ভারতকী প্রধানমন্ত্রী

পি.পি.পি মোদেলদা ই-বস ১০,০০০ চেন্দুনা সহরগী বস চেনবগী থবকশিং ফগৎনবা  বস স্কিম অমা “পি.এম-ইবস সেবা” প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। স্কিম অসিগী অপুনবা শেনফম লুপা করোর ৫৭,৬১৩ চঙগনি হায়না পানরি, মসিগী মনুংদা লুপা করোর ২০,০০০ কেন্দ্র সরকারনা পুথোক্কনি। স্কিম অসিনা বস চেনবগী থবকশিং চহি ১০ মতেং পাংগনি।

খুদোংচাবা ফংদ্রিবশিং ফংহনবা:

স্কিম অসিনা য়ুনিয়ন তেরিতোরিশিং, অৱাং-নোংপোক অমসুং চীংগী রাজ্যশিংগী কোনুংশিং য়াওনা ২০১১গী মীকোক থিবদা য়ুম্ফম ওইদুনা অপুনবা মীশিং লাখ ৩ অমসুং মসিগী হেন্না লৈবা সহরশিং কোনশিনগনি। স্কিম অসিগী মখাদা নিংথিনা বস চেন্দবা সহরশিংদা মীৎয়েং চঙগনি।

হকথেংননা থবক  পীবা:

সহরগী বস চেন্নবা চাউরাক্না বস ১০,০০০ রোম শীজিন্নদুনা স্কিম অসিনা হকথেংননা থবক ৪৫,০০০ দগী ৫৫,০০০ ফাওবা পীগনি।

স্কিম অসি শরুক অনি থোক্না খাইদোক্লি:

শরুক এ- সহরগী বস চেনবগী থবক ফগৎহনবা: (সহর ১৬৯)

অয়াবা পীরবা বস স্কিম অসিনা পি.পি.পি মোদেলদা ই-বস চেনহন্দুনা সহরগী বস চেনবগী থবকশিং ফগৎহনগনি।

ই-বসশিংগী বিহাইন্দ-দি-মিতর পৱার ইনফ্রাস্ত্রকচর অমসুং দিপো ইনফ্রাস্ত্রকচর ফগহনবা য়াওনা মরী লৈনবা ইনফ্রাস্ত্রকচরগী মতেং পীগনি।

শরুক বি: গ্রিন অর্বান মোবিলিতি ইনিসিয়েতিপস(গুমি): (সহর ১৮১)

বস প্রাইয়োরিতি, ইনফ্রাস্ত্রকচর, মল্তিমোদাল ইন্তরচেঞ্জগী খুদোংচাবশিং, এন.সি.এম.সিদা য়ুম্ফম ওইবা মশা মথন্তা ভারত লৌশিনবগী থবকশিং, চার্জ তৌনবা মচাকশিং য়াওনা গ্রিন ইনিসিয়েতিপশিং স্কিম অসিনা পায়খৎকনি।

থবক মতেং পাংবা: স্কিম অসিগী মখাদা, বস চেনবগী থবকশিং অমসুং বস ওপরেতরশিংদা শেন পীবগী থৌদাং রাজ্যশিং/সহরশিংনা পাংথোক্কনি। স্কিম অসিনা পান্দম থমখিবা অকক্নবা থবকশিংদা সবসিদি পীদুনা হায়রিবা বস চেনবগী থবকশিং অসিদা কেন্দ্র সরকারনা মতেং পাংগনি।

ই-মোবিলিতি ফগৎহনবা:

• স্কিম অসিনা ই-মোবিলিতি য়োকখৎকনি অমসুং বিহাইন্দ-দি-মিতর পৱার ইনফ্রাস্ত্রকচরগী  মপুংফানা মতেং পাংগনি।
• গ্রিন অর্বান মোবিলিতি ইনিসিয়েতিপসকী মখাদা চার্জ তৌনবা মচাকশিং শেমগৎপদা সহরশিং মতেং পাংগনি।
• অনৌবা, ইনর্জি য়াম্না চাদবা ইলেক্ত্রি বসশিং মশি য়ামখৎনবা খক নত্তনা ই-মোবিলিতি সেক্তর অমসুং ইলেক্ত্রিক গারিশিংগী সপ্লাই চেন চাউখৎনবা বস প্রাইয়োরিতি ইনফ্রাস্ত্রকচর মতেং পাংগনি।
• ইলেক্ত্রিক বসশিং লৈবগী থবকশিংদা স্কিম অসিনা মতেং পাংগনি।
• ই-মোবিলিতি চৎনবা অসিনা লাংবা অমসুং নুংশিৎ মোৎপদগী হন্থহনবা ঙমগনি অমসুং কার্বোন থাদোকপা লাকশিনবা ঙমগনি।
• বসতা য়ুম্ফম ওইবা মীয়ামগী চৎথোক-চৎশিনগী থবকশিং হেনগৎলক্তুনা জি.ঐচ.জি হন্থহনগনি অমসুং চৎথোক-চৎশিনগী মওংদা অহোংবা লাক্কনি।

****