ভারতকী প্রধানমন্ত্রী

EU-ইন্দিয়া স্ত্রেতেজিক পার্তনরশিপনা মখোয়গী মীয়াম অমসুং মালেমগী মীয়ামগীদমক অচৌবা কান্নবা কয়া অমা পীরি হায়না প্রধান মন্ত্রী শ্রী নরেন্দ্র মোদী অমসুং য়ুরোপিয়ন কম্মিসনগী প্রসিদেন্ত মিস উর্সুলা ভোন দের লেয়েননা ফোংদোকখ্রে। চহি 20গী ইন্দিয়া-EU স্ত্রেতেজিক পার্তনরশিপ অমসুং চহি ৩০গী ভারত-EC কোওপরেসন এগ্রীমেন্তদা য়ুম্ফম ওইদুনা পার্তনরশিপ অসি হেন্না ৱাংবা থাক অমদা পুখৎনবা মখোয়না ৱাশক লৌখি।

প্রসিদেন্ত ভোন দের লেয়েননা 2025গী ফেব্রুৱারী 27-28দা য়ুরোপিয়ন য়ুনিয়নগী কোলেজ ওফ কম্মিস্নর্স লুচিংদুনা মহাক্কী মরু ওইবা ওফিসিএল ওইবা খোঙচৎতা ভারত্তা লাকখি। মসি মখোয়গী অনৌবা মেন্দেত হৌখিবদগী কোলেজ ওফ কম্মিস্নর্সনা য়ুরোপিয়ন কন্তিনেন্তগী মপান্দা চৎপা অহানবা খোঙচৎনি অমসুং ভারত-EUগী বাইলেতরেল মরীশিংগী পুৱারীদা অসিগুম্বা খোঙচৎ অসি অহানবা ওইরি।

খ্বাইদগী চাউবা দেমোক্রেসী অনি অমসুং তোঙান তোঙানবা প্লুরেলিস্তিক সোসাইতীশিংগা লোয়ননা ওপন মার্কেৎ ইকনোমীশিং ওইরিবা ভারত অমসুং EUনা শান্তি অমসুং তুংদু-লৈতাবা, শেন্মিৎলোনগী চাউখৎপা অমসুং সস্তেনেবল দিবেলপমেন্তবু মরু ওইনা লৌরিবা মালেমগী ওইবা কাংলোন অমা শেমগৎপদা মখোয়গী অচেৎপা ফিরেপ অমসুং শরুক য়ামিন্নবগী ইথিল অদু পনখি।

লুচিংবশিংনা য়ুনাইতেদ নেসন্স চার্তরগী পান্দম অমসুং প্রিন্সিপলশিংগী মতুং ইন্না দেমোক্রেসী, রুল ওফ লো অমসুং কাঙলোনশিংদা য়ুম্ফম ওইবা ইন্তর্নেস্নেল ওর্দর য়াওনা মান্নবা ভেল্যুশিং অমসুং প্রিন্সিপলশিং অসিনা ভারত অমসুং EUবু মান্নবা ৱাখল্লোন লৈবা অমসুং থাজবা য়াবা পার্তনর ওইহনবদা য়ানখি। মালেমগী ওইবা ৱাফমশিং পুন্না থেংননবা, তংদু লৈতাবা হেনগৎনবা অমসুং অমগা অমগা নুংঙাইনা লৈনবগীদমক ভারত-EUগী স্ত্রেতেজিক পার্তনরশিপ অসি হৌজিক্তি হান্নদগী হেন্না মথৌ তাই।

মসিগী মতাংদা মখোয়না ভারত অমসুং য়ুরোপকী মরক্তা ললোন-ইতিক অমসুং সপ্লাই চেন, ইনবেস্তমেন্ত, অনৌবা মরু ওইবা তেক্নোলোজীশিং, ইন্নোবেসন, তেলেন্ত, দিজিতেল অমসুং গ্রীন ইন্দস্ত্রীএল ত্রান্সিসন, স্পেস অমসুং জিওস্পেসিএল সেক্তরশিং, ঙাকশেল অমসুং মীগা মীগা মরী লৈনবদা মতেং পীনবা হেনগৎহনবগী মরুওইবা অদু ফোংদোকখি। ক্লাইমেৎ চেঞ্জ, আর্তিফিসিএল ইন্তেলিজেন্স, দিবেলপমেন্ত ফাইনান্সিং অমসুং ইন্তর-দিপেন্দেন্ত ৱার্ল্দ অমদা তেরোরিজম য়াওনা মালেমগী ওইবা মান্নবা শিংনবশিং থেংনবদা তেংবাং পীনবগী তঙাইফদবা অদুসু মখোয়না ফোংদোকখি।

লুচিংবা অনিমক্না ভারত-EU ত্রেদ অমসুং তেক্নোলোজী কাউন্সিল (TTC) গী অনিশুবা মিনিস্তরেল মীফমদা ত্রেদ, থাজবা য়াবা তেক্নোলোজী অমসুং গ্রীন ত্রাঞ্জিসনগী ইন্তর্সেক্সনদা হেন্না চেৎশিল্লবা কোলাবোরেসন অমসুং স্ত্রেতেজিক কোওর্দিনেসন পুক্নিং থৌগৎপদা খোংজেল য়াংনা চংশিল্লকপদা নুংঙাইবা ফোংদোকখি।

মখোয়না EU কোলেজ ওফ কম্মিস্নর্স অমসুং মখোয়গী ইন্দিয়ন কাউন্তরপার্ত মিনিস্তরশিংগী মরক্তা পাংথোকখিবা ৱারী শানবগী অকক্নবা ফলশিং অদুসু তরাম্না ওকখি।

লুচিংবশিংনা মখাদা পীরিবশিংসি পাংথোক্নবগীদমক অচেৎপা ৱাফম থমখি:

i. ভারত অমসুং EUগী ত্রেদ অমসুং ইকনোমিক রিলেসনশিং হেনগৎহন্নবগী কান্নবা অমসুং মরুওইবা অদু খঙলদুনা চহি অসিগী মনুংদা ৱারোইশিন পুরক্নবা পান্দমগা লোয়ননা তান্নবা, এম্বিসিয়স ওইবা অমসুং অমগা অমগা কান্নবা FTAগীদমক ৱারী শানবগী থবক পায়খৎনবা মখোয়গী মরী লৈনবা ৱারী শানবগী তীমশিংদা তকশিনবা। লুচিংবশিংনা ওফিসিএলশিংদা কৈথেলগী এক্সেস হেনগৎহন্নবা অমসুং ললোন-ইতিক্কী অথিংবশিং লৌথোক্নবা থাজবা য়াবা পার্তনরশিং ওইনা থবক তৌনবা হায়খি। ইনভেস্তমেন্ত প্রোতেক্সনগী মতাংদা এগ্রীমেন্ত অমসুং জিওগ্রাফিক ইন্দিকেসনশিংগী মতাংদা এগ্রীমেন্তগী মতাংদা খন্ন-নৈনবদা খুমাং চাউশিলহন্নবা মখোয়না মখোয়দা থৌদাংসু পীখি।

ii. ইকনোমিক সেক্যুরিতী অমসুং সপ্লাই চেন রেসিলিয়েন্স, মার্কেত এক্সেস অমসুং ত্রেদকী অথিংবাশিং, সেমিকন্দক্তর ইকোসিস্তেমশিং মপাঙ্গল কনখৎহনবা, থাজবা য়াবা অমসুং সস্তেনেবল আর্তিফিসিএল ইন্তেলিজেন্স, হাই-পরফোর্মেন্স কম্প্যুতিং, 6G, দিজিতেল পব্লিক ইনফ্রাস্ত্রকচর, গ্রীন অমসুং ক্লিন ইনর্জী তেক্নোলোজীশিংগীদমক থাজবা য়াবা পার্তনরশিপশিং অমসুং ইলেক্ত্রিক ভেহিকলশিংগী বেত্তরীশিং রিসাইকল তৌবা, মেরিন প্লাস্তিক লিত্তর, অমসুং ৱেস্ত তু গ্রীন/রিন্যুএবল হাইদ্রোজেন য়াওনা সেক্তরশিং অসিদা ইন্দস্ত্রীগী লিঙ্কশিংদা মীৎয়েং থমদুনা গ্রীন অমসুং ক্লিন ইনর্জী তেক্নোলোজীশিংগীদমক জোইন্ত রিসর্চ অমসুং ইন্নোবেসনগী লমদা আউৎকম-ওরিয়েন্তেদ কোওপরেসন শেমগৎনবা ইন্দিয়া-EU ত্রেদ অমসুং তেক্নোলোজী কাউন্সিলদা মখা তানা থৌদাং হাপ্নবা খঙহনগনি। মসিগী মতাংদা মখোয়না সেমিকন্দক্তর সপ্লাই চেনশিং হেনগৎহন্নবা সেমিকন্দক্তরশিংদা MoUগী থবক পায়খৎপদা খুমাং চাউশিল্লকপদা নুংঙাইবা ফোংদোকখি। মখোয়না মতেং ওইরিবা শক্তিশিং শীজিন্নদুনা, তেলেন্ত একচেঞ্জশিং লায়থোকহন্দুনা অমসুং মহৈরোইশিং অমসুং নহা ওইরিবা প্রোফেস্নেলশিংগী মরক্তা সেমিকন্দক্তর স্কিলশিং হেনগৎহন্নবা; লোয়ননা ভারত 6G এল্লাইন্স অমসুং EU 6G  স্মার্ত নেৎৱার্কস অমসুং সর্ভিসেস ইন্দস্ত্রী এসোসিএসনগী মরক্তা সেক্যুর অমসুং ত্রস্তেদ তেলিকম্ম্যুনিকেসন্স অমসুং রেসিলিএন্ত সপ্লাই চেনশিং শেম্নবা MoUগী থবক পায়খৎপদা খুমা চাউশিল্লকপদা নুংঙাইবা ফোংদোকখি।

iii. কন্নেক্তিবিতী, ক্লিন ইনর্জী অমসুং ক্লাইমেৎ, ঈশিং, স্মার্ত অমসুং সস্তেনেবল অর্বানাইজেসন অমসুং দিজাস্তর মেনেজমেন্তকী লমশিংদা ইন্দিয়া-ইয়ু পার্তনরশিপকী মখাদা মখা তানা মতেং পীনবা হেনগৎহনবা অমসুং মপাঙ্গল কনখৎহনবা অমসুং ক্লিন হাইদ্রোজেন, ওফশোর ৱিন্দ, সোলর ইনর্জী, সস্তেনেবল অর্বান মোবিলিতী, এভিয়েসন অমসুং রেলৱেজগুম্বা অখন্নবা লমশিংদা মতেং পীনবা হেনগৎহন্নবা থবক পায়খৎপা। মসিগী মতাংদা মখোয়না ইন্দিয়া- EU গ্রীন হাইদ্রোজেন ফোরম অমসুং ওফশোর ৱিন্দ ইনর্জীদা ইন্দিয়া- EU বিজিনেস সম্মিৎ পাংথোক্নবা য়ানখিবা অদু তরাম্না ওকখি।

iv. নাকল অনিমক্কী খুমাং চাউশিহন্নবা তুংগী ওইবা জোইন্ত স্ত্রেতেজিক এজেন্দাদা রিফ্লেক তৌগদবা EUগী কম্মিস্নরশিং অমসুং ভারতকী মন্ত্রীশিংগী মরক্তা নাকল অনিগী ওইবা খন্ন-নৈনবগী মতমদা মশক খঙদোক্লবা অনৌবা অকক্নবা লমশিং শেমগৎপা।

v. ন্যু দিল্লীদা G20 লিদর্স সম্মিৎকী মনুংদা লাউথোকখিবা ইন্দিয়া-মিল ইস্ত-য়ুরোপ ইকনোমিক কোরিদোর (IMEC) অসি মংফাওনহন্নবা অকনবা খোংথাং লৌখৎপা, ইন্তর্নেস্নেল সোলর এলাইন্স (ISA), কোলিসন ফোর দিজাস্তর রেসিলিয়েন্ত ইনফ্রাস্ত্রকচর (CDRI), লিদরশিপ গ্রুপ ফোর ইন্দস্ত্রী ত্রাঞ্জিসন (LeadIT 2.0), অমসুং গ্লোবেল বাইওফ্যুএল্স এলাইন্সকী ফ্রেমৱার্ক্তা মখোয়গী তেংবাং পীনবা চেৎশিনহন্নবা অকনবা খোঙথাংশিং লৌখৎপা।

vi. অখন্ননা হায়র এজুকেসন, রিসর্চ, তুরিজম, কলচর, স্পোর্তস অমসুং মখোয়গী নহাশিংগী মরক্তা মীয়ামগী মরক্তা লৈনবা মরীশিং মপাঙ্গল কনখৎহনবা অমসুং অসিগুম্বা একচেঞ্জশিং অসি হেনগৎহন্নবা ফংবা ফিবম অমা শেমগৎপা। ভারতকী হেনগৎলক্লিবা হ্যুমেন কেপিতেল অমসুং EUগী মেম্বর স্তেতশিংগী দেমোগ্রাফিক প্রোফাইল অমসুং লেবর মার্কেতকী মথৌ তাবশিং য়েংলগা স্কিল লৈবা শিন্মী অমসুং প্রোফেস্নেলশিংগী লমশিংদা আইনগী ওইবা, সেফ অমসুং ওর্দর লৈরবা মাইগ্রেসন প্রমোৎ তৌবা।

লুচিংবা অনিনা ইন্দো-পেসিফিক লমদম অসি ইন্তর্নেস্নেল লোদা য়ুম্ফম ওইবা, মরী লৈনবা লৈবাকশিংগী লৈঙাকপু ইকায় খুম্নবা অমসুং ইফেক্তিব রিজনেল ইন্সতিত্যুসনশিংনা মতেং পাংদুনা ৱারোইশিন পুরকপা ঙম্নবগীদমক মখোয়গী অচেৎপা ফিরেপ অদু অমুক হন্না ফোংদোকখি। ভারতনা ইন্দো-পেসিফিক ওসিন ইনিসিএতিব (IPOI) দা EU না য়াওরকপবু তরাম্না ওকখি। আফ্রিকা অমসুং ইন্দো-পেসিফিক য়াওনা ত্রিলেতরেল কোওপরেসন এক্সপ্লোর তৌনবা নাকল অনিমক্না ৱাশক লৌখি।

লুচিংবা অনিনা ইন্দিয়ন নেভী অমসুং EUগী মেরিতাইম সেক্যুরিতী এন্তিতীশিংগী মরক্তা পুন্না চৎমিন্নবা অমসুং জোইন্ত এক্সরসাইজশিং য়াওনা দিফেন্স অমসুং সেক্যুরিতীগী লমদা মতেং পীনবা হেনগৎলকপদা নুংঙাইবা ফোংদোকখি। EUগী মায়কৈদগী EUগী পর্মিনেন্ত স্ত্রকচরদ কোওপরেসন (PESCO) গী মখাদা প্রোজেক্তশিংদা শরুক য়ানবা অমসুং সেক্যুরিতী ওফ ইনফোর্মেসন এগ্রীমেন্ত (SoIA) গীদমক ৱারী শানবদা শরুক য়ানবা ভারতকী অপাম্ববু তরাম্না ওকখি। লুচিংবশিংনা সেক্যুরিতী অমসুং দিফেন্স পার্তনরশিপ অমা থিজিন হুমজিনবদা অচেৎপা ৱাফম থমখি। মখোয়না ত্রেদ অমসুং সমুদ্রগী লম্বীশিং ঙাক শেন্নবা ত্রেদিস্নেল অমসুং নন-ত্রদিস্নেল থ্রেতশিং থেংনদুনা মেরিতাইম সেক্যুরিতী য়াওনা ইন্তর্নেস্নেল শান্তি অমসুং সেক্যুরিতীদা মখোয়গী অচেৎপা ফিরেপ অমুক হন্না ফোংদোকখি। মখোয়না তেরোরিজম থেংনবদা মতেং পীনবা হেনগৎহনবা অমসুং তেরোরিজম থেংনবদা, ঙমখৈ লান্না তেরোরিজম অমসুং তেরোরিজম শেল থাদবা য়াওনা, মপুং ফানা অমসুং লেপ্পা লৈতনা ইন্তর্নেস্নেল কোওপরেসন মপাঙ্গল কনখৎহনবগী তঙাইফদবা অদুদা অকনবা ৱাফম থমখি।

লুচিংবা অনিমক্না মরুওইবা ইন্তর্নেস্নেল অমসুং রিজনেল ইসুশিং, মিদল-ইস্তকী ফীভম অমসুং য়ুক্রেনগী লান য়াওনা খন্নখি। মখোয়না অন্তর্জাতিগী আইনশিং, UN চার্তরগী প্রিন্সিপলশিং অমসুং লমদমগী অপুনবা অমসুং লৈঙাক লৈঙাক্কী ইকাই খুম্নবদা য়ুম্ফম ওইবা য়ুক্রেনদা অচুম্বা অমসুং অচেৎপা শান্তি অমা পুরকপদা মতেং পাংলি হায়না ফোঙদোকখি। মখোয়না ইজরেল অমসুং পেলেস্তাইননা মালেমগী আইনগী মতুং ইন্না মশক খঙলবা ঙমখৈগী মনুংদা শান্তি অমসুং সেক্যুরিতীদা অমগা অমগা হিংমিন্নদুনা লৈবাক অনিগী সোলুসনগী ভিজনদা মখোয়গী অচেৎপা ফিরেপ অমুক হন্না ফোংদোকখি।

লুচিংবশিংনা খন্ন-নৈনবগী মহৈ-মশিং অমসুং তুংলমচৎকী ওইবা মওং-মতৌ অদু খঙখি অমসুং মখাদা পীরিবা অকনবা খোঙথাংশিং অসিদা য়ানখি:

(i) চহি অসিগী অরোইবা ফাওবদা FTAগী ৱারোইশিন পুরকপা য়াংশিনহনবা।

(ii) অনৌবা থৌরাং অমসুং প্রোগ্রামশিংদগী ফংলকপা খুদোংচাবশিং থিদোক্নবা দিফেন্স ইন্দস্ত্রী অমসুং পোলিসীদা মখা তানা মীৎয়েং থমখি।

(iii) IMECগী খোঙথাং অদু য়েংশিন্নবা পার্তনরশিংগা লোয়ননা রিভিয়ু মীফম অমা পাংথোকখি।

(iv) শেয়র তৌরবা এসেসমেন্ত, কোওর্দিনেসন অমসুং ইন্তরওপরেবিলিতী প্রমোৎ তৌনবা মীৎয়েংগা লোয়ননা মেরিতাইম দোমেনগী এৱেরনেসতা শরুক য়াবা।

(v) সেমিকন্দক্তরশিং অমসুং অতৈ মরুওইবা তেক্নোলোজীশিংদা তেংবাং পীনবা হেন্না চেৎশিলহন্নবা TTCগী মথংগী মীফম অথুবা মতমদা পাংথোক্নবা হায়রি।

(vi) গ্রীন হাইদ্রোজেনদা মীৎয়েং থমদুনা সরকার অমসুং ইন্দস্ত্রীগী মরক্তা ক্লিন অমসুং গ্রীন ইনর্জীদা দাইলোগ হেনগৎহনবা।

(vii) ত্রাইলেতরেল কোওপরেসন প্রোজেক্তশিংগী খুত্থাংদা ইন্দো-পেসিফিক্তা কোওপরেসন মপাঙ্গল কনখৎহনবা।

(viii) পোলিসী অমসুং তেক্নিকেলগী থাক্তা শেম-শারিবা, রেস্পোন্স কেপাসিতী অমসুং কোওর্দিনেসনগী থৌওং য়াওনা মতিক চাবা থৌরাংশিং শেমগৎতুনা দিজাস্তর মেনেজমেন্তদা মতেং পীনবা হেনগৎহনবা।

লুচিংবা অনিনা মসিগী মরুওইবা খোঙচৎ অসিনা মরীশিংগী পুৱারীদা অনৌবা তাঙ্কক অমা হৌরক্লগনি হায়না থাজবা থমখি অমসুং ভারত-য়ুরোপিয়ন য়ুনিয়নগী স্ত্রেতেজিক পার্তনরশিপ মখা তানা পাকথোক চাউথোকহন্নবা অমসুং হেন্না চেৎশিলহন্নবা মখোয়গী ফিরেপ অদু অমুক হন্না ফোংদোকখি। মখোয়না মথংগী ইন্দিয়া-EU সম্মিৎ অসি ভারত্তা নাকল অনিমক্কী ওইনা খুদোংচাবা মতম অমদা পাংথোক্নবা অমসুং থৌরম অদুদা অনৌবা জোইন্ত স্ত্রেতেজিক এজেন্দা অমা এদোপ্ত তৌনবা থাজবা থমখি। প্রসিদেন্ত ভোন দের লেয়েননা প্রধান মন্ত্রী মোদীবু মহাক্কী মীয়োক মীচান ফবা মতৌগীদমক থাগৎপা ফোংদোকখি।

*****