ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুৎথাংদা সুরত্তা তিরঙ্গা রেল্লিদা ৱা ঙাংখ্রে। নুংঙাইরবা অমৃত মহোৎসব অমগীদমক মীপুম খুদিংমক য়াইফ-পাউজেল পীরদুনা মহাক্কী ৱারোল হৌখি অমসুং নুমিৎ খরিগী মনুংদা ভারতনা নিংতম্বা চহি ৭৫ মপুংফারগনি হায়না অমুক হন্না নিংশিংখি। প্রধান মন্ত্রীনা হায়খি ভারতকী কাচিন-কোয়া খুদিংমক্তা মচু অহুমগী ফিরাল চিংখৎতুনা পুৱারি ওইরবা নিংতম নুমিৎ অসিগীদমক ঐখোয় খুদিংমক্না থৌরাং তৌরি।

প্রধান মন্ত্রীনা হায়খি গুজরাতকী মফম খুদিংমক হরাও-তয়াম্বনা পীক থল্লে অমসুং মসিদা সুরতনা শরুক য়ারি। ঙসিদি লৈবাক শীনবা থুংনা সুরত্তা মীৎয়েং চংলে। সুরতকী তিরঙ্গা য়াত্রা অসিদা অপীকপা ভারত অমা উবা ফংলে। খুন্নাইগী কাংলুপ খুদিংমক থৌরম অসিদা শরুক য়ারে। মচু অহুমগী অশেংবা অমতা ওইনা পুনশিনবা ঙম্বগী থৌনা অদু সুরতনা উৎলে। সহর অসিগী ললোন-ইতিক অমসুং উদোগশিংনা মালেমদা সুরত অসি মফম অমা কল্লবশু, ঙসিদি তিরঙ্গা য়াত্রা অসিনা মালেম শীনবা থুংনা পুক্নিং চিংশিনফম অমা ওইরগনি।  

মীয়ামদা ৱা ঙাংবদা প্রধান মন্ত্রীনা হায়খি তিরঙ্গা য়াত্রা অসিদা সুরতকী মীয়াম্না ঐখোয়গী নিংতম লালহৌগী থৌনা অদু হিঙ্গৎহল্লে। ফি য়োনবা অমা, দুকান ফম্বা মীওই, য়োংখমদা ফি শারিবা কনাগুম্বা অমা, ফি তুরিবা কনাগুম্বা অমা অমসুং ফি লোল্লিবা মীওই অমা অমসুং অতোপ্পা চৎথোক-চৎশীন তৌরিবা মীওই অমা, মখোয় পুম্নমক শম্নহল্লে। সুরতকী তেক্সতাইল উদোগনা হোৎনবদগী মসি অচৌবা থৌরম অমা ওইহল্লে। তিরঙ্গাগী থৌরম অসিদা মীয়াম শরুক য়াবগীদমক প্রধান মন্ত্রীনা মীওই খুদিংমক থাগৎখি, মরুওইনা সনৱার প্রসাদ বুধিয়া অমসুং ‘সাকেত’ গ্রুপকী মীওইশিং থাগৎখি। মসিগী থৌরম অসিদা পাংথোক্নবা অচৌবা থৌদাং লৌবগীদমক প্রধান মন্ত্রীনা এম.পি শ্রী সি.আর পতিল জি থাগৎখি।

প্রধান মন্ত্রীনা হায়খি ঐখোয়গী জাতিগী ফিরাল অসিমক লৈবাক অসিগী তেক্সতাইল উদোগ, লৈবাক অসিগী খাদি অমসুং ঐখোয়গী মশাগী ওক্নবা পুথোকচবা ঙম্বগী খুদম অমনি। হিরম অসিদা মশা মরোমদোম লেপচবা ঙম্বা ভারত অমগীদমক মতম পুম্নমক্তা সুরতনা থৌরাং তৌদুনা লৈরি। বাপু য়াওনা গুজরাতনা নিংতম ইহৌদা মাংজিল থাখি অমসুং নিংতম্লবা মতুংদা আইরন মেন সাদার পতেলগুম্বা অথৌবশিংনা এক ভারত শ্রেস্থা ভারতকী য়ুম্ফম থোনখি। বারদোলি খোঙজং অমসুং দান্দি য়াত্রানা পীবা পাউজেলনা লৈবাক অসি অমতা ওইনা পুনশিনখি।  

প্রধান মন্ত্রীনা হায়খি ভারতকী ফিরাল অসিদা মচু অহুমখক য়াওবতা নত্তনা, ফিরাল অসি ঐখোয়গী পুৱারিগী চাউথোকচবা, ঐখোয়গী হৌজিক্কী মতম অসিগী থাজবা অমসুং তুংগী মঙলানশিংগী মমি অমনি। ঐখোয়গী মচু অহুমগী ফিরাল অসি ভারতকী অমতা ওইবা, ভারতকী অপুনবগী শক্তম অমসুং ভারতকী খেন্নবা কয়াগী খুদম অমনি। ঐখোয়গী নিংতম লান্মীশিংনা মচু অহুমগী ফিরালদা লৈবাক্কী তুংগী ফিবম উখি, লৈবাক্কী মঙলানশিং উখি অমসুং করিগুম্বা মওং অমতদা ফিরাল অসি ইকায়বা পীবা তৌখিদে। নিংতম্বা চহি ৭৫গী মতুংদা ঐখোয়না অনৌবা ভারত অমগী খোঙচৎ হৌরে অমসুং অমুক হন্না মচু অহুমগী ফিরাল অসিনা ভারতকী অপুনবা অমসুং ৱাখল্লোনগী মহুৎশীল্লে।

প্রধান মন্ত্রীনা হায়খি হর ঘর তিরঙ্গা অভিয়ানগী শক্তি অমসুং কৎথোকপগী মমি অমা ওইনা লৈবাক শীনবা থুংনা তিরঙ্গা য়াত্রাশিং পাংথোক্লে। অগস্ত ১৩দগী ১৫ ফাওবগী মনুংদা, ভারতকী য়ুমথোং খুদিংমক্তা মচু অহুমগী ফিরাল চিংখৎকনি। অপুনবা শক্তম অমা খক্তগা লোয়ন্না খুন্নাইগী কাংলুপ খুদিংমক, ফুরুপ খুদিংমক্কী মীওইশিংনা মশানা পামজনা শরুক য়ারি। মসি লৈবাকমচা তাবা ভারতকী নাগরিক্কী মশক্নি।

প্রধান মন্ত্রীনা হায়খি থৌরম অসি ইমা ভারতকী মচাগী শক্তম্নি। নুপাশিং, নুপীশিং, নহারোলশিং, অহলশিং, মীওই খুদিংমক্না হর ঘর তিরঙ্গা খোংজং শৌগৎতুনা মখোয়গী থৌদাং পাংথোকপগীদমক প্রধান মন্ত্রীনা অপেনবা ফোঙদোকখি। হর ঘর তিরঙ্গা খোংজং অসিনা মরম ওইদুনা লায়রবা মীওই কয়া, ফিশাবীশিং অমসুং হেন্দলুমশিংগী শিন্মীশিংনা অহেনবা শেনফম ফংবদশু প্রধান মন্ত্রীনা হরাওবা ফোঙদোকখি। অজাদি কা অমৃত মহোৎসবতা ঐখোয়গী ৱারেপশিংদা অনৌবা থৌনা অমা পীনবা অসিগুম্বা থৌরমশিং অসিগী মরুওইবা পল্লদুনা প্রধান মন্ত্রীনা মহাক্কী ৱারোল লোইশিনখি। প্রধান মন্ত্রীনা হায়খি মীয়াম শরুক য়ারিবা অসিগুম্বা থৌরমশিং অসিনা অনৌবা ভারতকী য়ুম্ফম হেন্না মপাঙ্গল কনখৎহনগনি।

Addressing Tiranga Yatra in Surat, Gujarat. https://t.co/Y7mmK9jt8Y

— Narendra Modi (@narendramodi) August 10, 2022

हमारा राष्ट्रीय ध्वज अपने आपमें देश के वस्त्र उद्योग, देश की खादी और हमारी आत्मनिर्भरता का भी एक प्रतीक रहा है।

इस क्षेत्र में सूरत ने हमेशा से आत्मनिर्भर भारत के लिए आधार तैयार किया है: PM @narendramodi

— PMO India (@PMOIndia) August 10, 2022

गुजरात ने बापू के रूप में आज़ादी की लड़ाई को नेतृत्व दिया।

गुजरात ने लौह पुरुष सरदार पटेल जैसे नायक दिये, जिन्होंने आज़ादी के बाद एक भारत-श्रेष्ठ भारत की बुनियाद रखी: PM @narendramodi

— PMO India (@PMOIndia) August 10, 2022

भारत का तिरंगा केवल तीन रंगों को ही स्वयं में नहीं समेटे है।

हमारा तिरंगा, हमारे अतीत के गौरव को, हमारे वर्तमान की कर्तव्यनिष्ठा को और भविष्य के सपनों का भी एक प्रतिबिंब है।

हमारा तिरंगा भारत की एकता का, भारत अखंडता का और भारत की विविधता का भी एक प्रतीक है: PM @narendramodi

— PMO India (@PMOIndia) August 10, 2022

*****