ভারতকী প্রধানমন্ত্রী
৩৫শুবা অসিয়ান সমিৎ, ১৬শুবা অসিয়ান-ইন্দিয়া সমিৎ অমসুং ৩শুবা আর সি ই পি সমিৎ মমাংদা প্রধান মন্ত্রী নরেন্দ্র মোদীনা বেঙ্কোক পোস্ততা পীখিবা ইন্তর্ভ্যু অমদা লমদমঅসিদাঅমসুংমালেমদাভারতকীথৌদাংগীমতাংদামহাক্কীৱাখল্লোনশিংফোংদোকখি।
মখা অসি ইন্তর্ভ্যুগী ৱারোল অদুনি।
লমজিং মখাদা ভারত মালেমগী শক্তি অমা ওইরকপা ঙমগনি হায়না খনবরা?
ভারত অসি হিরম কয়াদা ইনাকখুনবা অরিবা সিবিলাইজেসন অমনি হায়বা মীয়াম্না খঙনরে। চহি চা খরগী মমাংদা ফাওবা মালেমগী চাউখৎপদা ভারতনা মতেং পাংখি। সাইন্স, সাহিত্য, ফিলোসোফি, কলা অমসুং য়ুমশারোল চাউখৎহনবদা লৈবাক অসিনা মতেং পাংখি। অদুবু লৈবাক অসি অতোপ্পশিং খুদম চন্নবা খনখিদে মদুগী মহুৎতা সমুদ্র কয়া লাল্লগা মরি কয়া শেমগৎখি। হৌখিবা চহি খর অসিদা ঐখোয়না শেন-থুম, ক্লাইমেত চেঞ্জ লাকশিনবা, স্পেস অমসুং তেরর থেংনবগী লমদা মতেং পাংবা হেনগৎলে।
ঙসিদা ভারতনা মালেমগী শেন-থুম অমসুং চাউখৎপদা খ্বাইদগী য়াম্না মতেং পাংলে। করিগুম্বা মখোয়না অফবা থৌশিলশিংগী মখাদা থবক তৌরবদি মখোয় কনাগুম্বগী মথংদা লৈতে হায়বা ভারতকী মীয়াম্না উৎলে।
ভারতকী মীয়াম হিংবদা লাইবা হেনগৎহন্নবা অমসুং মখোয়গী কান্নবা হেনগৎহন্নবা ঐখোয়না মালেমদা খ্বাইদগী চাউবা খোঙজং পায়খৎলি।
ঐখোয়না খুঙ্গং খুদিংমক মৈ ফংহনবা, মীওই মিল্লিয়ন ৩৫০ বেঙ্ককী কান্নবা ফংহনবা, সোসিয়েল স্কিমশিংদা শেন মাংবা হন্থহনবা, খুঙ্গং অমসুং সহরদা তোইলেত মিল্লিয়ন ১৫০ শাবা, দিজিতেলগী থবকশিংনা লৈঙাক ফগৎহনবা, ফিনতেক য়াংনা চাউখৎলকপা অমসুং ভারতকী ইকোনোমী য়াংনা চাউখৎলকপদগী ওইথোকপনি। ঐখোয় ৱাল্দ বেঙ্কগী ইজ ওফ দুইং বিজিনেস ইন্দেক্সতা রেঙ্ক ৮০গী মথক্ত লৈরে।
ঐখোয়গী লাইৱাদি “সবকা সাথ, সবকা বিকাস, সবকা বিশ্বাস” হায়বদি খুদিংমক চাউখৎপা, মতেং পীনদুনা অমসুং খুদিংমক থাজবগা লোয়ন্না হায়বনি। ঐখোয়না হায়রিবা অসি ঐখোয়গী মীওইশি খক নত্তে, মীওইবা পুম্নমক্নি।
মরম অদুনা ঐখোয়গী য়ুম্লোন্নবশিংগা লোয়ন্না চাউখৎ-থৌরাংগী মরি ফগৎনবা থবক তৌমিন্নরি। মালেমগী অমসুং ঙমখৈ লান্না শিংনরকপশিং থেংননবা মালেমগী লুপ অমা শেম্নবা ঐখোয়না হোৎনরি। মসিদা ইন্তরনেসনেল সোলার এলাইন্স অমসুং দিজাস্তার রিসিলেন্ত ইনফ্রাস্ত্রকচরগী লুপ অমা য়াওরি।
হৌজিক মতমগী শক্তম অসিদা মালেমগী লৈবাকশিংগী লুপশিং অওনবা পুরক্নবা অমসুং মপাঙ্গল কনখৎহন্নবা ভারতনা কন্না লাউরি। মালেমগী তম্বা ঙমদবা ফিবমশিং অসিদা, য়াংনা চাউখৎলক্লিবা, গনতন্ত্র চৎপা অমসুং মপাঙ্গল কনবা ভারতনা তংদু লৈতাবা, নুংঙাই-য়াইফবা অমসুং শান্তিগী মৈরা ওইবা ওইবা য়াগনি।
২১শুবা চহিচা অসি এসিয়াগী চহিচানি হায়রি। এসিয়া অমসুং মালেমদা অওনবা পুরক্নবা মতেং পাংনবা ভারতনা শেম শারি।
ভারতকী এক্ত ইস্ত পোলিসীদা অসিয়ানগী মরুওইবা অসি করিনো?
অসিয়ান অসি ঐখোয়গী এক্ত ইস্ত পোলিসীগী ময়াইনি। মসিনা মতেং পাংনবগী থবক পাংথোকপতা নত্তনা চহি ১৬ হেন্না অরেপ্পা লৈতনা সমিৎ থাক্কী ৱারী শানবা কয়া পাংথোক্তুনা লাক্লি।
মসি অসিয়ান লমদম অসি ভারত মহাসাগরগী লমদমগী থোঙ্গাল অমা ওইবগী নত্তে, ঐখোয়গা সিবিলাইজেসনগী য়াম্না নকপা খক্কী নত্তে। মসি ঙসিগী মালেমদা অসিয়ান অসি শেন-থুম অমসুং রাজনিতিদা খ্বাইদগী কনবা অমা ওইবদগীনি। ইন্দো-পেসিফিক লমদমদা অসিয়াননা অচৌবা থৌদাং লৌবা ভারতনা পাম্মি। মসি ভারতকী য়াইফনবা অমসুং ঙাকশেনগী থবকশিংগীনি।
লমদম অসিগী সেক্যুরিতীগী ফিবমদা ভারতনা করি থৌদাং লৌবা পাম্মি?
ইন্দো-পেসিফিক লমদমদা ভারতনা লৈবাক অসিগী পান্দম লৈজৈ। সমুদ্রগী শরুক্ত অমগা অমগা শম্নবা অসি ভারতনা শকখঙই। মসিগী মতাংদা ঐখোয়গী ৱাখল্লোন অসি মমাং চহিদা শিঙ্গাপুরদা পাংথোকখিবা সঙগ্রি-লা দাইলোগতা ঐনা ময়েক শেংনা থমখ্রে। মালেমগী আইনদা য়ুম্ফম ওইদুনা ইন্দো-পেসিফিক লমদমগী সেক্যুরিতী অসি মনিংতম্বা, অরোনবা লৈতবা, অপুনবা অমসুং নিয়মদা য়ুমফম ওইবদা ঐখোয়না থাজবা থমলি। সমুদ্রগী আইনগী মতাংদা য়ু এন কনভেন্সনগী ৱাফম য়াওনা মালেমগী আইনশিংগী মখাদা মনিংতম্না জহাজ হোনবা অমসুং ফ্লাইত পাইবগী ফিবম অমা লৈহনবা দরকার ওই।
ঐনা ২০১৫দা সাগরগী ৱাখল্লোন অসি হৌদোকখি। মসিগী ৱাহন্থোক্তি সেক্যুরিতী এন্দ গ্রোথ ফোর ওল ইন দি রিজন হায়বনি। সাগর অসি হিন্দীনি, মসি সমুদ্র হায়বনি। মান্নবা সেক্যুরিতীগী শিংনবশিং থেংন্নবা হৌজিক লৈরিবা ঙাক্লৌশিং অমসুং থবকশিংগী মখাদা মান্নবা মীৎয়েংদা লমদম অসিগী ওইবা সেক্যুরিতীগী ফিবম অমা শেমগৎনবা ভারতনা থবক পায়খৎকনি।
ইন্দো-পেসিফিক্তদা লৈরিবা ভারতকী মীৎয়েং অসিগা ইন্দো-পেসিফিক্ত লৈরিবা অসি অসিয়ানগী মীৎয়েং অসিগা কমদৌনা পুনশিনবা য়াগনি?
ইন্দো-পেসিফিক লমদমগী অসিয়ানগী মশাগী লৈজরিবা মীৎয়েং অসিদা ঐখোয়না শরুক য়ারি। অসিয়ানগী অপুনবা অমসুং ময়াইদা লৈবা অসি ইন্দো-পেসিফিক্কী পান্দম অমা শেমগৎনবগী মরুওইবা মচাক অমা ওইহনগদবনি। লমদম অসিগী মরুওইবা ৱাফমশিং খন্ননবগী মফম অসি ইস্ত এসিয়া সমিৎনা ওইরি।
চাউখৎপা অমসুং শান্তি লৈবা ইন্দো-পেসিফিক লমদম অমা শেমগৎনবা ঐখোয়গী অমসুং অসিয়ানগী মীৎয়েং অসি সমুদ্রগী ঙাকশেনবা, লম্বী-থোং, শেন-থুমগী ফিবম ফগৎহনবা অমসুং তুংকোইনা চৎনগদবা চাউখৎ-থৌরাংনা ওইগদবনি।
রিজনেল পৱার কয়া চাংম্নরিবা মেকোং লমদম চাউখৎহন্নবগী মতাংদা নহাক্কী করি মত লৈবগে?
লমদম অসিগী লৈবাকশিংগা ভারতকা মতম কয়াগী মমাংদগী ললোন-ইতিক, কলচর অমসুং সিবিলাইজেসনগী মরি লৈনরক্লি। ঙসিগী মালেম অসিদা হায়রিবা মরিশিং অসি নৌথোকহল্লে অমসুং অনৌবা মরি কয়া শেম্লে। অসিগুম্বা খোঙথাং অসিগী শরুক অমা ওইনা চহি ১৯গী মমাংদা মেকোং-গঙ্গা প্রোজেক হৌদোকখি। হন্দক ভারতনা থাইলেন্দনা লুচিংবা অয়েয়াৱাদী-চাও ফ্রায়া-মেকোং ইকোনোমীক কোওপরেসন স্ত্রাতেজী (একমেকস)তা য়াওরে। মসিনা মেকোং লৈবাকশিংগী অপুনবা অমা শেমগৎকনি অমসুং মতেং পীনবগী থবকশিং অনি থোকপা কনবা ঙমগনি।
ভারতকী ওইনা অসিয়ান-ইন্দিয়া দাইলোগ, মেকোং-গঙ্গা কোওপরেসন অমসুং বিমসতেক্কী মখাতা ঐখোয়না মেকোং লৈবাকশিংগা থবক তৌমিন্নরি।
এক্ত ইস্ত পোলিসীদা কমদৌনা বিমসতক চন্নবা য়াগনি?
বে ওফ বেঙ্গল ইন্নিসিয়েতিপ ফোর মল্তি-সেক্তোরেল তেক্নিকেল এন্দ ইকোনোমীক কোওপরেসন(বিমসতেক)কী মরুওইবদা ভারতনা থাজরি। মসিনা খা এসিয়া অমসুং খা-নোংপোক এসিয়াগী লৈবাক মঙা (বঙ্গলাদেশ, ভুতান, ভারত, নেপাল অমসুং শ্রী লংকা) অমসুং খা-নোংপোক এসিয়া (ম্যন্মার অমসুং থাইলেন্দ) শম্নহল্লি।
কাতমন্দুদা পাংথোকখিবা ৪শুবা বিমসতেক মীফমদা বিমসতেক চারতর শেম্বা অমসুং বিমসতেক দিবলপমেন্ত ফন্দ অমা শেম্না ৱাফম লাউথোকখি। সেক্যুরিতী, দিজাসতর মেনেজমেন্ত, ইকোনোমী, ললোন-ইতিক, লৌউ-শিংউ, হকশেল, দিজিতেলগী লমদা মতেং পীন্নবা থৌরাং কয়া লাউথোকখি। ঐখোয়গী এক্ত ইস্ত পোলিসীদা বিমসতেক অসি মরুওইবা শরুক অমনি হায়না ঐনা থাজৈ।
চহি অসিগী মেদা ঐখোয়গী অনৌবা সরকারনা মসিগী অনিশুবা তার্মগী ৱাশক লৌবা থৌরমদা বিমসতেক্কী লুচিংবশিং শরুক য়াখিবা অদু ময়াম্না নিংশিংবীগনি। বিমসতেক্কী মরক্ত মতেং পাংনবা হেনগৎহন্নবা থাইলেন্দনা মতেং পাংবগীদমক ঐনা থাগৎলি।
ভারতনা আর সি ই পি য়াওনিংদবা উরে। চহি অসিদা আর সি ই পিগী ৱারী শানবা লোইশিনগনি হায়না অদোম্না খনবরা অমসুং মদুগী পান্দম ফংনবা করি তৌগনি?
ঙসি ভারত অসি মালেমদা ললোন-ইতিক চৎথনবগী হাংদোক্লিবা মফমশিংগী মনুংদা অমা ওইরি। হৌখিবা চহি ৪-৫দা লৈবাক অসিনা ৱাল্দ বেঙ্কগী ইজ ওফ দুইং বিজিনেস রেঙ্কিংদা রেঙ্ক ১৪২দগী রেঙ্ক ৬৩দা হাইগৎলকপা অসিনা উৎলে। শেন-থুমগী থবকশিং পুনশিনবা অমসুং লায়রবশিংগী ফিবম ফগৎহনবদা ঐখোয়না থাজবা থমলি।
হৌজিক চৎথরিবা আর সি ই পিগী ৱারী শানবা অসিদা থোং মান্নবা ফল অমা ফংগনি হায়না ভারতনা থাজবা থম্লি। মখোয়না মাইপাকপা হায়বসি খুংদিমক্কী মাইপাকপনি। মরম অদুনা ভারতনা পোৎ-চৈ, থবকশিং অমসুং শেন থাদবগী মতাংদা মরম চানা থবক পাংথোকপা পাম্মি।
নাকল খুদিংমক ওইজবা ফংবা অদু ঐখোয়শু পাম্মি। পাকচাউরবা ভারতকী কৈথেল অসিগী শরুক খর ঐখোয়গী ললোন-ইতিক্কী থবকশিংসু কান্নবা ফংনবা হাংদোকপগী তঙাইফদবা অদু ঐখোয়না খঙই।
মরম চানা অমসুং পুকচেল শেংনবা খন্নগনি হায়না ঐখোয়না থাজবা থম্লি। ভারতকী য়াইফনবা অমসুং ৱারী শানবদা য়াওরিবা লৈবাকশিংগী য়াইফনবা নাকল খুদিংমক খুদোংচাবা ফংবা আর সি ই পি অমা লৈহনবা ঐখোয়না পাম্মি।
