ভারতকী প্রধানমন্ত্রী

প্রধান মন্ত্রী শ্রী নরেন্দ্র মোসীনা মে ২৩, ২০২২দা তোকিওদা সুজুকি মোতোর কোর্পোরেসনগী সিনিয়র এদভাইজর শ্রী ওসামু সুজুকিগা উনখ্রে। মীফম অদুদা প্রধান মন্ত্রীনা শ্রী সুজুকীকা লৈনরিবা মরী অমসুং ভারত্তা মখোয়না শরুক তম্লিবা অদু নীংশিংখি অমসুং ভারতকী ওতোমোতিব ইন্দস্ত্রীদা সুজুকি মোতোর্সনা অচৌবা থৌদাং লৌখিবা অদুগীদমক থাগৎখি। ওতোমোবাইল অমসুং ওতো কম্পোনেন্ত সেক্তরদা প্রদক্সন লিঙ্ক ইনসেন্তিব (পি.এল.আই.) স্কিমগী মখাদা অয়াবা পীখিবা এপ্লিকেন্তশিংগী মরক্তা সুজুকী মোতোর গুজরাত প্রাইবেৎ লিমিতেদ অমসুং মারুতি সুজুকী ইন্দিয়া লিমিতেদ য়াওখিবদা থাগৎপা ফোঙদোকখি।

সস্তেনেবল গ্রোথকী পান্দম ফংনবা হোৎনবদা ইলেক্ত্রিক ভেহিকলশিং অমসুং বেত্তরিশিংগী প্রদক্সন ফেসিলিতীশিং লোয়ননা রিসাইক্লিং সেন্তরশিং লিংখৎপা য়াওনা ভারত্তা লৈরিবা ইনভেস্তমেন্তগী খুদোংচাবশিংগী মতাংদা মখোয়না খন্নখি। মখোয়না জপান-ইন্দিয়া ইন্সতিত্যুত ওফ মেন্যুফেকচরিং (জে.আই.এম.) অমসুং জপানিজ এনদোদ কোর্সেস (জে.ই.সি.)গী খুত্থাংদা স্কিল দিবেলপমেন্ত য়াওনা ভারত্তা লোকেল ইনোবেসন সিস্তেম শেমগৎপগী লালোংশিংগী মতাংদসু খন্নখি।

***