ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা স্পেস সেক্তরদা ফোরেন দাইরেক্ত ইনভেস্তমেন্ত(এফ দি আই) পোলিসি শেমদোকপা অয়াবা পীরে। হৌজিক, সেতেল্লাইত সব-সেক্তর অসি সেক্তর অমমমদা থাদবা য়াবা ফোরেন ইনভেস্তমেন্তগী অকক্নবা চাং থমদুনা তোঙান-তোঙানবা থবক অহুম থোক্নবা খায়দোক্লে।

লনাই কাংবু শরুক য়াবা হেনগৎহন্দুনা ভারতকী স্পেস সেক্তরগী কান্নবশিং শীজিন্নবা ঙম্নবা পান্দমদা অপুনবা অমসুং অফবা ফ্রেমৱার্ক অমা ওইনা ইন্দিয়ান স্পেস পোলিসি 2023 চৎনবা হৌখিবনি। হায়রিবা পোলিসি অসিনা স্পেসকী তৌবা ঙম্বশিং হেনগৎহনবা; স্পেসতা লল্লোন-ইতিক্কী খুদোংচাবা অমা শেমগৎপা; তেক্নোলোজি চাউখৎহন্নবা দ্রাইভর অমা ওইনা স্পেস শীজিন্নবা অমসুং মসিগা চৎমিন্নরিবা হিরমশিংগী কান্নবশিং লৌবা; মালেমগী লৈবাকশিংগা মরী থম্নবা অমসুং মরী লৈনবা খুদিংমক্তা স্পেসকী শীজিন্নফম থবক ওইনা পাংথোক্নবা মপুংফাবা ইকোসিস্তেম অমা শেমগৎনবা পান্দম থম্লি।

হৌজিক চৎনরিবা এফ.দি.আই থৌশিলগী মতুংইন্না, সরকারনা অয়াবা পীরবা লম্বীগী খুৎথাংদা সেতেল্লাইতশিং শেমগৎপা অমসুং মথৌ পাংথোক্নবা এফ.দি.আইগী অয়াবা পীরি। ইন্দিয়ান স্পেস পোলিসি 2023 গী পান্দমশিং অমসুং লাল্লোংগী মখাদা, তোঙান তোঙানবা সব-সেক্তরশিং/থবকশিংদা এফ.দি.আই কোমথোকপা কেন্দ্রগী মন্ত্রীমন্দলনা অয়াবা পীরে।

স্পেস দিপার্তমেন্তনা লৈবাক মনুংগী মরী লৈনবশিং হায়বদি ইন-স্পেস, ইসরো অমসুং এন.এস.আই.এল অমসুং তোঙান-তোঙানবা উদোগশিংগী মরী লৈনবশিংগা ৱা তান্নরে। সেতেল্লাইতশিং অমসুং থাগৎনবা ভেহিকলশিংগী হিরমশিংদা এন.জি.ইশিংনা থবক কয়া পায়খৎলে। শেন থাদবা হেনগৎলকপগা লোয়ননা, মখোয়না অফবা পোৎলমশিং ফংবা, মালেম থাক্কী থবকশিং পাংথোকপা অমসুং মালেমগী স্পেস ইকোনোমিগী চাকথুং ফংবা হেনগৎহনগনি।

স্পেস সেক্তরদা এফ.দি.আই পোলিসিগী প্রোবিজনশিং কোমথোক্নবা ৱাফম অসিনা সেতেল্লাইতশিং, লঞ্চ ভেহিকলশিং অমসুং মরী লৈনবা সিস্তেমশিং নত্ত্রগা সবসিস্তেমশিংদা, থাগৎনবা স্পেসপোর্তশিং শেম্বা অমসুং স্পেসক্রাফ ওকপা অমসুং স্পেসকা মরী লৈনবা মচাকশিং অমসুং সিস্তেমশিং মেনুফেকচরিং তৌবদা এফ.দি.আই লাক্নবা লম্বী য়াৎলগনি অমসুং নাখৈ শেংহল্লগনি।

কান্নবশিং:

শেমদোক্লবা এফ.দি.আই পোলিসিগী মখাদা স্পেস সেক্তরদা এফ.দি.আই 100% অয়াবা পীরে। শেমদোক্লবা থৌশিলগী মখাদা কোমথোক্লবা ইন্ত্রি রুতশিংনা স্পেসকী লমদা থবক তৌরিবা ভারতকী কম্পেনশিংদা শেন থাদরক্নবা পান্দম থম্লি।

শেমদোক্লবা থৌশিলগী মখাদা তোঙান-তোঙানবা থবকশিংগী ইন্ত্রি রুতশিং মখাদা পীরি:

1. ওতোমেতিক রুতকী মখাদা 74% ফাওবা:  সেতেল্লাইশিং শাবা অমসুং মথৌ পাংথোকপা, সেতেল্লাইত দেতা প্রদক অমসুং গ্রাউন্দ সেগমেন্ত অমসুং য়ুজর সেগমেন্ত। হায়রিবা থবকশিং অসিগী 74% গী মথক্তি সরকারগী রুতকী মখাদা লৈগনি।
2. ওতোমেতিক রুতকী মখাদা 49% ফাওবা: লঞ্চ হেভিকলশিং অমসুং মরী লৈনবা সিস্তেমশিং নত্ত্রগা সবসিস্তেমশিং, থাগৎনবা স্পেসপোর্তশিং শেম্বা অমসুং স্পেসক্রাফ ওকপা। হায়রিবা থবকশিং অসিগী 49% গী মথক্তি সরকারগী রুতকী মখাদা লৈগনি।
3. ওতোমেতিক রুতকী মখাদা 100% ফাওবা: সেতেল্লাইতশিংগী মচাকশিং অমসুং সিস্তেমশিং/সব-সিস্তেমশিং শাবা, গ্রাউন্দ সেগমেন্ত অমসুং য়ুজর সেগমেন্ত।

লনাই কাংবু শরুক য়াবা হেনগৎলকপা অসিনা থবক ফংহনবা, অনৌবা তেক্নোলোজি শীজিন্নবা অমসুং সেক্তর অসি মশা মরোমদোম লেপচবা ঙম্বদা মতেং পাংগনি। মসিনা ভারতকী কম্পেনিশিং মালেমগী ভেলু চেনশিংদা পুশিল্লকপা ঙমগনি হায়না থাজরি। মসিগা লোয়ননা, কম্পেনিশিংনা লৈবাক মনুংদা মখোয়গী মেনুফেকচরিংগী খুদোংচাবশিং শেমগৎপা ঙমহনগনি অমসুং সরকারগী ‘মেক ইন ইন্দিয়া’ অমসুং ‘অত্মনির্ভর ভারত’ কী থবকশিং পুক্নিং থৌগৎকনি।

***