ভারতকী প্রধানমন্ত্রী

মার্চ ৮-১০,২০২৪ দা প্রধান মন্ত্রী অসাম, অরুনাচল প্রদেস, নোংচুপ বেঙ্গল অমসুং উত্তর প্রদেসতা চৎকনি।

মার্চ ৮দা, প্রধান মন্ত্রী অসামদা চৎকনি। মার্চ ৯গী অয়ুক পুং ৫:৪৫ রোম তাবদা, প্রধান মন্ত্রী কজিরঙ্গ নেসনেল পার্কতা চৎকনি। অয়ুক পুং ১০:৩০ তাবদা, মহাক ইতানগরদা ‘বিকসিত ভারত বিকসিত নোর্থ ইস্ত’ থৌরম শরুক য়াগনি, মফম অদুনা মহাক্না লুপা করোর ১০,০০০ রোমগী উন্নাতি স্কিম লৈবাক মীয়ামদা কৎথোক্কনি অমসুং হৌদোক্কনি। থৌরম অদুদা মহাক্না, মনিপুর, মেঘালয়, নাগালেন্দ, সিক্কিম, ত্রিপুরা অমসুং অরুনাচল প্রদেসতা লুপা করোর ৫৫,৬০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

তুংদা, প্রধান মন্ত্রী নুমিৎয়ুংবা পুং ১২:১৫ রোম তাবদা জোরহাত্তা য়ৌগনি অমসুং শক্নাইরবা অহোম জেনেরেল লচিত বোরফুকানগী মীতম মাইখুম হাংদোক্কনি। মহাক্না জোরহাত্তা মীয়ামগী থৌরম অমা শরুক য়াগনি অমসুং অসামদা লুপা করোর ১৭,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

তুংদা, প্রধান মন্ত্রী নোংচুপ বেঙ্গলগী সিলিগুরিদা চৎকনি অমসুং নুংথিলগী পুং ৩:৪৫ রোম তাবদা মীয়ামগী থৌরম অমা শরুক য়াগনি। মহাক্না নোংচুপ বেঙ্গলদা লুপা করোর ৪৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুমিদাংৱাইরমগী পুং ৭ তাবদা প্রধান মন্ত্রী উত্তর প্রদেসকী বরানাসীদা থুংগনি। মহাক্না বরানাসীগী শ্রী কাসি বিশ্বানাথ লাইশঙদা দর্সন অমসুং পুজা পাংথোক্কনি।

মার্চ ১০দা, নুমিৎয়ুংবা পুং ১২ রোম তাবদা, প্রধান মন্ত্রীনা মীয়ামগী থৌরম অমা শরুক য়াগনি, মহাক্না উত্তর প্রদেসতা লুপা করোর ৪২,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুংথিল পুং ২:১৫ রোম তাবদা, প্রধান মন্ত্রী বরানাসীদা থুংগনি অমসুং ভিদিও কনফরেন্সকী খুৎথাংদা ছতিসগরদা মহাতারি বন্দনা য়োজনাগী মখাদা অহানবা ইন্সতোলমেন্ত য়েন্থোক্কনি।

অসামদা প্রধান মন্ত্রী

প্রধান মন্ত্রী য়ুনেস্কো ৱার্ল্দ হেরিতেচ সাইত অমা ওইরিবা কাজিরঙ্গ নেসনেল পার্ক অমসুং তাইগর রিজার্বতা চৎকনি। কাজিরঙ্গ নেসনেল পার্ক অসি মচি অমা খক পানবা শামুগন্দাশিংগীদমক মমিং চৎলি। পার্ক অসিদা শামুশিং, ইরোইশিং, শ্বাম্প দিয়ার অমসু কৈশু ফংলি।

প্রধান মন্ত্রীনা মুগলশিং মাইথিবা পীখিবা অসামগী অহোম লৈবাক্কী মমিং লৈরবা জেনেরেল লাচিত বোরফুকানগী ফিত ৮৪ ৱাংবা চিংলেম্লবা মীতম মাইখুম হাংদোক্কনি। প্রোজেক অসিদা লাচিত অমসুং তাই-অহোম মিউজম শাবা অমসুং সিতি ৫০০গী ফমফম লৈবা ওদিতোরিয়ম অমা শাবা য়াওরি। প্রোজেক অসি লাচিত বোরফুকানগী থৌনা থাগৎনবা অমসুং মহাক্কী মরমদা খঙবা হেনগৎহন্নবা থবক অমনি। মসিনা তুরিজমশু চাউখৎহনগনি অমসুং থবক ফংনবগী খুদোংচাবশিং হেনগৎহনগনি।

জোরহাত্তা পাংথোকপা মীয়ামগী থৌরম অমদা, প্রধান মন্ত্রীনা হকশেল, থাউ অমসুং গ্যাস, রেল অমসুং হাওসিং সেক্তরশিং মপাঙ্গল কনখৎহন্নবা তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

সিবসাগরদা মেদিকেল কলেজ অমসুং হোস্পিতাল অমসুং গুৱাহাতিদা হেমাতো-লিমফোইদ সেন্তর অমা য়াওনা প্রাইম মিনিস্তরস দিবলপমেন্ত ইনিসিয়েতিপ ফোর নোর্থ ইস্তর্ন রিজন(পি.এম-দিভাইন) স্কিমগী মখাদা প্রধান মন্ত্রীনা প্রোজেকশিং উরেপ-উয়ুং তমগনি। মহাক্না থাউ অমসুং গ্যাস সেক্তরগী মরুওইবা প্রোজেকশিং উরেপ-উয়ুং তমগনি। প্রোজেকশিং অসিগী মনুংদা দিগবোই রিফাইনরিগী কেপাসিতি এম.এম.তি.পি.এ(মিল্লিয়ন মেত্রিক তন পর এনম) ০.৬৫তগী ১দা হেনগৎহনবা; গুৱাহাতি রিফাইনরি পাকথোক-চাউথোকপা( এম এম তি পি এ ১.০ দগী ২.০)দা হেনগৎহনবা অমসুং কেতালাইতিক রিফোর্মিং য়ুনিত(সি আর য়ু) ইন্সতোল তৌবা; অমসুং বেতকুতচি(গুৱাহাতি) তর্মিনেল: ইন্দিয়ান ওইল কোর্পোরেসন লিমিতেদকী খুদোংচাবশিং হেনগৎহনবা অমসুং অতৈ কয়া য়াওরি।

প্রধান মন্ত্রীনা লৈবাক্কী মীয়ামদা কৎথোক্কদবা মরুওইবা প্রোজেকশিংগী মনুংদা তিনসুকিয়াদা অনৌবা মেদিকেল কলেজ অমসুং হোস্পিতাল; লুপা করোর ৩,৯৯২ চঙনা শেমগৎপা কিমি ৭১৮ শাংবা বরাউনি-গুৱাহাতি পাইপলাইন(প্রধান মন্ত্রী উর্জা গঙ্গা প্রোজেক্কী শরুক ) য়াওরি। প্রধান মন্ত্রীনা অপুনবা লুপা করোর ৮,৪৫০ রোম চঙনা প্রধান মন্ত্রী অৱাস য়োজনা-গ্রামিনগী মখাদা শাবা য়ুম লাখ ৫.৫ রোমশু শঙ্গাগনি।

প্রধান মন্ত্রীনা অসামদা লুপা করোর ১৩০০ হেনবগী মরুওইবা রেলৱে প্রোজেকশিং লৈবাক মীয়ামদা কৎথোক্কনি। হায়রিবা প্রোজেকশিংগী মনুংদা ধুপধারা-ছায়গাউন সেক্সন(নিউ বোঙ্গাইগাউন-গুৱাহাতি ভাইয়া গোলপারা দবল ওনখৎপা প্রোজেক্কী শরুক) অমসুং নিউ বোঙ্গাইগাউন-সোর্বুং সেক্সন(নিউ বোঙ্গাইগাউন-অগথোরি দবল ওনখৎপা প্রোজেক্কী শরুক) য়াওরি।

অরুনাচল প্রদেসতা প্রধান মন্ত্রী

ইতানগরদা পাংথোক্কদৌরিবা ‘বিকসিত ভারত বিকসিত নোর্থ ইস্ত’ থৌরমদা রেল, লম্বী, হকশেল, য়ুম, লাইরিক-লাইশু, ঙমখৈগী ইনফ্রাস্ত্রকচর, আই.তি, মৈ, থাউ অমসুং গ্যাসগুম্বা হিরমশিংগা মরী লৈনবা তোঙান-তোঙানবা চাউখৎ-থৌরাংগী থবকশিং হৌদোক্তুনা প্রধান মন্ত্রীনা চাউখৎপা অৱাং-নোংপোক্কী পান্দম হেন্না মপাঙ্গল কনখৎহনগনি।

থৌরম মনুংদা, প্রধান মন্ত্রীনা অৱাং-নোংপোক্কী অনৌবা উদোগ চাউখৎহন্নবা স্কিম উন্নাতি( উত্তর পুর্বা ত্রান্সফোর্মেতিপ ইন্দস্ত্রিলাইজেসন স্কিম) হৌদোক্কনি। স্কিম অসিনা অৱাং-নোংপোক্তা উদোগকী থবকশিং মপাঙ্গল কনখৎহনগনি,অনৌবা শেন থাদরক্কনি, অনৌবা মেনুফেকচরিং অমসুং সর্বিস য়ুনিতশিং লিংখৎপদা মতেং পাংগনি অমসুং অৱাং-নোংপোক রাজ্যশিংদা থবক ফংবা হেনগৎহনগনি। লুপা করোর ১০,০০০ রোমগী স্কিম অসি ভারতনা মপুংফানা শেন পুথোকপনি অমসুং অৱাং-নোংপোক্কী রাজ্য ৮ কোনশিল্লি।

স্কিম অসিনা কেপিতেল ইনভেস্তমেন্ত, ইন্তরেস্ত সবভেন্সনগী খুদোংচাবশিং অমসুং য়াবা ফংলবা য়ুনিতশিংদা মেনুফেকচরিং অমসুং সর্বিস লিঙ্ক ইন্সেন্তিপ অমা পীরি। খুদোংচাবা ফংবা য়ারবা য়ুনিতশিং লাইনা অমসুং মনুং-মপান নাইদনা রেজিস্তার তৌনবা পোর্তেল অমসু হাংদোক্লে। উন্নাতিনা উদোগ চাউখৎহনবদা মতেং পাংগনি অমসুং অৱাং-নোংপোক লমদমগী শেন-থুম চাউখৎহনবদা মতেং পাংগনি।

লুপা করোর ৮২৫ রোম চঙনা শেমগৎপা সেলা তন্নেল প্রোজেক অসি ইঞ্জিনিয়ারিংগী অঙকপা অমনি। মসিনা অরুনাচল প্রদেসতা বালিপারা-চারিদুয়ার-তৱাং লম্বী ফাওরগা তৱাং ফাওবা কুম্বী-কালেন নাইদনা চৎপা য়াবগী খুদোংচাবা পীগনি। মসি অনৌবা অস্ত্রেলিয়ান তেন্নেল্লিং মেথোদ শীজিন্নদুনা হুৎপনি অমসুং খ্বাইদগী ফবা অশোই-অঙাম থোক্তনবা খুদোংচাবশিং য়াওরে। প্রোজেক অসিনা লমদম অসিদা অয়াংবা অমসুং হেন্না নুংঙাইবা চৎথোক-চৎশিনগী লম্বী অমা পীবতা নত্তনা লৈবাক অসিগী লাল্লোংগী মরুওইবা অমসুনি। প্রধান মন্ত্রীনা ফেব্রুৱারি ২০১৯দা সেলা তেন্নেলগী উরেপ-উয়ুং তমখি।

প্রধান মন্ত্রীনা অরুনাচল প্রদেসতা লুপা করোর ৪১,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

প্রধান মন্ত্রীনা অরুনাচল প্রদেসকী লৱার দিবাং ভেল্লি জিলাদা দিবাং মল্তিপর্পজ হায়দ্রোপৱার প্রোজেককী উরেপ-উয়ুং তমগনি। লুপা করোর ৩১,৮৭৫ হেন্না চঙনা শাগদৌরিবা দাম অসি লৈবাক অসিদা খ্বাইদগী ৱাংবা দাম ওইরগনি। মসিনা মৈ পুথোক্কনি, ঈশিং ইচাউ হন্থহনবদা মতেং পাংগনি অমসুং থবক ফংনবগী খুদোংচাবশিং পীগনি অমসুং লমদম অসিগী শেন-থুম অমসুং খুন্নাই চাউখৎহনগনি।

উরেপ-উয়ুং তমগদৌরিবা অতোপ্পা মরুওইবা প্রোজেকশিংগী মনুংদা ‘ভাইব্রেন্ত ভিলেজ প্রোগ্রাম’গী মখাদা তোঙান-তোঙানবা লম্বী, ইনভাইরোনমেন্ত অমসুং তুরিজমগী প্রোজেকশিং; খ্বাইদগী নৌবা ইনফ্রাস্ত্রকচরগী খুদোংচাবশিংগী খুৎথাংদা মগুন লৈবা তাকপী-তম্বীবগী খুদোংচাবা পীনবা স্কুলশিংগী মরক্তগী স্কুল ৫০ গোল্দন জুব্লি স্কুলশিং ওনখৎপা; দোনয়ি-পোলো এয়রপোর্ত-নাহারলাগুন রেলৱে স্তেসন লম্বী লেন অনি ওইহনবা য়াওরি।

প্রধান মন্ত্রীনা অরুনাচল প্রদেসতা মীয়ামদা কৎথোক্কদৌরিবা মরুওইবা প্রোজেকশিংগী মনুংদা তোঙান-তোঙানবা লম্বীগী প্রোজেকশিং; জল জিবন মিসনগী প্রোজেক ১১০০ রোম, খুঙ্গং ৩০০ রোম কান্নবা পীনবা য়ুনিভর্সেল সর্বিস ওব্লিকেসন ফন্দ(য়ু এস ও এফ)কী মখাদা তেলিকোম তৱার ১৭০ য়াওরি। প্রধান মন্ত্রীনা লুপা করোর ৪৫০ রোম চঙনা প্রধান মন্ত্রী অৱাস য়োজনা(সহর অমসুং খুঙ্গং অনিমক)গী মখাদা শাবা য়ুম ৩৫,০০০ বেনিফিসরিশিংদা খুৎশীন্নগনি।

প্রধান মন্ত্রীনা মনিপুরদা লুপা করোর ৩৪০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। উরেপ-উয়ুং তমগদৌরিবা মরুওইবা প্রোজেকশিংগী মনুংদা নিলাকুথিদা য়ুনিতি মোল শানবা; মন্ত্রীপুখ্রিদা মনিপুর আই.তি এস.ই.জেৎকী প্রোসেসিং জোনগী ইনফ্রাস্ত্রকচর চাউখৎহনবা; অখন্নবা সাইকিয়াত্রিক কিয়ারগী খুদোংচাবা পীনবা লম্ফেলপাত্তা ফমুং ৬০গী স্তেৎ হোস্পিতাল শাবা; অমসুং ইম্ফাল ৱেস্ত জিলাদা মনিপুর তেক্নিকেল য়ুনিভর্সিতিগী ইনফ্রাস্ত্রকচর চাউখৎহনবা য়াওরি। প্রধান মন্ত্রীনা মনিপুরদা শঙ্গাগদৌরিবা প্রোজেকশিংগী মনুংদা তোঙান-তোঙানবা লম্বীগী প্রোজেকশিং অমসুং থক্নবা ঈশিং পীনবা প্রোজেকশিং য়াওরি।

প্রধান মন্ত্রীনা নাগালেন্দদা লুপা করোর ১৭,০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। উরেপ-উয়ুং তমগদৌরিবা মরুওইবা প্রোজেকশিংগী মনুংদা চুমৌকেদিমা জিলাদা য়ুনিতি মোল শাবা অমসুং দিমাপুরগী নগরজানদা কেভি ১৩২ সব-স্তেসনতা কেপাসিতি ত্রান্সফোর্মেসন ফগৎহনবা য়াওরি প্রধান মন্ত্রীনা চেন্দাং সেদ্দল-নোকলাক(ফেজ-১) লম্বী ফগৎহন্নবা প্রোজে অমসুং কোহিমা-জেসামি লম্বী য়াওনা অতোপ্পা লম্বীগী প্রোজেক কয়াসু শঙ্গাগনি।

প্রধান মন্ত্রীনা মেঘালয়দা লুপা করোর ২৯০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি  অমসুং উরেপ-উয়ুং তমগনি। উরেপ-উয়ুং তমগদৌরিবা মরুওইবা প্রোজেকশিংগী মনুংদা তুরাদা আই.তি পার্ক শাবা; অমসুং নিউ শিল্লোং তাউন্সিপতা অনৌবা লেন মরিগী লম্বী শেমগৎপা অমসুং হৌজিক লৈরিবা লেন অনিগী লম্বী লেন মরি ওনখৎপা য়াওরি। প্রধান মন্ত্রীনা অপ্পা শিল্লোংদা ফার্মরস হোস্তেল-কম-ত্রেনিং সেন্তরশু শঙ্গাগনি।

প্রধান মন্ত্রীনা সিক্কিমদা লুপা করোর ৪৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। প্রধান মন্ত্রীনা উরেপ-উয়ুং তমগদৌরিবা প্রোজেকশিংগী মনুংদা রঙপো রেলৱে স্তেসন অমুক হন্না শেমগৎপা অমসুং অতোপ্পা লম্বীগী প্রোজেকশিং য়াওরি। প্রধান মন্ত্রীনা সিক্কিমদা থারপু-দারামদিন শম্নবা অনৌবা লম্বী শঙ্গাগনি।

প্রধান মন্ত্রীনা ত্রিপুরাদা লুপা করোর ৮৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। উরেপ-উয়ুং তমগদৌরিবা মরুওইবা প্রোজেকশিংগী মনুংদা অগরতালা ৱেস্তর্ন বিপাস শাবা অমসুং রাজ্য শীনবা থুংনা তোঙান-তোঙানবা লম্বীগী প্রোজেকশিং; সেকেরকোতেদা ইন্দিয়ান ওইলগী অনৌবা দিপো শাবা; অমসুং নিশাদা লাইচুরবশিংগী খুন্দা-লৈতাহন্নবা ইন্তিগ্রেতেদ রিহেবিলিতেসন সেন্তর শাবা য়াওরি। প্রধান মন্ত্রীনা রাজ্য অসিদা শঙ্গাগদৌরিবা তোঙান-তোঙানবা প্রোজেকশিংগী মনুংদা খুঙ্গংগী য়ুমথোং লাখ ১.৪৬ তা তোতি ঈশিং ফংহন্নবা প্রোজেক অমসুং সাউথ ত্রিপুরা জিলাগী সাব্রুমদা লুপা করোর ২৩০ রোম চঙনা শাবা লেন্দ পোর্ত য়াওরি।

নৌনা শাবা সাব্রুম লেন্দ পোর্ত অসি ভারত অমসুং বাংলদেসকী মালেমগী ঙমখৈ পরিংদা শাবনি। লেন্দ পোর্ত অসিদা পেসেঞ্জর তর্মিনেল বিল্দিং, কার্গো এদমিনিস্ত্রেতিপ বিল্দিং, ৱায়ারহাওস, ফাইয়ার স্তেসন বিল্দিং, ইলেক্ত্রিকেল সবস্তেসন, পম্প হাওস য়াওরি। কনাগুম্বা মীওই অমনা কিমি ১৭০০ লাপ্না লৈরিবা নোংচুপ বেঙ্গলগী কলকাতা/হালদিয়া পোর্ত ফাওবা চৎপগী মহুত্তা কিমি ৭৫ লাপ্না লৈরিবা বাংলাদেসকী চিত্তাগোং পোর্ততা হকথেংননা মসিনা ভারত অমসুং বাংলাদেসকী মরক্তা পেসেঞ্জর চৎথোক-চৎশিন তৌবা অমসুং কার্গো পুথোক-পুশিনগী  খুদোংচাবা পীগনি।  সাব্রুম লেন্দ পোর্ত শানবা মার্চ ২০২১দা প্রধান মন্ত্রীনা উরেপ-উয়ুং তমখিবনি।

নোংচুপ বেঙ্গলদা প্রধান মন্ত্রী

প্রধান মন্ত্রীনা সিলিগুরিদা বিকসিত ভারত বিকসিত নোংচুপ বেঙ্গল থৌরম শরুক য়াগনি। মহাক্না থৌরম অসিদা লুপা করোর ৪৫০০ হেনবগী রেল অমসুং লম্বী সেক্তরগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং লৈবাক মীয়ামদা কৎথোক্কনি।

নোর্থ বেঙ্গল অমসুং অনকপা মফমশিং কান্নবা পীগদবা রেল লাইনশিং মৈ ফংহনবগী তোঙান-তোঙানবা প্রোজেকশিং প্রধান মন্ত্রীনা লৈবাক মীয়ামদা কৎথোক্কনি। প্রোজেকশিংগী মনুংদা ইকলাখি-বালুরঘাত সেক্সন; বারসোই-রাধিকাপুর সেক্সন; রানিগঞ্জ জলপাইগুরি-হালদিবারি সেক্সন; সিলিগুরি-অলুবারি সেক্সন ভাইয়া বাগদোগ্রা অমসুং সিলিগুরি-সিবোক-অলিপুরদুৱার জঙ্কসন-সামুকতালা(অলিপুরদুয়ার জঙ্কসন-নিউ কুচ বেহার য়াওনা) সেক্সন য়াওরি।

প্রধান মন্ত্রীনা লৈবাক মীয়ামদা কৎথোক্কদবা মরুওইবা রেলৱে প্রোজেকশিংগী মনুংদা মনিগ্রাম-নিমিতা সেক্সনদা রেলৱে লাইন দবল ওইহনবা অমসুং নিউ জলপাইগুরিদা ইলেক্ত্রোনিক ইন্তরলোক্কিং য়াওনা অম্বারি ফালাকাতা-অলুবারিদা ওতোমেতিক শিগ্নেল্লিং য়াওরি। প্রধান মন্ত্রীনা সিলিগুরি অমসুং রাধিকাপুরদা অনৌবা পেসেঞ্জর ত্রেন অমশু লমথাগনি। হায়রিবা রেল প্রোজেকশিং অসিনা রেল কন্নেক্তিবি ফগৎহনগনি, ফ্রেদ পুথোক-পুশিন লৈহনগনি অমসুং লমদম অসিদা থবক ফংবা অমসুং শেন-থুম চাউখৎহনবদা মতেং পাংগনি।

প্রধান মন্ত্রীনা নোংচুপ বেঙ্গলদা লুপা করোর ৩,১০০ রোমগী নেসনেল হায়ৱে প্রোজেক অনি শঙ্গাগনি। প্রোজেকশিংগী মনুংদা এন.ঐচ-২৭গী ঘোসপুকুর-ধুপগুরি সেক্সন লেন মরি ওইহনবা অমসুং এন.ঐচ-২৭দা ইস্লামপুর বাইপাস লেন মরি ওইহনবা য়াওরি। ঘোসপুকুর-ধুপগুরি সেক্সন অসি নোংপোক ভারতকা ভারতকী অতৈ মফমশিংগা শম্নবা নোর্থ-সাউথ ত্রান্সপোর্ত কোরিদোরগী শরুকনি। সেক্সন অসি লেন মরি ওইহনবা অসিনা নোর্থ বেঙ্গল অমসুং অৱাং-নোংপোক লমদমশিংগী মরক্তা চৎথোক-চৎশিন হেন্না নুংঙাইহনগনি। ইস্লামপুর বাইপাস লেন মরি ওইহনবা অসিনা ইস্লামপুর তাউন মী চিনবা হন্থহনবদা মতেং পাংগনি। লম্বীগী প্রোজেকশিং অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।

উত্তর প্রদেসতা প্রধান মন্ত্রী

প্রধান মন্ত্রীনা উত্তর প্রদেসতা লুপা করোর ৪২,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

লৈবাক অসিগী এভিএসন সেক্তরদা অচৌবা ইনোৎ অমা ওইনা, প্রধান মন্ত্রীনা লৈবাক শীনবা থুংবগী লুপা করোর ৯৮০০ হেনবগী  এয়রপোর্ত প্রোজেক ১৫ শঙ্গাগনি অমসুং উরেপ-উয়ুং তমগনি। মহাক্না পুনে, কোলহাপুর, গ্বালিয়র, জবলপুর, দিল্লি, লাখনৌ, অলিগর, অজামগর, চিত্রাকুত, মোরাদবাদ, শ্রাবাস্তি অমসুং এদামপুর এয়রপোর্তশিংগী অনৌবা তর্মিনেল বিল্দিং ১২ শঙ্গাগনি। প্রধান মন্ত্রীনা কাদাপা, হুববাল্লী অমসুং বেলাগাবি এয়রপোর্তশিংগী অনৌবা তর্মিনেল বিল্দিং অহুমশু উরেপ-উয়ুং তমগনি। 

অনৌবা তর্মিনেল বিল্দিংশিং চহি অমদা পেসেঞ্জর লাখ ৬২০ পাইথোক-পাইশিন তৌবা য়াগনি অমসুং উরেপ-উয়ুং তমখিবা তর্মিনেল বিল্দিং অহুম অসি শাবা হেক লোইবগা, হায়রিবা এয়রপোর্ত অসিদা চহিদা পেসেঞ্জর লাখ ৯৫ হেনগৎলক্কনি। হায়রিবা তর্মিনেল বিল্দিংশিং অসিদা খ্বাইদগী ফবা অনৌবা পেসেঞ্জরগী খুদোংচাবশিং য়াওরে অমসুং দবল ইন্সুলেতেদ রুফিং সিস্তেম, মৈ চাদনবা কেনোপিশিং, এল.ই.দি লাইত্তিং য়াওনা তুংকোইনা চৎনবা য়ারবা খুদোংচাবশিং য়াওরে। রাজ্য অমসুং সহরগী হেরিতেচ স্ত্রকচরকী মচাকশিংদগী লৌরগা অমসুং ইথিল ফংদুনা হায়রিবা এয়রপোর্তশিং অসি দিজাইন তৌবনি অমসুং মসিদা লমদম অদুগী নাৎ অমসুং হেরিতেচ মমি তারি।

প্রধান মন্ত্রীনা মরুওইনা লৌরিবা হিরম অমদি মীওই খুদিংমক য়ুম লৈহনবা অসিনি। মহাক্কী পান্দমনা লমজিংদুনা, মসি ফংনবা অনৌবা পাম্বৈ অমা ওইনা লাইতহাওস প্রোজেক শেমগৎলকপনি। প্রধান মন্ত্রীনা লাখনৌ অমসুং রাঞ্চিদা লাইত হাওস প্রোজেক(এল ঐচ পি) শঙ্গাগনি অমসুং মসিদা অনৌবা ইনফ্রাস্ত্রকচর য়াওরবা মমল হোংবা ফ্লেত ২০০০ হেন্না লৈরে। হায়রিবা লাইত হাওস প্রোজেকশিংদা অনৌবা য়ুম শানবা তেক্নোলোজি শীজিন্নবা অসিনা ইমুংশিং তুংকোইনা চৎনবা য়াবা অমসুং লৈবদা নুংঙাইবা অমা ফংহনগনি। মমাঙদা, প্রধান মন্ত্রীনা অসিগুম্বা লাইত হাওস প্রোজেকশিং চেন্নাই, রাজকোত অমসুং ইন্দোরদা শঙ্গাখ্রে। হায়রিবা লাইত হাওস প্রোজেকশিং অসি প্রধান মন্ত্রীনা জনুৱারি ২০২১দা উরেপ-উয়ুং তমখিবনি।

লাইত হাওস প্রোজেক্কীদমক, জর্মনিগী প্রিকাস্ত কনক্রিত কন্সত্রক্সন সিস্তেম-৩দি ভোলুমেত্রিক তেক্নোলোজি শীজিন্নরে। লাইত হাওস প্রোজেক রাঞ্চিগী তোপ-তোপ্পা শক্তম অমনা কা অমমম তোখাইনা শাবা অসিনি অমসুং অপুনবা য়ুম অসি লেগো ব্লোক শান্নপোৎশিংগুম হাপচিনবা অসিনি। লাইত হাওস প্রোজেক লাখনৌ অসি প্রি-ইঞ্জিনিয়ার স্তিল স্ত্রকচরেল সিস্তেমগা লোয়ননা কনাদাগী স্তে ইন প্লেস পি.ভি.সি ফোর্মৱার্ক শীজিন্নরি।

প্রধান মন্ত্রীনা উত্তর প্রদেসতা লুপা করোর ৪২,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। মীয়ামদা কৎথোক্কদবা প্রোজেকশিংগী মনুংদা লাখনৌ রিং রোদ লেন মরি ওইহন্নবা পেকেজ অহুম অমসুং এন.ঐচ-২গী চাকেরি-এল্লাহবাদ সেক্সন লেন তরুক ওইহনবা য়াওরি। প্রধান মন্ত্রীনা উরেপ-উয়ুং তমগদৌরিবা প্রোজেকশিংগী মনুংদা রামপুর-রুদ্রাপুরগী ৱেস্তর্ন সাইদ স্পুর লেন মরি ওইহনবা; কানপুর রিং রোদ লেন তরুক ওইহন্নবা পেকেজ অনি অমসুং এন.ঐচ-২৪বি/এন.ঐচ-৩০গী রাইবারেলি-প্রায়াগ্রাজ সেক্সন লেন মরি ওইহনবা য়াওরি। হায়রিবা লম্বীগী প্রোজেকশিং অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।

প্রধান মন্ত্রী গ্রাম সরক য়োজনাগী মখাদা লুপা করোর ৩৭০০ হেন্না চঙনবা পায়খৎপা খুঙ্গংগী লম্বীগী প্রোজেক ৭৪৪ লৈবাক মীয়ামদা কৎথোক্কনি। হায়রিবা প্রোজেকশিং অসিনা উত্তর প্রদেসতা কিমি ৫,৪০০ হেনবগী খুঙ্গংগী লম্বীশিং শেমগৎতুনা রাজ্য অসিগী জিলা ৫৯ রোম কান্নবা পীগনি। প্রোজেক অসিনা লমদম অসিদা উদোগ অমসুং শেন-থুম চাউখৎহনবদা ইনোৎ পীগনি।

থৌরম অসিদা, প্রধান মন্ত্রীনা লুপা করোর ৮২০০ রোমগী তোঙান-তোঙানবা রেলৱে প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি অমসুং মসিনা উত্তর প্রদেসতা রেল ইনফ্রাস্ত্রকচর ফগৎহনগনি। মহাক্না মরুওইবা রেল সেক্সনশিং দবল ওইহনবা অমসুং মৈ ফংহনবগী প্রোজেকশিং মীয়ামদা কৎথোক্কনি। মহাক্না লৈবাক মীয়ামদা ভাতনি-পিওকোল বাইপাস লাইন কৎথোক্কনি অমসুং মসিনা ভাতনিদা ইঞ্জিন লৈথোক-লৈশিনগী খুদোংচাদবা কোকহল্লগনি অমসুং ত্রেনশিং নুংঙাইনা চেনবা য়াহল্লগনি। প্রধান মন্ত্রীনা বাহরাইচ-নানপারা-নেপালগঞ্জ রোদ রেল সেক্সন গেজ ওনখৎনবগীদমক উরেপ-উয়ুং তমগনি।

মসিগী প্রোজেক অসি লোইশিল্লবা মতুংদা, লমদম অসি ব্রোদ গেজ লাইন অমগী খুৎথাংদা মেত্রো সহরশিংগা শম্নরগনি অমসুং মসিনা চাউখৎপা য়াংখৎহল্লগনি। প্রধান মন্ত্রীনা ঘাজিপুর সহর অমসুং ঘাজিপুর ঘাত্তগী তারিঘাত ফাওবা অনৌবা রেল লাইন অমা অমসুং গঙ্গা তুরেলগী মথক্তা অনৌবা রেল থোং অমা শঙ্গাগনি। মহাক্না ঘাজিপুর সিতি-তারিঘাত-দিলদার নগর জঙ্কসনগী মরক্তা মেমু ত্রেন সর্বিস লমথাগনি।

মখা তানা, প্রধান মন্ত্রীনা তোঙান-তোঙানবা সিৱেজ ত্রিৎমেন্ত প্লান্তশিং অমসুং প্রায়াগ্রাজ, জাউনপুর অমসুং ইতাৱাদা অতোপ্পা প্রোজেকশিং শঙ্গাগনি অমসুং মীয়ামদা কৎথোক্কনি।

মহাতারি বন্দনা য়োজনা

ছতিসগরদা নুপীশিংদা শক্তি পীবা হেনগৎহন্নবা, প্রধান মন্ত্রীনা ছতিসগরদা মহাতারি বন্দনা য়োজনাগী মখাদা অহানবা ইন্সতোলমেন্ত য়েন্থোক্কনি। ছতিসগরদা হৌদোক্কদৌরিবা স্কিম অসিনা রাজ্য অসিগী য়ুমপাল্লবী নুপীশিংদা থাগী দি.বি.তি ওইনা থা অমদা লুপা ১০০০গী শেন্থং পীগনি। মসিনা নুপীশিংগী শেন-থুমগী ফিবম ফগৎহন্নবা, শেন-থুমগী অৱাৎপা লৈহন্দনবা, নুপা-নুপী থোং মান্নবা হেনগৎহন্নবা অমসুং ইমুংদা নুপীশিংগী ৱারেপ লৌবগী মপাঙ্গল হেনগৎহন্নবা পান্দম থম্লি।

স্কিম অসিনা জনুৱারি ১,২০২৪ ফাওবা চহি ২১গী মথক্তা লৈরবা রাজ্য অসিগী য়ুমপাল্লবী নুপীশিংদা খুদোংচাবশিং পীগনি। স্কিম অসিদা লুখ্রাবীশিং, মপামদা হল্লক্লবীশিং অমসুং মপুরোইবনা হুন্দোক্লম্লবী নুপীশিং শরুক য়াবা য়াগনি। স্কিম অসিদগী চাউরাক্না নুপী লাখ ৭০ কান্নবা ফংগনি।

***