ভারতকী প্রধানমন্ত্রী
প্রধান মন্ত্রী বলাঙ্গির চৎখ্রে; ওরিশাগীদমক লুপা পোতি ১৫০০গী মমল ওইবা দিবেলপমেন্ত প্রোজেক্তশিং হৌদোকখ্রে, ঝার্সুগুদাদা মল্তি-মোদেল লোজিস্তিক্স পার্ক (এম.এম.এল.পি.) জাতিদা খুৎশিন্নখ্রে, কনেক্তিবিতী হেঙ্গৎহন্নবা রেলৱে প্রোজেক্ত তরুক শঙ্গাখ্রে, বলাঙ্গির অমসুং বিচুপলিগী মরক্তা কিলোমীতর ১৫গী অনৌবা রেলৱে লাইন শঙ্গাখ্রে
প্রধান মন্ত্রী শ্রী নরেন্দ্র মোদী ঙসি ওরিশাগী বলাঙ্গিরদা চৎখ্রে। মহাক্না লুপা কোতি ১৫০০গী মমল ওইবা দিবেলপমেন্ত প্রোজেক্ত কয়া হৌদোকখ্রে অমদি মশিং য়াম্লবা প্রোজেক্তশিংগী উরেপ উয়ুং তমখ্রে।
ঙসি অয়ুক প্রধান মন্ত্রী রাইপুরগী স্বামি বিবেকানন্দ এয়ারপোর্ততা থুংলখি তুংদা বলাঙ্গিরগীদমক খোংশানখি। বলাঙ্গিরদা, মহাক্না মল্তি–মোদেল লোজিস্তিক্স পার্ক (এম.এম.এল.পি.) ঝার্সুগুদা জাতিদা খুৎশিন্নখি। এম.এম.এল.পি.না ঝার্সুগুদাবু রিজন অসিদা লোজিস্তিক্সকী প্রাইম হব ওইহল্লগনি। রেল প্রোজেক্তশিংদা ইনোৎ অমা পীরদুনা শ্রী মোদীনা লুপা কোতি ১১৫ চংনা শাখিবা বলাঙ্গির–বিচুপলি রেলৱে লাইন শঙ্গাখি।
ওরিশাগী প্রজাশিংদা মহাক্না ৱাশকখিবা অদুগী রিফ্লেক্সন অমদা হৌখিবা চয়োল অহুম অসিদা ওরিশাদা মসিনা মহাক্কী অহুমশুবা খোংচৎনি হায়না প্রধান মন্ত্রীনা ফোংদোকখি। বলাঙ্গিরগী রেলৱে য়ার্দতা পাংথোকপা মীয়ামগী মীফম অমদা ৱা ঙাংলদুনা মহাক্না হায়খি মদুদি, “সরকারনা নোংপোক ভারত অমসুং ওরিশাগী দিবেলপমেন্তকীদমক লেপ্পা লৈতনা হোৎনরি। বলাঙ্গিরদা দিবেলপমেন্ত প্রোজেক্তকী পরিং অমা হৌদোক্লিবা অসি মায়কৈ অসোমদা খোংথাং অমনি।”
প্রধান মন্ত্রীনা নগাবালি তুরেল মথক্তা শারিবা অনৌবা থোং, বার্পলি–দুঙ্গারিপলি অমসুং বলাঙ্গির–দিওগাওগী মরক্তা রেলৱে লাইন দবলিং তৌবা, কিলোমীতর ৮১৩ শাংবা ঝার্সুগুদা–ভিজিনগরম অমদি সম্বলপুর–অঙ্গুল লাইনগী ইলেক্ত্রিফিকেসনসু জাতিদা খুৎশিন্নখি। প্রধান মন্ত্রীনা ওরিশাগী সোনেপুরদা লুপা কোতি ১৫.৮১ চংনা শাগদৌরিবা কেন্দ্রিয়া বিধ্যলয়গী উরেপ উয়ুং তমখি। কনেক্তিবিতী অমসুং এজুকেসনগী মরুওইবা অদু পল্লদুনা মহাক্না হায়খি, “এজুকেসন্না হ্যুমেন রিসোর্স দিবেলপমেন্ত হেঙ্গৎহল্লি। অদুবু, অসিগুম্লবা রিসোর্সশিংবু ওপোর্চুনিতীদা ত্রান্সফোর্ম তৌরিবা অসি কনেক্তিবিতীনি। রেলৱে প্রোজেক্ত ৬ শঙ্গারিবা অসি কনেক্তিবিতী হেঙ্গৎনবা ঐখোয়না হোৎনরিবা অদুগী খুদম্নি। মসিনা প্রজাশিংগী চত্থোক চৎশিন লায়থোকহল্লগনি, ইন্দস্ত্রীদা মিনরেল রিসোর্স হেন্না ফংহল্লগনি অমদি লৌমীশিংনা মখোয়গী পোত্থোকশিং অদু অথাপ্পা কৈথেলশিংদা পুবদা মতেং ওইরগনি, ওরিশাগী নাগরিকশিংগী পুন্সী মহিং হেন্না লায়থোকহল্লগনি।”
কলচর অমসুং হেরিতেজকী প্রিজার্বেসনগীদমক মহাক্কী ৱাশক অদু খুদম পীরদুনা প্রধান মন্ত্রীনা হায়খি মদুদি মসিনা ঐখোয়গী কলচরেল লিঙ্কশিং চেৎশিনহল্লগনি অমসুং রাজ্য অসিদা তুরিজম পোতেন্সিয়েল হেঙ্গৎহল্লগনি। গন্ধাহারাদি (বৌধ)দা লৈবা নিলমাধব অমসুং সিদ্ধেস্বর লাইশংদা রিনোবেসন অমসুং রেস্তোরেসনগী থবকশিং অদুদা মহাক্না নুঙাইবা ফোংদোকখি। শ্রী মোদীনা বলাঙ্গিরদা রানিপুর ঝারিয়েল গ্রুপ ওফ মোনুমেন্তস অমসুং কালাহান্দিদা লৈবা অসুরগর লানবন্দা রিনোবেসন অমসুং রেস্তোরেসনগী থবকশিং অদুসু শঙ্গাখি।
