ভারতকী প্রধানমন্ত্রী
রনবির কাপুর: হৌখিবা চয়োলসিদা, ঐখোয়গী ৱাতসএপ ফেমিলী গ্রুপ্তা অদোমদা কমদৌনা কৌগনি হায়না য়েৎনরম্লিবনি – প্রাইম মিনিস্তর জী নৎত্রগা প্রধান মন্ত্রী জী কৌগদ্রা হায়না! ইনে রীমানা ঐঙোন্দা নুমিৎ খুদিং কোল তৌরক্লগা করি হায়গনি কমদৌনা হায়গনি হেক হেক হংই।
প্রধান মন্ত্রী: ইনাও, ঐসু অদোমগী ইমুংগী শরুক অমনি। অদোম্না হায়নিংবদু অদুম হায়বিয়ু।
নুপী: ইকায়খুম্নরবা প্রধান মন্ত্রী, শ্রী নরেন্দ্র মোদী জী!
প্রধান মন্ত্রী: কত!
নুপী: অদোম্না ঐখোয়বু পুকচেল চাওনা ঙসি মফমসিদা কৌবিরক্লি, অদোমগী মমল য়াম্লবা মতম কাইথোকপিরি। রাজ কাপুরগী ১০০ শুবা মপোক নুমিৎসিদা, ঐখোয়না অদোমবু থাগৎচরি। মীৎকুপসিদা পাপাগী ফিল্ম অমদগী ৱাহৈ পরেং অমা নীংশিংহল্লি: মে না রহুঙ্গি, তুম না রহোগে, লেকিন রহেঙ্গী নিসানিয়া! (ঐসু চৎখিগনি, নহাকসু চৎখিগনি, অদুবু নীংশিং মমিদি লৈহৌগনি!)
প্রধান মন্ত্রী: ৱাউ!
নুপী: অদোম্না ঐখোয়দা উৎপিরিবা ইকায়খুম্নবা অমদি নুংশিবা য়াম্না মমল য়াম্মি। ঙসি, লৈবাক পুম্বনা নরেন্দ্র মোদী জীনা, ঐখোয়গী প্রধান মন্ত্রীনা কাপুর ইমুংদা উৎপিরিবা ইকায়খুম্নবা অসি উবা ফংলি।
প্রধান মন্ত্রী: কাপুর সাহবনা মমল য়াম্লবা থৌদাং লৌবিরম্মি! ময়াম পুম্নমকপু মফমসিদা তরাম্না ওকচবা হায়বসি ঐগী লাইবক ফবনি হায়না লৌজৈ। রাজ সাহবকী ১০০শুবা মপোক কুমওন অসিনা ইন্দিয়ন সিনেমাগী সনা ফুদোংবা পন্দোল অমসু ওইরি। ১৯৪৭দা পুথোকখিবা নীল কমলদগী হৌরগা ২০৪৭ ফাওবদা, চহি চাম্মগী খোঙচৎ অসিনা লৈবাক্কীদমক লৌখিবা তোপ তোপ্পা থৌদাংশিং তাক্লি। ঙসিগী দিপ্লোমেতিক সর্কল অসিদা, সোফ্ত পৱারগী মরমদা য়াম্না কন্না খন্ন-নৈনরি। ‘সোফ্ত পৱার’ হায়বা ৱাহৈসিমক পুথোক্নদ্রিঙৈ মতম অদুদা, রাজ কাপুর সাহবনা মহাক্কী থবক থৌওংশিংগী খুত্থাঙদা মালেমগী ফম্পাকথক্তা ভারতকী ইথিল পীবা ঙমখ্রে। মসি লৈবাক্কী অচৌবা থৌগল অমনি।
নুপী: রনবিরদসু হাইরপ মান্নবা খরা থোকলখি। মহাক কারদা ফম্লগা লৈবদা, রসিয়ন দ্রাইভরদনা হংলকখি, অদোম ইন্দিয়াদগীরা? অদুদগী মহাক্না ঈশৈ অমা শকপা হৌরকখৎ। অদুদগী মহাক্না ঐ রাজ কাপুরগী মশুনুপানি হায়খি – হায়য়ু ইবুংঙো!
রন্বির কাপুর: ঐনা মঙোন্দা ঐ মাগী মশুনুপানি হায়রুবদগী, মদুনা মরম ওইরগা ঐ মতম পুম্বদা তেক্সী লেম্না তোংবা ফংখি।
প্রধান মন্ত্রী: করিগুম্বা খরদি তৌবা য়াই, মরুওইনা সেন্ত্রেল এসিয়াদা। মফমদুগী মীয়ামগী পুক্নিং অমদি থম্মোয়নুংদা অচেৎপা ইথিল পীগদবা ফিল্ম অমা পুথোকপা য়াই। রাজ সাহবকা, চহি কয়াগী মতুংদসু, মখোয়গা পুক্নিংগী ওইবা মরী অমা শম্নদুনা লৈরি। মসিমক শিংথানিংঙাই ওইবা ৱাফম অমনি।
নুপী: হৌজিক মতমদদি, নৌরিবা অঙাংশিংদা ফাওবা ঈশৈ মখল মখা কয়া তম্বিরে।
প্রধান মন্ত্রী: মদুনা মখোয়গী পুন্সিদা মতম কুইনা ইথিল পীবা ঙম্লিবনি। সেন্ত্রেল এসিয়াদা মতিং চাউনা লৈ হায়না ঐনা থাজৈ। ঐখোয়না মরী অসি হিঙ্গৎহনগদবনি, মদুবু অনৌবা মীরোলগা মরী শমজিন্নদুনা মরী অসি চেৎশিলহনগদবনি। অসিগুম্বা ক্রিএতিব খোঙজঙ অমা চঙশিন্বা মতমদা শোয়দনা মায় পাক্কনি।
নুপী: মহাক মীয়াম্না য়াম্না নুংশিবিখিবনা মহাক্কী মমিং মালেম শিন থুংনা খঙনখি। অদোম্না মহাকপু মওং অমদা কলচরেল এম্বেসেদর অমনি হায়বসু য়াই। অদুবু ঙসিদি, ঐ মসিমদি হায়নিংই: মহাক অপীকপা কলচরেল এম্বেসেদর অমা ওইরম্বদি য়াই, ঐখোয়গী প্রধান মন্ত্রীনা ভারতপু মালেমগী থাক্তা থাঙ্গৎপিরি, অমদি মসিগীদমক ঐখোয়না চাউথোকচৈ। ইমুংসিগী মীপুম খুদিংমক্না মসিগীদমক চাউথোকচৈ।
প্রধান মন্ত্রী: তশেংবসুনি, লৈবাকসিনা মালেমগী থাক্তা লেপ্লিবা মফম ফনা নীথিনা কাখৎলক্লে। খুদম ওইমা য়োগ হায়রসি, ঙসিদি অদোম্না মালেমগী মফম অমা হেক্তদা চৎলুবা মতমদা, অদোম্না য়োগবু মীয়াম্না য়াম্না পাম্নবা উবিগনি।
নুপী: ঐগী ইমাগা ঐগা, বেবো, লোলো অমদি ঐখোয় পুম্নমক য়োগপু য়াম্না পামজৈ।
প্রধান মন্ত্রী: ঐনা মালেমগী লুচিংবশিং উনবা খুদিং, লঞ্চ মনুংদা ওইরবসু নৎত্রগা দিন্নরদা ওইরবসু, ঐগা ৱারী শানবশিং অসি য়োগগী মতাঙদা হেক্তা ওইগল্লি।
মীওই অমা: ফিল্ম অসি ঐগী ইপুদা পুকচেল শেংনা কৎচবা শ্রদ্ধাঞ্জলি অমনি। মসি তশেংনা প্রদ্যুসর অমা ওইনা ঐগী অহান্বা ফিল্মনি, অদুগা ঐনা মতম পুম্বদা ঐগী ইমুংগীদমক করিগুম্বা খরা শেম্নবা মঙ মঙখি। প্রোজেক্ত অসিদা ঐখোয়না পামজবা পুম্বা য়াওরে।
নুপী: ঐ করিগুম্বা খরা হায়জবা য়াগদ্রা? মখোয় অসি ঐগী ইশুনুপাশিংনি, ঐগী অঙাংশিংনি। মখোয় মপুগা উনবগী তাঞ্জাক ফংখিদ্রবনি, অদুবু মখোয়না ফিল্ম অসি মহাকপু ইকায়খুম্নবা ওইনা পুথোক্লিবনি। অর্মান্না য়াম্না কুপ্না থিজিনখি, অমদি ফিল্ম অসি মহাক্কী মফমদা কৎচবা শ্রদ্ধাঞ্জলি অমনি।
মীওই অমা: ঐখোয়না তমশিল্লিবা খুদিংমক ফিল্মশিংদগী খঙবনি, অমদি অদুগা ৱাফম ময়াম অমনা ঐখোয়গী ইমানা তাকপিবনি।
প্রধান মন্ত্রী: অদোম্না থিজিন হুমজিনবা মতমদা, মওং অমদা, অদোম্না তাইবংপান অদুদা নশাবু লুশিন্দুনা য়াওশিল্লি। অদোম্না অদোমগী ইপুবু থেংনহৌদ্রবসু মহাক্কী পুন্সিগী খোঙচৎপু মহাক্কী থবকশিংগী খুত্থাঙদা খঙনবা তাঞ্জা ফংলিবসি অদোম তশেংনা লাইবক ফবনি।
মীওই অমা: হোয়, তশেংবমক্নি। মসি ঐগীদমক্তা অচৌবা মঙলান অমনি অমদি ঐগী ইমুং পুম্বা প্রোজেক্ত অসিদা শরুক য়ারিবসিদা ঐ তশেংনা নুংঙাইবা ফাওই।
প্রধান মন্ত্রী: মহাক্কী ফিল্মশিংগী ইথিল ঐ নীংশিংলি। জন সঙ্ঘ মতমদা, দিল্লীদা মীখল অমা পাঙথোক্লম্মি, অদুগা জন সঙ্ঘ মায়থিরম্মি। অদবানী জী অমসুং অতল জীনা, মায়থিবা নংলবা মতুংদা হায়খি, “ঐখোয় হৌজিক করি তৌগনি?” মখোয়না ৱাখল খরা নুংঙাইথোক্নবা ফিল্ম অমা য়েংনবা লেপ্নখি। মখোয়না রাজ কাপুরগী ফিল্ম অমা য়েংবা চৎখি। অহিংদু হৌখ্রে, অদুগা মথঙগী অয়ুক্তা মখোয়না অনৌবা থাজবা অমা লাকখি। মখোয়না মায়থিবা নংজরবসু, অনৌবা অয়ুক অমনা ঙাইদুনা লৈরম্বগুম অনৌবা থাজবা ফংখি।
ঐনা চাইনাদা চৎপা মতমদা অদোমগী পাবুংগী ঈশৈ অমা খোংলম্বা থেংনখিবা ঐ নীংশিংলি। ঐনা কলীগ অমদা মদু মোবাইল ফোন অমদা রেকোর্দ তৌরক্নবা হায়খি, অদুগা ঐনা মদু রিসি সাহবতা থাখি। মহাক য়াম্না হরাওখি।
অলিয়া: ঐনা খনবদা অদোম্না হন্দক্তা অফ্রিকাদা চৎখি, অদুগা লান্মী অমনা ঐগী ঈশৈ অমা শক্তুনা অদোমগা লেপমিন্নবগী ক্লিপ অমা উবা ফংখি। ক্লিপ অদু ভাইরেল চৎখি, অমদি মীওই কয়ানা মদু ঐঙোন্দা থারকখি। মীপুম খুদিংমক মদু উবদা নুংঙাইখি। ঐনা মতম পুম্বদা ঈশৈ অদুদা মালেম অসিবু পুনশিন্নবগী তোপ তোপ্পা মতিক আম লৈ হায়না ফাওখিবনি। মরুওইনা, হিন্দী ঈশৈশিং অসিনা অখন্নবা মফম অমা কন্দুনা লৈ – মখোয়না লোলগী পল লান্দুনা চৎপা ঙম্মি। মীয়াম্না ৱাহৈশিং অদু মতম পুম্বদা খঙবা ঙমদবদি য়াই, অদুবু মখোয়না ঈশৈ অদুবুদি অদুমক শক্নৈ। ঐনা চৎপা মতমদা মসি হেক হেক থেংনৈ, মরুওইনা রাজ কাপুরগী ঈশৈশিংদা। ঙসিমকসু, ঐখোয়গী ঈশৈশিংনা খুদক্তা মরী অমা শাগৎপা ঙমদুনা য়াম্না সেন্তিমেন্তেল অমদি য়ুনিভর্সেল ওইবা মচৎ অমা লৈরি। মসি হায়রগা, ঐ ৱাহং অমা হংনিংদুনা লৈরম্বনি – অদোম হৌজিকসু ঈশৈ তানবগী তাঞ্জা ফংবরা?
প্রধান মন্ত্রী: ফংই, ঐ ঈশৈ পাম্মি, অদুগা ঐনা তাঞ্জা ফংবা খুদিং ঈশৈ তায়।
সাইফ অলি খান: ঐনা উনজবগী তাঞ্জা ফংজবা অদোম্না অহান্বা প্রধান মন্ত্রীনি, অদুগা অদোম্না ঐখোয়গী হকথেংননা উনবিরি – অমুকখক্তা নত্তনা অনিরক। অদোম্না পোজিতিব ইনর্জী অমা ফুদোকই, অদুগা অদোম্না থবক্তা পুক্নিং লুপচবা মতৌ তশেংনা মতৌ তমজনিংঙাইনি। ঐনা অদোমগী মফমদা অদোম্না পাঙথোকখিবা থবক খুদিংমক্কীদমক নুংঙাইবা ফোঙদোকচরি অমদি অদোমগী থোঙ হাংদোকপিদুনা, ঐখোয়গা উনবা, অমদি হরাও হরাও ৱারী ৱাতায় শানবা ফংহনবিবগীদমক অদোমবু থাগৎচরি। অদোমবু থাগৎচরি।
প্রধান মন্ত্রী: ঐ অদোমগী পাবুংগা উনখিবা নীংশিংলি, ঙসিদি অদোমগী ইমুংগী মীরোল অহুমগা উনবা ফংলনি খল্লম্বনি। অদুবু অদোম্না অহুমশুবা মীরোলদুদি পুবিরকত্রে।
করিস্মা কাপুর: ঐখোয় মখোয়বু তশেংনা পুরকপা পাম্লম্বনি।
নুপী: মখোয় পুম্নমক অচৌবা এক্তরশিং ওইরে, ঐখোয় হেন্না পাক চাউবা ফীল্দদা কুমথদ্রে, অদুবু ঐগী অঙাংশিংনদি মখোয়গী লৈজবী থাদুনা হোৎনরি। ঐখোয়বু প্রধান মন্ত্রীনা পাউজেল পীদুনা কৌবিরক্লি। থাগৎচরি পাপা!
রন্বির কাপুর: ঐখোয়না দিসেম্বর ১৩, ১৪ অমসুং ১৫দা রাজ কাপুরগী খোঙচৎ হঙ্গৎনা য়েংবগী থৌরম অমা পাঙথোক্কদৌরি। ভারত লৈঙাক, NFDC, অমসুং NFAI না নীংথিনা ঙাক্লৌ পীবিদুনা লাক্লি। ঐখোয়না মহাক্ক ফিল্ম ১০, ওদিও অমদি ভিজুএল অনিমক্তা রিস্তোর্দ তরে, অমদি মখোয়শিংদু ভারতকী সহর ৪০ দা থিএতর ১৬০ দা উৎকনি। ঐখোয়না মুম্বাইদা তাং ১৩দা প্রেমিয়র পাঙথোক্লি, অমদি ঐখোয়না ফিল্ম ইন্দস্ত্রী পুম্ববু শরুক য়ানবা পাউজেঞ্জরি।
দিসক্লেমর: মসি কাপুর ইমুংগা প্রধান মন্ত্রীগা ৱারী শানখিবগী চাউরাকপা ৱাহন্থোক্নি। অশেংবা শানখিবা ৱারীদি হিন্দী লোলদনি।
***
This year we mark Shri Raj Kapoor Ji’s birth centenary. He is admired not only in India but all across the world for his contribution to cinema. I had the opportunity to meet his family members at 7, LKM. Here are the highlights… pic.twitter.com/uCdifC2S3C
— Narendra Modi (@narendramodi) December 11, 2024
