ভারতকী প্রধানমন্ত্রী
মন্ত্রীমন্দলনা ‘প্রধান মন্ত্রী জন ধন য়োজনা’ মখা চৎথনবগী অয়াবা পীখ্রে ফাইনান্সিয়েল ইনক্লুজনগীদমক্তা নেস্নেল মিশন (পি.এম.জে.দি.ৱাই.) ওগস্ত ১৪, ২০১৮গী মতুংদসু মখা চৎথখিগনি ‘ইমুং খুদিংমক্তগী চহি শুরবা মীওই খুদিংমক’ ফাওবগী একাউন্ত হাংদোকপদা মিৎয়েং লুপা ৫০০০গী লৈরিবা ওভর দ্রাফকী ঙমখৈ হেনগৎহন্দুনা লুপা ১০,০০০ ওইহনবা লুপা ২,০০০ ফাওবগী ওভর দ্রাফকীদমক্তা করিগুম্বা য়ানবা অমত্তা লৈতে ওভর দ্রাফকী খুদোংচাবা লৌনবগী চহিগী ঙমখৈ শেমদোক্তুনা ১৮–৬০গী মহুত্তা ১৮–৬৫ ওইখ্রে ওগস্ত ২৮, ২০১৮গী মতুংদগী হাংদোকপা অনৌবা পি.এম.জে.দি.ৱাই. একাউন্তশিংগী মনুংদা অনৌবা রুপে কার্দ পাইবশিংগী কোভর তৌবা এক্সিদেন্ত ইন্সুরেন্স লুপা লাখ ১দগী হেনগৎতুনা লাখ ২ ওইখ্রে
মীয়ামগী অমসুং লাইরবশিংগী ওইবা খোংথাংশিংদা ইনোৎ হাপ্লদুনা প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সেপ্তেম্বর ০৫, ২০১৮দা পাংথোকখিবা মীফমদা ফাইনান্সিয়েল ইনক্লুজনগীদমক নেস্নেল মিশন – প্রধান মন্ত্রী জন ধন য়োজনা (পি.এম.জে.দি.ৱাই.)বু মখাগী অহোংবা অসিগা লোইননা মখা চৎথনবগী অয়াবা পীখ্রেঃ-
শাফুঃ
মিশন অসি মখা চৎথবনা মরম ওইদুনা লৈবাক অসিগী চহি শুরবা মীওইশিং/ইমুং পুম্নমক্না অতৈ শেনমিৎলোনগী ওইবা থবকশিং অমসুং সোসিয়েল সেক্যুরিতী স্কিমশিং ফাওবা য়ৌশিনবা ঙম্ননবা অমসুং লুপা ১০,০০০ ফাওবগী ওভর দ্রাফকা লোইননা য়ামদ্রবদা বেসিক বেঙ্ক একাউন্ত হাংদোকপা ঙমহল্লগনি। মসিদগী মখোয়বু শেনমিৎলোনগী থবকশিংগী মপুং ওইবা লম্বী অদুদা পুরকপগা লোইননা সরকারগী তোঙান তোঙানবা সবসিদী স্কিমশিংগী কান্নবা হেন্না নীংথিজনা পীথোক-পীশিন তৌবদা মতেং ফংলগনি।
য়ুম্ফমঃ
মীয়ামদা বেঙ্ককী থবকশিং য়ৌহনবা হেনগৎহন্নবা, ফাইনান্সিয়েল ইনক্লুজন হেনগৎহন্নবা অমসুং লৈবাক অপুনবদা ইমুং খুদিংমক্তা য়ামদ্রবদা বেঙ্ক একাউন্ত অমা হাংদোকহন্নবগীদমক প্রধান মন্ত্রী শ্রী নরেন্দ্র মোদীনা ওগস্ত ১৫, ২০১৪দা মহাক্কী নীং খা তম্বগী ৱারোল পীবদা প্রধান মন্ত্রী জন ধন য়োজনা (পি.এম.জে.দি.ৱাই.)গী মিংদা ফানান্সিয়েল ইনক্লুজনগী নেস্নেল মিশন অমা লাওথোকখি। প্রধান মন্ত্রীনা ওগস্ত ২৮, ২০১৪দা জাতিগী থাক্তা ফোর্মেল ওইনা স্কিম অসি হৌদোকখি।
