ভারতকী প্রধানমন্ত্রী

শক্নাইরবশিং,

মালেমদা খ্বাইদগী চাউবা গনতন্ত্র চৎপা লৈবাক ভারত, অমসুং ভারতমচা বিল্লিয়ন ১.৪ গী মহুৎশীন্দুনা অদোম তরামনা ওকচরি। হন্দক জুন্দা পাংথোকখিবা মীওইবগী পুৱারিদা খ্বাইদগী চাউবা মীখলশিংদা, থংন থংননা অহুমশুবা তার্ম অমগীদমক, মখোয়গী থবক তৌনবা ভারতকী মীয়াম্না ঐঙোন্দা খুদোংচাবা পীরে। ঙসি ঐনা মালেমগী অপুনবা মীশিংগী শরুক তরুক থোকপগী শরুক অমগী খোল্লাউ পুদুনা অদোমগী নাক্ত লাক্লে।

মরুপশিং,

ঐখোয়না মালেমগী তুংলমচৎকী খন্নরকপা মতমদা, মীওইবগী য়াইফনবদা য়ুম্ফম ওইবা থৌরাং অমদা ঐখোয়না খ্বাইদগী মরুওইনা লৌগদবনি। তুংকোইনা চৎনবা য়াবা চাউখৎ-থৌরাং মরুওইনা লৌদুনা, ঐখোয়না মীওইবগী য়াইনবা, চীঞ্জাক অমসুং হকশেলশু মরুওইনা লৌগদবনি। ভারত্তা মীওই মিল্লিয়ন ২৫০ লায়রবা কোকহন্দুনা, তুংকোইনা চৎনবা য়াবা চাউখৎপা মাইপাকপা য়াই হায়বা ঐখোয়না উৎলে। মসিগী ঐখোয়গী মাইপাকপগী ৱারি অসি গ্লোবেল সাউথ শীনবা থুংনা খঙহন্নবা ঐখোয় থৌরাং তৌদুনা লৈরে।

মরুপশিং,

মীওইবা খুন্নাইনা মাইপাকপগী ৱারি অসি ঐখোয়গী অপুনবা থৌনাদা লৈরে, লানফমদা নত্তে। মালেমগী শান্তি অমসুং চাউখৎপগীদমক, মালেমগী লোয়শঙশিং অমুক হন্না শেমদোকপা অসি তঙাইফদে। অফবা থবক পাংথোক্নবা অওনবা পুরকপা অসি মরুওই। নিউ দিল্লি সম্মিৎতা অফ্রিকান য়ুনিয়ন জি-২০গী পর্মনেন্ত মেম্বর ওইহনখিবা অসি মাইকৈ অসিদা থাংজিনবা মরুওইবা খোঙথাং অমনি। অমরোমদা, মালেমগী শান্তি অমসুং সেকুরিতিদা তেরোরিজম্না মখা তানা অচৌবা শিংনবা অমা ওইরি, অমরোমদা, সাইবর, মেরিতাইম অমসুং স্পেস, মুক্নবগী অনৌবা মফমশিং ওইরক্লি। হায়রিবা ৱাথোকশিং অসিগা লোয়ননা, মালেমগী থবক মালেমগী পান্দমগা চুনগদবনি হায়না ঐনা তকশিল্লি!

মরুপশিং,
অশোই-অঙাম থোকহন্দনা অমসুং দাইত্ব লৈনা তেক্নোলোজি শীজিন্ননবা থোং মান্নবা চৎন-কাংলোন অমা শেম্বগী তঙাইফদবা অমা লৈরে। লৈবাক অমগী মনিংতম্বা অমসুং ঙমখৈগী অপুনবা শক্তম ইকায়খুম্নবা মালেমগী দিজিতেল লৈঙাক-সাসন দরকার ওইরে। দিজিতেল পব্লিক ইনফ্রাস্ত্রকচর অসি থোং অমা ওইগদবনি, খুরৌ থাংবা অমা ওইরোইদবনি! মালেমগী য়াইফনবগীদমক, লৈবাক অসিগী দিজিতেল পব্লিক ইনফ্রাস্ত্রকচর মালেম শীনবা থুংনা পীনবা ভারতনা থৌরাং তৌদুনা লৈরি।

মরুপশিং,
ভারতকী ওইনা, “মালেম অমা, ইমুং অমা, তুংলমচৎ অমা” অসি ৱাশক অমনি। হায়রিবা ৱাশক অসি ঐখোয়গী থবকশিং হায়বদি “মালেম অমা হকশেল অমা”, “নুমিৎ অমা, মালেম অমা, গ্রিদ অমা” দা মমি তারে। মীওইবা খুন্নাইগী হকশিং ঙাক্নবা অমসুং মালেমগী নুংঙাই-য়াইফবা পুরক্নবা ভারতনা ৱাখলদা, ৱাহৈশিংদা অমসুং থবকশিংদা মখা তানা থবক তৌগনি।
অদোম থাগৎপা ফোঙদোকচরি।

দিসক্লাইমর: মসি প্রধান মন্ত্রীগী ৱারোলশিংদগী চাউরাক্না হন্দোকপনি। অশেংবা ৱারোল হিন্দীদা পীখি।

***