ভারতকী প্রধানমন্ত্রী

1. ভারতকী প্রধান মন্ত্রী নরেন্দ্র মোদীনা চেবাউ পীরকপা অমসুং শেংলবা মোস্ক অনিগী মপুগী লমজিং মখাদা, সাউদী অরাবীয়াগী উপ প্রধান মন্ত্রী অমসুং ঙাকশেল-মন্ত্রী ক্রাউন প্রিন্স মোহম্মদ বিন সলমান বিন অব্দুলাজিজ অল সাউদনা ২০১৯গী ফেবুৱরী ১৯-২০দা মহাক্কী অহানবা ভারত খোঙচৎ ওইনা লাকপদা এয়রপোর্ত্তা মহাকপু প্রধান মন্ত্রীনা তরাম্না ওকখি। শেংলবা মোস্ক অনিগী মপু ওইরিবা নিংথৌ সলমান বিন অবদুল অজিজ অল সাউদনা চেবাউ পীরকপদগী প্রধান মন্ত্রী মোদীনা ২০১৬কী এপ্রিলদা সাউদী অরাবীয়াদা চৎলুরবা মতুংদা খোঙচৎ অসি মখা তারকপনি।

   2. ২০১৯গী ফেবুৱরী ২০দা নই দিল্লীগী রাস্ত্রপতি ভাবন্দা ক্রাউন প্রিন্স অসি হৌনবী মতুংইন্না তরাম্না ওকখি। ক্রাউন প্রিন্স অসি ইকায়খুম্বা উৎপা ওইনা রাস্ত্রপতি কোবিন্দনা চাক্লেন অমা শীনখি।
    

3. ২০১৯গী ফেবুৱরী ২০দা হায়দ্রবাদ হাউসতা প্রধান মন্ত্রী মোদী অমসুং ক্রাউন প্রিন্স মোহম্মদ বিন সলমান বিন অব্দুলাজিজ অল সাউদ মীহুৎ কাংবুগী থাক্ত ৱারী শানখি। মপান থৌরম পুবা মন্ত্রী সুস্মা শ্বরাজনা ক্রাউন প্রিন্সকা উনখি।
4. ভারত অমসুং সাউদী অরাবীয়ানা চহি কয়া শুরবা শেন-থুম, খুন্নাই অমসুং কলচরগী মরী লৈনদু লাক্লি। লম্মিৎ-তুমিৎকি ওইনা নক্নবা, সিবিলাইজেসনগী মরী লৈনবা, কলচরগী নক্নবা, মীগা মীগা উনবা, মান্নবা শিংনবা অমসুং খুদোংচাদবা কয়া লৈবনা মসিগী মরী অসি ফগৎহল্লি।

5. মরূপ-মপাং ওইবগী মরী ফগৎহন্নবা চৎথরিবা নাকল অনিগী ৱারী শানবা অসিনা লৈবাক অনি অমসুং মসিগী লুচিংবশিং নকশিন্নহল্লি। লৈবাক অমনা অমগী অপাম্বশিং খঙনবা, থাজনবা, ইকায়খুম্নবা অমসুং অফবনা লমজিংদুনা নাকল অনিগী মরূপ-মপাং ওইবা অমসুং মতেং পীনবগী মরী ফগৎলকপদনা লৈবাক অনিনা অপেনবা ফোংদোকখি। ললোন-ইতিক, ইনর্জী, সেক্যুরিতী, কলচর য়াওনা হীরম কয়াদা মতেং পীনবা হেনগৎলকপদা নাকল অনিনা অপেনবা ফোংদোকখি, মসি ২০১৬কী এপ্রিলদা প্রধান মন্ত্রীনা রিয়াধতা লাক্লম্লবা মতুংদা ঐখোয়গী মরী অসি ফগৎলকখিবনি।

6. ভারতকী চৎন-লোনচৎশিং, পুন্না চাউখৎমিন্নবা অমসুং খাংবা কনবা অসি ক্রাউন প্রিন্সনা থাগৎতুনা সাউদী অরাবীয়াদা কোমথোকপা অমসুং অথিংবা কয়া লৈরক্তবগী থবকশিং ক্রাউন প্রিন্সনা হৌদোরকপা অসিদা প্রধান মন্ত্রী মোদীনা তরাম্না ওকখি।

7. ফেবুৱরী ২০১০গী রিয়াধ দিক্ল্যারেসনগী ৱারোলশিং অদু ইন্দুনা লৈবাক অনিগী লৈনরিবা মরীশিং চেৎশিনহন্নবা নাকল অনিমক্না অমুক হন্না অচেৎপা ফিরেপ লৌখি অমসুং ২০১৪গী ফেবুৱরীদা শেংলবা মোস্ক অনিগী মপু ওইরিবা নিংথৌ সলমান বিন অবদুলা অজিজ অল সাউদকী ভারত্তা লাক্লম্বা অমসুং ২০১৬কী এপ্রিলদা সাউদী অরাবীয়াদা প্রধান মন্ত্রী নরেন্দ্র মোদীনা চৎখিবা অদু অমুক নীংশিংখি।

8. প্রধান মন্ত্রী মোদী অমসুং ক্রাউন প্রিন্সনা লুচিংদুনা মন্ত্রীশিংনা মীহুৎ ওইদুনা হৌজিক লৈনরিবা ঙাকশেনগী ওইবা মরী অসি হেন্না চেৎশিন্নবা স্ত্রাতেজিজ পার্তনরসিপ কাউন্সিল অমা শেমদুনা অৱাংবা থাক্কী মোনিতরিং তৌনবা নাকল অনিনা য়ানখি।

9. হন্দক রিয়াধতা পাংথোকখিবা নিতী অয়োগ অমসুং সাউদী সেন্তর ফোর ইন্তর্নেস্নেল স্ত্রাতেজিক পার্তনরশিপগী ৱার্কশোপতগী ফংলকপশিং নাকল অনিনা তরাম্না ওকখি। হিরম কয়াদা শেন থাদনবা অমসুং পুন্না থবক তৌমিন্ননবা খুদোংচাবা ৪০ হেন্না ৱার্কসোপ অদুদা মশক খঙদোকখি।

10. খোঙচৎ মনুংদা মখাগী এম ও য়ুশিং অসি খুৎয়েক পীনখি:

(I) নেস্নেল ইনভেস্তমেন্ত এন্দ ইনফ্রাস্ত্রকচর ফন্দ ওফ ভারতদা শেন থাদনবা এম ও য়ু

(II) তুরিজমগী লমদা মতেং পীননবা এম ও য়ু

(III) হাওসিংগী লমদা মতেং পীননবা এম ও য়ু

(IV) ভারত অমসুং সাউদী অরাবীয়া জেনরেল ইনভেস্তমেন্ত ওথোরিতী অনিগী মরক্তা শেন থাদনবা ফ্রেমৱার্ক কোওপরেসন প্রোগ্রাম

(V) ওদিও ভিজুয়েল প্রোগ্রামশিং পীথোক-পীশিন তৌননবা ব্রোদকাস্তিংগী মতেং পীননবা এম ও য়ু

(VI) প্রধান মন্ত্রী নরেন্দ্র মোদীনা হৌদোকখিবা ইন্তর্নেস্নেল সোলর এলাইন্স (আই এস এ)দা সাউদী অরাবীয়া শরুক য়ানবা।

11. নাকল অনিগী ললোন-ইতিক্কী থবক ফগৎলক্লিবা অসি য়েংলগা, মরুওইনা থাও নত্তবা ললোন-ইতিক্কী থবকশিংগী লৈরিবা খুদোংচাবশিং লৌনবা নাকল অনিনা য়ানখি। শেন-থুম, ললোন-ইতিক, ইনভেস্তমেন্ত, কলচর অমসুং তেক্নোলোজীগী হিরমশিংদা মতেং পীনবা হেনগৎহন্নবা ২০১৮গী ফেব্রুৱরীদা রিয়াধতা পাংথোকখিবা ১২শুবা ভারত-সাউদী জোন্ত কম্মিসন মীফমগী ৱারেপশিং নাকল অনিনা তরাম্না ওকখি।

12. লৈবাক অনিগী মরক্তা ললোন-ইতিক্কী ভোলুম হেনগৎহনবা অমসুং মপান্দা থাদোকপদা লৈরিবা অথিংবশিং লৌথোক্নবগী মরুওইবা অদু নাকল অনিনা তকশিনখি।

13. সাউদীগী ভিজন ২০৩০ অমসুং ভারতকী মেক ইন ভারত, স্তার্ত অপ ভারত, স্মার্ত সিতিজ, ক্লিন ভারত অমসুং দিজিতেল ভারতগী থবকশিংগা চুননবা লৈবাক অনিগী মরক্তা লৈনরিবা ললোন-ইতিক অমসুং ইনভেস্তমেন্তগী মরী হেন্না ফগৎহনবা হায়না নাকল অনিনা য়ানখি। সাউদী অরাবীয়াদা পায়খৎলিবা অচৌবা প্রোজেক্তশিংদা ভারতকী লনাই অমসুং সরকারগী ইনভেস্তমেন্তশিং লাক্নবা সাউদীগী মাইকৈদগী শেম-শারি। ভারত অমসুং সাউদী অরাবীয়াদা শেন—থুমগী অফবা অওনবা লাক্লিবশিং অদু নাকল অনিনা খঙজিনখি।

14. ললোন-ইতিক নুংঙাইনবা, লাইহন্নবা অমসুং মরুওইবা হীরমশিংদা লৈরিবা ফোরেন দাইরেক্ত ইনভেস্তমেন্তগী নিয়মশিং কোমথোক্নবা সরকার অনিনা পায়খৎলিবা থবকশিং নাকল অনিনা তরাম্না ওকখি।
 

15. ২০১৬দা প্রধান মন্ত্রী মোদীগী রিয়াধ খোঙচৎ মনুংদা ভারত অমসুং সাউদী অরাবীয়ান জেনেরেল ইনভেস্তমেন্ত ওথোরিতী অনিগী মরক্তা ফ্রেমৱার্ক কোওপরেসন এগ্রিমেন্ত খুৎয়েক পীনরবা মতুংদা শেন থাদবদা অহোংবদা লাকপদা নাকল অনিনা তরাম্না ওকখি। ইনফ্রাস্ত্রকচর, মাইনিং, ইনর্জী, ফুদ সেক্যুরিতী, তেক্নোলোজী পীনবা, ইনফোর্মেসন তেক্নোলোজীগী হ্যুমেন রিসোর্স, ইলেকত্রোনিক্স অমসুং কম্যুনিকেসনগী লমদা শেন থাদনবা লৈবাক অনিদা লৈরিবা খুদোংচাবশিং ললোন-ইতিক্কী মীওইশিংনা লৌনবা নাকল অনিনা তকশিনখি।

16. সাউদীগী ইন্দস্ত্রিয়েল শহরশিং অমসুং হিথাংফমশিংদা লৈরিবা অনৌবা ইনফ্রাস্ত্রকচরশিং অমসুং লোজিস্তিক্কী খুদোংচাবশিং মশক খঙলদুনা সাউদীগী লৈবাক মনুংদা ভারতকী কম্পেনীশিংনা শেন থাদরকপদা নিংথৌনা তরাম্না ওকখি।

17. ইনর্জী, রিফাইনীং, পেত্রোকেমিকেল্স, ইনফ্রাস্ত্রকচর, লৌউ-শিংউ, মিনরেল, মাইনিং, মেনুফেকচরিং, এজুকেসন অমসুং হকশেলগী লমদা য়ু এস দোল্লর বিলিয়ন ১০০ হেন্না থাদনবা নিংথৌনা লাউথোকখিবা অদু প্রধান মন্ত্রীনা তরাম্না ওকখি।

18. য়ু এস দোল্লর বিলিয়ন ৪৪ চংবা অহানবা জোইন্ত ভেঞ্চর ৱেস্ত কোস্ত রিফাইনরী এন্দ পেত্রোকেমিকেল প্রোজেক্ত নাকল অনিনা অপেনবা ফোংদোকখি অমসুং মালেমদা খ্বাইদগী চাউবা গ্রীন ফিল্দ রিফাইনরী ওইগদৌরিবা প্রোজেক্ত অসি ফেজ অমদা য়াংনা পায়খৎনবা নাকল অনিনা য়ানখি। মসিগী মথক্তা, পব্লিক ইনভেস্তেমেন্ত ফন্দগী খুৎথাংদা য়ু এস দোল্লর বিলিয়ন ১০ খোমগৎপা অমসুং অতোপ্পা ইনভেস্তেমেন্তগী খুদোংচাবশিংদগী য়ু এস দোল্লর বিলিয়ন ২৬ খোমগৎনবা খন্নখি।

19. নেস্নেল ইনভেস্তমেন্ত এন্দ ইনফ্রাস্ত্রকচর ফন্দ অমসুং ভারতকী মরুওইবা সেক্তরশিংদা সাউদী অরাবীয়ানা শেল থাদরকপদা ভারতকী প্রধান মন্ত্রীনা তরাম্না ওকখি। নাকল অনিগী শেন-থুমগী মতেং পীনবা হেনগৎহন্নবা নেস্নেল ইনভেস্তমেন্ত এন্দ ইনফ্রাস্ত্রকচর ফন্দা শেন থাদনবা এম ও য়ু খুৎয়েক পীনবদা নাকল অনিনা তরাম্না ওকখি।

20. ইনর্জী, রিফাইনীং, পেত্রোকেমিকেল্স, ইনফ্রাস্ত্রকচর, লৌউ-শিংউ, মিনরেল, মাইনিং, মেনুফেকচরিং, এজুকেসন অমসুং হকশেলগী লমদা সাউদীগী মাইকৈদগী ভারত্তা শেন থাদরকপদা প্রধান মন্ত্রী নরেন্দ্র মোদীনা তরাম্না ওকখি।

21. হাওসিংগী লমদা মতেং পীননবা এম ও য়ু খুৎয়েক পীনবা অমসুং সাউদী অরাবীয়াদা হাওসিং প্রোজেক্তশিংদা ভারতকী কম্পেনীশিংনা শরুক য়াবদা নাকল অনিনা তরাম্না ওকখি।

22. দিজাস্তর মেনেজমেন্তগী মতাংদা মতেং পীননবা প্রধান মন্ত্রীনা হৌদোরকপা ৱাফম ক্রাউন প্রিন্সনা তরাম্না ওকখি।

23. সাউদী অরাবীয়া অসি মালেমদা খ্বাইদগী চাউবা থাও অমসুং গ্যাস পীবা অমসুং ভারত্তা মরুওইবা পীবা লৈবাক অমা ওইনা ইনর্জী সেক্তরদা নাকল অনিগী ললোন-ইতিক্কী থবক হেনগৎহনবগী মরুওইবা অদু খঙখি। ভারত-সাউদী অরাবীয়া ইনর্জী কন্সলতেসন মখা চৎথনবা নাকল অনিনা তকশিনখি। ইনর্জী সেক্তরদা লৈবা-য়োনবগী লৈনরিবা মরী অসি ফগৎহনবা হায়না নাকল অনিনা য়ানখি।

24. ভারতকী দরকার ওইবা শুংদোকত্রিবা থাও অমসুং পেত্রোলিয়মগী পোৎথোকশিং পীনবা সাউদীগী ক্রাউন প্রিন্সনা থাজবা পীখি।
25. ভারতকী স্ত্রাতেজিক পেত্রোলিয়ম রিজার্বস (এস পি আর)দা সাউদীনা শরুক য়াবদা প্রধান মন্ত্রীনা তরাম্না ওকখি।

26. ইন্তর্নেস্নেল সোলর এলাইন্সতা সাউদীনা শরুক য়ানবা ৱারেপ লৌরকপদা ভারতকী প্রধান মন্ত্রীনা তরাম্না ওকখি।

27. স্পেস, সাইন্স অমসুং তেক্নোলোজী, রিমোত সেন্সিং, সেতিলাইত কম্যুনিকেসন অমসুং সেতিলাইত বেজ নেভিকেসন্দা মতেং পীনবা হায়না নাকল অনিনা য়ানখি।

28. মেনুফেকচরিং, ইনফোর্মেসন তেক্নোলোজী, কম্যুনিকেসন অমসুং প্রোগ্রাম্মিংগী লমদা স্কিল দিবলপমেন্তগী জোইন্ত ৱার্কিং গ্রুপ অমা লিংখৎপা হায়না নাকল অনিনা য়ানখি।

29. ২০১৪গী ফেবুৱরীদা নিংথৌ সলমান বিন্না মহাক্কী খোঙচৎতা ঙাকশেনগী মতেং পীননবা এম ও য়ু খুৎয়েক পীনখ্রবা মতুংদা ত্রেনিং য়াওনা দিফেন্স সেক্তরদা ভারত-সাউদী মতেং পীনবা হেনগৎলকপদা নাকল অনিনা তরাম্না ওকখি। ২০১৯গী জনুৱরী ২-৩দা রিয়াধতা পাংথোকখিবা দিফেন্স কোওপরেসনগী ৪শুবা জোইন্ত কম্মিতিগী ৱাফমশিং তরাম্না ওকখি।

30. অথুবা মতমদা অপুনবা নেভেল এক্সর্সাইজ পাংথোকপা হায়না নাকল অনিনা য়ানখি।

31. মেক ইন ভারত অমসুং ভিজন ২০৩০গী মখাদা নেভেল অমসুং লেন্দ সিস্তেমশিংগী স্পয়র পার্তশিং জোইন্ত দিফেন্স প্রদক্সনদা মতেং পীনবা হায়না নাকল অনিনা য়ানখি।

32. লৈবাক অনিগী মেরিনগী সেক্যুরিতী হেনগৎহন্নবা অমসুং মালেমগী ললোল-ইতিক্কী চৎথোক-চৎশিন অশোইবা থোক্তনবা ভারতনা ওসিন রীম লৈবাকশিংগা পুন্না থবক তৌমিন্নবা হায়না নাকল অনিনা য়ানখি।

33. লম্বী-থোংগী প্রোজেক্তশিংগী মতাংদা, নাকল অনিমক্না সোভরেন্তী অমসুং লৈবাকশিংগী অপুনবগী ঙমখৈ য়াওনা মালেমগী আইনশিংদা য়ুম্ফম ওইবা হায়না নাকল অনিনা য়ানখি।

34. য়ুম্লোনবশিংগা অফবা মরী থম্বগী মরুওইবশিং নাকল অনিনা তকশিনখি। ২০১৪গী মে থাদগী প্রধান মন্ত্রীনা পাকিস্থানগা অফবা মরী থম্নবা হোৎনরকপশিং সাউদীনা তরাম্না ওকখি। ভারত অমসুং পাকিস্থান ৱারী শানবা য়ানবা দরকার ওইবা ফিবম লৈহনবা হায়না নাকল অনিনা য়ানখি।

35. লৈবাক অমনা লৈবাক অমগী মথক্তা তেরোরিজম শীজিন্নবা থিংবা, তেরোরিজমগী মচাক-মথুমশিং লৌথোকপা, অতোপ্পা লৈবাকশিংগী মথক্তা কিহনবগী থবক পায়খৎনবা তেরোরিস্তশিংদা শেনগী মতেং পীদবা অমসুং তেরোরিজমদা চেন্নবশিং চৈরাক পীবা য়াওনা হিরম কয়াদা নাকল অনিনা য়ানখি।
 

36. লৈবাক্কী থৌশিল ওইনা তেরোরিজম শীজিন্নবা লেপ্নবা নাকল অনিনা লৈবাক খুদিংদা খঙহনখি। অতোপ্পা লৈবাকশিংদা শীজিন্ননবা মিসাইল অমসুং দ্রোনশিং য়াওনা লালগী খুৎলায়শিং লৈবাকশিংদা পীদবা হায়না লৈবাক অনিনা তকশিনখি।

37. ২০১৯গী ফেবুৱরী ১৪দা জম্মু অমসুং কশ্মীরদা পুলৱামাদা ভারতকী সেক্যুরিতী ফোর্সশিংদা তেরোরিস্তশিংনা লান্দারকপা অদু প্রধান মন্ত্রী অমসুং ক্রাউন প্রিন্সনা য়ানীংদবা ফোংদোকখি।

38. নাকল অনিনা ৱেস্ত এসিয়া অমসুং মিদল ইস্তগী মতাংদা ৱা খন্নখি। সিরিয়াগী মতাংদা সেক্যুরিতী কাউন্সিল রিজোলুসন (২২৫৪) অমসুং রিজোলুসন (২২১৬) লৈবাক অনিনা তকশিনখি। য়েমেনগী য়ানশিন্নবা পুরক্নবা য়েমিনী নেস্নেল দাইলোগকী ফলশিং খন্নখি।

39.আরব পিস ইন্নিসিয়েতিব অমসুং য়ু এন রিজোলুসন্দা য়ুমফম ওইরগা মিদল ইস্তা তুংকোইনা শান্তি পুরক্তুনা পেলেসতিনিয়ন মীয়ামগী ফংফম থোকপা হকশিং ফংহন্নবা থাজবা লৈবাক অনিনা থমখি।

40. তেরোরিজম ঙাকথোক্নবা থবকশিংদা মতেং পীনবা হেনগৎহনবা অমসুং নেস্নেল সেক্যুরিতী এদভাইজরশিংগী থাক্ত সেক্যুরিতী দাইলোগ পাংথোকপা অমসুং তেরোরিজম থেংননবা অপুনবা ৱার্কিং গ্রুপ শেম্বা হায়না য়ানখি।

41. মেরিনতাইম সেক্যুরিতী, লো ইনফোর্সমেন্ত, এন্তি-মনী লাউন্দরিং, দ্রগ ত্রাফিক্কিং, হ্যুমেন ত্রাফিক্কিং, ইলিগেল মাইগ্রেসন অমসুং লৈবাক লান্না চৎথরকপা ক্রাইমশিং থিংনবা হৌজিক মতেং পীনরিবা অসি মখা চৎথনবা প্রধান মন্ত্রী অমসুং ক্রাউন প্রিন্সনা য়ানখি।

42. সাইবর স্পেস লান্না শিজিন্নবদা নুংনাংবা ফোংদোক্লদুনা, সাইবর স্পেস অমসুং সাইবর ক্রাইম থেংননবা নাকল অনিনা তেক্নিকেলগী মতেং পীননবা এম ও য়ুদা খুৎয়েক পীননবা নাকল অনিনা তরাম্না ওকখি। তেররগী থবকশিংদা অমসুং খুন্নাইগী ইং-তপ্পা কাইহন্নবা সাইবর স্পেস শীজিন্নবা থিংননবা মতেং পীনবা হেনগৎহনবা হায়না নাকল অনিনা য়ানখি।

43. মশিং য়াম্লবা ভারতমচাশিং চংজফম পীবা অমসুং মখোয়গী য়াইফনবা থবক লৌগৎপগীদমক ভারতকী মাইকৈদগী সাউদীগী লুচিংবশিংবু থাগৎখি।
 

44. ৩২শুবা সাউদী নেস্নেল ফেস্তিবেল ওফ হেরিতেজ এন্দ কলচর-জনাদ্রিয়া ২০১৮দা ভারত গেস্ত ওফ ওনর ওইহনবদা প্রধান মন্ত্রীনা সাউদীগী লুচিংবশিংবু থাগৎখি। ভারত ৱিক ইন সাউদী অরাবীয়া অমসুং সাউদী অরাবীয়া ৱিক ইন ভারত চাংনাইনা পাংথোক্নবা নাকল অনিনা তকশিনখি।

45. ভারত্তগী হার্জ চৎনবা মীশিংগী কোতা লাখ ২ য়ৌহনবদা প্রধান মন্ত্রীনা শেংলবা মোস্ক অনিগী মপু অমসুং ক্রাউন প্রিন্সপু থাগৎপা ফোংদোকখি।

46. সাউদীগী জেলশিংদগী ভারতমচা ৮৫৯ থাদোকপগীদমক প্রধান মন্ত্রীনা শেংলবা মোস্ক অনিগী মপু অমসুং ক্রাউন প্রিন্সপু থাগৎপা ফোংদোকখি।

47. কন্সুলর অমসুং ইম্মিগ্রেসনগা মরী লৈনবা ৱাফমশিং লোইশিন্দুনা লৈবাক অনিগী মীয়ামগী মরক্তা তু-ৱে তুরিজম হেনগৎহন্নবা নাকল অনিনা অপাম্বশিং ফোংদোকখি।

48. থা অমদা সাউদী অরাবীয়া এয়রলাইন্সকী সিত ৮০,০০০দগী সিত ১১২,০০০দা হেনগৎহনবদা ভারত সরকারনা য়াখি।

49. লৈবাক অনিগী মাইগ্রেসন প্লেতফোর্মশিং হায়বদি ই-মাইগ্রেন্ত পুনশিন্নবা নাকল অনিনা থাজবা ৱাফম থমখি।

50. ভারতকী মীয়াম মরুওইনা হার্জ চৎপশিংদা খুদোংচানবা রুপে য়াওনা পেমেন্ত সিস্তেমশিংগী মতেং পীননবা খুদোংচাবশিং থিদোকপা হায়না নাকল অনিনা য়ানখি। সাউদী অরাবীয়াদা পন্দুনা লৈরিবা ভারতকী শিন্মীশিংগী ৱাথোক লোইশিন্নবা ক্রাউন প্রিন্সনা “ইগামা” লাউথোকখিবদা প্রধান মন্ত্রীনা থাগৎখি।

51. মালেমগী লুপশিং হায়বদি য়ু এন, জি-২০, দবল্যু তি ও য়াওনা লুপশিংদা মতেং পীবা হেনগৎহনবা হায়না নাকল অনিনা থাজবা পীখি। মসিগী মতাংদা, য়ু এন সেক্যুরিতী কাউন্সিল অমসুং দবল্যু তি ও অমসুং মালেমগী ফাইনান্সিয়েল সিস্তেমশিংদা অওনবা পুরকপগী তঙাইফদবা অদু লৈবাক অনিনা থমখি।
 

52. মালেমগী হোংলক্লিবশিং অমসুং মালেমগী শিংনরকপশিং থেংননবা মালেমগী ওইবা লুপশিং নৌনা শেমদোকপগী তঙাইফদবশিং অদু লৈবাক অনিনা থমখি। মখোয়না সেক্যুরিতী কাউন্সিল য়াওনা য়ু এন শেমদোক্নবা তকশিনখি।

53. শেন-থুমগী ক্রাইম তৌরগা মীচেল ওইখিবশিংগী ৱাথোক লোইশিন্নবা পুন্না থবক তৌমিন্ননবা নাকল অনিনা মখোয়গী ওইবা ৱাফমশিং থম্নখি।

54. মহাক অমসুং মহাক্কা লোয়নরকপশিং তরাম্না ওকপগীদমক সাউদী অরাবীয়াগী উপ প্রধান মন্ত্রী অমসুং ঙাকশেল-মন্ত্রী ক্রাউন প্রিন্স মোহম্মদ বিন সলমান বিন অব্দুলাজিজ অল সাউদনা ভারত সরকার অমসুং ভারতকী মীয়ামবু থাগৎখি।