ভারতকী প্রধানমন্ত্রী

খুরুমজরি।

লৈবাক অসিগী তোঙান-তোঙানবা মফমশিংদগী মন্ত্রী-মন্দলদা লৈরিবা ঐগী মরুপশিং…এম.পি.শিং…এম.এল.এ.শিং, লৈবাক অসিগী নহা ওইরিবা মরুপশিং, নুপী অমদি নুপাশিং!

ঙসি অসি ধান্তেরাসকী অশেংবা কুম্মৈনি। ধান্তেরাসকী থৌরম অসিদা লৈবাক মীয়াম পুম্নমকপু থম্মোয় শেংনা নুংঙাইবা ফোংদোকচরি। নুমিৎ নিনিগী মতুংদা, ঐখোয়না দীপাবলীগী কুহ্মৈসু পাংথোক্কনি। অমসুং চহি অসিগী দীপাবলী অসি য়াম্না অখন্নবা, য়াম্না অখন্নবা অমনি। চহি খুদিংগী দীপাবলী লাকই হায়না অদোম্না খল্লমগনি, মসিগী মতমসিদা করি অখন্নবা লৈবগে, ঐহাক্না অদোমদা করি অখন্নবা লৈবগে হায়বদু তাকপীগনি। চহি 500গী মতুংদা, অয়োধ্যাদা ভগবান শ্রী রাম মহাক্কী চাউরবা লাইশঙদা লৈরি। অদুগা মসিনা অচৌবা লাইশঙঅসিদা লেংশিল্লবা মতুংগী অহানবা দিপাবলী ওইরি অমসুং দিপাবলী অসি ঙাইরক্তুনা লাকপা মীরোল কয়া হৌখ্রে, মীওই লাখ কয়ানা কত্থোকখি, অৱা-অনা কয়া মায়োক্নখি। অসিগুম্বা অখন্নবা, অখন্নবা, চাউরবা দিৱালী অমা ঐখোয়না উবা ফংজবা অসি ঐখোয় পুম্নমক্কী য়াম্না নুংঙাইবা অমনি। কুহ্মৈগী মতম অসিদা… ঙসিগী নুমিৎ অসিদা… নহারোল 51,000দা রোজগার মেলাদা সরকারগী থবকশিংগীদমক এপ্পোইন্তমেন্ত লেতরশিং পীরি। ঐনা পুম্নমকপু নুংঙাইবা ফোংদোকচরি, পুম্নমকপু য়াইফ-পাউজেল পীজরি।

মরুপশিং,

ভারত সরকারদা লৈবাক অসিগী নহারোল লাখ কয়াদা মতম চুপ্পগী ওইবা সরকারগী থবক পীনবগী থৌওং মখা তানা চত্থরি। BJP অমসুং NDAনা লুচিংবা রাজ্যশিংদসু নহারোল লাখ কয়াদা এপ্পোইন্তমেন্ত লেতরশিং পীখ্রে। অদুগা হৌজিক্তি হরিয়ানাদা, অনৌবা সরকার শেম্লবা মতুংদা, নহা লিশিং 26না থবক ফংখ্রে। অমসুং হরিয়ানাগা লোয়নরিবা অদোম্না খঙগনি মদুদি হরিয়ানাদা ঙসিদি কুহ্মৈগী ফিভম লৈরে, নহাশিংনা নুংঙাইনা লৈরি। অদুগা অদোম্না খঙই মদুদি হরিয়ানাদা ঐখোয়গী সরকারগী মশক অসি অখন্নবা অমনি। মফম অদুদা লৈঙাক্কী মশক অদুদি থবক পীবনি অদুবু শেল অমত্তা চংদনা, স্লিপ অমত্তা পীদনা। ঙসি, ঐহাক্না হরিয়ানা সরকারদা এপ্পোইন্তমেন্ত লেতর ফংলবা নহা 26,000বুসু অখন্নবা মওংদা থাগৎপা ফোংদোকচরি। হরিয়ানাদা 26,000 অমসুং ঙসি প্রোগ্রাম অসিদা 51,000নি।

মরুপশিং,

লৈবাক অসিগী নহারোলশিংনা খ্বাইদগী হেন্না থবক ফংহনগদবনি হায়বসি ঐখোয়গী অচেৎপা ফিরেপনি। সরকারগী পোলিসীশিং অমসুং ৱারেপশিং অসিনা থবক ফংহনবদা হকথেংননা ইথিল পী। ঙসিদি এক্সপ্রেসৱে, হাইৱে, লম্বী, রেলৱে, পোর্ত, এয়রপোর্ত, ফাইবর লাইনশিং তিংবা, লৈবাক অসিগী মফম খুদিংমক্তা মোবাইল তাৱরশিং য়ুংবা অমসুং লৈবাক অসিগী মফম খুদিংমক্তা অনৌবা ইন্দস্ত্রীশিং পাকথোক চাউথোকহন্নবা থবক পায়খৎলি। অনৌবা ইন্দস্ত্রিএল সিতিশিং শাগৎলি… ঈশিং পাইপলাইনশিং, গ্যাস পাইপলাইনশিং শেমগৎলি। স্কুল, কোলেজ, য়ুনিভর্সিতী মশিং য়াম্না হাংদোক্লি। সরকারনা ইনফ্রাস্ত্রকচরদা শেল থাদদুনা লোজিস্তিক্সকী মমল হন্থহন্নবা হোৎনরি। হায়রিবা থবকশিং অসিনা লৈবাক অসিগী মীয়ামদা খুদোংচাবশিং ফংহনবতা নত্তনা, থবক ফংহন্নবগী অনৌবা খুদোংচাবসু লাখ কয়া শেমগৎলি।

মরুপশিং,

ঙরাং খক্তদা ঐহাক ভদোদরাদা লৈরম্মি। মফম অদুদা ঐহাক্না দিফেন্স সেক্তরগীদমক এয়রক্রাফ পুথোক্লিবা ফেক্তরী অমা শঙ্গাবগী খুদোংচাবা ফংখি। ফেক্তরী অসিনা মীওই লিশিং কয়া অমা হকথেংননা থবক পীগনি। অদুম ওইনমক, পীগদবা থবকশিংগী মশিং অসি এয়রক্রাফকী মথৌ তাবা স্পিয়র পার্তশিংগী মশিংদগী হেন্না য়ামগনি। স্পিয়র পার্তশিং অদু শেম্নবগীদমক অপীকপা ফেক্তরি কয়াগী নেৎৱার্ক অমা শেম্লগনি। হায়রিবা অসি অপীকপা ফেক্তরী কয়ানা পুথোক্কনি অমসুং সপ্লাই তৌগনি। লৈবাক অসিগী মফম খুদিংমক্তা লৈরিবা ঐখোয়গী MSMEশিংনা পার্তশিং অসি শাগনি, অনৌবা MSMEশিং থোরক্লগনি। এয়রক্রাফ অমদা অপীকপা অমসুং অচৌবা পার্ত লিশিং 15দগী 25 ফাওবা য়াওরি। মসিনা তাকপদি লৈবাক শিনবা থুংনা অপীকপা অমসুং অচৌবা ফেক্তরী লিশিং কয়া অমা ফেক্তরী খুদিংমক্কী দিমান্দ ফংহন্নবা থবক পায়খৎকনি। মসিনা ঐখোয়গী MSME ইন্দস্ত্রীদা কয়া কান্নবা ফংলগনি অমসুং মখোয়দা থবক ফংহন্নবগী খুদোংচাবা কয়া শেম্লগনি হায়বসি অদোম্না খনবীয়ু।

মরুপশিং,

ঙসি ঐখোয়না স্কিম অমা হৌদোকপা মতমদা… ঐখোয়না মীৎয়েং অসি মীয়ামদা কান্নবা পীবদা নত্তে, ঐখোয়না হেন্না চাউনা খল্লি। মদুগী মহুত্তা, ঐখোয়না মদুগী খুত্থাংদা থবক ফংহন্নবগী মপুং ফাবা ইকোসিস্তেম অমা শেমগৎলি। পি.এম. সুর্য়গর মুফ ইলেক্ত্রিসিতী স্কিমগুম্বা। হৌজিক্তি মসিগুম্বসি মীয়ামদা লেম্না ইলেক্ত্রিসিতী ফংহন্নবা থৌরাংনি। অদুম ওইনমক করিগুম্বা নহাক্না মসিগী অকুপ্পা মরোলশিং অদু য়েংলবদি করি উগনি? হৌখিবা থা তরুক অসিদা, চাউরাক্না মীওই করোর 1.25, করোর 1.5, কস্তমরশিংনা স্কিম অসিগীদমক্তা রেজিস্তর তৌখ্রে। স্কিম অসিদা ভেন্দর লিশিং 9 হেন্না য়াওখ্রে, মখোয়না ফিতিং তৌবগী থবক অসি পাংথোক্কনি। য়ুম লাখ 5 হেনবদা সোলর পেনেলশিং ইনস্তোল তৌখ্রে। লাক্কদৌরিবা নুমিৎশিংদা, স্কিম অসিগী মখাদা মোদেল অমা ওইনা, লৈবাক অসিগী তোঙান তোঙানবা মফমশিংদা সোলর ভিলেজ 800 শানবা থৌরাং লৈরি। হৌজিক ফাওবদা মীওই লিশিং 30না য়ুমগী মথক্তা সোলর ইনস্তোলেসন তৌবগী ত্রেনিং ফংখ্রে। হায়বদি, স্কিম অসিনা মেনুফেকচররশিং, ভেন্দরশিং, এসেম্বলরশিং অমসুং রিপিয়র তৌবশিংগীদমক অনৌবা থবক ফংবগী খুদোংচাবা লাখ কয়া শেমগৎলে। পি.এম. সুর্য়গর মুফ ইলেক্ত্রিসিতী স্কিম্না লৈবাক অসিদা অনৌবা থবক ফংবগী খুদোংচাবা লাখ কয়া শেমগৎলগনি।

মরুপশিং,

ঐহাক্না অদোমদা অতোপ্পা খুদম অমা পীজগে, অমসুং ঙসি ঐহাক্না অদোমদা অপীকপা খুঙ্গংশিংগা মরী লৈনবা খুদমশিং পীজরি। হৌজিক ঐখোয়গী লৈবাক অসিদা নীংতম্বা ফংলবা মতমদগী হৌনা খাদিগী মতাংদা খন্ন-নৈনরক্লি। অদুবু ঙসিদি খাদি ভিলেজ ইন্দস্ত্রীনা করি তৌরিবগে হায়বদুদি অঙকপনি। হৌখিবা চহি 10 অসিদা, ঐখোয়গী সরকারগী পোলিসীশিংনা খাদি ভিলেজ ইন্দস্ত্রীগী মপুংফাবা ফিভম অদু হোংহনখ্রে, অমসুং মসি ফিভম অদু খক্তা নত্তে, মসিনা খুঙ্গংদা মসিগী থবক অসিগা মরী লৈনবা মীওইশিংগী মরাইবকসু হোংহনখ্রে। ঙসিদি খাদি ভিলেজ ইন্দস্ত্রীনা চহি অমদা লুপা করোর লাখ অমা মখায়রোমগী ললোন-ইতিক তৌরি। ঐখোয়না মসি চহি 10গী মমাংগী ফিভমগা চাংদম্নরবদি, হৌজিক দোক্তর. জিতেন্দ্র সিংহজীনা মমাংঙৈগী অমসুং অনৌবা সরকারগী থবকশিংগী স্তেতিস্তিক্স পীখিবা অদুগুম্না মখোয় অসি কয়া য়াম্না শিংথানিংঙাই ওইবগে হায়বদু অদোম্না উবা ফংগনি। ঐহাক্না অদোমদা অতোপ্পা ৱাফম অমা হায়জরি, করিগুম্বা ঐখোয়না খাদিগী মতাংদা UPA অমসুং NDA সরকারগা চাংদম্নরবদি, ঙসিদি খাদি য়োনবা UPA. সরকারদগী চাদা 400 হেনগৎলে। বিজিনেস অসি চাউখৎলকপা মতমদা, মসিগা মরী লৈনবা আর্তিসানশিং, ৱিভরশিং, ত্রেদরশিংনসু অচৌবা কান্নবা ফংলি। হীরম অসিদা অনৌবা মীওইশিংনা খুদোংচাবা ফংলি, থবক কয়া অমা শেমগৎলি। অসিগুম্না, ঐখোয়গী লাখপতি দিদি য়োজনা অসিনা খুঙ্গংগী নুপীশিংদা থবক পীবগী অমসুং মশাগী থবক পীবগী অনৌবা পাম্বৈশিং ফংহল্লে। হৌখিবা দিকেদ অমদা, নুপী করোর 10না সেল্ফ হেল্প গ্রুপশিংদা য়াওখি, অমসুং সেল্ফ হেল্প গ্রুপশিংনা শেন্মিৎলোনগী থবকশিং পাংথোকই, করিগুম্বা থবক অমা তৌদুনা শেল তানৈ, হায়বদি নুপী করোর 10না শেল তানবা হৌরে, মখোয়গী য়ুমদা শেল তানরে, থবক পীবগী খুত্থাংদা, মখোয়না কন্না হোৎনদুনা শেল তানরি। মীওই করোর 10 অমসুং নুপী খক্তগী মশীং অসি মীওই খরানা উবা ফংদে। অমসুং সরকারনা মখোয়বু মপুং ফানা মতেং পাংলি, রিসোর্সশিংদা মতেং পাংলি, শেল পীবদা মতেং পাংলি। নুপীশিং অসিনা থবক খরদগী শেল তানরি, শেল তানরি। ঐখোয়গী সরকারনা নুপী করোর অহুম লাখপতি দিদি ওইহন্নবা পান্দম থম্লি। মসি শেল-থুমগী শেনফম খক্তা নত্তে, ঐখোয়না শেল-থুমগী শেনফমসু হেনগৎহনবা পাম্মি। হৌজিক ফাওবদা নুপী করোর 1.25 রোম লাখপতি দিদি ওইখ্রে। মসিনা তাক্লিবদি মখোয়গী চহিগী শেন্দোং লুপা লাখ অমা হেনখ্রে অমসুং মখোয়না চহি খুদিংগী শেন্দোং ফংলি।

মরুপশিং,

ঙসিদি ভারত মালেমগী খ্বাইদগী চাউবা ইকনোমীগী অহুমশুবা মফমদা ওইবগী মায়কৈদা মাংলোমদা চংশিল্লি। লৈবাক অসিনা চাউখৎলক্লিবা অসি য়েংলগা, লৈবাক অসিগী নহারোলশিংনসু ৱাহং অসি হংলি, অমদি মহৌশানা মখোয়গী ৱাখলদা ৱাহং অসি লৈরি মদুদি ঙসি ওইরিবা খোঙজেল অসি, পাকথোক চাউথোকপগী খোঙজেল অসি করিগীদমক মমাংদা লৌখৎখিদবনো? মসিগী পাউখুমদি – মমাংগী সরকারশিংদা পোলিসী অমসুং ৱাখল্লোন অনিমক লৈখিদে।

মরুপশিং,

অদোম্না নীংশিংলিবরা… মমাংদা ভারতনা সেক্তর কয়াদা শোত্থরম্মি… মরু ওইনা তেক্নোলোজীগী লমদা… মালেমদা অনৌবা তেক্নোলোজীশিং লাকপা হৌরম্মি, অদুবু ভারত্তা ঐখোয়না মখোয়শিং অদুগীদমক ঙাইদুনা লৈরম্মি, মদু মালেমদা লাক্লবা মতুংদা করম্বা মতমদা ঐখোয়দা লাক্কনি হায়না খল্লম্মি। নোংচুপলোমগী লৈবাকশিংদা মতম চুনদ্রবা অমসুং কান্নদ্রবা তেক্নোলোজী অসি ‌ঐখোয়দা য়ৌরকখি। মোদর্ন তেক্নোলোজী অসি ঐখোয়গী লৈবাক অসিদা শেমগৎপা ঙম্লোই হায়বা ৱাখল্লোন অমা শেমগৎলকখি। অসিগুম্বা ৱাখল্লোন অসিনা কয়া য়াম্না মাংহনবগে। ভারতনা মোদর্ন দিবেলপমেন্তকী খোঙজেল মাংলোমদা চংশিনবতা নত্তনা, থবক পীবগী খ্বাইদগী মরুওইবা সোর্সশিংসু ঐখোয়দগী মাংখি। মোদর্ন ৱর্ল্দদা থবক পীরিবা ইন্দস্ত্রীশিং অসি লৈত্রবদি, ঐখোয়না থবক কদাইদগী ফংগনি? মরম অদুনা, ঐখোয়না লৈবাক অসিবু মমাংগী সরকারশিংগী ৱাখল্লোনদগী লৌথোক্নবা থবক পায়খৎপা হৌরে। স্পেস সেক্তরদগী সেমিকন্দক্তর ফাওবা, ইলেক্ত্রোনিক্সতগী ইলেক্ত্রিক ভেহিকল ফাওবা… ঐখোয়না অনৌবা তেক্নোলোজী খুদিংমক্তা মেক ইন ইন্দিয়াবু মাংলোমদা চংশিনখি। ঐখোয়না মশা-মরোমদোম লেপচবা ভারতকীদমক থবক তৌরি। লৈবাক অসিদা অনৌবা তেক্নোলোজী অমসুং অনৌবা ফোরেন দাইরেক্ত ইনবেস্তমেন্ত পুরক্নবা ঐখোয়না PLI স্কিম হৌদোক্লে। মেক ইন ইন্দিয়া কেম্পেন অমসুং PLI স্কিমনা থবক ফংহন্নবা থবক কয়া অমা হেনগৎহনখ্রে। ঙসি সেক্তর খুদিংমক্তা ইন্দস্ত্রীশিং চাউখৎলক্লি। মসিনা লম কয়াদা নহারোলশিংগীদমক অনৌবা খুদোংচাবা কয়া ফংহল্লি। ঙসি লৈবাক অসিদা অচৌবা ইনভেস্তমেন্তশিং তৌরি, অমসুং রেকোর্দ ওইবা খুদোংচাবশিং শেমগৎলি। হৌখিবা চহি 8 অসিদা স্তার্ত অপ লাখ 1.5 হেন্না হৌদোকখ্রে। ঙসিদি ভারত অসি মালেমগী খ্বাইদগী চাউবা স্তার্তঅপ ইকোসিস্তেমগী অহুমশুবা মফমদা লৈরে। সেক্তর পুম্নমক্তা, ঐখোয়গী নহারোলশিংনা মাংলোমদা চংশিনবগী খুদোংচাবা ফংলি, মখোয়না থবক ফংলি।

মরুপশিং,

ভারতকী নহারোলশিংগী তৌবা ঙম্বা হেনগৎহন্নবা, মখোয়গী স্কিল দিবেলপমেন্ততা সরকারনা অকনবা মীৎয়েং থম্লি। মরম অদুনা, ঐখোয়না স্কিল ইন্দিয়াগুম্বা মিসন অমা হৌদোক্লে। ঙসিদি নহারোল কয়া অমা স্কিল দিবেলপমেন্ত সেন্তরশিংদা ত্রেনিং পীরি। ঐখোয়গী নহারোলশিংনা এক্সপরিয়েন্স অমসুং খুদোংচাবা ফংনবগীদমক্তা চত্থোক চৎশিন তৌরোইদবনি… মসিগীসু ঐখোয়না থৌরাং তৌখ্রে। প্রধান মন্ত্রী ইন্তর্নশিপ স্কিমগী মখাদা ভারতকী মকোক থোংবা কম্পনী 500দা পেদ ইন্তর্নশিপকী প্রোভিজন লৈরে। ইন্তর্নর খুদিংমক্তা চহি অমগী ওইনা থাদা লুপা লিশিং 5 পীগনি। ঐখোয়গী পান্দমদি লাক্কদৌরিবা চহি মঙা অসিদা নহারোল করোর অমা ইন্তর্নশিপকী খুদোংচাবা ফংহনবনি। মসিনা নহারোলশিংদা তোঙান তোঙানবা সেক্তরশিংদা অশেংবা পুন্সিগী ললোন-ইতিক্কী ফিভমগা মরী লৈনবা খুদোংচাবা ফংহল্লগনি। মখোয়গী এক্সপরিয়েন্স অসিনা মখোয়গী কেরিয়রদা কান্নবা পীরগনি।

মরুপশিং,

ভারত সরকারনা ভারতকী নহারোলশিংদা মপাল লৈবাক্তা থবক ফংহনবদা মতেং পাংনবা অনৌবা খুদোংচাবশিং শেমগৎলি। ইকুই কুইদ্রিঙৈদা, জর্মনীনা, অদোম্না ন্যুজ পেপরদা ইখিবা ওইরমগনি, ভারতকীদমক স্কিল্দ ৱার্কফোর্স স্ত্রেতেজী পুথোকখ্রে। জর্মনীনা চহি খুদিংগী হৈ-শিংলবা ভারতকী নহারোল লিশিং 20দা ভিজা পীরম্মি। মখোয়না চহি খুদিংগী অসিগুম্বা নহারোলশিংদা ভিজা লিশিং 90 পীনবা ৱারেপ লৌরে। মসিনা তাকপদি মীওই লিশিং 90না থবক ফংনবগীদমক মফম অদুদা চৎপগী খুদোংচাবা ফংলগনি। অমসুং ঐখোয়গী নহারোলশিংনা মসিদগী কান্নবা কয়া অমা ফংগনি। হৌখিবা চহিশিংদা ভারতনা লৈবাক 21গা লোয়ননা মাইগ্রেসন অমসুং থবক পীবগী মতাংদা য়ানা ৱারোলশিং সাইন তৌনখ্রে। মসিগী মনুংদা গল্ফকী লৈবাকশিং অমসুং শেল-থুমগী ফিবম ফগৎলক্লিবা লৈবাকশিং হায়বদি জাপান, ওস্ত্রেলিয়া, ফ্রান্স, জর্মনী, মোরিসিয়স, ইজরেল, UK অমসুং ইতালি য়াওরি। চহি খুদিংগী ভারত মচা লিশিং অহুম্না UKদা থবক তৌনবা অমসুং মহৈ তম্নবগীদমক চহি অনিগী ভিজা ফংগনি। চহি খুদিংগী ঐখোয়গী মহৈরোই লিশিং অহুম্না ওস্ত্রেলিয়াদা মহৈ তম্বগী খুদোংচাবা ফংগনি। ভারতকী তেলেন্তনা ভারতকী খোঙজেল খক্তদা নত্তনা মালেমগী খোঙজেলদসু শরুক য়াবা হেনগৎলক্লি অমসুং ঐখোয়না মসিগী মাইকৈ অসিদা মাংলোমদা চংশিল্লি।

মরুপশিং,

ঙসিদি, সরকারগী থৌদাংদি নহারোল খুদিংমক্না খুদোংচাবা ফংহনগদবা অমসুং মখোয়গী অপাম্বশিং মপুং ফাহনবা ঙম্বা মোদর্ন সিস্তেম অমা শেমগৎপনি। মরম অদুনা, অদোম্না করি থাক্তা লৈবগে, নহাশিং অমসুং নাগরিকশিংদা খ্বাইদগী হেন্না খুদোংচাবা পীনবা অদোমগী পান্দম ওইগদবনি।

মরুপশিং,

লৈবাক অসিগী তেক্সপেয়রশিং অমসুং নাগরিকশিংনা অদোম সরকারগী থবক অমা ফংহনবদা মরু ওইবা থৌদাং অমা লৌখি। ঐখোয়না মফম অসিদা লৈরিবা অসি ঐখোয়গী নাগরিকশিংগীদমক্তনি, ঐখোয়না ওইরিবা অসি লৈবাক অসিগী নাগরিকশিংগীদমক্তনি, মখোয়না মরম ওইদুনা ঐখোয়না খুদোংচাবশিং ফংলি। অমসুং ঐখোয়না মসিগী এপ্পোইন্তমেন্ত অসি নাগরিকশিংগী সেবা তৌনবা খক্তদা ফংলে। শেল চংদবা, শেল থাদবা য়াদবা থবকশিংগী অনৌবা চৎনবী অসিদা, ঐখোয়না নাগরিকশিংদা মতেং পাংদুনা, মখোয়গী পুন্সিদা লৈরিবা প্রোব্লেমশিং হন্থহন্দুনা মসিগী থৌদাং অসিসু শোয়দনা লৌগদবনি। অমসুং ঐখোয়না পোস্ত অমা হেক্তা পায়রবসু, ঐখোয়গী থৌদাং অসি অমা হেক্তা ওইরবসু, পোস্তমেন নত্ত্রগা প্রোফেসরগী পোস্ত ওইরবসু, ঐখোয়গী থবক অসি লৈবাক মীয়ামগী সেবা তৌবনি, খ্বাইদগী লায়রবশিং, দলিতশিং, অৱাবা তারবশিং, ত্রাইবেলশিং, নুপীশিংগী সেবা তৌবনি। নহাশিং, ঐখোয়না কনাগুম্বা অমগী সেবা তৌবগী খুদোংচাবা ফংলবসু, ঐখোয়না মসি ঐখোয়গী খুদোংচাবা অমনি হায়না লৌগদবনি অমসুং লৈবাক মীয়ামগী সেবা তৌগদবনি। লৈবাক অসিনা ভারতপু চাউখৎহন্নবা ৱারেপ লৌরকপা মতম অসিদা ভারত সরকারদা থবক অমগীদমক অদোম লাক্লিবনি। পান্দম অসি ফংনবগীদমক, ঐখোয়না সেক্তর খুদিংমক্তা হেন্না ফবা থবকশিং পাংথোক্কদবনি, অমসুং মসি অদোমগুম্বা নহা ওইরিবা ইচিল-ইনাওশিং য়াওদনা ওইথোক্লোই। মরম অদুনা, অদোম্না অফবা থবক তৌবতা নত্তনা অদোম্না খ্বাইদগী ফবা থবক তৌগদবনি। ঐখোয়গী লৈবাক অসিদা লৈরিবা সরকারগী থবক তৌরিবশিং অসি মালেম পুম্বদা খুদম অমা ওইনা খন্ন-নৈনগদবা মওংদা ওইগদবনি। লৈবাক অসিনা ঐখোয়দগী আশা তৌবসি মহৌশানি, অমসুং ঙসিদি এস্পিরেস্নেল ইন্দিয়াগী ফিভম অমা লৈরি, আশা অসি খরা ৱাংখৎলে। অদুবু হায়রিবা আশাশিং অসি ঐখোয়গী থাজবনি, হায়রিবা আশাশিং অসিনা লৈবাক অসিবু মাংলোমদা চংশিনবগী ইনর্জী পীরি। অদুদগী লৈবাক মীয়ামগী অপাম্বশিং অদু মপুং ফাহনবা অসি ঐখোয়গী থৌদাং ওইরক্লি।

মরুপশিং,

মসিগী এপ্পোইন্তমেন্ত অসিগা লোয়ননা, অদোম্না অদোমগী লন্নাইগী পুন্সিদা অনৌবা খোঙচৎ অমা হৌরগনি। ঐনা অদোমবু মতম পুম্নমক্তা চম্না লৈনবা হায়জরি, ঐখোয়না মীচম প্রজাশিংনি, ঐখোয়না নিংথৌশিং নত্তে… অদোমগী খোঙচৎ অসিদা, করিগুম্বা অনৌবা অমা তম্বগী অদোমগী মহৌশা অসি থাদোক্লোইদবনি, অদোম্না লেপ্পা লৈতনা অনৌবা কয়া তম্নবা হোৎনগদবনি। অমসুং সরকারগী এমপ্লোয়ীশিংগীদমক, ভারত সরকারনা iGOT কর্মায়োগী প্লেৎফোর্মদা তোঙান তোঙানবা মখলগী কোর্সশিং পীরি। অদোম্না ওনলাইনদা প্লেৎফোর্ম অদুদা শরুক য়াবা অমসুং মতম লৈবা মতমদা দিজিতেল ত্রেনিং মোদ্যুলশিং অদুগী কান্নবা লৌবা য়াগনি। অদোম্না হীরম অমহেক্তদা পুক্নিং চঙলবসু, অদোম্না য়ারিবমখৈ কোর্স কয়া অমা লোইশিনগদবনি। অমসুং ঐহাক্না থাজবা থম্লি, মরুপশিং, অদোম্না হোৎনরিবশিং অসিনা 2047 ফাওবদা লৈবাক অসি চাউখৎলবা ভারত অমা ওইহনগনি। ঙসি নহাক অসি চহি 20-22-25 শুরগনি, নহাক অসি নহাক্কী থবক অদুগী খ্বাইদগী ফবা ফীভমদা লৈগনি, মদুগী মতুংদা লৈবাক অসিনা চাউখৎলবা ভারত অমা ওইগনি, নহাক্না চাউথোক্না হায়গনি মদুদি ঐহাক্কী চহি 25গী অৱা-অনাগী মহৈনা ঙসি ঐহাক্কী লৈবাক অসি চাউখৎলবা ভারত অমা ওইরে। অদোম্না ফংবা অসি য়াম্না চাউবা শেন্দোং অমনি, য়াম্না চাউবা খুদোংচাবা অমনি। অদোম্না থবক ফংবখক নত্তে, অদোম্না খুদোংচাবা ফংলে। মসিগী খুদোংচাবা অসি শীজিন্নবিয়ু, অদোমগী মঙলানশিং অদু মপাঙ্গলগা লোয়ননা মপুং ফাহনবিয়ু অমসুং পুক্নিং চিংশিন্দুনা হিংননবগী থৌনা লৈবিয়ু। চাউখৎলবা ভারত অমগী ঐখোয়গী মঙলান অসি মপুং ফাহনদ্রিবা ফাওবা ঐখোয়না চপ চানা লেপখিগনি। মীয়ামগী সেবাগী থোংদা ঐখোয়না পীরিবা থৌদাং অসি ঐখোয়না মপুং ফাহনগনি।

ঙসি এপ্পোইনমেন্ত লেতর ফংলবা ইচিল-ইনাও পুম্নমকপু ঐহাক্না অমুক্কা হন্না নুংঙাইবা ফোংদোকচরি। অদোমগী থোইদোক হেন্দোকপা তুংলমচৎকীদমক ঐহাক্না অদোমদা য়াইফ-মঙ্গোল পীজরি। ঙসি অদোমগী ইমুং মনুংদসু অখন্নবা নুংঙাইবা ফীভম অমা লৈগনি। ঐহাক্না অদোমগী ইমুং মনুংগী য়াইফ মঙ্গোল পীজরি। মসি দিৱালীগী কুম্মৈনি, মসি অনৌবা খুদোংচাবা অমসুনি, মরম অদুনা মসি অদোমগীদমক দবল দিৱালী অমনি। নুংঙাইথোকপীয়ু মরুপশিং, য়াইফ-পাউজেল পীজরি।

থাগৎচরি।

*****