ভারতকী প্রধানমন্ত্রী

মরুপশিং,

ঙসি, বজেত মীফম হৌদোকপদা, ঐনা লন-থুমগী লাইরেম্বী লক্ষ্মীগী মফমদা কোক নোঞ্জরি। অসিগুম্বা থৌরমশিংদা, চহি চা কয়াদগী, ঐখোয়না লাইরেম্বী লক্ষ্মীগী থৌজালশিং নিংশিংদুনা লাক্লি:

सिद्धिबुद्धिप्रदे देवि भुक्तिमुक्तिप्रदायिनि। मंत्रपूते सदा देवि महालक्ष्मि नमोस्तुते।

ইমা লক্ষ্মীনা ঐখোয়দা মাইপাকপা অমসুং লৌশিং, নুংঙাই-য়াইফবা পীনবীরি। লৈবাক অমসুং লায়রবা অমসুং মিদল ক্লাস কাংলুপ খুদিংমক ইমা লক্ষ্মীগী অখন্নবা থৌজাল পীবীনবা ঐনা ইমা লক্ষ্মীগী মফমদা খুরুমজরি।

মরুপশিং,

ঐখোয়গী লৈবাক অসি চহি ৭৫ মপুংফারে অমসুং মসি লৈবাক অসিগী মীওই খুদিংমক্কী চাউথোকচফম অমনি অমসুং মসিনা থৌনা অসিনা মালেমগী গনতন্ত্র চৎপা লৈবাকশিংগী মনুংদা লৈবাক অসিনা অখন্নবা মফম অমা কনবা ঙম্লে।

মরুপশিং,

লৈবাক অসিগী মীয়াম্না ঐঙোন্দা অহুমলকশুবা ওইনা লৈবাক ঙাক্নবা থৌদাং শীন্নরে অমসুং মসি অহুমশুবা তার্মগী অহানবা মপুংফাবা বজেতনি অমসুং ২০৪৭ দা লৈবাক অসি নিংতম্বা চহি ১০০শুবা থৌরম পাংথোক্কনি হায়না ঐনা থাজৈ, লৈবাক অসিনা বিকসিত ভারত অমগী ৱারেপ লৌরে, হন্দক্কী বজেত মীফম অসিনা অনৌবা থাজবা অমা পীগনি, অনৌবা থৌনা অমা পীগনি, লৈবাক অসিনা নিংতম্বা চহি ১০০ মপুংফারকপগী থৌরম পাংথোকপা মতমদা, লৈবাক অসি চাউখৎলগনি। মখোয়গী অপুনবা থবকশিংগা লোয়ননা লৈবাক অসিগী মীওই করোর ১৪০ না মসিগী ৱাশক অসি মপুংফাহনগনি। অহুমশুবা তার্মদা, লৈবাক অসিগী মফম খুদিংমক, খুন্নাই নত্ত্রগা তোঙান-তোঙানবা শেন্মিৎলোনগী থাকশিংদা, লৈবাক অসি হিরম খুদিংমক্ত চাউখৎনবা মিসনগী মওংদা ঐখোয় মাংলোমদা চঙশিল্লি। ইন্নোবেসন, ইনক্লুজন অমসুং ইনভেস্তমেন্ত অসি ঐখোয়গী শেন-থুমগী থবকশিংগী লম্বীগী য়ুম্ফমনি।

মীফম অসি পুৱারি ওইরবা নুমিৎ কয়া লৈগনি। হয়েং হাওসতা খন্নগনি অমসুং খন্ন-নৈনবা কয়া পাংথোক্লবা মতুংদা, লৈবাক অসিগী মপাঙ্গল হেনগৎহন্নবা আইন কয়া শেমগনি। নারী শক্তিগী চাউথোকচবা অমুক হন্না হেনগৎহন্নবা, ফুরুপ অমসুং লাইনিংগী খেন্নবা লৈতনা নুপী খুদিংমক্কী ইকায়খুম্নবা পুন্সি অমা ফংনবা, মাইকৈ অসিদা মীফম অসিদা মরুওইবা ৱারেপ কয়া লৌগনি। রিফোর্ম, পর্ফোম অমসুং ত্রান্সফোর্ম। ঐখোয়না চাউখৎপগী খোঙজেল য়াংখৎপা ঙম্নবা, রিফোর্মদা অকনবা মীৎয়েং চঙগদবনি। রাজ্য অমসুং কেন্দ্র সরকার পুন্না থবক তৌমিন্নগদবনি অমসুং মীয়াম শরুক য়াবা মতমদা ঐখোয়না অওনবা অমা উবা ফংগনি।

ঐখোয় নহা ওইরিবা লৈবাক অমনি, নহারোলশিংগী থৌনা অমনি অমসুং ঙসি চহি ২০-২৫ শুরবা নহারোলশিং অসিনা চহি ৪৫-৫০ শুরকপা মতমদা, মখোয়না চাউখৎলবা ভারত অমগী কান্নবা খ্বাইদগী ফংবা মীওইশিং ওইরগনি। মখোয় থৌশিল শেম্বগী থবকশিংদা শরুক য়াবা মখোয়গী পুন্সিগী তাঙ্কক অমদা লৈরগনি, নিংতম্লবা মতুংদা চাউখৎলবা ভারত অমগীদমক মখোয় মাঙলোমদা চঙশিল্লগনি। হায়রিবা থবক অসিনা বিকসিত ভারত অমগী মঙলান মঙফাওনবা ঙমগনি অমসুং থবক শুবা নোম্বা কনবা অসিনা ঙসিগী ঐখোয়গী নহা ওইরিবা মীরোলশিংগী অচৌবা খুদোল অমা ওইরগনি।

১৯৩০, ১০৪২ দা নিংতম ঈহৌ শরুক য়াখিবা মীওইশিং, লৈবাক অসিগী নহারোলশিং নিংতম ঈহৌদা শরুক য়াখি অমসুং চহি ২৫ গী মতুংদা লাকপা মীরোলশিংনা মদুগী কান্নবশিং ফংখি। লাল অদুদা শরুক য়াখিবা নহারোলশিংনা কান্নবা ফংখি। নিংতম্বগী চহি ২৫ গী মমাংদগী মীওইশিংনা নিংতম্বগী হরাওবা ফোঙদোক্নবগী খুদোংচাবা অমা ফংখি। মসিগা চপ মান্ননা, হায়রিবা চহি ২৫ অসি লৈবাক অসি চাউখৎনবদা অমসুং নুংঙাই-য়াইফনবা পান্দম থমখি। মরম অদুনা, বজেত মীফম অসিদা, এম.পিশিংনা বিকসিত ভারত অমগী পান্দম মপাঙ্গল কনখৎহন্নবা মতেং পাংগনি। মরুওইনা, ঙসি হাওস অসিদা মখোয়না শরুক য়াদুনা নহা ওইরিবা এম.পিশিংগী তাংলবা খুদোংচাবা অমনি, মখোয়গী মীৎমাংদা বিকসিত ভারত অমগী মহৈশিং উবা ফংলগনি। মরম অদুনা মীফম অসি নহা ওইরিবা এম.পিশিংগী মমল নাইদ্রবা খুদোংচাবা অমনি।

মরুপশিং,

বজেত মীফম অসিদা লৈবাক অসিগী থাজবশিং অমসুং অনিংবশিং ঐখোয়না থুংহনগনি হায়বগী থাজবা ঐনা থম্লি।

মরুপশিং,

ঙসি অদোম্না করিগুম্বা অমা খঙলমগনি, মসি মেদিয়াগী মীওইশিংনা শোইদনা খঙলমগনি। মসি ২০১৪ দগী, মীফম মমাংগী নোংম নত্ত্রগা নুমিৎ নিনিদা মপান লৈবাক্তগী অকায়বা পীরক্তবা অহানবা মীফম ওইগনি। ২০১৪ দগী ঐনা চহি ১০ য়েংলকপদা, মীফম খুদিংমক্কী মমাঙদা মীওই খরনা অপনবা পীনবা হোৎনবা উখি অমসুং মসিদা ঙাওজবা মীওই অৱাৎপা লৈতে। মসি হৌখিবা চহি ১০ অসিদা মালেমগী লৈবাক অমদগী মৈরিক অমা ফাওবা থোকহল্লক্তবা অহানবা মীফম ওইগনি।

অদোম ঙমখৈ লৈতনা থাগৎপা ফোঙদোকচরি।

দিসক্লেমর: মসি প্রধান মন্ত্রীগী ৱারোলদগী চাউরাক্না হন্দোকপনি। অশেংবা ৱারোল হিন্দীদা পীখিবনি।

*****