ভারতকী প্রধানমন্ত্রী

শান্তি ওইনা শুন্দ্রং শীজিন্ননবা ভারতকী মহুৎশিন্দুনা ইন্দিয়ন স্পেস রিসর্স ওর্গনাইজেসন (ইসরো) অমসুং ওমানগী মহুৎশিন্দুনা ত্রান্সপোর্ত অমসুং কম্যুনিকেসন মন্ত্রলয়না মুস্কাদতা ২০১৮গী ফেব্রুৱারীদা মেমোরেন্দম ওফ অন্দরস্তেন্দিং (এম ও য়ু) অমা খুৎয়েক পীনখিবা অদু প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা অয়াবা পীখ্রে।

অকুপ্পা ৱারোলশিং :

• এম ও য়ু অসিনা শুন্দ্রং সাইন্স, তেক্নোলোজী অমসুং পৃথিবীগী রিমোৎ সেন্সিংদা শীজিন্নবা, সেতলাইৎতা য়ুম্ফম ওইবা নেভিকেসন, গর্হ পুথোকপা, শুন্দ্রং ক্রাফ শীজিন্নবা অমসুং শুন্দ্রং তেক্নোলোজী শীজিন্নবদা মতেং পীনগনি।

• অকক্নবা মতমগী মনুংদা থবক ওইনা পাংথোক্নবা অমসুং এম ও য়ু অসি পাংথোক্নবা উপায় থিনবা ইসরো অমসুং ত্রান্সপোর্ত অমসুং কম্যুনিকেসন মন্ত্রলয়গী মেম্বরশিং য়াওবা জোইন্ত ৱার্কিং গ্রূ্প অমা এম ও য়ু অসিগী মখাদা শেমগনি।

• পৃথিবীগী রিমোৎ সেন্সিং, সেতলাইৎতা য়ুমফম ওইবা নেভিকেসন, শুন্দ্রং সাইন্স অমসুং শুন্দ্রং থিজিনবদা অনৌবা রিসর্স পায়খৎপদা এম ও য়ু অসিনা মতেং পাংগনি।

থবক ওইনা পায়খৎনবা লাল্লোং অমসুং পান্দমশিং :

খুৎয়েক পীনখ্রবা এম ও য়ু অসিনা জোইন্ত ৱার্কিং গ্রূ্প অমা লিংখৎতুনা অপীবা মতমগী মনুংদা থবক ওইনা পায়খৎনবা থৌরাং অমসুং এম ও য়ুগী ৱারোলশিং পায়খৎনবা খন্নগনি।

কান্নবশিং :

মীওইবা খুন্নাইগী য়াইফনবা শুন্দ্রং তেক্নোলোজীশিং শীজিন্ননবা পুন্না থবক তৌমিন্ননবা এম ও য়ু অসিনা লমজিংগনি। মসিনা লৈবাক অমগী কাংলুপ খুদিংমক অমসুং লমদম খুদিংমক কান্নবা ফংগনি।

 ইথিল :

• এম ও য়ু অসিগী মখাদা ওমানগা মতেং পীনদুনা শুন্দ্রং তেক্নোলোজীশিংনা মীওইবা খুন্নাইগী য়াইফনবা পুন্না থবক পায়খৎমিন্নগনি।

নুংগী ৱারোল :

• সুলতানগী লৈবাক ওমান্না মসিগী শুন্দ্রং প্রোগ্রাম শেমগৎনবা ইসরোগী মতেং পাম্লি। ওমানগী কম্যুনিকেসন বিভাগকী মীওই মরিনা শাবা মীহুৎ কাংবু অমা ২০১১গী মার্চতা ইসরোদা লাকখি অমসুং ইসরোগী ওফিসিয়েলশিংগা উনখি অমসুং ইসরোগী তেক্নিকেলগী পোৎলমশিং য়েংখি। ২০১৬গী মেদা ওমান্দা লৈবা ভারতকী এম্বেসেদরদা ওমান্না ইসরোগা লোয়ননা শুন্দ্রংগী লমদা মতেং পীননবা খঙহল্লকখি।

• শান্তি ওইনা শুন্দ্রং শীজিন্ননবা নাকল অনিমক্না এম ও য়ু অসি য়ারে অমসুং ভারতকী মহুৎ শিন্দুনা ইন্দিয়ন স্পেস রিসর্স ওর্গনাইজেসন (ইসরো) অমসুং ওমানগী মহুৎ শিন্দুনা ত্রান্সপোর্ত অমসুং কম্যুনিকেসন মন্ত্রলয়না মুস্কাদতা ২০১৮গী ফেব্রুৱারীদা মেমোরেন্দম ওফ অন্দরস্তেন্দিং (এম ও য়ু) অমা খুৎয়েক পীনখি।