ভারতকী প্রধানমন্ত্রী

ঙসি নিউ য়োর্কতা য়ুনাইতেদ নেসন্সতা ‘সম্মিৎ ওফ ফ্যুচর’ দা প্রধান মন্ত্রী শ্রী নরেন্দ্র মোদী ৱা ঙাংখ্রে। 

সম্মিৎ অসিগী থিমদি ‘হেন্না ফবা হয়েং অমগীদমক মালেমগী লুপশিংগী থবকশিং’ হায়বনি। মীফম অদুদা মশিং য়াম্লবা মালেমগী লুচিংবশিং শরুক য়াবা উখি।

মহাক্কী ৱারোলদা, প্রধান মন্ত্রীনা তুংগী মীরোলশিংগীদমক তুংকোইনা লৈহৌগদবা মালেম অমা শেমগৎনবা ভারতকী পান্দম ফোঙদোকখি। মহাক্না হায়খি মালেমগী শান্তি, চাউখৎপা অমসুং নুংঙাই-য়াইফবা থিরিবা মালেমগী অপুনবা মীশিংগী শরুক তরুক থোকপগী শরুক অমগী মহুৎশীন্দুনা মহাক্না মীফম অসিদা ৱা ঙাংলি। হেন্না ফবা মালেমগী তুংলমচৎ অমগীদমক ঐখোয়গী অপুনবা পান্দম অসি মীওইবগী য়াইফনবা থৌরাংনা মরুওইনা লৌগদবনি। প্রধান মন্ত্রীনা স্তেনেবল দিবলপমেন্তগী থবকশিংদা ভারতনা মাইপাকপা অদু ফোঙদোকখি অমসুং হিরম অসিগী মতাংদা হায়খি মদুদি হৌখিবা চহি ১০দা লৈবাক অসিদা মীওই মিল্লিয়ন ২৫০ লায়রবা কোকহনখ্রে।

গ্লোবেল সাউথকী লৈবাকশিংগী অমতা ওইনা লেপ্লদুনা, মহাক্না হায়খি মদুদি লৈবাক অসি চাউখৎপগী ৱারিশিং মখোয়গা লিনবা ভারতনা থৌরাং তৌদুনা লৈরি। অশোই-অঙাম থোকহন্দনা অমসুং দাইত্ব লৈনা তেক্নোলোজি শীজিন্ননবা থোং মান্নবা চৎন-কাংলোন অমা শেম্বগী তঙাইফদবা অমা লৈরে। মালেমগী য়াইফনবগীদমক, লৈবাক অসিগী দিজিতেল পব্লিক ইনফ্রাস্ত্রকচর মালেম শীনবা থুংনা পীনবা ভারতনা থৌরাং তৌদুনা লৈরি। ভারতনা “মালেম অমা, ইমুং অমা, তুংলমচৎ অমা” দা থাজবা অসি লমজিংনবা ফিদম অমনি।
প্রধান মন্ত্রীনা হায়খি মদুদি অফবা থবক পাংথোক্নবা, য়ু.এন সেকুরিতি কাউন্সিল য়াওনা অওনবা পুরকপা অসি মরুওই। মালেমগী থবক অসি মালেমগী অনিংবা অদুগা চুনগদবনি। প্রধান মন্ত্রীগী মপুংফাবা ৱারোলশিং মফম অসিদা উবা ফংগনি। https://bit.ly/4diBR08

তুংগীদমক য়ানবা অমগা লোয়ননা, এন্নেক্স অনি-গ্লোবেল দিজিতেল কম্পেক্ত অমসুং তুংগী মীরোলশিংগী দিক্লারেসন অমগা লোয়ননা মীফমগী মতুংদা থোকপা চেরোল অমা চৎনদুনা সম্মিৎ লোইশিনখ্রে।

***