ভারতকী প্রধানমন্ত্রী

ফর্মাস্যুতিকেল্স সেন্ত্রেল পব্লিক সেক্তর অন্দরতেকিংস (সি.পি.এস.য়ু.)শিং থুপচিন্দ্রি ফাওবা মখোয়গী ফর্মাস্যুতিকেল্স পর্চেজ পোলিসী (পি.পি.পি.) শাংদোকপা/নৌথোকহনবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ারে।

অচৌবা কান্নবা

পোলিসী শাংদোকহনবা অসিনা সি.পি.এস.য়ু.শিংনা মখোয়গী শিন্মীশিং তলব পীবা ঙম্নবা হৌজিক লৈরিবা খুদোংচাবশিং মপুংফানা শীজিন্নদুনা শেন তানবা ঙমহনগনি অমসুং দিসইনভেস্তমেন্ত পাংথোকপা মতমদা মখোয়গী মমল য়াম্লবা মেচিনশিংগী ফিবম ফনা লৈহনবা ঙমগনি।

নুংগী ৱারোল

সি.পি.এস.য়ু.শিংনা শুংলিবা হিদাক ১০৩গী চহি মঙাগী ওইনা পি.পি.পি. অসি মন্ত্রীমন্দলনা ৩০.১০.২০১৩দা অয়াবা পীখিবনি। থৌশিল অসি কেন্দ্র অমসুং রাজ্য সরকারশিংনা মখোয়গী পি.এস.য়ু.শিংদগী হিদাক লৈবা য়াহল্লি। মমল লেপ্পগী থবক নেস্নেল ফর্মাস্যুতিকেল্স প্রাইসিং ওথোরিতীনা পাংথোকলি। ফারমা সি.পি.এস.য়ু.শিংদগী পোৎ লৈবদা দ্রগ এন্দ কোস্মেতিক রুল্সকী সেদ্যুল ‘এম’গী মতুংইন্না গুদ মেনুফেকচরিং প্রাকতিসেস(জি.এম.পি.) গী নিয়মশিং ইনগনি। পোলিসী অসি ০৯.১২.২০১৮দা লোইরে। 

মখোয়গী অহেনবা লম য়োনবদগী ফংলকপা শেনফম্না শেন্দোলশিং শিংদোক্নবা ইন্দিয়ন দ্রগ্স এন্দ ফর্মাস্যুতিকেল্স লিমিতেদ অমসুং রাজস্থান দ্রগ্স এন্দ ফর্মাস্যুতিকেল্স লিমিতেদ থুপচিনবা অমসুং হিন্দুস্থান এন্তিবাইওতিক্স লিমিতেদ অমসুং বেঙ্গল কেমিকেল্স এন্দ ফর্মাস্যুতিকেল্স লিমিতেদ য়োনবগী অয়াবা ২৮.১২.২০১৬দা মন্ত্রীনা পীখি।

মখা তারকপদা, দিপার্তমেন্ত ওফ পব্লিক ইন্তর্প্রাইজেসগী কাংলোন মতুংইন্না, অহেনবা লম য়োনবগী অয়াবা পীনবা ৱারেপ অদু মন্ত্রীমন্দলনা ১৭.০৭.২০১৯দা অমুক শেমদোকখি। মঙাশুবা সরকারগী ফারমা হায়বদি কর্নাতক এন্তিবাইওতিক্স এন্দ ফর্মাস্যুতিকেল্স লিমিতেদকী ভারত সরকারগী ইকুইতী চাদা ১০০ য়োনথোক্নবগী ৱারেপ ০১.১১.২০১৭দা কেবিনেত কম্মিতী ওন ইকোনোমিক এফিয়র্সনা লৌখি।

ফারমা সি.পি.এস.য়ু.শিং থুপচিনবা নত্ত্রগা য়োন্দ্রিফাওবা থৌশিল অসি শাংদোকপা হায়না ৱারেপ লৌখি।