ভারতকী প্রধানমন্ত্রী

রাস্ত্রপতিনা পার্লিয়ামেন্ততা থমখিবা ৱারোল থাগৎপগী মোসনগী পাউখুম অদু প্রধান মন্ত্রী, শ্রী নরেন্দ্র মোদীনা ঙসি রাজ্য সভাদা পীখ্রে।

প্রধান মন্ত্রীনা হাউস্তা থমখিবা ৱারোলদা 75শুবা গনতন্ত্র দিবস নুমিৎ অসিদি লৈবাক্কী খোঙচৎ অসিগী মশক থোকপা মায় পাকপা অমনি অমসুং রাস্ত্রপতিনা মহাক্কী ৱারোলদা ভারতনা মশাদা থাজবা থমিবা অসিগী মতাংদা পাউদমখি হায়না ফোংদোকখি। রাস্ত্রপ্তিনা মহাক্কী ৱারোলদা ভারতকী য়াইফরবা তুংগী মতম্বু শকখঙখি অমসুং ভারতকী মীয়ামগী তৌবা ঙম্বগী মতিকপুসু ইকায়খুম্নখি হায়না মহাক্না হায়খি। লৈবাকপু বিকশিৎ ভারতকী ৱারেপ মঙফাওনহন্নবা লমজিং লমতাক্লিবা মসিগুম্বা ইথিল পীবা ৱারোলগীদমক্তা প্রধান মন্ত্রীনা রাস্ত্রপতিবু থাগৎখি। রাস্ত্রপতিগী ৱারোলবু “থাগৎপগী মোসন”গীদমক্তা মায় পাক্না খন্ন-নৈনখিবগীদমক্তা প্রধান মন্ত্রীনা হাউসকী মেম্বরশিংবুসু থাগৎখি। “রাস্ত্রপতিজীগী ৱারোলনা ভারতনা মশাদা থাজবা হেনগৎলক্লিবা, য়াইফরবা তুংগী মতম অমসুং লৈবাক মীয়ামগী চাউরবা মতিক-মপাঙ্গলদা মিৎয়েং চঙখি হায়না প্রধান মন্ত্রীনা মখা তাখি।

প্রধান মন্ত্রীনা ঙসি হাউস্তা লৈখিবা অকোয়বগী ফিভমগী মতাংদা ৱারী শারদুনা অসুম্না হায়খি, “ওপোজিসন্না ঐহাক্কী খোঞ্জেলবু নম্থবা ঙম্লোই, মরমদি, লৈবাক মীয়াম্না খোঞ্জেল অসিগী পাঙ্গল হাপ্পীবনি”। প্রধান মন্ত্রীনা পব্লিক ফাইনান্সতা অয়ুবা লৈরম্বা, ‘ফ্রেজাইল ফাইব’ অমসুং ‘পোলিসী পেরালাইসীস’কী মতাংদা ৱাফম থমখি অমসুং হৌজিক পাল্লিবা সরকারনা লৈবাক অসিবু মমাংগী চয়েৎনবা কয়াদগী পুথোক্লক্নবা ৱাখল য়াম্না খন্থনা থবক তৌখি হায়খি। “কংগ্রেসকী চহি 10গী সরকার মনুংদা, মালেম পুম্বনা ভারতকীদমক্তা ‘ফ্রেজাইল ফাইব’ অমসুং ‘পোলিসী প্রালাইসীস’ হায়বা ৱাহৈ শিজিন্নখি। অদুগা ঐখোয়গী চহি 10গী মতমদা – মালেমগী মকোক থোংবা শেন্মিৎলোন মঙাগী মনুং চনবা। মালেম্না ঐখোয়গী মতাংদা হৌজিক্তি ৱাফম অসি শিজিন্নরি”, মহাক্না মখা তাখি।

মমাংগী সরকারনা উশিন্নদনা লৈরম্বা, মীখা পোনবগী ৱাখল্লোনগী মমিবু লৈথোকপা হায়বসিগীদমক্তা সরকারনা কন্না হোৎনরিবা অসিদা প্রধান মন্ত্রীনা মীয়ামগী পুক্নিং চীংশিনখি। মহাক্না দিফেন্স ফোর্সকে অনৌবা ইন্সাইন, কর্তব্য পথ, অন্দমান ইথৎপু নৌনা মিং থোনবা, লোইল্ম লৈঙাক মতমগী আইন মুত্থৎপা অমসুং ভারতকী লোল খুমাং চাউশিলহনবা অমসুং মসিগুম্বা খোঙথাং কয়াগী মতাংদা প্রধান মন্ত্রীনা ৱা ঙাঙখি। ইশাগী পোত্থোক, চৎনবী অমসুং লোকেল ভেল্যুগী মতাংদা থাজবা ৱাৎপা অমসুং হীরম অসিগা মরী লৈননা ইশানা ইশাবু হন্থনা খনবগী মতাংদা প্রধান মন্ত্রীনা ঙাঙখি। হায়রিবশিং অসি হৌজিক ঐখোয়না অকনবা মিৎয়েংগা লোয়ননা চুমথোক্নবা হোৎনরি হায়না মহাক্না হায়খি।

নারি শক্তি, য়ুবা শক্তি, লাইরবা অমসুং অন্ন-দাতা হায়রিবা মরু ওইবা কাস্ত অসিগী মতাংদা রাস্ত্রপতিনা থমখিবা ৱারোলগী মতাংদা প্রধান মন্ত্রীনা মনুং হুৎনা তাক্লদুনা, হায়রিবা ভারতকী মরু ওইবা য়ুম্বী মরি অসিবু চাউখৎহনবনা ভারত চাউখৎহনবা ঙমগনি হায়খি। প্রধান মন্ত্রীনা ইং 2047 ফাওবদা বিকশিৎ ভারত ওহনবা পাম্লবদি 20শুবা চহি-চাগী ৱাখল্লোন অসিনা কান্নবা অমত্তা পীবা ঙম্লোই হায়খি।

প্রধান মন্ত্রীনা এস.সি., এস.তি. অমসুং ও.বি.সি. খুন্নাইগী মতাংদা ৱাফম থমখি অমসুং আর্তিকল 370 লৌথোকখিবনা জম্মু অমসুং কশ্মিরগী খুন্নাইশিংদা লৈবাক্কী অতোপ্পা মফমগী মীওইশিংনা ফংবা চপ মান্নবা হক ফংহনখিবনি হয়না ফোংদোকখি। মান্নবা মতৌ ওইনা, রাজ্য অসিদা ফোরেস্ত রাইত এক্ত, প্রিভেন্সন ওফ এত্রোসিতীজ এক্ত অমসুং বালমিকী খুন্নাইগী দোমিসাইলগী হকশিং অসিসু এক্ত অসি লৌথোকখ্রবা মতুংদা ফংহনখিবনি। রাজ্যসিগী লোকেল বোদীশিংদা ও.বি.সি.গী ফম খাকপগী বিল অমগী অয়াবা পীখিবগী মতাংদসু মহাক্না পনখি।

বাবা সাহেবপু ইকায় খুম্ননবা পায়খৎখিবা খোঙথাং অমসুং ত্রাইবেল নুপী অমনা লৈবাক্কী রাস্ত্রপতি ওইখিবগী থৌদোকপুসু প্রধান মন্ত্রীনা পনখি। লাইরবশিংগী য়াইফ য়ুম্বালগীদমক্তা সরকারনা পায়খৎপা থবক কয়াগী মতাংদা পল্লদুনা, প্রধান মন্ত্রীনা এস.সি., এস.তি., ও.বি.সি. অমসুং ত্রাইবেল খুন্নাইগী চাউখৎ থৌরাংগীদমক্তা পায়খৎপা খোঙথাং কয়াদা মিৎয়েং চঙখি। খুন্নাইশিং অসিগী মপাঙ্গল হাপ্নবা পায়খৎখিবা পক্কা য়ুম শাবা, হকশেল ফগৎহন্নবা পাংথোকপা লু-নানবগী কেম্পেন, উজ্বালা গ্যাস স্কিম, রাসন লেম্না পীবা, আয়ূশমান য়োজনাগুম্বা খোঙথাং কয়াসু মহাক্না পনখি। হৌখিবা  চহি 10দা, এস.সি. অমসুং এস.তি. মহৈরোইশিংগী স্কোলার্শিপ হেনগৎখি, স্কুলদা মিং চনবগী চাং হেনগৎখি, মতম চাদনা স্কুলদগী তোকপগী চাং হন্থখি, ত্রাইবেল য়ুনিভর্সিতী অনৌবা অমা লিংখত্তুনা হান্না লৈরম্বা মশিং 1দগী 2 য়ৌখি অমসুং এক্লাব্যা মোদেল রেসিদেন্সিএল স্কুলগী মশিংসু 120দগী 400 য়ৌখি হায়না মহাক্না পাউদমখি। হাইয়র এজুকেসন ইন্সতিত্যুসনশিংদা এস.সি. মহৈরোইশিংনা মিং চনবগী চাংনা চাদা 44 হেনগৎখি অমসুং এস.তি.গীনা চাদা 65 অমসুং ও.বি.সি.গীনা চাদা 45 ফাওবা হেনগৎখি হায়না মহাক্না মখা তানা পাউদমখি।

“সবকা সাথ, সবকা বিকাস হায়বসি শুপ্নগী খোল্লাও অমখক নত্তে, মসিদি মোদীগী গেরেন্তীনি”, প্রধান মন্ত্রীনা হায়খি। অরানবা পাউজেল শন্দোক্তুনা মীয়ামগী পুক্নিং শোন্থহনবগী মতাংদা মীয়াম্না চেকশিনগদবনি হায়না মহাক্না হায়খি। প্রধান মন্ত্রীনা মহাক অসি নিংতম্বা ভারত্তা পোকখিবনি অমসুং মহাক্কী অপাম্বা অমসুং ৱাখল্লোন্দি নিং তম্মি অমসুং মসিদা মীখা পোল্লম্মি হায়বগী ৱাখল মচেৎ অমা ফাওবা লৈতে হায়না ফোংদোকখি।

পব্লিক সেক্তরগী মমাংদা ওইরম্বা মওং-মরিল তাদবা মতৌগা চাংদম্নবদা, হৌজিক্তি BSNLগুম্বা ইন্তর্প্রাইসশিংনা 4G অমসুং 5G ফংহল্লি, HALনা রেকোর্দ ওইরবা মেন্যুফেকচরিং তৌরি অমসুং এসিয়াগী খ্বাইদগী চাউবা হেলিকোপ্তর ফেসিলিতী অসিদি কর্নাতকাদা লৈবা HALনা ওইরি হায়না প্রধান মন্ত্রীনা হায়খি। LICশু রেকোর্দ ওইরবা শেয়রগী মমল লৈদুনা চাউখৎলি। লৈবাক্কী PSU মশিংনা ইং ২০১৪দা ওইরম্বা ২৩৪দগী ঙসিদি ২৫৪ য়ৌরে অমসুং মখোয়গী মরক্তগী অয়াম্বা PSUশিংনা রেকোর্দ ওইরবা রিতর্ন পীদুনা ইনভেস্তর কয়াগী পুক্নিং চীংশিল্লি হায়না পি.এম. মোদীনা পাউদমখি। লৈবাক্কী PSU ইন্দেক্সনা মমাংগী চহিমক্তদা শরুক অহি হেনগৎখি হায়না মহাক্না হায়খি। হৌখিবা চহি 10গী মনুংদা, PSUশিংগী অপুনবা শেন্দোংনা ইং ২০০৪দগী ২০১৪ ফাওবদা ওইরম্বা লুপা করোর লাক্ষ ১.২৪দগী ঙসিদি লুপা করোর লাক্ষ ২.৫০ য়ৌরে, অমসুং PSUশিংগী অপুনবা ভেল্যুনা লুপা করোর লাক্ষ ৯.৫তগী লুপা করোর লাক্ষ ১৭ য়ৌরে।

প্রধান মন্ত্রী মশামকসু রাজ্য অমগী মুখ্য মন্ত্রী ওইরম্বনিনা রিজনেল এস্পিরেসন অসি করিনো হায়বা মমুৎ তানা খঙই হায়না মহাক্না হায়খি। পি.এম. মোদীনা ‘লৈবাক অমা চাউখৎপদা রাজ্য চাউখৎপগী মথৌ তাই’ হায়বা মন্ত্রবু অমুক্কা হন্না নীংশিংখি। রাজ্যশিংগী চাউখৎ থৌরাংগীদমক্তা কেন্দ্রনা অঙম্বা মতেং পাংগনি হায়বগী প্রধান মন্ত্রীনা থাজবা পীখি। রাজ্যশিংগী মরক্তা চাউখৎ থৌরাং পুরক্নবা হেলদি ওইবা কম্পিতিসনগী মথৌ তাববু শকখঙলদুনা, প্রধান মন্ত্রীনা কম্পিতিতিব কোওপরেতিব ফেদেরেলিজম লৈহন্সি হায়বা ৱাফম থমখি।

পুন্সিদা অমুকখক লাকপা কোবিদ লাইচত্তা মীয়ামগী পুক্নিং চীংশিল্লদুনা প্রধান মন্ত্রীনা রাজ্য খুদিংমক্কী মুখ্য মন্ত্রীশিংগা মীখল ২০ লুচিংখিববু নীংশিংলদুনা শিংনবা অসিগা হকথেংননা মাইয়োক্নবা ঙমখিবসি মপুং ওইবা মছিনরী অসিনা মরম ওইরগা ঙমখিবনি হায়বা ৱাফম থমখি।

G20গী ওইনসু, থৌরম খুদিংমক রাজ্য শিনবা থুংবদা পাংথোকখিবনা মরম ওইরগা রাজ্য খুদিংনা এক্সপোজর ফংখিবা অমসুং মিংচৎ কয়া তানখিবা অসিগী মতাংদসু প্রধান মন্ত্রীনা থমখি। মীরমদগী লাকপা দিগ্নিতরী খুদিংবু তোঙান-তোঙানবা রাজ্যদা পুবগী মতাংদসু মহাক্না পাউদমখি।

রাজ্যশিংগী থৌদাংগী মতাংদা মখা তারদুনা, প্রধান মন্ত্রীনা এস্পিরেস্নেল দিস্ত্রিক্ত প্রোগ্রাম্না মায় পাক্লিবা অসিসু রাজ্যশিংনা ওইহনবনি হায়না ফোংদোকখি। “রাজ্যশিংবু শরুক য়াহনবগী মতৌ শাগোন্নরিবা ঐখোয়গী প্রোগ্রামশিংগী দিজাইন অসিনা লৈবাকপু তুংলমচত্তা পুন্না পুমিন্নরি”, মহাক্না হায়খি।

মীওইবগী হকচাংনা মথৌ তৌবগী মতৌগা লৈবাক অমগী মথৌ তৌবগী মতৌগগী মরক্তা লৈবা মান্নবশিংদা মিৎয়েং চঙলদুনা, প্রধান মন্ত্রীনা রাজ্য অমনা শোত্থবা মতমদা লৈবাক অদু চাউখৎপা হায়না কৌবা য়াদে, মসিদি হকচাং কয়াৎ অমা শোকপা মতমদা অপুনবা হকচাংদা নাবগী মতৌগা চপ মান্নৈ হায়খি।

লৈবাক্কী থৌশিল থৌরাংশিং অসিগী পান্দমদি মীয়াম পুম্নমক্না তঙাই ফদবা খুদোংচাবা ফংবা অমসুং পুন্সি মহিংগী থাক ৱাংখৎহনবনি হায়না প্রধান মন্ত্রীনা হায়খি। লাক্কদৌরিবা মতমশিং অসিদা ঐখোয়না মিৎয়েং চঙগদৌরিবা অসিদি পুন্সি মহিং নুংঙাইহনবদগী হেন্দোক্তুনা পুন্সিগী ক্বালিতী হেন্না ফহৎহনবনি হায়না মহাক্না হায়খি। লাইরবগী খয়াত্তগী মপান থোক্লকপদা ঙাইরিবা অনৌবা মিদ্দল ক্লাসশিংগী মফমদা অনৌবা খুদোংচাবা কয়া পীবা হায়বা মহাক্কী ৱারেপ অসিদা মহাক্না মিৎয়েং চঙখি। “ঐখোয়না সোসিএল জস্তিসকী ‘মোদী কবচ’ অসিদা অহেনবা মপাঙ্গল হাপকনি”, মহাক্না হায়খি।

লাইরবগী খয়াত্তগী থোক্লক্লবশিংদা সরকারগী তেংবাং পীবা হায়বসিদা মিৎয়েং চঙলদুনা, রাসন লেম্না পীবা, আয়ুশমান স্কিম, হিদাক লাংথক্তা চাদা ৮০গী দিস্কাউন্ত পীবা, লৌমীশিংগী পি.এম. সম্মান নিধী, লাইরবশিংগী পক্কা য়ুম শাবীবা, তোতি ঈশিং ফংহনবা অমসুং অনৌবা অমাংশঙ শাবগী থবকশিং হান্নদগী খোঙজেল হেন্না য়াঙনা পায়খৎলগনি হায়না শ্রী মোদীনা হায়খি। “মোদী ৩.০না বিকশিৎ ভারতকী ফম্বাক্কী মপাঙ্গল কনখৎহন্নবা থবক অমত্তা লেম্না থারোই”, মহাক্না হায়খি।

মেদিকেল ইনফ্রাস্ত্রকচরগী হীরমদা খোঙজেল য়াঙনা চঙশিল্লিবা খোঙচৎ অসি মথংগী চহি 5তসু মখা চত্থখিগনি অমসুং লাইয়েংবা অসি য়াম্না হোঙহল্লগনি, য়ুম্থোং খুদিংদা তোতি য়ৌরগনি, পি.এম. অৱসনা সেচ্যুরেসন ফংগনি, সোলর পাৱর শিজিন্নবদগী মীওই কয়াগী মৈগী বিল জিরো ওইরগনি, লৈবাক শিনবা থুংবদা পাইপ্তা কুকিং গ্যাস পীগনি, স্তার্তঅপ মশিং হেনগৎলগনি, পেতেন্ত ফাইল তৌবগী থৌওং অনৌবা রেকোর্দ কয়া থম্লগনি হায়না প্রধান মন্ত্রীনা হায়খি। মথংগী চহি 5 অসিদা মালেমগী শান্ন-খোৎনবগী কম্পিতিসন খুদিংদা ভারতকী নহাশিংগী মতিক-মঙম মালেম্না উবা ফংলগনি, পব্লিক ত্রান্সপোর্ত সীস্তেমদা অওনবা লাক্লগনি, আত্মানির্ভর ভারত কেম্পেন্না অনৌবা অৱাংবা থাক য়ৌরগনি, ভারত্তা শাবা সেমিকন্দক্তর অমসুং ইলেক্ত্রোনিক্সনা মালেম্বু খুদুম চল্লগনি অমসুং লৈবাক অসিনা অতোপ্পা লৈবাক্তা ইনর্জীগী মীখা পোল্লিবা অসি লোইশিন্নবা হোৎনরগনি হায়না পি.এম. মোদীনা হাউস্তা থাজবা পীখি। গ্রীন হাইদ্রোজেন অমসুং ইথানোল ব্লেন্দিংগী মতাংদা শাফু অমা পীরিবা অসিবুসু মহাক্না পনখি। ভারতনা চাবা য়াবা থাওগী মতাংদা ভারতনা আত্মানির্ভর ওইরগনি হায়বগী থাজবা থম্লিবা অসিবুসু পি.এম. মোদীনা অমুক্কা হন্না পনখি।

মথংগী চহি 5কী পান্দমগী ৱাফম্বু মখা চত্থরদুনা, প্রধান মন্ত্রীনা নেচরেল ফার্মিং খুমাং চাউশিলহনবা অমসুং মিল্লেতপু সুপরফুদ ওইনা শক্তাক পীবগী মতাংদা ৱারী শাখি। লৌউ-শিংউদা দ্রোন শিজিন্নবগী থৌওংসু য়াম্না হেনগৎলগনি। মান্নবা মতৌ ওইনা, নেনো য়ুরিয়া শিজিন্নবা, কোওপরেতিবপু মীয়ামগী ইহৌ ওইনা পুক্নিং থৌগৎলি। ফিশরীজ অমসুং এনিমেল হসবেন্দরীগী মতাংদা অনৌবা রেকোর্দ কয়া থম্লিবা অসিবুসু মহাক্না পনবদা য়াওখি।

তুরিজম সেক্তরনা মথংগী চহি 5তা থবক পীবগী খ্বাইদগী চাউবা পাম্বৈ অমা ওইরক্কনি হায়বা ৱাফমদা প্রধান মন্ত্রীনা মীয়ামগী পুক্নিং চীংশিনখি। লৈবাক্কী রাজ্য কয়া অমনা তুরিজম খক্তগী মশাগী শেন্মিৎলোন চাউখৎহনবা ঙম্বগী মতিক লৈরিবা অসিবুসু মহাক্না মিৎয়েং চঙখি। “ভারত অসি মালেমগী তুরিজমগী খ্বাইদগী চাউবা পন্থুংফম অমা ওইরক্লগনি”, মহাক্না মখা তাখি।

দিজিতেল ইন্দিয়া অমসুং ফিন্তেক্কী লমদা ভারতনা খোঙজেল য়াঙনা চাউখৎলিবা অসিদা প্রধান মন্ত্রীনা মিৎয়েং চঙখি অমসুং মথংগী চহি 5না লৈবাক্কী দিজিতেল ইকোনোমীদা য়াইফবা তুংগী মতম অমা পীরগনি হায়খি। “দিজিতেল সর্ভিসনা ভারতকী চাউখৎ থৌরাংদা ইনোৎ হাপকনি”, মহাক্না মখা তাখি। “ঐখোয়গী সাইন্তিস্তশিংনা ঐখোয়বু স্পেস তেক্নোলোজীগী হীরমদা অনৌবা থাক্তা পুগনি হায়বগী ঐহাক্না চেৎনা থাজৈ”, প্রধান মন্ত্রীনা হায়খি।

গ্রাসরুত ইকোনোমীদা অহোংবা লাকখিবা অসিগী মতাংদা পাউদম্লদুনা, প্রধান মন্ত্রীনা সেল্ফ হেল্প গ্রুপকী মতাংদা পনখি। মহাক্না হায়খি, “লাক্ষপতি দিদি করোর 3না নুপীগী পাঙ্গল হাপ্পগী অনৌবা ৱারী অমা ইগনি”। “ইং ২০৪৭ ফাওবদা ভারত্তা সনাগী য়ুগ অমুক হন্না লাক্লগনি”, প্রধান মন্ত্রীনা সরকারনা বিকশিৎ ভারতকী মাইকৈদা খোঙফম চেৎলিবা অসিদা মিৎয়েং চঙলদুনা হায়খি।

প্রধান মন্ত্রীনা মহাক্কী ৱারোল লোইশিনবা ওইনা, হাউস অমসুং লৈবাক্কী মমাংদা মসিগুম্বা ৱাফম কয়া লান্থোকপগী খুদোংচাবা পীবগীদমক্তা রাজ্য সভাবু থাগৎখি অমসুং ভারতকী রাস্ত্রপতিবু মহাক্কী ইথিলনা থল্লবা ৱারোলগীদমক্তা অমুক্কা হন্না থাগৎপা ফোংদোকখি।

Speaking in the Rajya Sabha. https://t.co/fNP5AOeIuV

— Narendra Modi (@narendramodi) February 7, 2024

Rashtrapati Ji’s address emphasized India’s burgeoning confidence, promising future and immense potential of its people. pic.twitter.com/WtfvdINfOf

— PMO India (@PMOIndia) February 7, 2024

विपक्ष मेरी आवाज को दबा नहीं सकता है, क्योंकि देश की जनता ने इस आवाज को ताकत दे रखी है: PM @narendramodi pic.twitter.com/BQxn81Z17G

— PMO India (@PMOIndia) February 7, 2024

From “Fragile Five” to “Top Five” economy. pic.twitter.com/iPTU9CRZTu

— PMO India (@PMOIndia) February 7, 2024

हमारी सरकार के बीते 10 साल को बड़े और निर्णायक फैसलों के लिए हमेशा याद किया जाएगा। हम कड़ी मेहनत से सोच-समझकर देश को संकटों से बाहर लाए हैं। pic.twitter.com/j59VksvjN1

— PMO India (@PMOIndia) February 7, 2024

Sabka Saath, Sabka Vikaas is not a slogan. It is Modi’s guarantee: PM pic.twitter.com/b1QhYdicXU

— PMO India (@PMOIndia) February 7, 2024

विकसित भारत के सपने को 2047 तक साकार करने के लिए 20वीं सदी की सोच नहीं चलेगी। pic.twitter.com/zSOwr2QfzJ

— PMO India (@PMOIndia) February 7, 2024

***