷

চহি ১২গী মথক্তা লৈরিবা মীওই পুম্নমক্তা কাপ্পা য়ারিবা মালেম অহানবা দি.এন.এ. বেজ ভেক্সিন ভারতনা শাখ্রে হায়না ঐনা য়ু.এন.জি.এ.দা খঙহনবা পাম্মী৷

অতোপ্পা এম.-আর.এন.এ. ভেক্সিন শাবগী ফাইনেল স্তেজশিংদা লৈরে৷ ভারতকী সাইন্তিস্তশিংনা কোরোনাগীদমক নসাল ভেক্সিন শাননবা হোৎনরি৷ মীওইবা জাতিগীদমক পাংথোক্কদৌরিবা থৌদাং অদু মশক খঙলদুনা, ভারতনা অমুক্কা হন্না মালেম অসিগী ভেক্সিন দরকার ওইরিবা মীওইশিংদা ভেক্সিন য়েন্থোকপা হৌখ্রে৷

ঙসিদি, ঐনসু মালেম অসিগী মফম পুম্নমক্তা লৈরিবা ভেক্সিন মেনুফেকচরর পুম্নমকপু কৌজরি৷

লাকও! ভারত্তা ভেক্সিন শারুলাও৷

শ্রী প্রসিদেন্ত,

মীওইবগী পুন্সিদা তেক্নোলোজী অসি কয়ামুক য়াম্না মরু ওইবগে হায়বদু ঐখোয় পুম্নমক্না ঙসিদি মশক খঙলে৷ অদুবু হোংলক্লিবা মালেম অসিদা, দেমোক্রেতিক ভেল্যুশিংগা তেক্নোলোজী অসি অদুক্কী মতিক মরু ওইরে৷

ইন্দিয়ন-ওরিজিন দোক্তরশিং, ইন্নোবেতরশিং, ইঞ্জিনিয়রশিং, মেনেজরশিং, লৈবাক অমদা হেক্ত লৈরবসু, ঐখোয়গী দেমোক্রেতিক ভেল্যুশিং অসিনা মখোয়বু মীওইবা জাতিগী মতেং পাংবদা লেপ্প-লৈতনা থৌনা হাপ্লি৷ মসি কোরোনাগী মতমদসু ঐখোয়না উবা ফংই৷

শ্রী প্রসিদেন্ত,

হৌজিক্তি গ্লোবেল ইকোনোমী অসি হেন্না দাইবর্সিফাই তৌগদবনি হায়না কোরোনা লাইনা-লাইচৎ অসিনা মালেম অসিদা পরা অমসু তম্বিখ্রে৷ মসিগীদমক, গ্লোবেল ভেল্যু চেন চাওথোকহনবা অসি য়াম্না মরু ওই৷

মসিগী স্পিরিত অসিনা ঐখোয়গী অত্মনির্ভর ভারত(মরোমদোম লেপচবা ঙম্বা ভারত) কেম্পেন্দ অসি থৌনা হাপ্পি৷ গ্লোবেল ইন্দস্ত্রিএল দাইবর্সিফিকেসনগীদমক ভারত অসি মালেম অসিগী দেমোক্রেতিক অমদি থাজবা য়াবা পার্তনর অমা ওইরক্লি৷

অদুগা মসিগী কেম্পেন্দ অসিদা, ভারতনা ইকোনোমী অমদি ইকোলোজী অনিমক্তা হেন্না ফবা বেলেন্স অমা শেমগৎখ্রে৷ অচৌবা অমসুং চাওখৎলবা  লৈবাকশিংদা চাংদম্নদুনা ক্লাইমেত এক্সনদা ভারতনা লৌরিবা থৌদাং অসি উরুবা মতমদা অদোম শোইদনা চাওথোকচবা ফাওগনি৷ ঙসিদি, ভারতনা রিনিৱেবল ইনর্জীগী জি.দবল্যু. ৪৫০গী তার্গেৎ অসি ফংনবা য়াম্না খোঙজেল য়াংনা চংশিল্লক্লি৷ ভারতপু মালেম অসিগী খ্বাইদগী চাওবা গ্রীন হাইদ্রোজেন হব ওইহন্নবা কেম্পেন্দ অসিদা ঐখোয়সু য়াওরি৷

শ্রী প্রসিদেন্ত,

ৱারেপশিং লৌবগী মতম লাকপা মতমদা, মালেম অসি লমজিংবগী থৌদাং অদু মখোয়দা লৈখিবা মতমদা মখোয় করি তৌদুনা লৈরমখি? হায়বগী পাউখুম অদু ঐখোয়না ঐখোয়গী তুংদা লাক্কদৌরিবা মীরোনশিংদা পীগদবনি৷ ঙসিদি, রিগ্রেসিব থিঙ্কিং অমদি এক্সত্রিমিজমগী খুদোংথিবা অসি মালেম অসিদা হেনগৎলক্লি৷

ফিভমশিং অসিদা, মালেম পুম্বনা দিবেলপমেন্তগী মরু ওইরিবা সাইন্স-বেজ, রেস্নেল অমদি প্রোগ্রেসিব খিঙ্কিং অসি শেমগদবনি৷

সাইন্স-বেজ এপ্রোচ অসি হেন্না মপাঙ্গল লৈহন্নবা, ভারতনা এক্সপরিয়েন্স বেজ লর্নিং প্রমোত তৌরি৷ ঐখোয়না স্কুলশিংদা অতল তিঙ্করিং লেব লিশিং কয়া হাংদোকখ্রে, ইনকুবেতরশিং শেমখ্রে অমদি অফবা স্তার্ত-অপ ইকোসিস্তেম অমা শেমখ্রে৷

লৈবাক অসিনা মনিং-মখা তম্লকপা ৭৫শুরকপদা, ভারতকী মহৈরোইশিংনা স্কুলশিং অমদি কোলেজশিংদা শেমজবা সেতলাইত ৭৫ ভারতনা লোঞ্চ তৌরগনি৷

শ্রী প্রসিদেন্ত,

অমরোমদা, রিগ্রেসিব থিঙ্কিংগা লোইননা, তেরোরিজম্বু পোলিতিকেল খুৎলাই ওইনা শিজিন্নরিবা লৈবাকশিংনা তেরোরিজম অসি মখোয়দসু চপ মান্ননা অচৌবা থ্রেত অমা ওই হায়বসি খঙগদবনি৷ আফগানিস্তান লমদম অসি তেরোরিজম অমদি তেরোরিস্ত এতেক্তশিং চত্থহন্দনবা হোৎনবা হায়বসি য়াম্না মরু ওই৷

হৌজিক হৌজিক, আফগানিস্তানগী প্রজা, মফম অদুদা লৈরিবা নুপীশিং, অঙাংশিং, মাইনোরিতীশিংনা মতেং দরকার ওইরে অমদি ঐখোয়না থৌদাং অদু উৎকদবনি৷

শ্রী প্রসিদেন্ত,

ঐখোয়গী সমুদ্রশিং অসিসু ঐখোয়গী কম্মন হেরিতেজনি৷ মরম অদুনা সমুদ্রগী রিসোর্সশিং অসি ঐখোয়না শিজিন্নগদবনি, মখোয়বু লান্না শিজিন্নরোইদবনি হায়বসি ঐখোয়না খনগদবনি৷ ঐখোয়গী সমুদ্রশিং অসি ইন্তরনেস্নেল ত্রেদকী লাইফ-লাইনসু ওইরি৷

রুল-বেজ ৱর্ল্দ ওর্দর অসি হেন্না মপাঙ্গল লৈহন্নবগীদমক, ইন্তরনেস্নেল কম্ম্যুনিতীনা অমুক্তদা ৱা ঙাংগদবনি৷ সেক্যুরিতী কাউন্সিলদা ভারতকী প্রসিদেন্সীগী মতমদা য়ৌরকখিবা পাক চাওনা ময়াম্না য়ানখিবা অদু মালেমগী মেরিতাইম সেক্যুরিতীগী ইরমদা মাংলোমদা চংশিন্নবা লম্বী য়াৎলি৷

শ্রী প্রসিদেন্ত,

চহি চা কয়াগী মমাংদা ভারতকী মমিং লৈরবা ফিলোসোফর, অচার্য চনক্যনা হায়খি

-কলাতি ক্রমত কাল অমসুং ফলম পিবত্তি৷

অচুম্বা থবক অদু চপ চারবা মতমদা তৌদবা মতমদা, মতম মশামক্না থবক অদুগী মাই পাকপা অদু মাংহনখিনি৷

ঙসি য়ু.এন.দা ৱাহং কয়া অমা পুখৎলক্লি৷ ক্লাইমেত অমদি কোরোনা ক্রাইসিসকী মতমদা ঐখোয়না মসি উবা ফংখ্রে৷ মালেম অসিগী মফম কয়াদা চত্থরিবা লান- তেরোরিজম অমদি আফগানিস্তানগী ক্রাইসিস অসিনা হায়রিবা ৱাহংশিং অসি হেন্না লুশিলহল্লে৷ কোবিদ থোক্লকপগী মতাংদা অমদি ইজ ওফ দুইং বিজিনেসকা মরী লৈননা, গ্লোবেল গভর্নেন্স ইন্সতিত্যুসনশিংনা চহি খুজিং কয়া য়াম্না কন্না হোৎনদুনা শেমগৎলকখিবা মখোয়গী ক্রেদিবিলিতী অদু মাংহনজখ্রে৷

গ্লোবেল ওর্দর, গ্লোবেল লোশিং অমদি গ্লোবেল ভেল্যুশিং ঙাক শেন্নবগীদমক ঐখোয়না য়ু.এন. মপাঙ্গল লৈহনবা য়াম্না মরু ওই৷ নোবেল লোরিয়ৎ, গুরুদেব রবিন্দ্রনাথ তেগোর জিগী ৱাহৈশিং অসি পল্লদুনা ঐনা ৱারোইশিন পীজরি৷

शुभोकोर्मो–पोथे / धोरोनिर्भोयोगान, शोबदुर्बोलसोन्शोय /होकओबोसान। (শুবো কোর্মো-পোথে/ ধোরো নির্ভয়ো গান, শোন দুর্বোল শোনশোই/হোক ওবোশন)

মসিনা হায়নিংলিবা অদুদি, নহাক্না পাম্লিবা লম্বী অদুদা অকিবা লৈতনা চংশিল্লু৷ অশোনবা অমদি চমম্নবা পুম্নমক মাংখিবা ওইরসনু৷

মসি রেস্পোন্সিবল ওইবা লৈবাক খুদিংমক্তা ফোংদোকপনা ঙসিগী কন্তেক্স অসিদা মেসেজ অসি য়ুনাইতেদ নেসন্সতা য়াম্না মরু ওই৷ঐখোয় পুম্নমক্না মালেম অসিদা শান্তি অমদি ইং-চিকপা পুরক্নবা হোৎনরগনি, মালেম অসিবু হেন্না শাফবা, শেফ ওইবা অমদি চাওখৎপা পুরক্লগনি হায়না ঐনা থাজৈ৷
 

মঙ্গোলশিং অসিগা লোইননা,
অদোম্বু অদুক্কী মতিক থাগৎচরি
খুরুমজরি!

দিসক্লেমর: মসি চপ-চাবা ত্রান্সলেসননি৷ অশেংবা ৱারোল অদু হিন্দিদা ঙাংখি৷

******