ভারতকী প্রধানমন্ত্রী

তলাক অহুমলক হায়রগা খাইনবা থিংনবা মুস্লিম ৱুমেন (প্রোতেক্সন ওফ রাইৎস ওন মেরিএজ) বিল, ২০১৯ মন্ত্রীমন্দলনা অয়াবা পীরে, বিল অসি লাক্লিবা সংসদকী মীফমদা পুথোক্কনি

 ‘সাবকা সাথ, সাবকা বিকাস, সাবকা বিশ্বাস’ অসি প্রধান মন্ত্রী নরেন্দ্র মোদীনা লুচিংবা এন.দি.এ. সরকারগী মরুওইবা পান্দমনি। মীয়ামদা ৱাশকখিবশিংগী মনুংদা অমা ঙাক্নবা, প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মুস্লিম ৱুমেন (প্রোতেক্সন ওফ রাইৎস ওন মেরিএজ) বিল, ২০১৯ অয়াবা পীরে, মসিনা মুস্লিম ৱুমেন (প্রোতেক্সন ওফ রাইৎস ওন মেরিএজ) সেকেন্দ ওর্দিনান্স, ২০১৯ (২০১৯গী ওর্দর নম্বর ৪) মহুৎ শীনগনি।

কান্নবা:

বিল অসিনা মুস্লমি নুপীশিংগী মরক্ত নুপা–নুপীগী মান্নবা লৈহনগনি অমসুং অচুম্বা পুরক্কনি। বিল অসিনা লুহোংলবী মুস্লিম নুপীশিংগী হকশিং ঙাকপদা মতেং পাংগনি অমসুং মখোয়গী মপুরোইবশিংনা ‘তলাক–ই–বিদ্দাত’ হায়রগা খাইনবগী চৎনবী অমা লৈরিবা অসি থিংবা ঙমগনি। লাক্লিবা সংসদকী মীফমদা বিল অসি পুথোক্কনি।

থবক ওইনা পাংথোক্কদবশিং:

• ত্রিপল তলাক অসি চৎনবা য়ারোই অমসুং আইন্না য়াদে হায়না লাউথোক্নবা বিল অসিনা থৌরাং তৌরি
• মরাল লৈবশিং চহি অহুম ফাওবা জেলদা থম্বা অমসুং ফাইন থিহনবা য়াওরি
• বিল অসিনা লুহোংলবী নুপীশিং অমসুং মচাশিংদা হিংনবা এল্লাৱেন্স পীহনগনি
• ঈ মরিদা নত্ত্রগা লুহোংবদগী মরি–মতা থোক্নবা মীওই অমনা হেক্ত তলাক হায়রকপদগী লুহোংলবী মুস্লিম নুপী অমনা পুলিস স্তেসন অমগী ওফিসর ইন–চার্জ অমদা পাউ পীবা মতমদা মদু চৈরাক পীবা য়াবা মরাল অমা ওইগদবনি হায়না বিল অসিদা য়াওরি
• লুহোংলবী মুস্লিম নুপী অমদা তলাক হায়বা মতমদা মেজিস্ত্রেৎকী অয়াবা লৌরগা মরাল অদু হেন্না কনশিনহনবা য়াই
• মরাল লৈরবা মীওই অদু মেজিস্ত্রেৎনা বেলদা থাদোক্ত্রিঙৈ মমাংদা তলাক হায়খ্রবা মুস্লিম নুপী অদু হিয়ারিং তৌনবগী খুদোংচাবা বিল অসিদা য়াওরি

মুস্লিম ৱুমেন (প্রোতেক্সন ওফ রাইৎস ওন মেরিএজ) বিল, ২০১৯ অসি মুস্লিম ৱুমেন (প্রোতেক্সন ওফ রাইৎস ওন মেরিএজ) সেকেন্দ ওর্দিনান্স, ২০১৯গা মান্ননা শেম্বনি।