ভারতকী প্রধানমন্ত্রী

মান্নবা মিৎয়েং

ফ্রান্স অমসুং ভারতনা মখোয়গী খুন্নাইদা ইকোনোমিক গ্রোথ, সস্তেনেবল দিবেলপমেন্ত থৌগৎপা অমদি   দিজিতেল তেক্নোলোজীবু ত্রান্সফোর্মেতিব ফেক্তর অমা ওইহন্দুনা ইন্তরনেৎ শিজিন্নবা হেঙ্গৎহনবা পাম্লি।

মতৌ অসুম্না ফ্রান্স অমসুং ভারতনা দিজিতেল তেক্নোলোজীদা মিৎয়েং থম্লি মদুনা নাগরিকশিংদা শক্তি পীরি, থাক মান্নদবা কয়া হন্থহল্লি অমদি সস্তেনেবল দিবেলপমেন্তদা পুক্নিং থৌগৎলি।

ইন্তর্নেস্নেল সেক্যুরিতী অমসুং দিপ্লোমেতিক্কী হোৎনরিবা

ভারত অমসুং ফ্রান্সনা অথিবা লৈতবা, থাজনীংঙাই ওইবা, সেক্যুর ওইবা, তংদু লৈতাবা অমসুং শান্তি লৈবা সাইবর স্পেস অমদা মখোয়গী ৱাশক অদু অমুক হন্না শোয়দবনি হায়খ্রে। মখোয়না য়ুনাইতেদ নেসন্সকী ফ্রেমৱার্ক্কী মনুংদা দিবেলপ তৌরিবা থাজবা অমসুং কেপাসিতী বিলদিংগী খোংথাংশিংগী মরুওইবা অদু অমুক হন্না ফোংদোকখি। মসিগী খন্ন–নৈনরবা ৱাফম অসি সাইবরস্পেসতা শান্তি অমসুং সেক্যুরিতীগী য়ুমফম্নি।

ভারত অমসুং ফ্রান্সনা সাইবরস্পেসতা থাজবা, সেক্যুরিতী অমসুং তংদু লৈতাবা হেন্না ফগৎহনবদা এক্তর কয়ানা মখোয়গা মরী লৈনবা থৌদাংশিং লৌরিবা অদু শকখঙখি।

সাইবর সেক্যুরিতীগী লমদা তেংবাং পীনবা

ফ্রান্স অমসুং ভারতনা ২০১৯গী জুন ২০দা পেরিসতা পাংথোকখিবা সাইবর দাইলোগকী অহুমশুবা এদিসন অদু হেন্না চেৎশিলহনবগী মরুওইবা অদু খঙমিন্নখি অমদি মদুগী লোইশিল্লকপদা এদোপ্ত তৌখিবা জোইন্ত স্তেতমেন্ত অদু তরাম্না ওকখি।

দিজিতেল প্রোসেসশিং, প্রদক্তশিং অমসুং সর্বিসশিংগী সেক্যুরিতী হেঙ্গৎহনবগী দরকার ওইবা অদু খঙলদুনা ফ্রান্স অমসুং ভারতনা নেস্নেল সেক্যুরিতীদী থেংনরিবা ইকোনোমিক ইনফোর্মেশন ইনফ্রাস্ত্রকচর ঙাকশেনবা য়াওনা লিগেল অমসুং রেগুলেতরী ফ্রেমৱার্ক অমসুং দিজিতেল প্রদক্তশিংগী তেস্তিং অমসুং সর্তিফিকেসন্দা ইনফোর্মেশন পীথোক পীশিন তৌনীংবগী অপাম্বা ফোংদোকখি। মসিগী মনুং চন্না ফ্রান্স অমসুং ভারতনা ৫জি তেক্নোলোজী দিপ্লোই তৌবগা মরী লৈনবা খুদোংথিনীংঙাই ওইবশিংদা পুন্না থবক তৌনীংবগী অপাম্বা ফোংদোকখি।

ফ্রান্স অমসুং ভারতনা অখন্ননা ইকোনোমিক ইনফোর্মেশন ইনফ্রাস্ত্রকচর ঙাক্তুনা থম্নবা মখোয় মখোয়গা মরী লৈনবা লিগেল অমসুং রেগুলেতরী ফ্রেমৱার্কশিং সেয়র তৌনীংবগী অপাম্বা ফোংদোকখি।

সাইবর ক্রাইমগী মায়োক্তা লান্থেংনরিবগী লমদা তেংবাং পীনবা

সাইবর ক্রাইম অসি ত্রান্সনেস্নেল ক্রাইম অমা ওইবনা সাইবর ক্রিমিনেলশিংবু মতিক চাবা চৈরাক ফংহন্নবা মালেমগী থাক্তা তেংবাং পীনবা হেঙ্গৎহনবগী দরকার ওইবা অদু ভারত অমসুং ফ্রান্সনা খঙমিন্নরে। মরম অদুনা মখোয়না ইনফোর্মেশন, খুদম খোমজিনবা, মরাল লৈরবা মশক খঙদোকপদা সেয়র তৌবা লায়থোকহন্নবা অখন্নবা মিৎয়েং অমগা লোয়ননা লম অসিদা মখোয়গী মরক্তা তেংবাং পীনবা হেঙ্গৎহন্নবা থৌরাং তৌরে।

দিজিতেল গবর্নান্সতা তেংবাং পীনবা

রেগুলেসনগী মায়োক্নরিবশিং

মালেমগী থাক্তা দিজিতেল সেক্তরবু সেক্যুর তৌনবা আইন্না য়ারবা এ্প্রোচ অমা দিবেলপ তৌবদা তেংবাংনবা মখোয়গী কোওর্দিনেসন হেঙ্গৎহন্ননবা ফ্রান্স অমসুং ভারতনা অপাম্বা ফোংদোকখি। ফ্রান্স অমসুং ভারতনা পব্লিক গুদস, দেতা সোভরেন্তী অমসুং ফন্দামেন্তেল ফ্রীদমশিং মখা তানা ঙাক্তুনা থম্নবা অদুগুম্লবা তেক্নোলোজীশিং অদু ফংহন্নবা দরকার ওইবা ফ্রেমৱার্ক দিবেলপ তৌবগী দরকার ওইবা অদুসু খঙমিন্নখি।

আর্তিফিসিয়েল ইন্তেলিজেন্সকী রুগুলেসন

আর্তিফিসিয়েল ইন্তেলিজেন্সকী দিবেলপমেন্তনা অখন্ননা সস্তেনেবল দিবেলপমেন্ত, ই–গবর্নান্স, ওতোনোমস ত্রান্সপোর্তেসন, স্মার্ত সিতিজ, সাইবর সেক্যুরিতী, হেল্থ, এজুকেসন অমসুং এগ্রীকলচরদা ওফর তৌরিবা পোতেন্সিয়েল অদু ফ্রান্স অমসুং ভারতনা তরাম্না ওকখি।

ভারত অমসুং ফ্রান্সনা সিতিজন সেন্ত্রিক সর্বিসেস, দেতা সোভরেন্তী, রেগুলেতরী অমসুং সাইবর প্রোস্পেক্তিবতা আর্তিফিসিয়েল ইন্তেলিজেন্স পোলিসীশিং/প্রোগ্রামশিং দিবেলপ তৌনবা অমদি ইমপ্লিমেন্ত তৌনবগীদমক দরকার ওইবা অদু খঙমিন্নখি।

ইনফোর্মেশন পায়শিন্দুনা থম্বদগী ঙাকথোকপা

ভারত অমসুং ফ্রান্সনা ইনফোর্মেশন পায়শিন্দুনা থম্বা, অরানবা পাউ শন্দোকদগী ঙাকথোক্নবা অমসুং ওনলাইন ফ্রীদম ওফ এক্সপ্রেসনগী মরুওইবা অদু ঙাক্তুনা থম্নবা মখোয়গী ৱারেপ অদু অমুক হন্না ফোংদোকখি। ইনফোর্মেশন পায়শিন্দুনা থম্বা, অরানবা পাউ শন্দোকপা অমসুং পর্সোনেল দেতাগী প্রোফাইলিং সর্কুলেৎ তৌখিবনা খুদোংথিবা হেঙ্গৎলকপা য়াবা অদু মখোয়না খঙমিন্নখি।

পর্সোনেল ইনফোর্মেশন ঙাক শেন্দুনা থম্বা

ফ্রান্স অমসুং ভারতনা য়ুজরশিংগী দেতা প্রোতেক্সন সেক্যুর তৌবা অমসুং ইকায় খুম্নবা ইনোভেতিব দিজিতেল ইকোসিস্তেম অমা দিবেলপ তৌবগী অপাম্বা ফোংদোকখি। ই.য়ু. জেনরেল দেতা প্রোতেক্সন রেগুলেসন (জি.দি.পি.আর.) চৎনহনখিবা অমদি লম অসিদা মতিকচাবা রেগুলেসন থম্নবা ভারতকী পান্দম অদুগী মনুং চন্না পার্তী অনিমক্না য়ুরোপকী দেতা প্রোতেক্সন ফ্রেমৱার্ককী মনুংদা য়াওরিবশিং অদু শকখঙখি মদুনা মরম ওইরগা ভারতনা ইনফোর্মেশন অমসুং দেতা ফ্লো তৌবদা লায়থোকহল্লগনি।

দিজিতেল দিভাইদ হন্থহনবা

নাগরিকশিংগী পুন্সীদা তেক্নোলোজীগী মরুওইবা অমসুং থৌদাং অদু খঙলদুনা, ফ্রান্স অমসুং ভারতনা দিজিতেল ইনক্লুজন প্রমোৎ তৌবা, দিজিতেল দিভাইদ শম্নহনবা অমসুং দিজিতেল লিতরেসী প্রমোৎ তৌদুনা মখোয়গী নেস্নেল পোলীসিশিং অমসুং গুদ প্রেক্তিসশিংদা ইনফোর্মেশন একচেঞ্জ তৌনিবগী অপাম্বা ফোংদোকখি।

ইন্দো–ফ্রেন্স দিজিতেল পার্তনরশিপ

ফ্রান্সকী ইকোনোমী অমসুং ফাইনান্স মন্ত্রালয় অমদি ভারতকী ইলেক্ত্রোনিক্স অমসুং আই.তি. মন্ত্রালয়না চান্নবা মেকানিজমগী খুত্থাংদা ইন্দো–ফ্রেন্স দিজিতেল পার্তনরশিপ অসি ইমপ্লিমেন্ত তৌবদা কোওর্দিনেৎ তৌনবা নোদেল পোইন্তশিং ওইগনি। নাকল অনিমক্না হকথেংননা ফম্মিন্নদুনা মীফম পাংথোকপা অমসুং ভিদিও কনফরেন্সকী পাংথোক্তুনা ইন্দো–ফ্রান্স দিজিতেল পার্তনরশিপতা চাং নাইনা তাথোক তাশিন তৌগনি।

১.১. ইকোনোমিক একচেঞ্জেস

ললোন–ইতিক অমসুং ইনোভেসন

ফ্রান্স অমসুং ভারতনা মখোয়গী ওইবা কৈথেলশিংদা থবক তৌনবা পাক চাউরবা স্কোপ ওফর তৌদুনা দিজিতেল সেক্তরদা ললোন–ইতিক্কী তেংবাং পীনবা হেঙ্গৎহনবা পাম্লি। ফ্রান্স অমসুং ভারতকী দিজিতেল কম্পেনীশিংনা অনৌবা থাক অমদা কৈথোলগী খুদোংচাবা স্কোপ হেঙ্গৎহন্নবগী মায়কৈদা অমদি মখোয়গী য়াইফরবা তেক ইকোসিস্তেমশিংগী মরক্তা অহেনবা মরী শেমগৎনবা পুন্না থবক তৌগনি। ভারত অমসুং ফ্রান্সনা হান্ননা দিজিতেল সেক্তরদা অচেৎপা ইকোনোমি একচেঞ্জশিং সেয়র তৌখ্রে।

ফ্রান্স অমসুং ভারতনা লৈবাক অনিমক্তা স্তার্ত–অপ ইকোসিস্তেমশিংগী মরুওইবা অদু খঙমিন্নরে, ফ্রান্সকী দিজিতেল কম্পেনীশিংনা ভারত্তা অমদি ভারতকী দিজিতেল কম্পেনীশিংনা ফ্রান্সতা থবক তৌবা য়াওনা ইন্ত্রপ্রিনরশিংবু ৱাখল্লোন অমসুং সেয়র প্রোজেক্তশিং একচেঞ্জ তৌবা য়াহল্লিবা অনৌবা খোংথাংশিং অদু তরাম্না ওকখি, মদুনা থবক কয়া ফংহল্লে। মাংদা তাদুনা লৈরিবা খুদমশিংদি:

– হান্নগী ফ্রেন্স তেক তিকেৎস ইনিসিয়েতিব, মদুনা ভারতকী স্তার্ত অপ ১৩বু ফ্রান্সতা ইনক্যুবেসন এসেলরেসন প্রোগ্রাম অমা তুংইনবা ঙমহল্লে;

– ঐখোয়গী তেক ইকোসিস্তেম অনিগী মরক্তা অহেনবা একচেঞ্জশিং শেমগৎনবা ফ্রেন্স তেক বেঙ্গলোর ইন্দিয়া কম্যুনিতী হন্দক্তা হৌদোকখ্রে;

– অনৌবা ফ্রেন্স তেক ভিজা মখল অমা মদুনা ভারতকী এমপ্লোইশিং, ফাউন্দরশিং অমসুং ইনভেস্তরশিংবু ফ্রেন্স তেক ইকোসিস্তেমদা শরুক য়ানবা থৌরাংদা খোংজেল য়াংশিনহল্লে অমদি ভারত অমসুং ফ্রান্সকী মরক্তা অনৌবা থোংশিং শেমগৎলে;

– ফ্রেন্স তেক কম্যুনিতী বেঙ্গলোর ইন্দিয়া অমসুং ইলেক্ত্রোনিক্স অমসুং আই.তি. মন্ত্রালয়গী স্তার্ত অপ হবনা ফ্রান্স অমসুং ভারত্তা লৈরিবা তেক ইকোসিস্তেমগী মরক্তা তেংবাং পীনবগী থোং অমা ওইরি।

১.২. রিসর্স, ত্রেনিং অমসুং এজুকেসন

সুপরকম্প্যুতিং, ক্বান্তম কম্প্যুতিং

ফ্রান্স অমসুং ভারতনা দিজিতেলগী লমদা মখোয়গী লৈবাক অনিগী ওইবা তেংবাং পীনবদা হাই পর্ফোমেন্স কম্প্যুতিং অসি মরুওইবা শরুক অমনি হায়না য়ানখি। মখোয়না নেস্নেল সুপরকম্প্যুতিং মিসনগী ফ্রেমৱার্ক্কী মনুংদা মখোয়না তেংবাং পীনরিবা অদুদা থাগৎপা ফোংদোকখি।

নাকল অনিমক্না মহানদি তুরেল বেসিন্দা ঈশিং ইচেল চাং মান্নহন্নবগীদমক হাই প্রফোমেন্স কম্প্যুতিং শিজিন্ননবা কত্থোক্লবা ইন্দো–ফ্রেন্স পাইলোৎ প্রোজেক্ত অমা হৌদোকখিবদা থাগৎপা ফোংদোকখি। 

ফ্রান্স অমসুং ভারতনা মরুওইবা লম অহুমদা তেংবাং পীনবা মখা তানা হেঙ্গৎহন্নবা অমদি চেৎশিলহন্নবা অপাম্বা ফোংদোকখি:  

– আর্তিফিসিয়েল ইন্তিলিজেন্সতা হাই পর্ফোমেন্স কম্প্যুতিং এপ্লাই তৌবা;

– ক্বান্তম কালকুলেসন, মসিগা মরী লৈননা পুনেদা ইন্দো–ফ্রেন্স সেন্তর ওফ ইক্সেলেন্স ইন ক্বান্তম কালকুলেসন অমা শেমগৎখিবা অদু মখোয়না থাগৎখি;

–  এক্সাস্কেল কালকুলেসন।

কন্সোর্তিয়ম অসি নোলেজ সমিৎকী শরুক ওইনা চহীগী ওইনা উন্নগনি অমদি মসিগী অহানবা মীফম অসি ২০১৯গী ওক্তোবর থাদা লিওন্দা পাংথোক্কনি।