ভারতকী প্রধানমন্ত্রী

সেন্ত ভিন্সেন্ত অমসুং গ্রেনেদাইনগী প্রধান মন্ত্রী দা. রালফ ইভরার্দ গোনসালবসনা ঙসি প্রধান মন্ত্রী শ্রী নরেন্দ্র মোদীগা উনখ্রে। সেন্ত ভিন্সেন্ত অমসুং গ্রেনেদাইনসগী প্রধান মন্ত্রীগী ইহান হানবা ভারত খোংচৎ অমদা প্রধান মন্ত্রী গোনসালবসনা ঙরাং নই দিল্লীদা পাংথোকখিবা অৱাংবা থাক্কী য়ুনাইতেদ নেসন্স কোনভেন্সন ওন কোম্বেতিং দিজর্তিফিকেসন (য়ু.এন.সি.সি.দি.) সীম্পোজিয়মদসু শরু য়াখি।

প্রধান মন্ত্রী গোনসালবসনা সেন্ত ভিন্সেন্ত অমসুং গ্রেনেদাইনস অমদি কেরিবিয়ান অমসুং লেতিন অমেরিকা লমদমদসু ভারতকীদমক পুকচেল চাউবা অদু ফোংদোকখি।

প্রধান মন্ত্রী মোদীনা ইন্তর্নেস্নেল ফোরা য়াওনা লৈবাক অনিগী মরক্তা নক্ননা তেংবাং পীনরিবা অদু ফোংদোকখি অমসুং সেন্ত ভিন্সেন্ত অমসুং গ্রেনেদাইনসপু য়ু.এন. সেক্যুরিতী কাউন্সিলগী নন-পর্মনেন্ত মেম্বর অমা ওইনা হৌজিক ফাওবগী খ্বাইদগী পীকপা লৈবাক ওইবগী পুৱারী ওইরবা এচিবমেন্ত ফংখিবা অদুগীদমক নুংঙাইবা ফোংদোকখি।

লুচিংবশিংনা লৈবাক অনিগী মরক্তা স্কিল দিবেলপমেন্ত, ত্রেনিং, এজুকেসন, ফাইনান্স, কলচর, অমসুং দিজাস্তর মেনেজমেন্তগী লমশিংদা তেংবাং পীনবা হেঙ্গৎহনবদা য়ানখি।