ভারতকী প্রধানমন্ত্রী

মেদিকেল তরমিনেসন ওফ প্রেগনেন্সি এক্ত, ১৯৭১ এমেন্দ তৌনবা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মেদিকেল তরমিনেসন ওফ প্রেগনেন্সি(এমেন্দমেন্ত)বিল, ২০২০অয়াবা পীরে । বিল অসি লাক্লিবা সংসদকী মীফম মনুংদা পুথোক্কনি ।

এমেন্দ তৌগদৌরিবা অসিগী মরুওইবা শক্তমশিং :

• চয়োল ২০ ফাওবগী মীরোনবা য়ৈথনবা প্রোভাইদর অমগী মত দরকার ওই অমসুং চয়োল ২০-২৪ ফাওবগী মীরোনবা য়ৈথনবা প্রোভাইদর অনিগী মত দরকার ওই ।

• অখন্নবা নুপীশিংগী অঙাং য়ৈথবা য়াবগী মতম চয়োল ২০দগী চয়োল ২৪দা হেনগৎহনবা অসি এম তি পি রুলশিংদা য়াওগনি অমসুং মসিদা রেপ মায়োক্নখিবীশিং, ইনসেস্তকী খুদোংথিবা নংলবশিং অমসুং অতোপ্পা খুদোংথিনিংঙাই ওইরবা নুপীশিং য়াওগনি ।

• মেদিকেল বোর্দনা পুক্নংগী অঙাং অদু ফিবম চাদ্রে হায়রবদি অপ্পর গেসতেসন লিমিত অসি চৎনরোই । এক্ত অসিগী রুলশিংগী মখাদা অকুপ্পা ৱারোলশিংগী মতম মতমগী মেদিকেল বোর্দনা পীগনি ।

• আইনগী মতুংইন্না অয়াবা পীরবা মীওই অমদা নত্তনা অঙাং য়ৈথখিবা নুপী অদুগী মমিং অমসুং অকুপ্পা ৱারোলশিং ফোংদোকপা য়াদে ।

মেদিকেল তরমিনেসন ওফ প্রেগনান্সি(এমেন্দমেন্ত) বিল, ২০২০: বিল অসি শেমদোক্নবা থৌরাং তৌরিবা অসিনা নুপীশিং অশোই-অঙাম থোক্তনবা অমসুং অঙাং য়ৈথবদা আইনগী ওইবা খুদোংচাবশিং ফংহন্নবা পান্দম থম্লি । এমেন্দ তৌনবা থৌরাং তৌরিবা অসিদা সব-সেক্সন খর মহুৎশীনগনি, হৌজিক চৎনরিবা মেদিকেল তরমিনেসন ওফ প্রেগনেন্সি এক্ত, ১৯৭১গী মখাদা অনৌবা ক্লোজ খরা হাপচিনগনি, লোয়ন্না চেকশিনবা অমসুং অশোই অঙাম থোকহন্দবগী মতাংদা য়াশিন্নবা অমতা লৈতনা মীরোনবা য়ৈথনবা অপ্পর গেসতেসন লিমিত অসি হেনগৎহনগনি ।

মসি নুপীশিং অশোই-অঙাম থোক্তনবা খোঙথাং অমনি অমসুং মসিনা নুপী কয়া কান্নবা ফংলগনি । পুক্নুংগী অঙাংশিং ফিবম চাদবগী নৎত্রগা নুপীশিংনা কে হেনবা মীওৎ-মীনৈ থেংনবদগী হৌজিক অয়াবা পীরবা য়ৈথবা য়াবগী মতম অসিগী ৱাংমদা অঙাং য়ৈথবা য়ানবা অয়াবা পীনবা কোর্তশিংদা ৱাকৎলকপা হন্দক তোইনা থেংনরি । য়ৈথবা য়াবগী মতম হেনগৎহনবা অসিনা অঙাং য়ৈথগদৌরিবা নুপীশিংগী ইকায়খুম্নবা, মনিংতম্বা, অরোন-অথুপ অমসুং অচুম্বা ফংহনবা ঙমগনি ।

নুপীশিং অশোই-অঙাম থোক্তনা অঙাং য়ৈথনবা ঙম্নবা অমসুং চাউখৎলবা মেদিকেল তেক্নোলোজি ফংনবা মরি লৈনবশিং অমসুং মিনিস্ত্রি কয়াগা কুপ্না খন্নরবা মতুংদা এমেন্দ তৌনবা ৱাফম হেল্থ অমসুং ফেমিলি ৱেলফিয়ার মিনিস্ত্রিনা পুখৎলকপনি ।