ভারতকী প্রধানমন্ত্রী

রাইসিনা দাইলোগতা শরুক য়ানবগীদমক ভারতকী খোংচৎ অমদা লাকখিবা রসিয়ান ফেদরেসনগী ফোরেন মিনিস্তর শ্রী সের্গে লেবরোবনা ঙসি প্রধান মন্ত্রীশ্রী নরেন্দ্র মোদীগা উনখ্রে।

ফোরেন মিনিস্তর লেবরোবনা প্রধান মন্ত্রীগী মফমদা রসিয়ান ফেদরেসনগী রাস্ত্রপতি শ্রী ব্লাদিমির পুতিন্না পীরকপী য়াইফ পাউজেল পাউদমখি। প্রধান মন্ত্রীনা য়াইফ পাউজেল অদু তরাম্না ওকখি অমসুং অনৌবা চহীনা লাকপদা রসিয়াগী মীয়াম পু্ম্নমক শান্তি ওইনা অমসুং চাউখৎপা পুকপা ওইরসনু হায়না মহাক্কী ওইবা য়াইফ পাউজেল পীখি। 

প্রধান মন্ত্রীনা ২০২০গী জনুৱারী ১৩দা রাস্ত্রপতি পুতিনগা লোয়ননা মহাক্না তেলেফোন্দা পাক চাউনা খন্ন–নৈনখিবা অদু ফোংদোকখি, অমসুং মমাং চহীদা লৈবাক অনিগী মরক্তা স্পিসিয়েল অমসুং প্রিভিলেজ স্ত্রেতেজিক পার্তনরশিপতা প্রোগ্রেস লাকথিবা অদু ফোংদোকখি।

ফোরেন মিনিস্তর লেবরোবনা পাউদমখি মদুদি ২০২০গী মে থাদা পাংথোক্কদৌরিবা ভিক্তরী দেগী ৭৫শুবা চহী পালন থৌরম, অমসুং ২০২০গী জুলাই থাদা পাংথোক্কদৌরিবা ব্রিক্স অমসুং এস.সি.ও. সম্মিৎতা শরুক য়ানবা প্রধান মন্ত্রীনা রসিয়াদা লাক্কদৌরিবা অদুনা রাস্ত্রপতি পুতিন্না মীৎয়েং থম্লি। চহী অসিদা রাস্ত্রপতি পুতিনগা উননবা থৌরম কয়াবু প্রধান মন্ত্রীনা তরাম্না ওকখি অমসুং হায়খি মদুদি চহী অসিগী লোইশিল্লকপদা পাংথোক্কদৌরিবা এনুএল বাইলেতরেল সম্মিৎকীদমক ভারত্তা রাস্ত্রপতি পুতিনবু তরাম্না ওক্নবা মহাক্নসু মীৎয়েং থম্লি।

প্রধান মন্ত্রীনা ফোংদোকখি মদুদি ২০১৯দা লৈবাক অনিগী মরক্তা মরুওইবা ৱারেপ কয়া অমা লৌখি অমসুং মহৈ ফংখি। মহাক্না সজেস্ত তৌখি মদুদি চহী ২০২০, ভারত অমসুং রসিয়া ফেদরেসনগী মরক্তা স্ত্রেতেজিক পার্তনরশিপ হৌদোকখিবগী ২০শুবা চহী পালনসু ওইরিবা অসিদা অদুগুম্লবা ৱারেপশিং অদু ইমপ্লিমেন্ত তৌবগী চহী ওইহল্লসি।

মরুওইবা ইন্তরনেস্নেল অমসুং রিজনেল ইসুশিংদা রসিয়াগী পোজিসন্দা ফোরেন মিনিস্তর লেবরোবনা প্রধান মন্ত্রীদা পাউদমখি।