ভারতকী প্রধানমন্ত্রী
শ্রী পি.কে. সিনহাগী মতম লোয়খ্রবা মতুং শ্রী রজিব গৌবানা ভারত সরকারগী অনৌবা কেবিনেৎ সেক্রেতরী ওইনা থবক পায়খ্রে। মহাক ঝার্খন্দ কেদরগী (১৯৮২ বেচ) আই.এ.এস. ওফিসর অমনি। মহাক য়ুনিয়ন হোম সেক্রেতরী, অর্বান দিবেলপমেন্ত মন্ত্রালয়, ভারত সরকারগী সেক্রেতরী অমসুং ঝার্খন্দগী চিফ সেক্রেতরীগুম্বা মরুওইবা ফমশিং পায়খ্রে। ইন্তর্নেস্নেল মোনিতরী ফন্দসু মহাক্না ভারতকীদমক মহুৎ শিনখ্রে।
আর্তিকল ৩৭০ মুত্থৎনবা অমসুং জম্মু অমসুং কশ্মীরগী রিওর্গনাইজেসনগীদমক কেন্দ্রগী ৱারেপকী মরুওইবা ইম্প্লিমেন্তরশিংগী মরক্তা মহাক অমনি। মচা নাইনা তাক্নবা মিৎয়েং অমগা লোয়ননা মসিগী অনৌবা খোংথাং অসিগী ফোর্মুলেসন অমসুং এক্সিক্যুসন মহাক্না গৃহ মন্ত্রালয়দা লানখৎখি। এদমিনিস্ত্রেতিব অমসুং সেক্যুরিতী এরেঞ্জমেন্তশিং চত্থরিঙৈ মনুংদা মহাক্না অপীকপা কোর তীম অমগা লোয়নদুনা কন্সতিত্যুস্নেল অমসুং লেগেল এস্পেক্তশিংদা অরোইবা মওং মতৌ পীখি।
মমাংদা, গৃহ মন্ত্রালয়দা মহাক্না এদিস্নেল সেক্রেতরী ওইরিঙৈ মতমদা, এল.দবল্যু.ই. থেংননবা মহাক্না ২০১৫দা মল্তি-প্রোঞ্জ এক্সন প্লান অমা থৌরাংখি।
গৃহ মন্ত্রালয়গী মথক্তা শ্রী গৌবানা কেন্দ্র সরকারগী অর্বান দিবেলপমেন্ত, দিফেন্স, এনভাইরনমেন্ত অমসুং ফোরেস্ত, অমদি ইলেক্ত্রোনিক্স অমসুং ইনফোর্মেশন তেক্নোলোজী বিভাগনচিংবা পাক চাউরবা লমশিংদা থবক তৌখ্রে।
ঝার্খন্দগী চিফ সেক্রেতরী ওইনা শ্রী গৌবানা প্রোফেস্নেলশিংগী লেতরেল এন্ত্রী, রিস্ত্রকচরিং, মন্ত্রীশিংগী দাউনসাইজিং, অমদি লেবর রিফোর্ম য়াওনা মরুওইবা গোবর্নান্স অমসুং ইকোনোমিক রিফোর্মশিং চত্থখি। মহাক্কী মতমদা ঝার্খন্দবু ইজ ওফ দুয়িং বিজিনেসতা তেবলগী মখাদগী অহুমশুবা থাক্তা পুখৎখি।
শ্রী গৌবা ইন্তর্নেস্নেল মোনিতরী ফন্দগী বোর্দতা চহী মরিগীদমক লৈবাক অসিবু রিপ্রজেন্ত তৌরদুনা ইন্তর্নেস্নেল মোনিতরী ফন্দসু মথৌ তৌখ্রে।
