ভারতকী প্রধানমন্ত্রী

ম্যানমারদা লৈরিবা ভারত মচাশিং অমসুং ভারত লৈবাক্কীঐহাক্কী নিংশিরবা ইচিল ইনাও ইচল ইচেশিং, খুরুমজরি ।

হৌজিক হৌজিক ময়াম পুম্নমক্না গনেশ চতুর্থীগী কুমহৈ পাংথোকখি, ইদ পাংথোকখি, ময়াম পুম্নমকপু কুমহৈশিং অসিগীদমক ঐহাক্কী মায়কৈদগী য়াইফ পাওজেল পিজরি । কুমহৈ অসিনা ময়ামগীদমক নুঙাইবা অমসুং ইং তপ্পা পুরকপা ওইরশনু ।

ঙসি মফম অসিদা ময়ামগা উনবা অসি ঐকাপ নুঙাইবা ফাওই । মসিগী হিস্তোরিকেল অমসুং স্প্রিচুয়েল শহর অসিদা লাকনিংবগী অপাম্বা ঐঙোন্দা ফাওরম্মী, মশাগী বিরাসতকীদমক মালেমদা মমিং চৎলবা য়াঙ্গোনবু য়েংনিংবা ফাওরম্মী । মদুনা ভারতকা লোইননা চহি কয়াদগী লিরবা মরি লৈরিবা । অমসুং মসিগী হিস্তোরিকেল অমসুং স্প্রিচুয়েল গেতৱে তু ইস্ত অসিদা ময়ামগা উন্নবা, ময়াম পুম্নমক্কা, মখোয় অদুনা ভারত অমসুং ম্যানমার লৈবাক অনিবু থমোয়নুংদা থমলিবা । ঐহাক্না মফম অসিদা অপিকপা, মিনি ইন্দিয়া অমা উবা ফংলি । ভারতকী তোঙান তোঙানবা মফমশিংদগী লাকপা ময়াম পুম্নমক্না অথোইবা লৈবাক অমগী থমোইদা অতোপ্পা অথোইবা লৈবাক অমগী ইহুলগুম্না হিংলি । ময়াম পুম্নমক্কা উন্নরগা ঐঙোন্দা নুঙাইবা ফাওই, মরমদি অদোমগী শক্লোনদা ঐহাক্না মফম অমখক্তদা অদুগুম্লবা পরমপরাশিং অমসুং সস্কৃতিগী ওইবা ইনহেরিতেন্স অদু উবা ফংই, মহাক অদুনা গঙ্গা, গোদাবরি, কৃষ্ণ, কাবেরী, ব্রাহ্মপুত্র অমসুং ইরাবতিগুম্বা শক্নাইরবী ইমাশিংবু মশাগী অচলদা য়োকপিরি ।

নখোয়না চহি লিশিং কয়াদগী সেয়ার্দ কলচর অমসুং সিভিলাইজেসন, জিওগ্রাফি অমসুং হিস্তোরি, এস্পিরেসন অমসুং এচিবমেন্তশিং অদু ভারত অমসুং ম্যানমারগী মচানুপা অমসুং মচানুপী সক্তুনা রিপ্রজেন্ত তৌরি

চহি লিশিং কয়াদগী ভারত অমসুং ম্যানমারগী ঙমখৈ খক্তমক লৈরমদে, ৱাখল্লোনশু অমগা অমগা মান্নরমী । ভারত্তা ম্যানমারবু ব্রহ্মদেশ নত্রগা ভগবান ব্রহ্মাগী লৈবাকনিশু হায়নৈ । মরুপশিং, মসি অদুগুম্লবা শেংলবা লৈবাক্নি মদুদা বুদ্ধনা ঙানথোইখিবা, মহাক্কী মহৈশিং লানথোকপিরম্বা । মফম অসিগী বৌদ্ধ লাইনিংবশিংনা হিন্দুস্থানগী কাচিন কোয়াদা বারতকী রাজ্য পুম্নমক্কা লোইননা চহি কয়াদগী মমাদগী তৎন থানবা য়াদ্রবা মরি অমা থম্লিবা । ম্যানমারদা ঙসিসু রামায়নবু য়মাগী মমিংদা লানথোক্লি, মহৈগী লাইরেম্বী সরস্বতিবু নখোয়না থরুথরীগী মমিংদা খুরুমজৈ অমসুং শিববু পরবিজৱা, বিষ্ণুবু বিথানো হায়না খংনৈ ।

ভারতকী নিংতম অন্দলোনগী পুৱারি ম্যানমারবু ইকায় খুম্নবা য়াওদনা মপুং ফাবা ৱাৎকনি । মসি অদুগুম্লবা শেংলবা লৈবাক্নি, মফম অসিদগী সুভাসচন্দ্র বোসনা ঙংদুনা হায়খি নং ঐঙোন্দা ই পিয়ু ঐ নঙোন্দা নিং তম্বা পিগে । মহাক্কী ৱাফম অসি তারগা ভারতপু মশাগী থৱাইদগীশু হেন্না নুংশিজবা নহা ওইরিবা নুপী নুপা লিশিং লাখ কয়ানা মশাগী পুন্সিগী খনথবা তৌদনা ভারত্তা অমসুং ভারতকী মপান্দা আজাদ হিন্দ ফৌজপু মতেং পাংনবা চৎনখি । নেতাজীনা মফম অসিদা আজাদ হিন্দ সরকারগী লাওথোকখিবগা, ভারত্তা অংগ্রেজ শাসনগী মখোং নিক্লম্মী । মসি অদুগুম্বা শেংলবা লৈবাক্নি মফম অসিগী মেনলে জেলদা চহি ৬ ফাদোক ওইনা লৈরুদুনা বাল গঙ্গাধর তিলক, লোকমান্য তিলকনা গীতা রহস্যগী রচনা তৌখি । মসি অদুগুম্লবা শেংলবা লৈবাক্নি মফম অসিদা মহাত্মা গান্ধী, লালা লাজপতরায়, গুরুবর রবিন্দ্রনাথ তেগোরগুম্লবা অফাওবা মীওইশিংনা কয়ারক হন্না মফম অসিদা খোংদোখি ।

মীরমগী শক্তিনা ভারতপু নিং তমহন্নবা লৈবাক্কী থৌনা ফরবা মচাশিংনা মশাগী ময়ুম থাদোক্তুনা চৎপা তারবা মতমদা ম্যানমার অসি মখোয়গী অনিশুবা ময়ুম ওইখি । ১৮৫৭গী মমাং নিংতম্বগী ইহৌগী মতুং বাদশাহ বহাদুর জফরনা গজ অনিগী মফম লৈবাক অসিদা ফংখি । ঐহাক্না মীরমদা চৎপা খুদিং ভারতকী মীওইশিংগা উন্নদুনা আর্শিবাদ ফংজনবা ঐহাক্না ফংখি । মমাংদা ঐহাক্না শ্রীলঙ্কা খোংচৎকী মনুংদা জফনা চৎখি । ভারতকী প্রধানমন্ত্রী অমনা জফনা চৎপা অহানবনি । মফম অদুদা ঐহাক্না তামিল কাংবুগী মীওইশিংগা উন্নখি । মখোয়গীদমক্তা ভারতকী মতেংনা শাবা য়ুমশিং মখোয়দা খুৎশিন্নবগী তঞ্জা অদু ঐহাক্না ফংজখি । চহি অসিগী মে থাদা অনিরকশুবা ওইনা বুদ্ধ পুর্নিমাগী মতমদা ঐহাক্না শ্রীলঙ্কা চৎপগী তঞ্জা ফংখি, ইন্তরনেস্নেলগী ওইবা থৌরম অমদা শরুক য়ানবা ঐহাক্না বার্তন ফংখি । মদুনা ঐহাক্না সেন্ত্রেল শ্রীলঙ্কাগী তামিল ইচিল ইনাওশিংগশু উন্নখি । মফম অদুদা ভারতকী মতেংনা শাবা হোস্পিতাল অমা শঙ্গাবা লোইরবা মতুং মীওই লিশিং কয়া লেংলক্তুনা ঐহাকপু নুংশিবিখি, নুমীৎ অদু ঐহাক্না কৈদৌনুংদা কাওররোই । ঐহাক্কী তামিল ইচিল ইনাওশিংনা শ্রীলঙ্কাগী লৈবাক লৈহাওদা কয়াদা নুংশিবিখিবা । ঐহাক সাউথ অরবিয়াদা চৎলুই, কন্সত্রক্সন ৱার্কতা লৈবা ওইগেরা, নত্রগা কীনিয়াদা কৌমী অমসুং ললোনবা ওইগেরা, নত্রগা সিলিকোন ভেলিদা সিয়োদ ওইগেরা, মীরমদা লৈরিবা ভারত মচাশিং অমসুং ইন্দিয়ান ওরিজিনগী মীওইশিংগা উন্নরগা ঐঙোন্দা চাওথোকচবা ফাওজৈ ।

য়ুনাইতেদ নেসনদা চহি অহুমগী মমাংদা ভারতকী ইনিসিয়েতিবতা ইন্তরনেস্নেল ষোগ নুমীৎকী ৱাফম রেকোর্দ মতমদা রেকোর্দ স্পোর্তকা লোইননা শকখংখ্রে । হৌখিবা চহি অহুমদগী মালেম শিনবা থুংনা জুন ২১বু ইন্তরনেস্নেল ষোগ দে ওইনা পাংথোক্লি অমসুং ষৌগগী ৱাফম লাকপদা ভারতনা চাওথোকচবা ফাওই । অদোম্না ভারতকা লৈনরিবা মরি অসি ৱাখল্লোন খক্তগী নত্তে, অদোম ভারতকী দিবলপমেন্ততা অকনবা মওংদা শম্নরি । মশিং য়াম্লবা এনআরআইশিংনা ভারতপু চাওখৎহন্নবা মতেং পিরি । মখোয়না মখোয়গী নত্রগা মখোয়গী অহল লমশিংগী রাজ্যদা দিবলপমেন্ত প্রোজেক্তশিংদা মতেং পিরি । নহা ওইরিবশিংদি অমুক্কা হেন্না এক্তিব ওই । সোসিয়েল মেদিয়াগী খুথাংদা নত্তনা ভারতকী মরমদা খংনবা মখোয়গী অপাম্বা অদুসু নুমীৎ খুদিংগী হেঙ্গৎলক্লি, অমসুং কনখৎলক্লি । মীরমদা লৈখ্রবা নহোশিংগীদমক ভারতপু খংঙু হায়বা ক্যুইজ কম্পিতিসন পাংথোক্লি, অমসুং মসি লেপতনা চৎথগদবা থৌরম অমা ওইরি । অমসুং মসি খংবদা ঐহাক অঙকপা অমসুং হরাওবা ফাওই, মসিদা মীরমদা লৈখ্রবা চাওরাক্না লৈবাক ১০০গী নহাশিংনা শরুক য়ারি । মফম অসিদা লাক্ত্রিঙৈ মমাংদা ঐহাক্না ময়াম পুম্নমক্তগী নরেন্দ্র মোদী এপপকী খুথাংদা অদোমগী ৱাখল্লোন নিখি । ঐহাক্না হরাওবা ফাওই মদুদি ময়াম্না য়াম্না ফজবা ৱাখল্লোনশিং ইফমদা থাবিরকই অমসুং মসিগীদমক ঐহাক্না অদোমগী লমন তোনশিনজরে ।

ঐহাক্কী সরকারগী অহানবা নুমীৎতগী মীরমদা লৈখ্রবা ভারত মচাশিংগী য়াইফবা, মসি ঐখোয়গী প্রায়োরিতীদা য়াওরি । ওসিআই অমসুং জিআইও স্কিমশিংবু মর্জ তৌবা, অশাংবা মতমগী ভিজা পাইবশিংবু পোলিস রিপোর্তিংদগী নানথোকহনবা, পাসপোর্ত ফংবদা লাইথোকহনবা, ইন্দিয়ান কমুনিতী ৱেলফেয়র ফন্দবু মফম অমসুং মতিক চানা শিজিন্নবা অমসুং মালেমগী তোঙান তোঙানবা মফমশিংদা খুন্দা লৈতাখ্রবা ভারত মচাশিংগী নিংশিং নুমীৎ পাংথোকপা । অমসুং ঐহাক্না থাজবা ঙমদে মদুদি, অতোপ্পা লৈবাক্কী মপাল থৌরম পুবা মন্ত্রীনা, মীরমদা পন্দুনা লৈখ্রবা ঐখোয়গী লৈবাক্কী মীয়ামগী অৱা অনাবু এক্তিব ওইনা খল্লমগনি, ঐখোয়গী মপাল থৌরম পুবা মন্ত্রী সুসমা স্বরাজনা তৌরিবা অদুম্না । মালেম পুম্বদা ভারত মচা অমা নত্রগা ভারত লৈবাক্কী মীরমদা লৈখ্রবা মীওইনা মখল অমত্তগী খুদোংচাদবা মায়োক্নবদা পন্থবা তৌদনা সুস্মাজীদা ত্বিতরদা পাও ফাওনৈ, মহাক্কী খুদোং চাদবা অদু কোকহল্লি । ঐহাক্নসু পাওজেল অসি পিজরি অদোম্না পাসপোর্তকী সমস্যাবু ওইরবসু নত্রগা ভিজাগী ওইরবসু নত্রগা মীরমদা লিগেল এসিস্তেন্সকী ওইরবসু, ভারতকী এম্বেসিনা ভারত সমাজকীদমক ২৪x৭=নুমীৎ ৩৬৫নি হাংদুনা লৈরি ।

মরূপশিং, ভারতপু মালেমদা ইকায় খুম্নবগী মীৎয়েংনা য়েংলিবা অসিগী মরমদি অদোম্নি, অদোম ভারতকী শেংলবা রাষ্ট্রদুতনি, অমসুং মদুগী মরমদি ভারত অসি য়াম্না থুনা অহোংবা লাক্লি, মাংলোমদা চংশিল্লি ।

ঐখোয়না ঐখোয়গী লৈবাকপু রিফোর্ম তৌবদু খক্তা নত্তে, ঐখোয়না ভারতপু ত্রান্সফোর্ম তৌরি । ঐখোয়না ভারতপু হোংহনবা অদু খক্তা নত্তে, ঐখোয়না অনৌবা ভারত অমা শেমগৎলি । হৌখিবা থাদা ঐখোয়না নিং তম্বা ফংখিবগী চহি ৭০ শুবা পালন পাংথোকখ্রে । চহি মঙাগী মতুং ২০২২দা ভারতকী নিং তম্বগী চহি ৭৫ মপুং ফারগনি । নিং তম্বা ফংখিবা চহি ৭৫ ফারকপা অসিদা অনৌবা ভারত অমা শেমনবা ঐখোয়না শেম শারি ।

ঐখোয়না ৱারেপ লৌরে মদুদি ঐখোয়না লাইরবা লৈতবা, লালহৌবা লৈতবা, কমুনেলিজম ফ্রি ওইবা, জাতিবাদ লৈতবা, শেঞ্জা থুমজা লৈতবা ক্লিন ইন্দিয়া শেমগনি অমসুং শেমদুনা তোক্কনি । ঐহাক্না ময়ামদা মসিমশু হাইনিংঙি মদুদি ন্যু ইন্দিয়া ৱেবসাইত্তা অদোমশু মশিগী চাওরবা মিসন অসিদা শরুক য়াবিয়ু ।

মরূপশিং, ঐহাক্কী ৱাখলদা ১৯শুবা চহিচাগী দিজাইন অদুদা ২১শুবা চহিচাগী ইনফ্রাস্ত্রকচর চৎহনবা য়ারেই । অমসুং ইনফ্রাস্ত্রকচরগী ৱাহনথোক্তি লম্বী অমসুং রেল নেতৱার্ক শেম্বা অদু খক্তা নত্তে । ২১শুবা চহিচাগী ইনফ্রাস্ত্রকচর অদুদি অনৌবা তেক্নিকনা শম্নহনবা, মখোয়গী পুন্সিদা অহোংবা পুরকপা, পুনিসিগী মগুনদা অহোংবা পুরকপনি । মালেম পুম্বদা সোলর ইনর্জী শিজিন্নবগী খ্বাইদগী চাওবা থৌরাং ভারত্তা পাংথোক্লি ।

ঙসি ভারত্তা রেলৱে, লম্বী, এয়ারপোর্ততা শেল থাথরিবা অসি মমাংদা অমুক্তা ওইখিদ্রি । লৈবাক্কী গ্রাম পঞ্চায়ৎ খুদিংদা ওপতিকেল ফাইবর তিংদুনা শম্নহনবগী থবক কন্না চৎথরি । সমুদ্র মপান্দা তারিবা শহরশিং অমসুং হিথাংফমশিংবু চাওখৎহন্নবা সাগরমালা প্রোজেক্ত থবক য়াংনা চংশিল্লি ।

ঐহাক্না থাজবা থম্মী মদুদি হোৎনরিবশিং অসিনা লৈবাক অসিদা ইনফ্রাস্ত্রকচরগা লোইননা অনৌবা ইনফ্রাস্ত্রকচরশু চাওথোকহল্লগনি । অমসুং মদুগী মরুওইবা শরুক অমনা এগ্রিকলচর ওইগনি । ঐখোয়গী সরকারনা ভারতকী লৌমীশিংগী শেনথোক লম্বী শরুক অনি ওইহন্নবা পান্দমদা থবক তৌরি । মরম অদুনা মরু মরাংদগী কৈথেল ফাওবা ঐখোয়না তোঙান তোঙানবা খোংথাংশিং পাইখৎলি, খুদম ওইনা- সোইল হেল্থ কার্দ, নীম কোতেদ য়ুরিয়া, মাইক্রো ইরিগেসন, ক্রোপ ইন্সুরেন্স, ফুদ প্রোসেসিং পার্কশিং, কোল্দ স্তোরেজ চেন, মশিং য়াম্লবা ৱাফমশিং ঐহাক্না মশিং থিবা ঙমগনি । গ্রিন অমসুং হ্বাইত রিভোলুসনগুম্না ঐখোয় পুম্নমক্না গ্রিন রিভোলুসন খংলে, হ্বাইত রিভোলুসন খংলে । অদুবু হৌজিক অহেনবা রিভোলুসন অনিগীশু ঐখোয়না পুক্নিং থৌগৎলি, অমনা ব্লূ রিভোলুসন অমসুং অনিশুবা অদুনা স্বিত রিভোলুসন । ঐহাক্না ব্লূ রিভোলুসন হাইবা মতমদা ঙামীশিং ফনবা খক্তা নত্তে । মতৌ অদুম্না স্বিত রিভোলুসন, হাইবদি হয়িংখোই য়োকপনসু খোইহিগী মতেংনাশেল য়াম্না লাকপগী ওইথোকপা লৈরি, হৌৎনরি ।

মরূপশিং নোতবন্দীগী মতুংদা অদুগুম্লবা মীওইশিং অদু মশক খংলে মখোয়গী একাউন্তদা কোতী কয়া তুংদুনা লৈরিবা, অদুবু মখোয়না কৈদৌনুংদা ইনকম তেক্স থিরমদে । অসিগুম্বা অরোনবা শেলবু লোৎশিনবা কম্পেনি লাখ কয়াশু মশক খংদোক্লে । সুপ্নগী থা অহুমদা, ঐহাক্কী নুংশিরবা ইরৈচাশিং, অদোম্না খংজিনবদা নুঙাইবা ফাওগনি, সুপ্নগী থা অহুমদা লাখ অনিদগী হেনবা কম্পেনিগী রেজিস্ত্রেসন ককথৎখ্রে অমসুং মখোয়গী বেঙ্ক একাউন্তশু ফ্রিজ তৌশিল্লে ।

হৌজিক থা অনিগী মমাংদা লৈবাক অসিদা জিএসতি চৎনহনখ্রে । ঐহাক্না জিএসতিবু অচম্বা লোন্দা গুদ এণ্ড সিম্পল তেক্স হাইরি । জিএসতিনশু লৈবাক অসিদা থমোয়শেংবগা লোইননা ললোন ইতিক তৌবগী অনৌবা কলচর অমা পোকহল্লে । হৌখিবা চহি তরুক্তগী লৈবাক অসিদা লৈরিবা ললোনবা কয়ানা তেক্স সিস্তেমগা শম্নরমদবা অদু, জিএসতি চৎনরবা মতুং থা অনিগী মনুংদা শম্নহনবা ঙমলে । চহি তরুক্তা তৌগদবা থবক অদু শুপ্নগী নুমীৎ ৬০দা ওইরে; মসি মশা মথন্তা করম্না ওইরকলিবনো, মদুগী খুদম লৈরি । হৌখিবা চহি অহুমদা ভারত্তা অহোংবা পুরকপগী খোংথাং অমা চংশিনবা হৌখি, মিনিমম গবর্নমেন্ত, মেক্সিমম গবর্নান্সকী ফিরেপতা চংশিন্দুনা থৌওং কয়া লাইথোকহল্লে, সিমপ্লিফাই ওইহল্লে, আইন অহোবা পুরক্লে, বিজিনিস তৌবা লাইথোকহন্নবা চৎন লোনচৎ লাইথোকহল্লে, ভারতনা অহোংবা পুরকপা ঙমলগনি হায়বদু লৈবাক্কী মীয়াম্না থাজবা থমলে, অরিবা ফৎতবশিংনা ভারতপু পুন্সিন্দুনা থমলমবা উদুদগী নানথোকপা ঙমলগনি হাইবা লৈবাক মীয়াম্না থাজবা ঙমলে ।

মরূপশিং, ভারতনা মশাগী চাওখৎপগী কান্নবা অদু মশা মথন্নতা অকক্নবা থমদে । ঐখোয়গী লৈজবা অদু ময়াম য়েন্নদুনা চামিন্নবদা নুঙাইবনা শরুক কয়া হেল্লি । অফ্রিকা ওইগেরা, নত্রগা সাউথ এসিয়া ওইগেরা, নত্রগা পেসিফিক আইলেন্দ ওইগেরা, ঐখোয়গী তৌবা ঙমবা, ঐখোয়গী এক্সপেরিন্স অদু ঐখোয়না চাওখৎলক্লিবা লৈবাকশিংগা লোইননা থমোয় শেংনা সেয়ার তৌরি । ২০১৪দা ঐহাক্না সাউথ এসিয়ান সেতেলাইতকী ৱাশকখি । অমসুং চহি অসিদা ঐখোয়না মদু থাগৎখ্রে । ভারত খক্তা নত্তনা, মসিনা শম্নহল্লিবা য়ুমলোন্নবা লৈবাকশিংনা সেতেলাইত অসিগী কান্নবা ফংমিন্নরি ।

নেচরেল দিজাস্তর ওইগেরা নত্রগা মখল অমত্তগী থৌদোক ৱাথোক মতমদশু ঐখোয়না অহানবা রেস্পোন্দর ওইরি, ভারত মচা খক্তগী নত্তনা ঐখোয়না মতেং পাংবা ঙম্বা মীপুম খুদিংমক্কীদমক ঐকোয়না হোৎনখি । অমসুং ঐখোয়না অসিগুম্বা মতেং পাংবা মতমদা মরিগুম্বা মতমদা পাস্পোর্তকী মচু হংখিদে । নেপালদা য়ুহা হাখ্রে, মালদ্বিপতা খংহৌদনা ইশিংগী খুদোংচাদবা মাচোক্নখি, ফিজীগী মনুংদা সমুদ্রগী নোং নুংশিৎ লাকখি, নোংচুপ এসিয়াদা হিশাগী মফমশিংদা ভারত মচা, মীরম মচা লিশিং কয়া থাংদোকপা ওইগেরা, ম্যানমারদা সাইক্লোন থোকখ্রবা মতুং শাফহনবা অমসুং নৌনা খুন্দা লৈতাহনবগী মতেং পাংবদা ঐখোয়না অফবা য়ুমলোন্নবা অমগী থৌদাং লৌখি ।

ইচল ইচে ইচিল ইনাওশিং, ভারতনা অৱাং নোংপোক রাজ্যশিংবু সাউথ ইস্ত এসিয়াগী গেতৱে ওইনা লৌই । অমসুং মসিগী গেতৱে অসিগী থোং অসি ম্যানমাররোমদা হাংলি । মরম অসিনা ভারতনা মসিগী গেতৱে অসি শম্নহল্লিবা লম্বীশিংদা য়াংনা থবক পাইখৎলি । থা খরগী মমাংদা কোতী ১৬০০কী শেনফম চংনা ইম্ফাল-মোরে সেক্সনবু অপগ্রেত তৌনবা থবক ঐখোয়না অয়াবা পিখ্রে । মোরেদা ইন্তিগ্রেতেদ চেক পোস্ত অমসু শেমগৎলি । প্রোজেক্ত অসিগী মতুংদা মণিপুর অমসুং ম্যানমারগী মরক্তা ললোন ইতিক অমসুং মীয়াম্না চৎথোক চৎশিনদা লাইথোকহল্লগনি । ঐখোয়না সিত্বি পোর্ত তদা পলেতৱা ইনলেন্দ ৱাতর তর্মিনেলদশু মপুং ফানা থবক তৌদুনা কালাদান প্রোজেক্ততা খুমাং চাওশিল্লে । রোদ কম্পোতেত্তা থবক হৌরে । মসিগী ত্রান্সপোর্ত কোরিদোর অসিনা মনাক নকপদা লৈবা মফমশিংবু দিবলপমেন্ত কোরিদোর ওইহনগনি হাইবা ঐহাক্না থাজবা থম্মী । অপ্পর ম্যানমারগী মথৌতাবশিং ফংহন্নবা ভারত্তগী হাই স্পিদ দিজল ত্রক্কী মতেংনা পুশিল্লকপা হৌরে । ঐখোয়না বোর্দর ক্রোশিং এগ্রিমেন্ত অমশুং মোতোর ভেহিকল এগ্রিমেন্ত তৌনদুনা অমসুং পৱার অমসুং ইনর্জী ত্রেদিংবু হেন্না হেঙ্গৎহন্দুনা মশেলগী ওইবা মতেংবু শরুক কয়া থোক্না হেঙ্গৎহবা পাম্লি । ঐখোয়না ঐখোয়গী দিবলপমেন্ত কোওপরেসন অমসুং কেপাসিতী বিলদিং পার্তনরশিপকী খুথাংদা ফংলিবা খুদিংমক অদুদা ঙসি ভারতনা চাওথোকচবা ফাওরি ।

ময়ামগী আর্শিবাদ অদুগীদমক ময়ামবু খুরুমজরি । ময়ামগা উন্নবগী তঞ্জা অদু ফংজরে, ময়াম পুম্নমকপু থাগৎচরি । মশিং য়ান্লবা মীয়াম লেংবিরক্তুনা লৈবাক্কী ওইবা ৱাফম তাবিবগীদমক, লৈবাক নিংজবগী মতৌ অদুনা, লৈবাক্কা পুন্না চৎমিন্ননবগী অপাম্বা অদুগা লোইননা ময়াম পুম্নমক লেংবিরক্লি । ঐহাক্না অমুক হন্না ময়ামবু থমোয় শেংনা ইকায় খুম্নবা উৎচরি, মফম অসিবু খুরুমজরি । পুম্নমকপু থাগৎচরি ।