ভারতকী প্রধানমন্ত্রী

শেনবা চহি ২০২১-২২গী লেমহৌরিবা শরুক্তা অমদি ১৫শুবা ফাইনান্স কম্মিসনগা মতম মান্নরিবা শেনবা চহি ২০২৫-২৬ ফাওবদা মেম্বর ওফ পার্লিয়ামেন্ত লোকেল এরিয়া দিবেলপমেন্ত স্কিম(এম.পি.এল.এ.দি.এস.) হঞ্জিনহন্নবা অমদি মখা চত্থহন্নবা ঙসি প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা কেন্দ্রগী মন্ত্রী-মন্দলনা অয়াবা পীখ্রে৷

স্কিম অদুগী অকুপ্পা মরোলশিং:

• এম.পি.এল.এ.দি.এস. অসি ভারত সরকারনা মপুং ফানা ফন্দ থাদরিবা সেন্ত্রেল সেক্তর স্কিম অমনি৷ স্কিম অসিগী ওবজেক্তিব অদুদি এম.পি.শিংনা মরু ওইনা মখোয় মখোয়গী কন্সতিত্যুয়েন্সীশিংদা থক্নবা ইশিং, প্রাইমরী এজুকেসন, পব্লিক হেল্থ, সেনিতেসন, অমসুং লম্বীগী অরিয়াশিংদা মতম কুইনা চৎপা কম্ম্যুনিতী এসেতশিং শেম-শাবদা হেন্না মীৎয়েং চংদুনা দিবেলপমেন্ত নেচরগী থবকশিংদা অয়াবা পীবা ঙমহনবা অসিনি৷
• মেম্বর ওফ পার্লিয়ামেন্ত(এম.পি.) কন্সতিত্যুয়েন্সী অমদা থাদরিবা চহিগী ওইবা এম.পি.এল.এ.দি.এস. ফন্দ এন্তাইতলমেন্ত অসি লুপা কোতি ৫নি, শেনফম অসি অমুক্তা লুপা কোতি ২.৫গী চাংদা ইন্সতোলমেন্ত অনি থোক্না থাদখি, শেনফম অসি এম.পি.এল.এ.দি.এস. গাইদলাইনশিংগী মতুং ইন্না কন্দিসনশিং থুংনবা থাদখিবনি৷
• হকশেলগী ফিভম অসি য়েংশিন্নবা অমদি সমাজ অসিদা কোবিদ-১৯না পীরিবা শাথিরবা ইম্পেক্তশিং অসিগীদমক, মন্ত্রী-মন্দলনা ২০২০গী এপ্রীল ৬তা ফমখিবা মহাক্কী মীফম্না এম.পি.এল.এ.দি.এস. অসি এফ.ৱাই. ২০২০-২১ অমসুং ২০২১-২২গী মতমদা চৎনদনবা অমদি ফন্দ অসি কোবিদ ১৯ লাইনা-লাইচৎনা পীরিবা চৈথেং অসি থেংননবগীদমক ফাইনান্স মন্ত্রালয়গী দিস্পোজেলদা থাদনবা ৱারেপখ্রে৷
• হৌজিক হৌজিক লৈবাক অসিনা ইকোনোমিক রিকোভরীগী লম্বীদা চংশিল্লক্লিবা অমদি স্কিম অসিনা কম্ম্যুনিতীগী তঙাই ফদবা অপাম্বশিং থুংহনবদা, স্কিল দিবেলপমেন্ত অমদি লৈবাক অসিদা থবক ফংহন্দুনা মতম কুইনা চৎপা এসেতশিং শেম্বদা লেপ্প-লৈতনা কান্নবা পীরক্তুনা অত্মনির্ভর ভারতগী ওবজেক্তিব ফংহনবদা মতেং ওইরগনি৷ মসিগী মতুং ইন্না, হৌজিক্তি শেনবা চহি ২০২১-২২গী লেমহৌরিবা শরুক অসিদা মেম্বর্স ওফ পার্লিয়ামেন্ত লোকেল এরিয়া দিবেলপমেন্ত স্কিম(এম.পি.এল.এ.দি.এস.) হঞ্জিহন্নবা ৱারেপখ্রে অমদি ১৫শুবা ফাইনান্স কম্মিসনহী মতমগা মান্ননা এম.পি.এল.এ.দি.এস. অসি ২০২৫-২৬ ফাওবা মখা চত্থরগনি৷

মন্ত্রালয় অসিনা এফ.ৱাই. ২০২১-২২গী লেমহৌরিবা শরুক অসিগীদমক মেম্বর ওফ পার্লিয়ামেন্ত অমদা লুপা কোতি ২গী চাংদা এম.পি.এল.এ.দি.এস. ফন্দ অসি ইন্সতোলমেন্ত অমদা রিলিজ তৌরগনি অমদি এফ.ৱাই. ২০২২-২৩গী মতমদা মেম্বর ওফ পার্লিয়ামেন্ত অমদা চহি অমদা লুপা কোতি ৫গী চাংদা থাদদুনা এফ.ৱাই. ২০২৫-২৬ ফাওবদা মেম্বর ওফ পার্লিয়ামেন্ত অমমমদা লুপা কোতি ২.৫গী চাংদা ইন্সতোলমেন্ত অনিদা রিলিজ তৌরগনি৷ স্কিম অসি চৎনবা হৌখিবদগী, লুপা কোতি ৫৪১৭১.০৯গী ফাইনান্সিয়েল ইমপ্লিকেসনগা লোইননা পুন্না থবক/প্রোজেক্ত ১৯,৮৬,২০৬ মপুং ফানা লোইশিনখ্রে৷

ফাইনান্সিয়েল ইমপ্লিকেসনশিং:

শেনবা চহি ২০২১-২২গী লেমহৌরিবা শরুক অদুগীদমক অমদি ২০২৫-২৬ ফাওবগী ওইনা এম.পি.এল.এ.দি.এস. হঞ্জিহন্নবা অমদি মখা চত্থহন্নবগী অপুনবা ফাইনান্সিয়েল ইমপ্লিকেসন অদু লুপা কোতি ১৭৪১৭.০০ ওইরগনি হায়না মখাগী তেবলদা পীরি:

ইমপ্লিমেন্তেসন স্ত্রাতিজী অমসুং তার্গেৎশিং:

• এম.পি.এল.এ.দি.এস. স্কিম অসি মতম মতমগী মতুং ইন্না শেমদোকপা গাইদলাইন সেত অমনা চলাইরি৷
• এম.পি.এল.এ.দি.এস.গী মখাদা পাংথোক্লিবা প্রোসেস অসি মেম্বর্স ওফ পার্লিয়ামেন্তনা নোদেল দিস্ত্রিক ওথোরিতীদা থবকশিং রিকম্মেন্দ তৌদুনা হৌদোকই৷
  মেম্বর্স ওফ পার্লিয়ামেন্তনা অয়াবা পীরিবা ইলিজিবল ওইবা থবকশিং অসি চৎননবগীদমক পাংথোক্লিবগীদমক অমদি পাংথোক্লিবা ইন্দিবিজ্যুল থবকশিংগী অকুপ্পা মরোলশিং অমদি স্কিম অসিগী মখাদা শিজিন্নখিবা শেনফম অদু য়েংশিন্নবা মরী লৈনবা নোদেল ওফিসরশিংনা থৌদাং লৌরি৷

ইম্পেক্ত:

• এম.পি.এল.এ.দি.এস. হঞ্জিনলকপা অমদি মখা চত্থরকপা অসিনা এম.পি.এল.এ.দি.এস.গী মখাদা লেপলুরবা কম্ম্যুনিতী দিবেলপমেন্ত প্রোজেক্তশিং অমদি থবকশিং অদু অমুক হৌরগনি৷
• লোকেল কম্ম্যুনিতীগী এস্পিরেসনশিং অমদি দিবেলপমেন্ত রিক্বেয়রমেন্তশিং থুনবা অমদি এম.পি.এল.এ.দি.এস.গী মরু ওইবা ওবজেক্তিব ওইরিবা মতম কুইনা চৎপা এসেতশিং শেম্বা হৌরগনি৷
• মসিনা লোকেল ইকোনোমী হিংগৎহনবদসু মতেং পাংলগনি৷

বেক্তগ্রাউন্দ:

• এম.পি.এল.এ.দি.এস. অসি ভারত সরকারনা মপুং ফানা ফন্দ থাদরিবা সেন্ত্রেল সেক্তর স্কিম অমনি৷ স্কিম অসিগী ওবজেক্তিব অদুদি এম.পি.শিংনা মরু ওইনা মখোয় মখোয়গী কন্সতিত্যুয়েন্সীশিংদা থক্নবা ইশিং, প্রাইমরী এজুকেসন, পব্লিক হেল্থ, সেনিতেসন, অমসুং লম্বীগী অরিয়াশিংদা মতম কুইনা চৎপা কম্ম্যুনিতী এসেতশিং শেম-শাবদা হেন্না মীৎয়েং চংদুনা দিবেলপমেন্ত নেচরগী থবকশিংদা অয়াবা পীবা ঙমহনবা অসিনি৷
• মেম্বর ওফ পার্লিয়ামেন্ত(এম.পি.) কন্সতিত্যুয়েন্সী অমদা থাদরিবা চহিগী ওইবা এম.পি.এল.এ.দি.এস. ফন্দ এন্তাইতলমেন্ত অসি লুপা কোতি ৫নি, শেনফম অসি অমুক্তা লুপা কোতি ২.৫গী চাংদা ইন্সতোলমেন্ত অনি থোক্না থাদখি, শেনফম অসি এম.পি.এল.এ.দি.এস. গাইদলাইনশিংগী মতুং ইন্না কন্দিসনশিং থুংনবা থাদখিবনি৷

• মন্ত্রালয় অসিনা ২০১৬কী মতমদা লৈবাক অসিদা লৈরিবা জিলা ২১৬তা এম.পি.এল.এ.দি.এস. থবকশিংগী থর্দ পার্তী ইবালুয়েসন অমা পাংথোকখি৷ ইবালুয়েসন রিপোর্ত অদুনা এম.পি.এল.এ.দি.এস. মখা চত্থনবা অয়াবা পীখি৷

******