ভারতকী প্রধানমন্ত্রী

শ্রী রতন তাতা লৈখিদবদা ঙসি প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। শ্রী মোদীনা হায়খি মদুদি শ্রী তাতা মীৎয়েং শানবা ললোন-ইতিক্কী লুচিংবা অমনি, মীনুংশি চাউবা মীওই অমনি অমসুং মহাক্কী মীওইবগী অৱাবা খঙবা, থৌজাল হৈবা গুনগা লোয়ননা মীওই কয়ানা মহাকপু নুংশিজবা তোমথিন ঙানবা মীওই অমনি অমসুং ঐখোয়গী খুন্নাই হেন্না য়াইফনবা চিংনবা লৈতনা থবক পাংথোকখি।

এক্সতা থ্রিদ পোস্ত অমদা, শ্রী মোদীনা হায়খি;

“তাতা মীৎয়েং শানবা ললোন-ইতিক্কী লুচিংবা অমনি, মীনুংশি চাউবা মীওই অমনি অমসুং তোমথিন ঙানবা মীওই অমনি। ভারতকী খ্বাইদগী লিরবা অমসুং লেমজনিঙাই ওইরবা ললোন-ইতিক্কী কম্পেনিশিংগী মনুংদা অমা ওইরিবা হাওস অমা মহাক্না তংদু-লৈতানা লুচিংখি। মতম অসিদা, মহাক্না পাংথোকখিবা থবকশিং বোর্দরুমদগী হেন্থোকখি। মহাক্কী মীনুংশি চাউবা, থৌজাল হৈবা অমসুং ঐখোয়গী খুন্নাই হেন্না য়াইফনবা চিংনবা লৈতনা থবক পাংথোকখিবা অসিনা মীওই কয়ানা মহাক নুংশি”।

“ শ্রী রতন তাতাগী অঙকপা থবকশিংগী মনুংদা অমনা মহাক্না অচৌবা মঙলানশিং মঙজবা অমসুং মসিগী কান্নবা মীয়ামদা য়ৌহনবা অদুনি। লাইরিক-লাইশু, হকশেল, সেনিতেসন অমসুং শা-উচেক য়াইফনবা শ্রী রতন তাতানা মাংজিল থাখি”।

“শ্রী রতন তাতা জিগা কয়ারক উনখিবা অদু ঐগী ৱাখলদা পীক থল্লে। ঐনা চীফ মিনিস্তর ওইরিঙৈদা গুজরাত্তা ঐনা মহাক্কা য়াম্না তোইনা উনখি। ঐখোয় তোঙান-তোঙানবা হিরমশিংদা ৱারি শান্নখি। ঐনা মহাক্কী ৱাখল্লোনশিং য়াম্না পুক্নিং-লৌশিং ওইখি। ঐনা দিল্লিদা লাক্লবা মতুদা ঐখোয় মখা তানা উনখি। মহাক লৈখিদবদা থম্মোয় কায়হল্লে। মহাক্কী ইমুং-মনুং, মরুপ-মপাংশিং অমসুং মহাক নুংশিজবগী অৱাবদা শরুক য়াজরি। ঔম শান্তি”।

Shri Ratan Tata Ji was a visionary business leader, a compassionate soul and an extraordinary human being. He provided stable leadership to one of India’s oldest and most prestigious business houses. At the same time, his contribution went far beyond the boardroom. He endeared… pic.twitter.com/p5NPcpBbBD

— Narendra Modi (@narendramodi) October 9, 2024

***