ভারতকী প্রধানমন্ত্রী

খুরুমজরি!

থৌরম অসিদা ঐখোয়গা লোইননা শরুক য়ামিন্নরিবা অসি গুজরাতকী মুখ্য মন্ত্রী শ্রী বিজেবাই রুপানি জি, দিপুতী মুখ্য মন্ত্রী শ্রী নিতিন বাই, কাউন্সিল ওফ মিনিস্তরশিংদগী ঐগী মরুপশিং শ্রী পর্সোত্তম রুপালা জি, শ্রী মন্সুখ বাই মন্দবিয়া জি, অনুপ্রিয়া পতেল জি, পার্লিয়ামেন্তদা লৈরিবা ঐগী মরুপশিং অমসুং গুজরাত প্রদেশ বি.জে.পি. রাস্ত্রপতি শ্রী সি.আর. পতিল জি, গুজরাত সরকারগী মন্ত্রী পুম্নমক, মফম অসিদা শরুক য়ারিবা এম.পি.পুম্নমক, গুজরাতকী এম.এল.এ.শিং, সর্দার ধমগী ত্রস্তী পুম্নমক, ঐগী মরুপ শ্রী গগজিবাই, ত্রস্ত অসিগী ইকাই খুম্নরবা মেম্বর পুম্নমক, মসিগী লেজনিংঙাই ওইরবা থৌরম অসিবু শিনবিরিবা ঐগী মরুপশিং অমসুং ইয়াম্বা-ইনাউ অমসুং ইচল-ইচে ঙাক্তনি!

ঐখোয়া অফবা থবক অমা হেক্ত তৌদ্রিঙৈদা মাংওইননা গনেশা নিংবগী চৎনবি অমা লৈ৷ অদুগা লাইবক ফবা অমনা, সর্দার ধম ভবন শঙ্গাবা অসি গনেশ পুজাগী নুমিৎ অসিগা তামিন্নবা অসিনি৷ ঙরাং অসি গনেশ চতুর্থীনি অদুগা হৌজিক্না লৈবাক পুম্বনা গনেশহোতসব পাংথোক্লি৷ নখোয় পুম্নমকপু নুংঙাই-য়াইফরবা গনেশ চতুর্থী অমসুং গনেশহোতসব অমা ওইরসনু হায়না ঐনা মঙ্গোল পীরি৷ ঙসি অসিসু ঋশি পঞ্চমিনি৷ ভারত অসি ঋশিশিংগী লৈবাকনি, অমসুং ঐখোয়গী আইদেন্তিতী অসি ঋশিশিংগী নোলেজ, সাইন্স অমসুং ফিলোসোফীদা বেজ তৌই৷ মসিগী লিগেসী অসি ঐখোয়না মাংহন্দনা পুদুনা চৎশি৷ মসিগী স্পিরিত অসিগা লোইননা ঐখোয়না হিংলকপনা ঐখোয়গী সাইন্তিস্তশিং অমসুং থিঙ্করশিংনা মীওইবা জাতি পুম্নমকপু লমজিংদুনা পুবা ঙম্লিবনি৷ স্পিরিত অদুমক্কা লোইননা, ময়াম পুম্নমকপু নুংঙাই-য়াইফরবা ঋশি পঞ্চমি অমা ওইরসনু হায়না ঐনা মঙ্গোল পীরি৷

ঋশিশিংগী চৎনবি অসিনা ঐখোয়বু হেন্না ফবা মীওইবশিং ওইরক্নবগী ইনর্জী অদু পী৷ স্পিরিত অসিগা লোইননা, জেন চৎনবিগী মতুং ইন্না পর্য়ুশন কুহ্মৈ পাংথোক্লবা মতুংদা ‘মিচচামি দুক্কদম’ পাংথোক্তুনা ঙাকপিবগী নুমিৎ অদু ঐখোয়না পাংথোক্লি৷ মসিগী কুহ্মৈ অসি ঐখোয়গী অশোইবশিং অদু ইশানা য়াজবা, মখোয়বু চুমথোকপা অমসুং মতুং তারকপদা হেন্না নিংথিনা তৌবা ঙম্নবগীদমক পাংথোক্লিবা অদুগুম্বা কুহ্মৈ অমসুং চৎনবি অমনি৷ মসিসু ঐখোয়গী পুন্সিগী শরুক অমা ওইগদবনি৷ মসিগী হোলী ফেস্তিবেল অসিদা লৈবাক অসিদা লৈরিবা মীয়াম, ইয়াম্বা-ইনাউ, ইচল-ইচে পুম্নমক্তা ঐনা য়াইফ-মঙ্গোল পীজরি অমসুং মহাবির মপুগী খোঙয়াদা ঐনা তুজরি৷

ঐখোয়গী ইন্সপিরেসনগী সোর্স অমা অমসুং আইরন মেন ওইরিবা সর্দার সাহেবগী খোঙয়াদসু ঐনা তুজরি অমসুং মঙোন্দা ইকাই খুম্নবা উৎচরি৷ কৎথোকপা অমগা লোইননা মসিগী সর্ভিস প্রোজেক্ত অসি ফজথোকহনখিবা সর্দার ধম ত্রস্ততা য়াওরিবা মেম্বর পুম্নমকপু ঐনা থাগৎচরি৷ নখোয়না য়াম্না কন্না হোৎনবিদুনা ঙসি, সর্দার ধমগী চাওরবা বিল্দিং অসি শঙ্গাবগা লোইননা নুপীশিংগী হোস্তেলগী অনিশুবা ফেজকী উরেপ-উয়ুং তমখ্রে৷

স্তেত-ওফ-দি-আর্ত বিল্দিং, মোদর্ন রিসোর্স অমসুং মোদর্ন লাইব্রেরী য়াওবা নুপীশিংগী হোস্তেলগুম্বা ফেসিলিতীশিং অসিনা নহা কয়া অমা এম্পৱার তৌরগনি৷ অমরোমদা, ওল্তরপ্রিনর দিবেলপমেন্ত সেন্তরগী খুৎথাংদা গুজরাতকী চাওখৎলবা বিজিনেস আইদেন্সিতী অসি নখোয়না হেন্না শক্তি লৈহল্লি অদুগা অমরোমদা, সিবিল সর্ভিস সেন্তরগী খুৎথাংদা জুদিসিয়েল সর্ভিসশিং অমসুং সিবিল সর্ভিসেস নত্রগা দিফেন্সতা চংবা পাম্লিবা নহাশিংদা অনৌবা দিরেক্সন অমা পীরগনি৷

পতিদার কম্ম্যুনিতী নহাশিং, লাইরবশিং অমসুং নুপীশিংদা হেন্না শক্তি পীনবা নখোয়না হোৎনরিবা অদু থাগৎনিংঙাইনি৷ হোস্তেল ফেসিলিতীশিং অসিনা নুপীমচা কয়া অমগী ফিভম ফগৎহনবদা মতেং পাংলগনি৷

সর্দার ধম অসি লৈবাক অসিগী ফ্যুচর শেমগৎপগী ফাউন্দেসন অমা ওইবতা নত্তনা সর্দার সাহেবকী আইদিলশিং অসি ইন্নবা তুংদা লাক্কদৌরিবা মীরোনশিং অসিদসু থৌনা হাপ্লগনি হায়বসি ঐনা থাজবনি৷ ঐখোয়না নিংতম্বগী অমিৃত মহোতসব পাংথোক্লি অমসুং লৈবাক অসিগী নিংতম ইহৌবু নিংশিংদুনা ঐখোয়বু থৌনা হাপ্লি হায়না ঐনা নখোয়দা হায়নিংই৷ অদুবু মসিগী হোস্তেল অিদা লৈগদৌরিবা চহি ১৮,২০,২৫ শুরবা নুপা অমসুং নুপীশিংনা ২০৪৭তা লৈবাক অসিনা মনিং-মখা তম্লকপা চহি ১০০ শুরকপা মতমদা মখোয়শিং অসিনা য়াম্না মরু ওইবা থৌদাং অমা লৌরগনি৷

মরুপশিং,

ঙসি সর্দার ধাম পাংথোক্লিবা নুমিৎ অসিগীসু অচৌবা মেসেজ অমা লৈ৷ ঙসি অসি সেপ্তেম্বর ১১নি, ৯/১! মীওইবা জাতিদা এক্তেক তৌখিবগীদমক খঙনরিবা মালেমগী পুৱারিদা লৈরিবা নুমিৎ অমনি! অদুবু মসিগী নুমিৎ অসিনা মালেম পুম্বদা  হিরম কয়া অমা তাকখ্রে৷!

চহি চা অমা হেল্লবা মতুং, ১৮৯৩গী সেপ্তেম্বর ১১, চিকাগোদা মালেমগী ধর্মশিংগী পার্লিয়ামেন্ত লৈরম্মী৷ মদুগী গ্লোবেল প্লেতফোর্ম অদুদা ৱাঙাংলদুনা, স্বামি বিবেকানন্দনা ভারতকী হ্যুমেন ভেল্যুশিং অদু মালেম অসিদা খঙহনখি৷ মদুগী হ্যুমেন ভেল্যশিং অদুমক্না চহি ২০ হেনখ্রবা ৯/১১ এতেক্তশিংদা পর্মেনেন্ত সোলুসন অমা পুরকপা ঙম্লগনি হায়না ঙসিদি মালেম অসি খল্লি৷ অমরোমদা, অসিগুম্বা অকিবা ফাওরবা এতেক্তশিং অসিদগী ঐখোয়না পরাশিং তমগদবনি, অদুগা অমরোমদা, হ্যুমেন ভেল্যুশিং অসি চৎননবা ঐখোয়না য়াম্না কন্না হোৎনগদবনি৷

মরুপশিং,

ঙসি অসি অচৌবা থৌরমনি৷ ঙসি অসি ভারতকী মমিং লৈরবা স্কোলর, ফিলোসোফর অমসুং ফ্রীদম ফাইতর সুব্রামনিয়া ভারতি লৈখিদবগী ১০০শুবা কুমওন্নি৷ সর্দার সাহেবনা পুখিবা ‘এক ভারত, শ্রেস্থ ভারত’কী বিজন অসি মহাকবি ভারতিগী তামিল রাইতিংশিংদা ফিলোসোফী অদুমক য়াওরি৷ মহাক্কী থিঙ্কিং অসিদা য়েংউ! মহাক্না তামিল নাদুদা লৈখিরম্মী, অদুবু হিমালয় অসি ঐখোয়গীনি হায়না হায়রক্কনি৷ সুব্রামনিয়া ভারতিনা স্বামি বিবেকানন্দদগী পুক্নিং-লৌশিং লৌখি অমসুং শ্রী ওরোবিন্দোনা ইনফ্লুয়েন্স তৌখি অমসুং কাশিদা লৈরিঙৈ মতমদা মহাক্কী ৱাখল্লোনশিং অসিদা অনৌবা ইনর্জী অমসুং দিরেক্সন পীখি৷

মরুপশিং,

ঙসিগী থৌরম অসিদা ঐনসু য়াম্না মরু ওইবা অমা লাওথোক্লি৷ সুব্রামনিয়া ভারতি জিগী মমিংদা বনারস হিন্দু য়ুনিভর্সিতীদা চিয়র অমা শেমগৎনবা ৱারেপ্নখ্রে৷ তামিল অসি চাওখৎলবা লোন অমনি৷ মালেম অসিদা লৈরিবা অরিবা লোনশিংগী মনুংদা মসিসু অমনি৷ মসি হিন্দুস্তানি পুম্নমক্কী ওইনা চাওথোকচনিংঙাই অমনি৷ সুব্রামনিয়া ভারতি চিয়র অসি তামিল স্তদীশিংদা বি.ঐচ.য়ু.গী আর্তস ফেকল্তীদা শেমগৎলগনি৷ ভারতি জিনা মংজরম্বা চাওখৎলবা ভারত অমা শেমগৎপদা মসিনা মহৈরোইশিং অমসুং রিসর্সরশিংবু পুক্নিং থৌগৎলগনি৷

মরুপশিং,

সুব্রামনিয়া ভারতি জিনা মীওইবা জাতিবু পুনশিন্নবা অমসুং ভারত্তা৩ অপুনবগী শক্তম লৈহন্নবা মতম পুম্নমক্তা অখন্নবা মীৎয়েং চংদুনা হোৎনখি৷ মহাক্কী আইদিলশিং অসি ভারতকী ৱাখল্লোন অমসুং ফিলোসোফীগী য়াম্না মরু ওইবা শরুক অমনি৷ অরিবা মতমশিংদা লৈরম্লিবা দাধিচি অমসুং কর্ণগপম্বা দোনরশিং নত্রগা মেদাইবেল মতমশিংদা লৈরম্লিবা মহারাজা হর্শাবরধনাগুম্বা মমিং লৈরিবা মীওইশিংবু ওইরবসু, সর্ভিসকীদমক অরৈবা পুম্বা কৎথোকপগী চৎনবি অসিদগী ঙসি ফাওবদা ভারতনা পুক্নিং-লৌশিং লৌরি৷ অসিগুম্বা পুন্সিগী মন্ত্র অসিনা ঐখোয়না লৌরুরিবা তোঙান তোঙানবা পোৎলমশিং অদু হান্নগী মফমশিংদা অমুক চৎলনখিনবা তাকপিরি৷ ঐখোয়না ফংলিবা খুদিংমক, ঐখোয়না মসিগী লৈহাউ অসিদগী ফংবনি৷ ঐখোয়না চাওখৎহনখিবা খুদিংসু,  সমাজ অসিগীদমক তৌখিবনি৷ মরম অদুনা, ঐখোয়না ফংলিবা খুদিংমক অসি ঐখোয়গী নত্তে; মসি সমাজকিনি অমসুং ঐখোয়গী লৈবাক অসিগীনি৷ সমাজ অসিগী ওইবা পোৎতি ঐখোয়না অমুক হন্না সমাজ অসিদা খুৎশিন্নগবনি, অদুগা সমাজ অসি মদু শন্দোক্কদবনি অদুগা অমুক হন্না ঐখোয়দা অমসুং ঐখোয়গী মথংদা লাক্কদৌরিবা মীরোনশিংদা পীগদবনি৷ মসি ঐখোয়না হোৎনবা খুদিংগী খোঙজেল য়াংখৎপা অদুগুম্বা ইনর্জী সাইকল অমনি৷ ঙসিদি, মসিগী ইনর্জী সাইকল অসিদা নখোয়না মখাতাবা মোমেন্তম পীরি৷

মরুপশিং,

সমাজ অসিগীদমক ঐখোয়না রিজোলুসন অমা লৌবা মতমদা, রিজোলুসন অদু মাই পাকহন্নবগী থৌনা অদু সমাজ অসি খক্তনা ঐখোয়দা পীগনি৷ ঐখোয়না নিংতম্বগী অমিৃত মহোতসব পাংথোকপা মতমদা, লৈবাক অসিনা ‘সবকা সাথ, সবকা বিকাস, সবকা বিস্বাস’ অমসুং ‘সবকা প্রয়াস’কী মন্ত্র অসি পীখ্রে৷ হৌখিবা মতমদগী হৌদুনা ঙসি ফাওবদা গুজরাত লমদম অসিদা মীয়াম পুন্না অমতা ওইনা খুৎশম্নদুনা হোৎনমিন্নবগী শকফম তারি৷ মফম অসিদগী দান্দি য়ত্র অসি নিংতম ইহৌদা লৈবাক অসিগী কল্লেক্তিব ইফর্তশিংগী সিম্বোল অমা অমসুং ইন্সপিরেসন অমা অদুমক ওইরি৷

মতৌ অসিগুম্না, খেদ ইহৌদা, সর্দার পতেলগী লুচিং মখাদা, লৌমীশিং, নহাশিং অমসুং লাইরবশিংনা লিংজেল মান্নখিবা অদুনা বৃতিশ সরকারবু মফম অদু থাদোক্তুনা চৎহনখি৷ মদুগী ইন্সপিরেসন অমসুং ইনর্জী অদু গুজরাতকী লৈহাউদা সর্দার সাহেবকী স্কাইস্ক্রেপর স্তেচু অমা ওইনা, ‘স্তেচু ওফ য়ুনিতী’গী মওংদা ঐখোয়গী ইমাংদা ঙসি ঙসি লেপতুনা লৈরি৷ স্তেচু ওফ লিবর্তীগী আইদিয়া অসি গুজরাতনা থম্লকখিবা মতমদা, লৈবাক পুম্বনা মসিগী ইফর্ত অসিদা করম্না শরুক য়াখিবগে হায়বদু কনানা কাওবা ঙমগনি? মদুদা লৌমীশিংনা লৈবাক অসিগী মফম খুদিংমক্তদগী য়োৎশিং পুরকখি৷ ঙসিদি, মসিগী স্তেচু অসি লৈবাক অসিগী অপুনবগী শক্তমগী সিম্বোল অমা ওইরি৷

ইয়াম্বা-ইনাউ অমসুং ইচল-ইচেশিং,

গুজরাতনা পুথোরকখিবা ‘কোওপরেসন পীনদুনা মাই পাকপা’গী রোদমেপ অসিদা ভারতসু পার্তনর অমা ওইখি, অদুগা ঙসিদি মদুগী কান্নবশিং লৈবাক অসিনসু ফংলি৷ সর্দার ধামনা মশাগীদমক কল্লেক্তিব ইফর্তশিংগী খুৎথাংদা লাক্কদৌরিবা চহি মঙা অমসুং চহি তরাগীদমক গোলশিং থমখিবা অসদা ঐঙোন্দা নুংঙাইবা ফাওই৷ লৈবাক অসিনা মনিং-মখা তম্লকপা চহি ১০০ শুরক্নবগী মংলানশিং অদু মংফাওনবা ঙম্নব লৈবাক অসিনা অদুগুম্লবা গোলশিং থমদুনা ঙসিদি চংশিনলক্লি৷

হৌজিক্তি, সরকার অসিদা তোখায়বা কোওপরেতিব মন্ত্রালয় অমা শেমখ্রে৷ কোওপরেতিবশিং অসিদগী লৌমীশিং অমসুং নহাশিংনা মপুং ফানা কান্নবা ফংনবগীদমক লৌখৎপা য়াবা খোঙথাংশিং লৌখৎলি৷ সমাজ অসিদা শোত্থদুনা লৈহৌরিবা সেক্সনশিং অসি চিংখৎনবা লেপ্প-লৈতনা হোৎনরি৷ ঙসিদি, অমরোমদা, দলিতশিং অমসুং শোত্থদুনা লৈহৌরিবশিং অসিগী হকশিংগীদমক প্রোজেক্ত কয়ামরোম চৎনরি অদুগা অমরোমদা, শেল-থুম শোত্থুনা লৈহৌরিবা মীওইশিং অসিগীদমক চাদা ১০ রিজর্বেসন খাকখ্রে৷ মসি সমাজ অসিদা অনৌবা কনফিদেন্স অমা লাকহল্লিবা হায়রিবা পোলিসীশিং অসিগী মহৈনি৷

মরুপশিং,

“নোলেজ অমসুং স্কিল লৈবা মীওই অমনা মহাক্কী হিংনবগী অমসুং মহাক্কী চাওখৎনবগীদমক কা হেন্না ৱানিংঙাই লৈতে” হায়না হায়নবা লৈ৷ তৌবা ঙম্বা মীওই অমনা মশাগী চাওখৎনবগী মশাগী ওইবা লম্বী শেম্বা ঙমজৈ৷সর্দার ধাম ত্রস্তনা এজুকেসন অমসুং স্কিলশিং হৈহন্নবা কা হেন্না হোৎনরি হায়বা অসিদা ঐ ঙকপা ফাওই৷

ঐখোয়গী অনৌবা নেস্নেল এজুকেসন পোলিসী অসিনা স্কিল হেন্না হৈগৎহনবা ঙম্বা এজুকেসনদা মীৎয়েং থম্লি৷ মতুং তারকপা তুংগী পুন্সিদা দরকার ওইরক্কদবা স্কিলশিং অদু মহৈরোইশিংদা হৈহন্নবা নেস্নেল এজুকেসন পোলিসীনা হোৎনরি৷ ঙসিদি, ‘স্কিল ইন্দিয়া মিসন’ অসি লৈবাক অসিগী অচৌবা প্রাইয়োরিতী অমসু ওই৷ মিসন অসিগী মখাদা, নহা লাখ কয়ানা তোঙান তোঙানবা স্কিলশিং তম্নবগী অমসুং মশা মরোমদোম লেপচবা ঙম্নবগী খুদোংচাবা অমা ফংখ্রে৷ নেস্নেল এপ্রিহেন্তাইজশিপ প্রোমোসন স্কিমগী মখাদা, নহাশিংনা মহৈ তম্ন-তম্ন স্কিল দিবেলপমেন্ত তৌনবগী খুদোংচাবশিং উংলি অমসুং মশা মশাগী ওইবা ইনকমসু তানজরি৷

মসিগী দিরেক্সন অসিদা গুজরাত মশামক্না ‘মানব কল্য়ান য়োজনা’ অমসুং অতোপ্পা অসিগুম্বা স্কিমশিংগী খুৎথাংদা রেপিদ ইফর্তশিংসু শেম্লি৷ অসিগুম্না চহি কয়া চংনা হোৎনরকপগী মহৈ ওইনা গুজরাত্তা স্কুল তোকখিবগী চাং অসি চাদা ১গী মখাদা লৈখ্রে; নহা লাখ কয়ানা তোঙান তোঙানবা স্কিমশিংগী খুৎথাংদা স্কিল তমদুনা মখোয়গী ফ্যুচর শেমজরি৷ গুজরাতকী নহাশিংদা ওল্তরপ্রিনরশিপ অসি নেচরেল ওইরি৷ ঙসিদি, গুজরাত্তী লৈরিবা নহাশিংগী তেলেন্ত অসিনা স্তার্তঅপ ইন্দিয়াগুম্বা কেমপেন্দ অমগী খুৎথাংদা অনৌবা ইকোসিস্তেম অমা ফংলি৷

ঐখোয়গী নহাশিং অসিগা গ্লোবেল বিজিনেস অসিগা কন্নেক্ত তৌনবা সর্দার ধাম ত্রস্তনা য়াম্না কন্না হোৎনরি হায়না ঐঙোন্দা হায়রক্লি৷ বাইব্রেন্ত গুজরাত সম্মিতকী খুৎথাংদা গুজরাতনা হৌদোকথিবা গোলশিং অসি গ্লোবেল পতিদার বিজিনেস সম্মিতনা ফংনবা হোৎনরগনি৷ পতিদার সোসাইতীনা চৎলুবা মফম অমা হেক্তদা বিজিনেসকী মতাংদা অনৌবা আইদেন্সিতী অমা পীবগীদমক সোসাইতী অসিবু মশক খঙনরি৷ নখোয়গী অসিগুম্বা স্কিল অসি হৌজিক্তি গুজরাত অমসুং লৈবাক অসিদা খক্তদা মশক খঙবতা নত্তনা মালেম অসি শিনবা থুংনা মশক খঙলি৷ অদুবু পতিদার সোসাইতীগী অতোপ্পা অচৌবা ফিচর লৈরি৷ নখোয়না লৈরুবা মফম অমা হেক্তদা নখোয়গী ওইনা ভারতকী ইন্তরেস্ত অসি অদুমক খ্বাইদগী মরু ওইনা খনগদবনি৷ লৈবাক অসিগী শেন্মীৎলোনগী ফিভম ফগৎহন্নবা হোৎনবদা নখোয়না লৌখিবা থৌদাং অসি অঙকপা অমনি অমসুং পুক্নিং-থৌগৎনিংঙাইসু ওই৷

মরুপশিং,

লুরবা মতমশিং ফাওবদা, থবর অদু মপুং ফানা থাজনা অমসুং দ্যুতী অমা ওইনা তৌরবদি লাক্কদৌরিবা আউতকমশিং অদুসু পোজিতিব ওইগনি৷ কোরোনা লাইনা-লাইচৎ অসিনা মালেম পুম্বগী ইকোনোমীদা চাওনা অকাইবা পীখি৷ ভারত্তসু মসিগী চাওরবা শাফু অমা পীরি৷ অদুবু ঐখোয়গী ইকোনোমীগী ফিভম অসি অদুক্কী মতিক খোঙজেল য়াংনা ফগৎলক্লি৷ অচৌবা ইকোনোমীশিংনা দিফেন্সিব ওইনা লৈখিবা মতমদা, ঐখোয়না রিফোর্মশিং তৌখিরম্মী৷ গ্লোবেল সপ্লাই চেনশিংদা অয়েৎপা লাকখিবা মতমদা, ভারতকী ফিভম য়েংলগা লাক্লিবা শাফু অসি হোংদোকহন্নবা ঐখোয়না পি.এল.আই. স্কিম হৌদোকখি৷ হন্দক্তা ইকুই কুইদ্রিঙৈদা, তেক্সতাইল সেক্তরদা পি.আল.আই. স্কিম অসি এক্সতেন্দ তৌনবা ৱারেপ্নখ্রে৷ মসিগী অচৌবা কান্নবা অসিনা লৈবাক অসিগী তেক্সতাইল সেক্তর অমসুং সুরাতকুম্বা শহরশিং অসিদা কান্নবা পীরগনি৷

মরুপশিং,

২১শুবা চহি-চাদা ভারতকী ওইনা খুদোংচাবগী অৱাৎপা লৈতে৷ ঐখোয় ইশা ইশা অসি গ্লোবেল লিদর অমা ওইনা উগদবনি, ঐখোয়না ঙমজবা অদু পীগদবনি অমসুং ঙমজবি ঙাক্তা পাংথোক্কদবনি৷ লৈবাক অসিগী চাওখৎ-থৌরাংদা অচৌবা থৌদাং লৌখিবা গুজরাতনা মখাতাবা থৌদাং লৌরগনি হায়না ঐনা খল্লি৷ ঐখোয়না হোৎনরিবশিং অসিনা ঐখোয়গী সমাজ অসিদা অনৌবা থাকশিং লৈহনবতা নত্তনা, লৈবাক অসিবু মতোন লোম্না চাওখৎপা ঙমহল্লগনি৷

অসিগুম্লবা য়াইফ-মঙ্গোলশিং অসিগা লোইননা, ময়াম পুম্নমকপু অমুক্কা হন্না ইকাই-খুম্নবগা লোইননা থাগৎপা ফোংদোকচরি!

দিসক্লেমর: মসি প্রধান মন্ত্রীনা ঙাংখিবা ৱারোল অদুগী মরিক চুম্বা ত্রান্সলেসননি৷ অশেংবা ৱারোল অদু হিন্দিদা ঙাংখি৷

******