ভারতকী প্রধানমন্ত্রী

শান্তি অমসুং অহিংশাগী মালেমগী ফিদম্নফম অমা ওইরিবা মহাত্মা গান্ধীগী ১৫০শুবা মপোক কুমওন পাংথোক্নবা য়ু এন হেদক্বাতরসকী ইকোসোক চেম্বরদা ৭৪শুবা য়ু এন জি এগী নাকলদা প্রধান মন্ত্রী নরেন্দ্র মোদীনা শীন্দুনা অৱাংবা থাক্কী মীফম অমা পাংথোকখি ।

মীফম অদুদা য়ু এনগী সেক্রেতরি জেনরেল এন্তোনিও গুতেরেস, কোরিয়াগী প্রসিদেন্ত মু জে ইন, শিঙ্গাপুরগী প্রধান মন্ত্রী লি সিয়েন লুং, বঙ্গলাদেসকী প্রধান মন্ত্রী সৈখ হসিনা, জমাইকাগী প্রধান মন্ত্রী এন্দ্রিউ হোলনেস অমসুং নিউ জিলেন্দগী প্রধান মন্ত্রী জাসিন্দা অরদেন শরুক য়াখি ।

থৌরম অদুদা শরুক য়াখিবা অতৈ শক্নাইরবশিংগী মনুংদা ভুতানগী প্রধান মন্ত্রী লোতে সেরিং, কোরিয়াগী ফাস্ত লেদি কিম জুং-সুক, য়ু এনগী সেনিয়র ওফিসিয়েলশিং অমসুং মেম্বর লৈবাকশিংগী দিপ্লোমেতশিং য়াওখি ।

মপান থৌরম মন্ত্রী দোক্তর এস জয়সানকরনা তরাম্না ওকপগী ৱারোলশিং পীখি । শরুক য়াখিবা শক্নাইরবশিং পুন্না য়ু এন হেদ ক্বাতরসদা গান্ধী সোলার পার্ক , ওল্দ ৱেস্তবুরিদা স্তেদ য়ুনিভর্সিতি ওফ নিউ য়োর্কতা গান্ধী পিছ গার্দেন শঙ্গাখি অমসুং য়ু এন পোস্তেল এদমিনিস্ত্রেসন্না পুথোকপা গান্ধীগী চহি ১৫০শুবা মপোক কুমওনগা মরি লৈন্না পোস্তেজ স্তাম্পশিং ফোংখি ।
মহাক্কী ৱারোলদা পি এম মোদীনা ২০শুবা চহিচাদা মীওইবা খুন্নাইগী নিংতম্বা পুরক্নবা মহাত্মা গান্ধীনা হোৎনখিবশিং; খুদিংমক য়াইফনবা থবকশিং; নৈহৎপীরবশিংগী লুচিংবা; অকোয়বগী ফিবম তুংকোইনা চৎন্নবা হোৎনবগী মতাংদা পনখি । পি এম মোদীনা হায়খি মহাত্মা গান্ধীগী অনিংবশিং, পান্দমশিং , মীয়ামগী ইহৌশিং অমসুং মশাগী ওইবা থৌদাংশিং হৌজিক্কী মতম অসিদা চন্নফম লৈরি ।

পি এমনা হায়খি মুক্নবা, তেরোরিজম, শেন-থুমগী থোং মান্দবা, লায়রবা অমসুং অকোয়বগী ফিবমদা কাইরকপশিং অসিনা মীয়াম, লৈবাকশিং অমসুং খুন্নাইশিংদা খুদোংচাদবা থোকহল্লি । হায়রিবা ৱাথোকশিং অসি কোকহনবদা লুচিংবা অসি য়াম্না মরুওই অমসুং গান্ধীনা পামজরম্বা ভেলুশিং অদুনা অফবা লুচিংবা অমগী মোরেল কম্পাস ওইনা থবক তৌরি ।
সেক্রেতরি জেনরেল গুতেরেসনা হায়খি থৌশিল অমা অমসুং থবক অমা ৱায়েন্নবা পাউতাক গান্ধীনা ঐখোয়দা পীরমখি অমসুং থবকশিং অদুনা পুন্সি মহিং ফগৎহনগদবনি অমসুং লায়রবশিংগী ফিবম ফগৎহনগদবনি । সেনিতেসন, মমাশিংগী হকশেল, প্রাইমারি ইজুকেসন, নুপা-নুপী মান্নবা , নুপীদা শক্তি পীবা, চাক লাম্বা কোকহনবা অমসুং চাউখৎ-থৌরাংদা মতেং পীনবা অসি গান্ধীগী পুন্সিদা য়ুমফম ওইবনি অমসুং এম দি জিশিং অমসুং এস দি জিশিং শেমদ্রিঙৈ মতম কয়াগী মমাংদগী চৎনরক্লবনি । তশেংনা হায়রবদা স্তেনেবল দিবলপমেন্ত গোলশিং অসি গান্ধীগী ৱাখল্লোনশিং থবক ওইনা পাংথোকপনি ।

শরুক য়াখিবা লুচিংবশিংনা গান্ধীগী ৱাখল্লোনদা ইকায়খুম্নবা উৎখি অমসুং হায়খি মহাত্মা গান্ধীগী ৱারিশিং মীরোল কয়া হিংদুনা লৈহৌরগনি । মখোয়না হায়খি মহাত্মা গান্ধী হায়রিবা মিং অসি কাংলুপ, ধর্ম্ম অমসুং লৈবাক কয়া য়ৌরি অমসুং ২১শুবা চহিচাগী খোল্লাউ অমা ওইরে । গান্ধী মাইথোং য়াম্বা মীওই অমনি । মহাক্না লৈবাক্কী , মালেমগী অমসুং মমাংঙৈগী লোনচৎ ঙাকপা , অওনবা পুরকপা, রাজনিতিগী লুচিংবা অমা , অইবা অমা, ৱাখল খনবা অমা অমসুং শান্তি পামজবা অমা অমসুং খুন্নাইগী অওনবা অমসুং অহোংবা পুরক্নবা হোৎনবা অমনি । মহাক্না অহিংশা অমসুং মীওইবা খুন্নাইগী য়াইফনবা হোৎনবশিং খক্তগী মালেম্না মহাত্মা নিংশিবা নত্তে , ঐখোয়না মীয়ামগী পুন্সিদা নুপাশিং অমসুং নুপীশিং চাংয়েং তৌনবা, রাজনিতিগী ৱাখল্লোনশিং অমসুং সরকারগী থৌশিলশিং অমসুং থাজবশিং ওনবদা শীজিন্নবগী মালেম্না মহাক নিংশিংলি ।

**************