ভারতকী প্রধানমন্ত্রী

ভারতকী প্রধান মন্ত্রী শ্রী নরেন্দ্র মোদীনা লুচিংদুনা সেক্তর ২০দগী লাকপা ইন্দস্ত্রীগী গ্লোবেল কেপ্তেন ৪২গা লোয়ননা ন্যু য়োর্কতা খন্ন-নৈনবা অমা পাংথোকখ্রে। খন্ন-নৈনবা অদুদা শরুক য়াখিবা কম্পেনিশিং অদুগী অপুনবা শেনফম অসি য়ু.এস. দোলর ত্রিলিয়ন ১৬.৪নি, মদুগী মনুংদা ভারত্তা মখোয়গী অপুনবা শেনফম অসি য়ু.এস. দোলর বিলিয়ন ৫০নি।

মীফম অদুদা আই.বি.এম.গী চেয়ারমেন, প্রসিদেন্ত অমসুং সি.ই.ও. শ্রীমতী জিনি রোমেত্তী; ৱালমার্তকী প্রসিদেন্ত অমসুং সি.ই.ও. শ্রী দৌগ্লাস মেকমিলন; কোকা কোলাগী চেয়ারমেন অমসুং সি.ই.ও. শ্রী জেম্স ক্বিনসী; লোকহীদ মার্তিনগী সি.ই.ও. শ্রীমতী মেরিলিন হ্যুসন; জে.পি. মোর্গানগী চেয়ারমেন অমসুং সি.ই.ও. শ্রী জেমি দিমোন; অমেরিকান তৱার কোর্পোরেসনগী সি.ই.ও. অমসুং ইন্দিয়া-য়ু.এস. সি.ই.ও. ফোরমগী কো-চেয়ার শ্রী জেম্স দি. তাইক্লেৎ; অমদি এপল, গুগল, মেরিয়োৎ. ভিজা, মাস্তরকার্দ, 3M, ৱারবর্গ পিনকস, এ.ই.কোম, রেথিয়োন, বেঙ্ক ওফ অমেরিকা, পেপসি অসিনচিংবশিংদগী মকোকথোংবা একজিক্যুতিবশিংনা শরুক য়াখি।

দি.পি.আই.আই.তি. অমসুং ইনভেস্ত ইন্দিয়ানা শিন্দুনা পাংথোকখিবা উন্নবগী থৌরমদা কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুশ গোয়ল অমসুং প্রমোসন ওফ ইন্দস্ত্রী এন্দ ইন্তরনেল ত্রেদ বিভাগ অমসুং মপাল থৌরম পুবা মন্ত্রালয়গী মকোকথোংবা ওফিসিয়েলশিং য়াওখি।

শরুক য়ারিবশিংনা ভারতনা ইনভেস্তরশিংগীদমক মতিকচাবা ফিভম অমা শেমগৎনবা ইজ ওফ দুয়িং বিজিনেসকী মায়কৈদা পায়খৎলিবা অমসুং রিফোর্ম কয়া অদুবু থাগৎপা ফোংদোকখি। বিজিনেসকী লুচিংবশিংনা প্রধান মন্ত্রীবু ইজ ওফ দুয়িং বিজিনেসতা মীৎয়েং অমা থম্বগা লোয়ননা অচেৎপা ৱারেপ লৌখিবা অমসুং ভারতপু ইনভেস্তর-ফ্রেন্দলী ওইহনবগীদমক তরাম্না ওকখি।

ভারত্তা মখোয়গী অকক্নবা থৌরাংশিং অদু সি.ই.ও.শিংনা তেনতক্না পাউদমখি অমসুং স্কিল দিবেলপমেন্ত, দিজিতেল ইন্দিয়া, মেক ইন ইন্দিয়া, ইনক্লুসিব গ্রোথ, গ্রীন ইনর্জী অমসুং ফাইনান্সিয়েল ইনক্লুজনগী মায়কৈদা ভারতনা হোৎনরিবশিংদা তেংবাংগনি হায়নসু ফোংদোকখি।

*******