ভারতকী প্রধানমন্ত্রী
ম্যানমার দিফেন্স সর্বিসেসকী কমান্দর–ইন–চিফ, সেনিয়র জেনরেল মিন ওং হিংনা ঙসি প্রধান মন্ত্রী শ্রী নরেন্দ্র মোদীগা উনখ্রে।
সেনিয়র জেনরেলনা প্রধান মন্ত্রীবু হন্দক পাংথোকখিবা মীখলদা মায় পাক্লপদা নুংঙাইবা ফোংদোকখি। মহাক্না হৌখিবা চহী খরদা ভারতনা খোংজেল য়াংনা চাউখৎলকখিবা অমদি ঙাকশেল অমসুং সেক্যুরিতীগী তেংবাংগী লম য়াওনা য়ুমলোন্নবা লৈবাক অনিগী মরক্তা লৈনরিবা মরী হিরম খুদিংদা চেৎশিলহল্লিবা অদু পাওদমখি।
মহাক্কী ম্যানমারগী খোংচৎ মনুংদা মহাকপু তরাম্না ওকপীখিবা অদু প্রধান মন্ত্রীনা নৌহৌনা নীংশিংখি। মহাক্না ইন্সরজেন্সী থেংনবা, কেপাসিতী বিলদিং, লান্মীশিংগী মরক্তা মরী অমসুং মেরিতাইম কোওপরেসনগী লমশিং, লোইননা ইকোনোমিক স্ফেয়র অমসুং দিবেলপমেন্ত কোওপরেসন্দা লৈবাক অনিগী তেংবাং পীনবগী থোইদোক হেন্দোকপা মতৌ অদু পাওদমখি।
প্রধান মন্ত্রীনা য়ুনিয়ন ওফ ম্যানমারগা লোয়ননা তোপ তোপ্পা লৈবাক অনিগী পার্তনরশিপ মখা তানা চেৎশিলহন্নবগীদমক থবক তৌনবা ভারতকী অকনবা ৱাশক অদু অমুক হন্না ফোংদোকখি।
